ಅತಿಯಾದ ವ್ಯಾಯಮ ಕೂಡ ಗರ್ಭಾವಸ್ಥೆಯಲ್ಲಿ ಒಳ್ಳೆಯದಲ್ಲ..

ತಲೆತಿರುಗುವಿಕೆ

ವ್ಯಾಯಾಮ ಮಾಡುವಾಗ ನಿಮಗೆ ತಲೆತಿರುಗುತ್ತಿದೆ ಎಂದಾದಲ್ಲಿ, ತುರ್ತಾಗಿ ವಿಶ್ರಾಂತಿಯನ್ನು ತೆಗೆದುಕೊಳ್ಳಬೇಕು. ಸ್ವಲ್ಪ ನೀರು ಕುಡಿದು ದೀರ್ಘವಾಗಿ ಉಸಿರಾಡಿ ಮತ್ತು ನಿಮ್ಮ ನರ ವ್ಯವಸ್ಥೆಯನ್ನು ಶಾಂತಗೊಳಿಸಿ.

ತಲೆನೋವು

ನಿಮಗೆ ಆಯಾಸವಾಗುತ್ತಿದೆ ಎಂದಾದಲ್ಲಿ, ತಲೆನೋವು ಹಗುರವಾಗಿ ಕಾಣಿಸಿಕೊಳ್ಳುತ್ತದೆ. ವ್ಯಾಯಾಮ ಮಾಡುವಾಗ ನೀವು ಹೆಚ್ಚು ಬೆವರುವುದರಿಂದ ಡೀಹೈಡ್ರೇಶನ್ ಉಂಟಾಗಿ ತಲೆನೋವು ಬಂದುಬಿಡುತ್ತದೆ.

ಎದೆ ನೋವು

ಸಾಮಾನ್ಯವಾಗಿ ಗರ್ಭಿಣಿಯರು ಎದುರಿಸುವ ಸಮಸ್ಯೆಯಾಗಿದೆ ಎದೆ ನೋವು. ಅದೂ 2ನೆಯ ಟ್ರೈಮಿಸ್ಟರ್‎ನ ಕೊನೆಯಲ್ಲಿ ಈ ನೋವು ಕಾಣಿಸಿಕೊಳ್ಳುತ್ತದೆ. ನಿಮ್ಮ ಹೊಟ್ಟೆಯ ಭಾರದಿಂದ ಈ ಎದೆನೋವು ಕಾಣಿಸಿಕೊಳ್ಳುತ್ತದೆ ಇದರಿಂದ ಎದೆ ನೋವು ಮತ್ತು ಬೆನ್ನು ನೋವು ಕಾಣಿಸಿಕೊಳ್ಳುತ್ತದೆ.

ಉಸಿರಾಟದಲ್ಲಿ ತೊಂದರೆ

ಉಸಿರಾಟದಲ್ಲಿ ತೊಂದರೆಯಾದಾಗ ಗರ್ಭಿಣಿಯರು ವ್ಯಾಯಾಮವನ್ನು ನಿಲ್ಲಿಸಲೇಬೇಕು. ನಿಮ್ಮ ವ್ಯಾಯಾಮದ ಅವಧಿಯಲ್ಲಿ ಉಸಿರಾಟದ ತೊಂದರೆಯನ್ನು ನೀವು ಅನುಭವಿಸುತ್ತೀರಿ ಎಂದಾದಲ್ಲಿ ನಿಮ್ಮ ದೇಹವನ್ನು ಹಗುರಾಗಿಸಿ ನಿಧಾನವಾಗಿ ಉಸಿರಾಡಿ.

ಯೋನಿ ಸ್ರಾವ

ನಿಮ್ಮ ಗರ್ಭಾವಸ್ಥೆಯಲ್ಲಿ ಯೋನಿ ಸ್ರಾವ ಉಂಟಾಗುತ್ತಿದೆ ಎಂದಾದಲ್ಲಿ ಕಾಳಜಿ ವಹಿಸಬೇಕಾಗುತ್ತದೆ. ವ್ಯಾಯಾಮ ಮಾಡುವಾಗ ಸಣ್ಣದಾಗಿ ರಕ್ತಸ್ರಾವ ಉಂಟಾಗುತ್ತಿದೆ ಎಂದಾದಲ್ಲಿ, ಕೂಡಲೇ ಆಸ್ಪತ್ರೆಗೆ ನೀವು ಹೋಗಬೇಕು ಇಲ್ಲದಿದ್ದರೆ ಗರ್ಭಪಾತ ಆಗುವ ಸಂಭವ ಇರುತ್ತದೆ.

ಕುಗ್ಗುವಿಕೆ

ಕುಗ್ಗುವಿಕೆ ಹೆಚ್ಚು ನೋವನ್ನು ಉಂಟುಮಾಡುತ್ತಿರುತ್ತದೆ, ನೀವು ಹೆರಿಗೆಗೆ ಸಮೀಪವಾಗಿದ್ದೀರಿ ಎಂಬುದನ್ನು ಇದು ಸೂಚಿಸುತ್ತದೆ. ಕುಗ್ಗುವಿಕೆಯ ನೋವು ನಿಮ್ಮನ್ನು ಹೆಚ್ಚು ಕಾಡುತ್ತಿದೆ ಎಂದಾದಲ್ಲಿ ಆದಷ್ಟು ಬೇಗ ಪ್ರಸೂತಿ ಆಸ್ಪತ್ರೆಗೆ ಧಾವಿಸಿ. ಕೆಲವೊಂದು ವ್ಯಾಯಾಮಗಳು ಪೂರ್ವ ಹೆರಿಗೆ ನೋವನ್ನು ಉಂಟುಮಾಡುತ್ತದೆ ಆದ್ದರಿಂದ ಆದಷ್ಟು ಈ ವ್ಯಾಯಾಮಗಳನ್ನು ಮಾಡದಿರಿ.

ವೇಗದ ಹೃದಯ ಬಡಿತ

ನಿಮ್ಮ ಹೃದಯ ವೇಗದಲ್ಲಿ ಬಡಿಯುತ್ತಿದೆ ಎಂದಾದಲ್ಲಿ ವ್ಯಾಯಾಮವನ್ನು ನಿಲ್ಲಿಸಬೇಕು ಎಂಬ ಸೂಚನೆ ಇದಾಗಿದೆ. ನಿಮ್ಮ ಹೃದಯ ವೇಗವಾಗಿ ಬೆಳೆಯುತ್ತಿದೆ ಎಂದಾದಲ್ಲಿ, ವಿರಾಮವನ್ನು ತೆಗೆದುಕೊಂಡು ಆರಾಮ ಮಾಡಿ.