ಗರ್ಭಿಣಿಯರಿಗೆ ಕಾಡುವ ಕೂದಲುದುರುವ ಸಮಸ್ಯೆ! ಆರೈಕೆ ಹೇಗೆ?

ವಿನ್ಯಾಸ ಬೇಡ

ಗರ್ಭಧಾರಣೆ ಸಮಯದಲ್ಲಿ ಕೂದಲಿಗೆ ಅತಿಯಾಗಿ ವಿನ್ಯಾಸ ಮಾಡಬೇಡಿ. ಬ್ಲೋ ಡ್ರೈಯಿಂಗ್, ಸ್ಟ್ರೇಟ್ನಿಂಗ್ ಮತ್ತು ಬಣ್ಣ ಕೊಡುವಂತಹ ಇತರ ಉತ್ಪನ್ನಗಳನ್ನು ಬಳಸಿಕೊಳ್ಳುವುದು ಕೋಶಗಳಿಗೆ ತುಂಬಾ ಹಾನಿಯುಂಟು ಮಾಡಲಿದೆ. ಈ ಸಮಯದಲ್ಲಿ ಹೇರ್ ಸೇರಮ್ ಮತ್ತು ಇತರ ಕೆಲವೊಂಧು ಕಾಸ್ಮೆಟಿಕ್ ಬಳಸುವುದನ್ನು ನಿಲ್ಲಿಸಿ.

ಎಣ್ಣೆ

ಗರ್ಭಧಾರಣೆ ಸಮಯದಲ್ಲಿ ಕೂದಲಿಗೆ ಸರಿಯಾಗಿ ಎಣ್ಣೆ ನೀಡುವುದು ಅತೀ ಅಗತ್ಯವಾಗಿದೆ. ದೇಹದಂತೆ ಕೂದಲಿಗೆ ಕೂಡ ಸರಿಯಾದ ಆರೈಕೆ ಮತ್ತು ಬುಡಕ್ಕೆ ಪೋಷಕಾಂಶ ಬೇಕಾಗುವುದು. ಮಲಗುವ ಮೊದಲು ವಾರದಲ್ಲಿ ಎರಡು ಸಲ ಕೂದಲಿಗೆ ಎಣ್ಣೆ ಹಾಕಿಕೊಳ್ಳಿ. ಇದು ಕೂದಲಿಗೆ ಸರಿಯಾದ ಪೋಷಣೆ ನೀಡುವುದು.

ರಾಸಾಯನಿಕಯುಕ್ತ ಕಾಸ್ಮೆಟಿಕ್ ಬಳಸಬೇಡಿ

ಮಹಿಳೆಯರು ಹೆಚ್ಚಾಗಿ ಕಾಸ್ಮೆಟಿಕ್ ಬಳಸುವುದು ಸಾಮಾನ್ಯ. ಆದರೆ ಗರ್ಭಧಾರಣೆ ಸಮಯದಲ್ಲಿ ಇಂತಹ ಕಾಸ್ಮೆಟಿಕ್ ಬಳಸುವುದನ್ನು ನಿಲ್ಲಿಸಬೇಕು. ಇದರಲ್ಲಿ ಇರುವಂತಹ ರಾಸಾಯನಿಕಗಳು ಗರ್ಭಧಾರಣೆ ಸಮಯದಲ್ಲಿ ಮಹಿಳೆಯರಿಗೆ ಹಾನಿ ಉಂಟು ಮಾಡಬಹುದು.

ಆರೋಗ್ಯಕರ ಆಹಾರ

ಗರ್ಭಧಾರಣೆ ಸಮಯದಲ್ಲಿ ಮಹಿಳೆಯರು ಆರೋಗ್ಯಕರ ಆಹಾರ ಕ್ರಮ ಪಾಲಿಸಿಕೊಂಡು ಹೋಗಬೇಕು. ಪೋಷಕಾಂಶಗಳು ಹೆಚ್ಚು ಇರುವಂತಹ ಆಹಾರವನ್ನು ಮಹಿಳೆಯರು ಸೇವಿಸಬೇಕು. ಇದು ತಾಯಿ ಹಾಗೂ ಮಗುವಿನ ಬೆಳವಣಿಗೆಗೆ ಒಳ್ಳೆಯದು. ಸೇವಿಸುವಂತಹ ಆಹಾರದಲ್ಲಿ ಪ್ರಮುಖ ವಿಟಮಿನ್ ಗಳು ಹಾಗೂ ಖನಿಜಾಂಶಗಳು ಇದ್ದರೆ ಅದರಿಂದ ತಾಯಿಯ ಕೂದಲು ಉದುರುವ ಸಮಸ್ಯೆ ಕಡಿಮೆಯಾಗುವುದು ಮಾತ್ರವಲ್ಲದೆ ಮಗುವಿನ ಬೆಳವಣಿಗೆಗೆ ನೆರವಾಗುವುದು.

ಧ್ಯಾನ

ಗರ್ಭಧಾರಣೆ ವೇಳೆ ಮಹಿಳೆಯರು ಮಾನಸಿಕ ಒತ್ತಡಕ್ಕೆ ಒಳಗಾಗುವುದು ಸಹಜ. ಇಂತಹ ಸಮಯದಲ್ಲಿ ಕೂದಲು ಉದುರಬಹುದು. ಇದಕ್ಕಾಗಿ ಒತ್ತಡ ಕಡಿಮೆ ಮಾಡಲು ಧ್ಯಾನ ಮಾಡಬೇಕು. ಒತ್ತಡಮುಕ್ತ ಜೀವನ ಸಾಗಿಸುವಲ್ಲಿ ಧ್ಯಾನವು ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ಭಾವನೆಗಳಲ್ಲಿ ಬದಲಾವಣೆಗಳು ಆಗುವುದು ಕೂಡ ಒತ್ತಡದ ಮಟ್ಟ ಹೆಚ್ಚಾಗಲು ಕಾರಣವಾಗಿದೆ. ಇದರಿಂದ ಗರ್ಭಧಾರಣೆ ವೇಳೆ ಒತ್ತಡಕ್ಕೆ ಒಳಗಾಗದೆ ಆರಾಮವಾಗಿದ್ದರೆ ತುಂಬಾ ಒಳ್ಳೆಯದು.