ಕೇಳಿ ಇಲ್ಲಿ, ಗರ್ಭಿಣಿಯಾಗಿದ್ದಾಗ ಭಾರ ಎತ್ತಲು ಹೋಗಬೇಡಿ...

ಗರ್ಭಿಣಿ ಮಹಿಳೆಯರು ಎಷ್ಟು ಎಚ್ಚರಿಕೆ ವಹಿಸಿದರೂ ಸಾಲದು. ಅವರೊಳಗೆ ಮತ್ತೊಂದು ಜೀವವು ಬೆಳೆಯುತ್ತಿರುವುದೇ ಇದಕ್ಕೆ ಕಾರಣವಾಗಿದೆ. ಪ್ರತಿಯೊಂದು ಹೆಜ್ಜೆಯನ್ನು ಜಾಗೃತೆಯಿಂದ ಇಡಬೇಕಾಗುತ್ತದೆ.

ಅದರಲ್ಲೂ ಭಾರದ ವಿಷಯದಲ್ಲಿ ಗರ್ಭಿಣಿಯರು ಎಚ್ಚರ ವಹಿಸಬೇಕಾಗಿರುವುದು ಅತೀ ಅವಶ್ಯಕ. ಹಿರಿಯರು ಕೂಡ ಗರ್ಭಿಣಿ ಮಹಿಳೆಯರಿಗೆ ಇದರ ಬಗ್ಗೆ ಆಗಾಗ ಹೇಳುತ್ತಲೇ ಇರುತ್ತಾರೆ.

ಸುಮಾರು 10 ಕೆಜಿ ತನಕ ಭಾರವನ್ನು ಗರ್ಭಿಣಿ ಮಹಿಳೆಯರು ಎತ್ತಬಹುದು. ಆದರೆ ಅದಕ್ಕಿಂತ ಹೆಚ್ಚಿನ ಭಾರವನ್ನು ಎತ್ತಲೇಬಾರದು. ಇದು ತುಂಬಾ ಅಪಾಯಕಾರಿ ಎಂದು ಅಧ್ಯಯನಗಳು ಹೇಳಿವೆ. ದೈಹಿಕವಾಗಿ ನೀವು ಬಲಿಷ್ಠರಾಗಿದ್ದು, ಹತ್ತು ಕೆಜಿಗಿಂತ ಹೆಚ್ಚಿನ ಭಾರವನ್ನು ಎತ್ತಲು ಶಕ್ತರಾಗಿದ್ದರೂ ಗರ್ಭಧಾರಣೆಯ ಸಮಯದಲ್ಲಿ ಇಷ್ಟು ಭಾರವನ್ನು ಎತ್ತಲು ದೇಹವು ಅವಕಾಶ ನೀಡುವುದಿಲ್ಲ.

ಇದಕ್ಕೆ ಕಾರಣವೇನು?
ಗರ್ಭಿಣಿಯಾಗಿರುವಾಗ ನಿಮ್ಮ ಗಂಟು ಮತ್ತು ಸ್ನಾಯುಗಳು ತುಂಬಾ ದುರ್ಬಲವಾಗಿರುತ್ತದೆ. ಇದರಿಂದಾಗಿ ಗರ್ಭಿಣಿಯಾಗಿರುವಾಗ ಗಾಯಾಳುವಾಗುವ ಸಾಧ್ಯತೆ ಹೆಚ್ಚಿದೆ. ಭಾರ ಎತ್ತುವಾಗ ಹೆಚ್ಚಿನ ಒತ್ತಡವು ನಿಮ್ಮ ಬೆನ್ನಿನ ಮೇಲೆ ಬೀಳುತ್ತದೆ. ಇದರಿಂದಾಗಿ ವೈದ್ಯರು ಭಾರ ಎತ್ತಬಾರದು ಎಂದು ಸಲಹೆ ನೀಡುತ್ತಾರೆ. ಶೀಘ್ರ ಗರ್ಭಧಾರಣೆಗೆ ಸಹಾಯಕವಾಗಿರುವ 20 ಆಹಾರಗಳು

ನೀವು ಬೀಳುವ ಸಾಧ್ಯತೆಗಳು ಹೆಚ್ಚಾಗಿರುತ್ತದೆ. ಗರ್ಭದಲ್ಲಿ ಮಗುವಿರುವಾಗ ಹೊಟ್ಟೆ ದೊಡ್ಡದಾಗಿರುತ್ತದೆ. ಇದರಿಂದಾಗಿ ಗುರುತ್ವಾಕರ್ಷಣೆಯಿಂದಾಗಿ ನೀವು ಬೀಳುವ ಸಾಧ್ಯತೆಗಳು ಹೆಚ್ಚು. ಬೀಳುವುದು ಮತ್ತು ಜಾರುವುದು ತುಂಬಾ ಅಪಾಯಕಾರಿ.

ವೈದ್ಯರ ಸಲಹೆ ಪಡೆದುಕೊಂಡು ಎಷ್ಟು ಭಾರ ಎತ್ತುವುದು ಸುರಕ್ಷಿತ ಮತ್ತು ಯಾವುದು ಸುರಕ್ಷಿತವಲ್ಲ ಎಂದು ತಿಳಿದುಕೊಳ್ಳಿ. ಗರ್ಭಿಣೆಯಾಗಿರುವಾಗ ಭಾರ ಎತ್ತುವ ಕೆಲಸ ಮಾಡುವುದರಿಂದ ದೂರವಿದ್ದರೆ ತುಂಬಾ ಒಳ್ಳೆಯದು. ಗರ್ಭಿಣಿಯಾಗಿರುವಾಗ ನಿಮ್ಮ ಕೆಲಸಗಳನ್ನು ಮಾಡಲು ಯಾರಾದರೂ ಇದ್ದರೆ ಹೆಚ್ಚಿನ ಭಾರ ಎತ್ತುವ ಸಮಸ್ಯೆಯಿಂದ ಪಾರಾಗಬಹುದು. ತಾಯ್ತನದ ಅವಧಿಯಲ್ಲಿ ಮೇಕಪ್ ಕಿಟ್ ಬಗ್ಗೆ ಎಚ್ಚರವಿರಲ್ಲಿ!