ಗರ್ಭಿಣಿಯರೇ ಹುಷಾರು: ನಿಷ್ಕಾಳಜಿ ಮಾಡಿದರೆ ಅಪಾಯ ತಪ್ಪಿದ್ದಲ್ಲ!

ಇಂಪ್ಲಾಂಟೇಶನ್ ಬ್ಲೀಡಿಂಗ್ ಅಥವಾ ಸ್ಪಾಟಿಂಗ್

ಯಾವಾಗ ಫಲವತ್ತಾದ ಅಂಡಾಣು ಗರ್ಭಕೋಶದ ಗೋಡೆಗಳಿಗೆ ಅಂಟಿಕೊಳ್ಳುತ್ತದೆಯೋ, ಆಗ ಇದು ಕಂಡು ಬರುತ್ತದೆ. ಗರ್ಭಧರಿಸಿದ ನಂತರದ 10 ರಿಂದ 14 ದಿನಗಳ ನಂತರ ಇದು ಕಂಡು ಬರುತ್ತದೆ.

ಅವಧಿ ಪೂರ್ವ ನೋವು

ಇದೇಕೆ ಸಂಭವಿಸುತ್ತದೆ: ಇದನ್ನು ಅವಧಿ ಪೂರ್ವ ನೋವು ಎಂದು ಸಹ ಕರೆಯುತ್ತಾರೆ. ಇದು ನಿಮ್ಮ ದೇಹವು ಆದಷ್ಟು ಬೇಗ ಪ್ರಸವಕ್ಕೆ ತಯಾರಾಗಿದೆ ಎಂದು ಸೂಚಿಸುವಾಗ ಕಾಣಿಸಿಕೊಳ್ಳುತ್ತದೆ (ಸಾಮಾನ್ಯವಾಗಿ ಇದು 20 ವಾರಗಳ ನಂತರ ಅಥವಾ ನಿಮ್ಮ ಪ್ರಸವಕ್ಕೆ ನೀಡುಲಾದ ಗಡುವಿನ 3 ವಾರಗಳ ಮೊದಲು ಕಾಣಿಸಿಕೊಳ್ಳುತ್ತದೆ).

ಗರ್ಭಕಂಠದ ಸೂಕ್ಷ್ಮತೆ

ಲೈಂಗಿಕತೆಯ ನಂತರ, ಹಾರ್ಮೋನ್‍ಗಳ ವ್ಯತ್ಯಾಸ ಮತ್ತು ಗರ್ಭಕಂಠದ ಸೂಕ್ಷ್ಮತೆಯಿಂದಲೂ ಸ್ವಲ್ಪ ಪ್ರಮಾಣದ ರಕ್ತಸ್ರಾವ ಉಂಟಾಗುವ ಸಾಧ್ಯತೆ ಇದೆ.

ಸೋಂಕುಗಳು

ಗರ್ಭಕಂಠ ಅಥವಾ ಯೋನಿಗೆ ಕೆಲವು ಬ್ಯಾಕ್ಟೀರಿಯಾದ ಸೋಂಕು ತಗುಲಿದರೆ ರಕ್ತಸ್ರಾವ ಉಂಟಾಗುವುದು. ಇದರಿಂದ ಗರ್ಭಪಾತ ಉಂಟಾಗುವ ಸಾಧ್ಯತೆ ಹೆಚ್ಚಿರುತ್ತದೆ. ಹಾಗಾಗಿ ಇದಕ್ಕೆ ತಕ್ಷಣವೇ ಚಿಕಿತ್ಸೆ ಪಡೆದುಕೊಳ್ಳಬೇಕು.

ಉಪಚರ್ಮದ ಹೆಮಟೋಮಾ

ಜರಾಯುಗಳಲ್ಲಿ ರಕ್ತ ಹೆಪ್ಪುಗಟ್ಟುವುದರಿಂದ ರಕ್ತಸ್ರಾವ ಉಂಟಾಗುವುದು. ಇದು ಶೇ.1 ರಷ್ಟು ಮಹಿಳೆಯರಲ್ಲಿ ಕಾಣಿಸಿಕೊಳ್ಳಬಹುದು. ಈ ಕಾರಣದ ರಕ್ತಸ್ರಾವದಲ್ಲಿ ಅಧಿಕ ಪ್ರಮಾಣದ ರಕ್ತಸ್ರಾವ ಉಂಟಾಗುವುದು. ಜೊತೆಗೆ ಇದು ಗರ್ಭಪಾತದಲ್ಲೇ ಅಂತ್ಯಗೊಳ್ಳುವುದು.

ಅವಳಿ ಶಿಶುಗಳು

ಗರ್ಭದಲ್ಲಿ ಅವಳಿ ಶಿಶುಗಳಿದ್ದರೆ ರಕ್ತಸ್ರಾವ ಉಂಟಾಗುವುದು. ಇದು ಗರ್ಭಪಾತಕ್ಕೆ ಕಾರಣವಾಗುವ ಸಾಧ್ಯತೆಯೇ ಹೆಚ್ಚು. ಇದಕ್ಕೆ ಇನ್ನೊಂದು ಕಾರಣ ಕಡಿಮೆ ಮಟ್ಟದ ಎಚ್‍ಸಿಜಿ ಪ್ರಮಾಣ.

ಗರ್ಭಪಾತದ ಬಗ್ಗೆ ಭಯ

ಗರ್ಭಕಂಠವು ಮುಚ್ಚಿದ್ದು, ಗರ್ಭಪಾತದ ಬಗ್ಗೆ ಯಾವುದೇ ಕುರುಹುಗಳಿಲ್ಲದೆ ಇದ್ದರೂ ರಕ್ತಸ್ರಾವ ಉಂಟಾದರೆ ಹೆಚ್ಚು ಗಮನ ನೀಡಬೇಕು. ಇಲ್ಲವಾದರೆ ಇದು ಗರ್ಭಪಾತಲ್ಲೇ ಕೊನೆಗೊಳ್ಳಬಹುದು.

ಅನುಚಿತ ಸ್ಥಾನದಲ್ಲಿ ಗರ್ಭಧಾರಣೆ

ಫಲವತ್ತಾದ ಮೊಟ್ಟೆಯು ಗರ್ಭಕೋಶದ ನಾಳದಲ್ಲಿ(ಟ್ಯೂಬ್) ಕೂತಿದ್ದರೆ ನೋವು ಮತ್ತು ರಕ್ತಸ್ರಾವ ಉಂಟಾಗುವುದು. ಈ ಸಂದರ್ಭದಲ್ಲಿ ವೈದ್ಯರ ತಪಾಸಣೆ ಮತ್ತು ಸಲಹೆ ಬಹಳ ಮುಖ್ಯವಾದದ್ದು.

ಗರ್ಭಪಾತ

ದುರಾದೃಷ್ಟಕ್ಕೆ ಉಂಟಾಗುತ್ತಿರುವ ರಕ್ತಸ್ರಾವವು ಗರ್ಭಪಾತದ ಸ್ಪಷ್ಟ ಚಿಹ್ನೆಯಾಗಿರಬಹುದು. ಈ ಸಮಸ್ಯೆ ಎದುರಾದಾಗ ತಡ ಮಾಡದೆ ವೈದ್ಯರಿಗೆ ತೋರಿಸಿ, ಚಿಕಿತ್ಸೆ ಪಡೆದರೆ ಗರ್ಭಪಾತವನ್ನು ತಡೆಯಬಹುದು.