ಮಹಿಳೆಯರಲ್ಲಿ 'ಫಲವಂತಿಕೆ' ಹೆಚ್ಚಿಸುವ ಮನೆಮದ್ದುಗಳು

ಅಗತ್ಯವಿರುವ ಸಾಮಾಗ್ರಿಗಳು

* ಬೆಣ್ಣೆಹಣ್ಣಿನ ತಿರುಳು - ಮೂರು ದೊಡ್ಡ ಚಮಚ

* ಆಲಿವ್ ಎಣ್ಣೆ - ಒಂದು ದೊಡ್ಡಚಮಚ

ಶೀಘ್ರವೇ ಶುಭಸುದ್ದಿಯನ್ನು ಪಡೆಯಬಹುದು!

ಮಹಿಳೆಯರಲ್ಲಿ ಫಲವಂತಿಕೆಯನ್ನು ಹೆಚ್ಚಿಸಲು ಈ ಸಾಮಾಗ್ರಿಗಳು ಅತ್ಯುತ್ತಮವಾಗಿದ್ದು ನಿಯಮಿತವಾಗಿ ಸೇವಿಸುವ ಮೂಲಕ ಶೀಘ್ರವೇ ಶುಭಸುದ್ದಿಯನ್ನು ಪಡೆಯಬಹುದು.

ಪೌಷ್ಟಿಕ ಆಹಾರವನ್ನೂ ಸೇವಿಸಬೇಕು

ಬರೆಯ ಈ ಸಾಮಾಗ್ರಿಗಳನ್ನು ಸೇವಿಸಿದರೆ ಮಾತ್ರ ಸಾಲದು, ಬದಲಿಗೆ ಮಹಿಳೆ ಉತ್ತಮ ಆರೋಗ್ಯವನ್ನು ಕಾಪಾಡಿಕೊಂಡು ಪೌಷ್ಟಿಕ ಆಹಾರವನ್ನೂ ಸೇವಿಸಬೇಕು. ಸಾಕಷ್ಟು ವ್ಯಾಯಾಮ, ಒತ್ತಡರಹಿತ ಜೀವನ ಹಾಗೂ ಫಲವಂತಿಕೆ ನೀಡುವ ಸಮಯದಲ್ಲಿ ಹೆಚ್ಚಿನ ಸಮಾಗಮವೂ ಅವಶ್ಯವಾಗಿದೆ.

ಬೆಣ್ಣೆಹಣ್ಣು

ಬೆಣ್ಣೆಹಣ್ಣಿನಲ್ಲಿ ಹೆಚ್ಚಿನ ಪ್ರಮಾಣದ ಒಮೆಗಾ-3- ಕೊಬ್ಬಿನ ಆಮ್ಲಗಳಿದ್ದು ಇವು ಮಹಿಳೆಯರಲ್ಲಿ ಅಂಡಾಣುವಿನ ಗುಣಮಟ್ಟವನ್ನು ಉತ್ತಮಗೊಳಿಸುತ್ತದೆ. ಈ ಮೂಲಕ ಅಂಡಾಣು ಫಲಿತಗೊಳ್ಳುವ ಸಾಧ್ಯತೆ ಅಪಾರವಾಗಿ ಹೆಚ್ಚುತ್ತದೆ. ಬೆಣ್ಣೆ ಹಣ್ಣಿನಲ್ಲಿ ಅಡಗಿದೆ-ಬೆಣ್ಣೆಯಂತಹ ಸೌಂದರ್ಯ!

ಆಲಿವ್ ಎಣ್ಣೆ

ಆಲಿವ್ ಎಣ್ಣೆ ಸಹಾ ಮಹಿಳೆಯರಲ್ಲಿ ಫಲವಂತಿಕೆಯನ್ನು ಹೆಚ್ಚಿಸಲು ಸಹಕರಿಸುತ್ತದೆ. ಇದರಲ್ಲಿ ವಿಟಮಿನ್ ಇ ಹೆಚ್ಚಿನ ಪ್ರಮಾಣದಲ್ಲಿದ್ದು ಮಹಿಳೆಯರ ದೇಹದಲ್ಲಿ ಪ್ರೊಜೆಸ್ಟರಾನ್ ಎಂಬ ರಸದೂತವನ್ನು ಹೆಚ್ಚು ಸ್ರವಿಸಲು ನೆರವಾಗುವ ಮೂಲಕ ಗರ್ಭ ನಿಲ್ಲಲು ಸಹಕರಿಸುತ್ತದೆ.ಮಲಬದ್ಧತೆ ಸಮಸ್ಯೆಗೆ 'ಆಲೀವ್ ಎಣ್ಣೆ'ಯೇ ದಿವ್ಯೌಷಧ

ತಯಾರಿಸುವ ವಿಧಾನ

*ಮೇಲೆ ತಿಳಿಸಿದ ಸಾಮಾಗ್ರಿಗಳನ್ನು ಒಂದು ಚಿಕ್ಕ ಬೋಗುಣಿಯಲ್ಲಿ ಹಾಕಿ

* ಒಂದು ಚಮಚದಿಂದ ಚೆನ್ನಾಗಿ ಮಿಶ್ರಣ ಮಾಡಿ.

* ಈ ಮಿಶ್ರಣವನ್ನು ಪ್ರತಿ ರಾತ್ರಿ ಊಟದ ಬಳಿಕ ದಿನದ ಅಂತಿಮ ಆಹಾರವಾಗಿ ಸೇವಿಸುತ್ತಾ ಬನ್ನಿ.

* ಒಂದು ದಿನವೂ ಬಿಡದೇ ಸುಮಾರು ಮೂರರಿಂದ ನಾಲ್ಕು ತಿಂಗಳು ಸೇವನೆಯನ್ನು ಮುಂದುವರೆಸಬೇಕು.

ಕುಟುಂಬ ವೈದ್ಯರಲ್ಲಿ ನಿಯಮಿತವಾಗಿ ಭೇಟಿ ನೀಡಿ

ನಿಮ್ಮ ಕುಟುಂಬವೈದ್ಯರಲ್ಲಿ ನಿಯಮಿತವಾಗಿ ಭೇಟಿ ನೀಡಿ ಆರೋಗ್ಯದ ಬಗ್ಗೆ ವಿಚಾರಿಸಿ, ಸೂಕ್ತ ಪರೀಕ್ಷೆಗಳ ಮೂಲಕ ಅಗತ್ಯವಾದ ಚಿಕಿತ್ಸೆಯನ್ನೂ ಪಡೆದುಕೊಳ್ಳಿ.