ಐದರಿಂದ ಆರು ತಿಂಗಳ ನಂತರ-ಮಗುವಿನ ಆಹಾರ-ಕ್ರಮ ಹೀಗಿರಲಿ

ಪಿಯರ್ಸ್ ಹಣ್ಣಿನ ಆಹಾರ

ಪಿಯರ್ಸ್ ಹಣ್ಣಿನಲ್ಲಿ ವಿಟಮಿನ್ ಸಿ, ಎ, ಮೆಗ್ನಿಶಿಯಂ, ಕ್ಯಾಲ್ಸಿಯಂ ಮತ್ತು ಹಲವಾರು ರೀತಿಯ ಪೋಷಕಾಂಶಗಳು ಇದೆ. ಮೊದಲು ಇದರ ಸಿಪ್ಪೆ ತೆಗೆದು ತುಂಡುಗಳನ್ನಾಗಿ ಮಾಡಿಕೊಂಡು, ಒಳಗಿನ ಭಾಗವನ್ನು ತೆಗೆಯಿರಿ, ಬಳಿಕ ತುಂಡುಗಳನ್ನು ಚೆನ್ನಾಗಿ ಬೇಯಿಸಿಕೊಳ್ಳಿ. ತದನಂತರ ಮಿಕ್ಸಿಗೆ ಹಾಕಿ ರುಬ್ಬಿ ನಯವಾದ ಪೇಸ್ಟ್ ರೀತಿ ಮಾಡಿ ಮಗುವಿಗೆ ನೀಡಿ.

ಗೆಣಸಿನ ಆಹಾರ

ಗೆಣಸು ವಿಟಮಿನ್ ಎ, ಸಿ ಮತ್ತು ಫಾಲಟೆಯಿಂದ ಸಮೃದ್ಧವಾಗಿದೆ. ಇದನ್ನು ಹೊರತುಪಡಿಸಿ ಕ್ಯಾಲ್ಸಿಯಂ, ಮೆಗ್ನಿಶಿಯಂ, ಪೊಟಾಶಿಯಂ ಇತ್ಯಾದಿ ಖನಿಜಾಂಶಗಳು ಇದರಲ್ಲಿ ಇದೆ. ಗೆಣಸಿನ ಸಿಪ್ಪೆ ತೆಗೆದು ಅದನ್ನು ಸಣ್ಣ ಸಣ್ಣ ತುಂಡುಗಳನ್ನಾಗಿ ಮಾಡಿ. ಇದನ್ನು ಒಂದು ಬಾಣಲೆಗೆ ಹಾಕಿ ಅದಕ್ಕೆ ನೀರು ಹಾಕಿ, ಮೃದುವಾಗುವ ತನಕ ಬೇಯಿಸಿ, ಇನ್ನು ಇದನ್ನು ಸರಿಯಾಗಿ ಹಿಚುಕಿಕೊಂಡ ಬಳಿಕ ಎದೆಹಾಲನ್ನು ಇದಕ್ಕೆ ಮಿಶ್ರಣ ಮಾಡಿ ಮಗುವಿಗೆ ನೀಡಿ.

ಆವಕಾಡೊ

ಇದು ಮಕ್ಕಳಿಗೆ ಮೊದಲ ಸಲ ನೀಡಬಹುದಾದ ಆರೋಗ್ಯಕರ ಆಹಾರವಾಗಿದೆ. ಇದರಲ್ಲಿ ಕೊಬ್ಬಿನಾಮ್ಲ ಸಮೃದ್ಧವಾಗಿದೆ ಮತ್ತು ಹಲವಾರು ರೀತಿಯ ಪೋಷಕಾಂಶಗಳು ಇದೆ. ಇದು ಮಗುವಿನ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ಅವಕಾಡೊ ತುಂಬಾ ಮೃಧುವಾಗಿರುವ ಕಾರಣ ಸುಲಭವಾಗಿ ಜೀರ್ಣವಾಗಬಲ್ಲದು. ಅವಕಾಡೊದ ಸಿಪ್ಪೆ ತೆಗೆದು ಅದರ ತಿರುಳನ್ನು ಹೊರಗೆ ತೆಗೆಯಿರಿ. ಇದನ್ನು ಚಮಚದಿಂದ ಸರಿಯಾಗಿ ಹಿಚುಕಿಕೊಳ್ಳಿ. ಇದು ತುಂಬಾ ಮೃದುವಾಗಿರುವ ಕಾರಣದಿಂದ ಬೇಯಿಸುವ ಅಗತ್ಯವಿಲ್ಲ. ಎದೆಹಾಲು ಅಥವಾ ಸಾಮಾನ್ಯ ಹಾಲು ಹಾಕಿ ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ.ಅವಕಾಡೊದಲ್ಲಿ ಉನ್ನತ ಮಟ್ಟದ ವಿಟಮಿನ್ ಹಾಗೂ ಖನಿಜಾಂಶಗಳಾದ ವಿಟಮಿನ್ ಎ, ಸಿ ಮತ್ತು ಫಾಲಟ್, ನಿಯಾಸಿನ್, ಪೊಟಾಶಿಯಂ, ಕ್ಯಾಲ್ಸಿಯಂ, ಕಬ್ಬಿನ ಇತ್ಯಾದಿ ಲಭ್ಯವಿದೆ.

