ಗರ್ಭಾವಸ್ಥೆಯಲ್ಲಿ ಬೆಳಗ್ಗೆ ಕಾಡುವ ಸುಸ್ತು

Pre Natal

oi-Reena

By Hema S

Published: Thursday, May 17, 2012, 11:39 [IST]

ಗರ್ಭಿಣಿಯಾದ ಮೊದಲ 3 ತಿಂಗಳಿನಲ್ಲಿ ವಾಂತಿ ಸಮಸ್ಯೆ ಹೆಚ್ಚಿನವರಲ್ಲಿ ಕಂಡುಬರುತ್ತದೆ. ಈ ರೀತಿ ತಿಂದಿದ್ದೆಲ್ಲ ವಾಂತಿ ಮಾಡಿಕೊಳ್ಳುವುದರಿಂದ ಸುಸ್ತು ಕಾಣಿಸಿಕೊಳ್ಳುವುದು. ಏನೂ ತಿನ್ನಬೇಡ ಅನಿಸುತ್ತಿರುತ್ತದೆ. ತಿಂದರೆ ವಾಂತಿಯಾಗುತ್ತದೆ ಎಂದು ಹೆದರಿ ಹೆಚ್ಚಿನವರು ತಿನ್ನುವುದಕ್ಕೇ ಹೆದರುತ್ತಾರೆ. ಆದರೆ ಈ ರೀತಿ ಮಾಡಿದರೆ ದೇಹಕ್ಕೆ ಸರಿಯಾದ ರೀತಿಯಲ್ಲಿ ಪೋಷಕಾಂಶಗಳು ದೊರೆಯದೆ ಮಗು ಮತ್ತು ತಾಯಿಯ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀಳುವುದು.

ಆದ್ದರಿಂದ ಬೆಳಗ್ಗೆ ಕಾಣಿಸಿಕೊಳ್ಳುವ ವಾಂತಿ ಮತ್ತು ಸುಸ್ತನ್ನು ತಡೆಗಟ್ಟಿ ಆರೋಗ್ಯವನ್ನು ರಕ್ಷಿಸಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸುವುದು ಒಳ್ಳೆಯದು.

1. ಬೆಳಗ್ಗೆ ತಿನ್ನದೆ ಇರಬಾರದು: ಬೆಳಗ್ಗೆ ತಿನ್ನದೆ ಇರುವುದರಿಂದ ಹೊಟ್ಟೆಯಲ್ಲಿ ಆಸಿಡ್ ಉತ್ಪತ್ತಿ ಅಧಿಕಯಾಗುವುದು.ಇದರಿಂದಾಗಿ ಹೊಟ್ಟೆನೋವು ಉಂಟಾಗುವುದು, ಬಾಯಲ್ಲಿ ಕಹಿ ನೀರು ಬಂದು ವಾಂತಿ ಬಂದ ಹಾಗೇ ಅನಿಸುವುದು.

2. ಆಗಾಗ ತಿನ್ನುತ್ತಿರಬೇಕು: ಸ್ವಲ್ಪ-ಸ್ವಲ್ಪ ಆಹಾರವನ್ನು ಆಗಾಗ ತಿನ್ನುತ್ತಿರಬೇಕು. ವಾಂತಿ ಮಾಡಿದರೂ ಚಿಂತೆಯಿಲ್ಲ, ತಿನ್ನುತ್ತಿದ್ದರೆ ಅಷ್ಟು ಸುಸ್ತು ಅನಿಸುವುದಿಲ್ಲ.

3. ದೇಹದಲ್ಲಿ ನೀರಿನಂಶ: ವಾಂತಿ ಮಾಡುವುದರಿಂದ ದೇಹದಲ್ಲಿ ನೀರಿನಂಶ ಕಡಿಮೆಯಾಗುವುದು. ಆದ್ದರಿಂದ ಸಾಕಷ್ಟು ನೀರು ಕುಡಿಯಬೇಕು. ನಿಂಬೆ ಹಣ್ಣಿನ ಜ್ಯೂಸ್, ಕಿತ್ತಳೆ ಜ್ಯೂಸ್ ಮಾಡಿ ಕುಡಿಯುವುದು ಒಳ್ಳೆಯದು.

4. ಖಾರ: ತುಂಬಾ ಖಾರವಿರುವ ಆಹಾರವನ್ನು ತಿನ್ನಬಾರದು. ಪಪ್ಪಾಯಿ ಹಣ್ಣು ತಿನ್ನಬಾರದು.

5. ಶುಂಠಿ: ಶುಂಠಿ ರಸ, ಶುಂಠಿ ಕಾಫಿ ಮಾಡಿ ಕುಡಿಯುವುದು ಒಳ್ಳೆಯದು.

6. ಸ್ವ ಚಿಕಿತ್ಸೆ: ಮೆಡಿಕಲ್ ಶಾಪ್‌ಗಲ್ಲಿ ಸಿಗುವ ಮಾತ್ರೆಗಳನ್ನು ತಂದು ಸ್ವಚಿಕಿತ್ಸೆ ಮಾಡಲು ಹೋಗಬಾರದು. ಆರೋಗ್ಯಕರ ಆಹಾರಕ್ರಮ ಪಾಲಿಸಬೇಕು.