ಗರ್ಭಾವಸ್ಥೆಯಲ್ಲಿ ವಾಕರಿಕೆ ಶಮನಕ್ಕೆ ಮನೆ ಮದ್ದು ರಾಮಬಾಣ

ಸಲಹೆ #1 ಹಸಿಶುಂಠಿ ಬಳಸಿ

ವಾಕರಿಕೆಯನ್ನು ಕಡಿಮೆಗೊಳಿಸಲು ಹಸಿಶುಂಠಿಯನ್ನು ಬೆರೆಸಿ ಕುದಿಸಿದ ಟೀ ತಯಾರಿಸಿ ನಿಧಾನವಾಗಿ ಗುಟುಕರಿಸಿ. ಜೊತೆಗೇ ದಿನದಲ್ಲಿ ಹಸಿಶುಂಠಿಯ ಚಿಕ್ಕ ತುಂಡೊಂದನ್ನು ದಿನದಲ್ಲಿ ಎರಡು ಅಥವಾ ಮೂರು ಬಾರಿ ಜಗಿದು ರಸ ನುಂಗಿ.ಬೆಕ್ಕಸ ಬೆರಗಾಗಿಸುವ ಹಸಿ ಶುಂಠಿಯ ಕಾರುಬಾರು...!

ಸಲಹೆ #2 ಲಿಂಬೆಯ ಪರಿಮಳ ಆಸ್ವಾದಿಸಿ

ಒಂದು ಲಿಂಬೆಹಣ್ಣನ್ನು ನಿಮ್ಮ ಬಳಿಯೇ ಇರಿಸಿ ಪ್ರತಿ ಹತ್ತು ಹದಿನೈದು ನಿಮಿಷಕ್ಕೊಮ್ಮೆ ಅಥವಾ ಯಾವಾಗ ವಾಕರಿಕೆ ಅನ್ನಿಸುತ್ತದೆಯೋ ಆಗ ಲಿಂಬೆಯ ಪರಿಮಳವನ್ನು ಆಸ್ವಾದಿಸಿ. ಇದರಿಂದ ವಾಕರಿಕೆ ತಕ್ಷಣ ಕಡಿಮೆಯಾಗುತ್ತದೆ.

ಸಲಹೆ #3 ಹಸಿ ತರಕಾರಿ ಸೇವಿಸಿ

ಹಸಿ ತರಕಾರಿಗಳಲ್ಲಿ ಸಾಕಷ್ಟು ಆಂಟಿ ಆಕ್ಸಿಡೆಂಟುಗಳು ಮತ್ತು ಉತ್ತಮ ಪ್ರಮಾಣದ ನಾರು ಇದೆ. ನಿಮ್ಮ ವೈದ್ಯರ ಸಲಹೆ ಪಡೆದು ನಿಮ್ಮ ಆರೋಗ್ಯಕ್ಕೆ ಸೂಕ್ತವಾದ ಹಸಿ ತರಕಾರಿಗಳು ಯಾವುವು ಎಂಬುದನ್ನು ತಿಳಿದುಕೊಂಡು ನಿಮ್ಮ ನಿತ್ಯದ ಆಹಾರದ ಜೊತೆ ಸಾಕಷ್ಟು ಪ್ರಮಾಣದಲ್ಲಿ ಸೇವಿಸಿ.

ಸಲಹೆ #4 ಸೂಪ್ ಸೇವಿಸಿ

ಒಂದು ವೇಳೆ ನೀವು ಸಸ್ಯಾಹಾರಿಯಾಗಿದ್ದರೆ ಟೊಮಾಟೋ ಅಥವಾ ಇತರ ಯಾವುದಾದರೂ ಸಸ್ಯಾಹಾರಿ ಸೂಪ್ ಮಾಂಸಾಹಾರಿಯಾಗಿದ್ದರೆ ಮೂಳೆಗಳ ಸೂಪ್ ತಯಾರಿಸಿ ಕುಡಿಯಿರಿ.

ಸಲಹೆ #5 ಯಾವುದೇ ಹೊತ್ತಿನ ಊಟ ಬಿಡಬೇಡಿ

ದಿನಕ್ಕೆ ಕನಿಷ್ಠ ಮೂರು ಹೊತ್ತಿನ ಊಟವನ್ನು ಮಾಡಲೇಬೇಕು. ಅಲ್ಲದೇ ಚಿಕ್ಕ ಪ್ರಮಾಣದಲ್ಲಿ ಇತರ ಹೊತ್ತಿನಲ್ಲಿಯೂ ಸೇವಿಸುತ್ತಿರಿ. ಒಟ್ಟಾರೆ ನಿಮಗೆ ಹಸಿವು ಬಾಧಿಸಬಾರದು. ದಿನವಿಡೀ ಸಾಕಷ್ಟು ನೀರು ಕುಡಿಯಿರಿ ಹಾಗೂ ನಡುನಡುವೆ ಕಪ್ಪು ಟೀ ಸೇವಿಸುತ್ತಿರಿ.

ಸಲಹೆ #6 ಆರೋಗ್ಯಕರ ಆಹಾರ ಸೇವಿಸಿ

ನಿಮ್ಮ ಆಹಾರದಲ್ಲಿ ಕೊಬ್ಬರಿ ಎಣ್ಣೆ, ಆಲಿವ್ ಎಣ್ಣೆ, ಬೆಣ್ಣೆಹಣ್ಣು, ವಿವಿಧ ಒಣಫಲಗಳು, ಬೀಜಗಳು ಮತ್ತು ಕೊಂಚ ಪ್ರಮಾಣದಲ್ಲಿ ಕೊಬ್ಬಿನ ಆಹಾರಗಳನ್ನೂ ಸೇವಿಸಿ.