ಬಾಳೆಹಣ್ಣು

ಇದು ಬೇಗನೆ ಜೀರ್ಣಗೊಳ್ಳುತ್ತದೆ...ಅಲ್ಲದೆ ಇದು ಮಕ್ಕಳಿಗೆ ಹೇಳಿಮಾಡಿಸಿದಂತಹ ಆಹಾರವಾಗಿದೆ.

ಬಾಳೆಹಣ್ಣಿನ ಆಹಾರ

ಹಣ್ಣಾಗಿರುವ ಬಾಳೆಹಣ್ಣಿನ ಸಿಪ್ಪೆಯನ್ನು ತೆಗೆದುಕೊಳ್ಳಿ. ಇದನ್ನು ಬೇಯಿಸುವ ಅಗತ್ಯವಿಲ್ಲ, ಬಾಳೆಹಣ್ಣಿನ ಸಿಪ್ಪೆ ತೆಗೆದು ಮಿಕ್ಸಿಗೆ ಹಾಕಿಕೊಂಡು ಸರಿಯಾಗಿ ರುಬ್ಬಿಕೊಳ್ಳಿ ಮತ್ತು ಚಮಚದಿಂದ ಇದನ್ನು ಸರಿಯಾಗಿ ಹಿಚುಕಿ. ಬಾಳೆಹಣ್ಣನ್ನು ತುಂಬಾ ಮೃದುವಾಗಿಸಲು 25 ನಿಮಿಷ ಕಾಲ ಇದನ್ನು ಮೈಕ್ರೋವೇವ್ ನಲ್ಲಿಡಿ. ಈ ಮಿಶ್ರಣಕ್ಕೆ ಎದೆಹಾಲು ಅಥವಾ ಸಾಮಾನ್ಯ ಹಾಲು ಹಾಕಿ, ಮಗುವಿಗೆ ತಿನ್ನಿಸಿ

ಪೋಷಕಾಂಶಗಳ ಆಗರ

ಬಾಳೆಹಣ್ಣಿನಲ್ಲಿ ಹೆಚ್ಚಿನ ಪೋಷಕಾಂಶಗಳು ಇದ್ದು, ವಿಟಮಿನ್ ಹಾಗೂ ಖನಿಜಾಂಶದಿಂದ ಸಮೃದ್ಧವಾಗಿದೆ. ಅಲ್ಲದೆ ಇದರಲ್ಲಿರುವ ಕ್ಯಾಲ್ಸಿಯಂ, ಪೊಟಾಶಿಯಂ, ಫೋಸ್ಪರಸ್, ಸೆಲೆನಿಯಂ, ವಿಟಮಿನ್ ಎ, ಅಗಾಧ ಪ್ರಮಾಣದಲ್ಲಿದೆ

ಕಂದು ಅಕ್ಕಿಯ ಸಿರೇಲ್

¼ ಭಾಗ ಕಂದು ಅಕ್ಕಿಯ ಹುಡಿಯನ್ನು ಒಂದು ಕಪ್ ಹಾಲಿನೊಂದಿಗೆ ಹಾಕಿ ಮಿಶ್ರಣ ಮಾಡಿ. ಹಾಲನ್ನು ಬಿಸಿ ಮಾಡಿ ಮತ್ತು ಅದಕ್ಕೆ ಅಕ್ಕಿ ಹುಡಿಯನ್ನು ಹಾಕಿಕೊಂಡು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ. ಬೆಂಕಿಯನ್ನು ಸ್ವಲ್ಪ ಕಡಿಮೆ ಮಾಡಿ. ಇದಕ್ಕೆ ಎದೆಹಾಲು ಅಥವಾ ಸಾಮಾನ್ಯ ಹಾಲು ಹಾಕಿಕೊಳ್ಳಿ.