ಉಪ್ಪು ಹೆಚ್ಚಿರುವ ಆಹಾರದ ಆಸೆಯಾ? ಹಾಗಾದರೆ ಖಂಡಿತವಾಗಿಯೂ ಗಂಡು ಮಗು!

ಹೊಟ್ಟೆಯ ಗಾತ್ರ

ಸುಳ್ಳು: ಹೊಟ್ಟೆಯ ಗಾತ್ರ. ಹೊಟ್ಟೆ ದೊಡ್ಡದಾಗಿದ್ದರೆ ಹೆಣ್ಣು ಮಗುವಾಗುವುದು ಮತ್ತು ಸಣ್ಣದಾಗಿದ್ದರೆ ಗಂಡು ಮಗು ಎಂದು ಹೇಳುವುದು.

ಸತ್ಯ: ಸ್ನಾಯುಗಳ ಗಾತ್ರ, ವಿನ್ಯಾಸ ಮತ್ತು ಮಗುವಿನ ಸ್ಥಾನ ಇದು ಹೊಟ್ಟೆಯ ಗಾತ್ರ ಮತ್ತು ವಿನ್ಯಾಸ ನಿರ್ಧರಿಸುವುದು. ಹೊಟ್ಟೆ ದೊಡ್ಡದಾಗಿದ್ದರೆ ಹೆಣ್ಣು ಮಗು ಮತ್ತು ಸಣ್ಣದಾಗಿದ್ದರೆ ಗಂಡು ಮಗು ಎನ್ನುವುದಕ್ಕೆ ಯಾವುದೇ ವೈಜ್ಞಾನಿಕ ಕಾರಣವಿಲ್ಲ.

ಉಪ್ಪು ಹೆಚ್ಚಿರುವ ಆಹಾರ ಇಷ್ಟವಿದ್ದರೆ

ಸುಳ್ಳು: ಉಪ್ಪು ಹೆಚ್ಚಿರುವ ಆಹಾರ ಇಷ್ಟವಿದ್ದರೆ ಗಂಡು ಮಗು ಮತ್ತು ಸಿಹಿ ತಿಂಡಿ ಇಷ್ಟವಿದ್ದರೆ ಹೆಣ್ಣು ಮಗು ಎಂದು ಹೇಳಲಾಗುತ್ತದೆ.

ಸತ್ಯ: ಗರ್ಭದಲ್ಲಿರುವ ಮಗು ಮತ್ತು ಗರ್ಭಿಣಿಯ ಆಸೆಗೆ ಒಂದಕ್ಕೊಂದು ಯಾವುದೇ ಸಂಬಂಧವಿಲ್ಲವೆಂದು ಅಧ್ಯಯನಗಳು ಹೇಳಿವೆ.

ಉಂಗುರವನ್ನು ಹಿಡಿದುಕೊಂಡು ಅದನ್ನು ಹೊಟ್ಟೆಯ ಮೇಲೆ ತಿರುಗಿಸಿದರೆ

ಸುಳ್ಳು: ನೀವು ಒಂದು ಉಂಗುರವನ್ನು ಹಿಡಿದುಕೊಂಡು ಅದನ್ನು ಹೊಟ್ಟೆಯ ಮೇಲೆ ತಿರುಗಿಸಿದರೆ, ಅದು ಹಿಂದಕ್ಕೆ ಮುಂದಕ್ಕೆ ಹೋದರೆ ಗಂಡು ಮಗು ಮತ್ತು ವೃತ್ತಾಕಾರದಲ್ಲಿದ್ದರೆ ಹೆಣ್ಣು ಮಗು.

ಸತ್ಯ: ಇದು ತುಂಬಾ ತಮಾಷೆಯ ವಿಷಯ. ಇದನ್ನು ಮಾಡಲು ಹೋಗಬೇಡಿ. ಇದರಲ್ಲಿ ಯಾವುದೇ ಸತ್ಯವಿಲ್ಲ.

ಸಾಮಾನ್ಯ ಹೆರಿಗೆ

ಸುಳ್ಳು: ತಾಯಿಗೆ ಸಾಮಾನ್ಯ ಹೆರಿಗೆಯಾಗಿದ್ದರೆ ಮಗಳಿಗೂ ಸಾಮಾನ್ಯ ಹೆರಿಗೆಯಾಗಬಹುದು.

ಸತ್ಯ: ಗರ್ಭಧಾರಣೆ ಮತ್ತು ಪ್ರಸವಕ್ಕೆ ಸಂಬಂಧಿಸಿದ ವಿಚಾರದಲ್ಲಿ ಅನುವಂಶೀಯತೆ ಪ್ರಭಾವ ಬೀರಲ್ಲ. ಮಗುವಿನ ಗಾತ್ರ, ಸ್ಥಾನ ಮತ್ತು ಒಳ್ಳೆಯ ಆರೋಗ್ಯ ಇದೆಲ್ಲವು ಪ್ರಮುಖವಾಗಿದೆ.

ಬೆನ್ನಿನ ಮೇಲೆ ಮಲಗಿದರೆ

ಸುಳ್ಳು: ಬೆನ್ನಿನ ಮೇಲೆ ಮಲಗಿದರೆ ಮಗುವಿಗೆ ನೋವಾಗುವುದು

ಸತ್ಯ: ಎಡದ ಬದಿಗೆ ಮಲಗುವುದರಿಂದ ಗರ್ಭದಲ್ಲಿರುವ ಮಗುವಿಗೆ ಸರಿಯಾಗಿ ರಕ್ತಸರಬರಾಜು ಆಗುವುದು. ಇದರಿಂದ ವೈದ್ಯರು ಇದನ್ನೇ ಸಲಹೆ ಮಾಡುತ್ತಾರೆ. ಬೆನ್ನಿನ ಮೇಲೆ ಮಲಗುವುದರಿಂದ ಯಾವುದೇ ಹಾನಿಯಿಲ್ಲ.

ಲೈಂಗಿಕ ಕ್ರಿಯೆ

ಸುಳ್ಳು: ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದರೆ ಮಗುವಿಗೆ ಹಾನಿಯಾಗುವುದು

ಸತ್ಯ: ಮಗುವನ್ನು ಚರ್ಮದ ಏಳು ಪದರಗಳು ರಕ್ಷಿಸುತ್ತಾ ಇರುವುದು. ಗರ್ಭಕಂಠವು ಉದ್ದ ಹಾಗೂ ಗಡುಸಾಗಿ ಗರ್ಭಕೋಶಕ್ಕೆ ಏನೂ ಪ್ರವೇಶವಾಗದಂತೆ ಮತ್ತು ಸ್ವಚ್ಛವಾಗಿರುವಂತೆ ನೋಡಿಕೊಳ್ಳುವುದು. ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದರೆ ಅದರಿಂದ ಮಗುವಿಗೆ ಹಾನಿಯಿಲ್ಲ.

ಗರ್ಭಾವಸ್ಥೆಯಲ್ಲಿ ಲೈಂಗಿಕ ಕ್ರಿಯೆ ನಡೆಸಬಹುದಾ? ಮುನ್ನೆಚ್ಚರಿಕೆ ಕ್ರಮಗಳೇನು?