ಮಕ್ಕಳಲ್ಲಿ ಕಾಣಿಸುವ ಮಲಬದ್ಧತೆಗೆ ಒಂದಿಷ್ಟು ಸರಳ ಪರಿಹಾರ

ಮಗುವಿಗೆ ಸರಿಯಾಗಿ ನೀರು ಕಡಿಯಲು

ಮಕ್ಕಳು ನೀರನ್ನು ಕಡಿಮೆ ಕುಡಿದರೆ ಮಲವಿಸರ್ಜನೆಗೆ ತೊಂದರೆಯಾಗುವುದು. ಆದ್ದರಿಂದ ಮಕ್ಕಳಿಗೆ ಕಮ್ಮಿಯೆಂದರೂ ಒಂದು ಲೀಟರ್ ನೀರನ್ನು ದಿನದಲ್ಲಿ ಕುಡಿಸಲು ಮರೆಯದಿರಿ. ಊಟದ ನಂತರ ಸ್ವಲ್ಪ ಹದ ಬಿಸಿ ನೀರು ಕುಡಿಸುವುದು ಮಗುವಿನ ಆರೋಗ್ಯ ದೃಷ್ಟಿಯಿಂದ ಅತ್ಯುತ್ತಮ.

ಹಣ್ಣುಗಳನ್ನು ತಿನ್ನಿಸಿ

ಮಗುವಿಗೆ ಸ್ವಲ್ಪ ನಾರಿನಾಂಶ ಬೇಕಾಗುತ್ತದೆ. ಇದಕ್ಕಾಗಿ ಮಗುವಿಗೆ ಹಣ್ಣುಗಳು, ಇಡೀ ಧಾನ್ಯದ ಬ್ರೆಡ್ ಮತ್ತು ಬೇಯಿಸಿದ ತರಕಾರಿ ತಿನ್ನಿಸಿ. ನಾರಿನಾಂಶವು ಕರುಳಿನ ಕ್ರಿಯೆಯನ್ನು ಸರಾಗಗೊಳಿಸುವುದು.

ಚಟುವಟಿಕೆ

ಮಗುವನ್ನು ಆಡಲು ಬಿಡಿ. ಮಗುವಿನ ಆಹಾರವು ಸರಿಯಾಗಿ ಜೀರ್ಣವಾಗಿ ಮಲಬದ್ಧತೆ ನಿವಾರಣೆಯಾಗಲು ಮಗು ಆಡುತ್ತಾ, ಓಡುತ್ತಾ ಇರಬೇಕು.

ಹಾಲಿನ ಸೇವನೆ ಕಡಿಮೆ ಮಾಡಿಸಿ

ಅತಿಯಾದ ಹಾಲು ಸೇವನೆಯಿಂದ ಮಲಬದ್ಧತೆ ಉಂಟಾಗುತ್ತದೆ. ಸಣ್ಣ ಪ್ರಮಾಣದಲ್ಲಿ ಹಾಲು ಕುಡಿಸಿ. ದಿನದಲ್ಲಿ ಮೂರು ಜೌನ್ಸ್ ಗಿಂತ ಹೆಚ್ಚು ಹಾಲು ನೀಡಬೇಡಿ.

ಒಣ ದ್ರಾಕ್ಷಿ ರಸ

ಮಲ ಬದ್ಧತೆಯನ್ನು ಓಡಿಸುವ ಮತ್ತೊಂದು ಮಾಂತ್ರಿಕ ಪರಿಹಾರವೆಂದರೆ ಅದು, ಒಣ ದ್ರಾಕ್ಷಿ ರಸ. ಇದನ್ನು ಸ್ವಲ್ಪ ಜೇನು ತುಪ್ಪದ ಜೊತೆಗೆ ನೀಡಿದರೆ ಒಳ್ಳೆಯ ಪರಿಹಾರವನ್ನು ಕಾಣಬಹುದು.

ಬ್ರೋಕೋಲಿ

ಈ ಹಸಿರು ಹೂಕೋಸಿನಲ್ಲಿ ಉತ್ತಮ ಪ್ರಮಾಣದ ನಾರು ಇದ್ದು ಇದರ ಗರಿಷ್ಟ ಪ್ರಯೋಜನ ಪಡೆಯಬೇಕಾದರೆ ಹಸಿಯಾಗಿ ತಿನ್ನುವುದು ಅಗತ್ಯ. ಮಕ್ಕಳು ಇದನ್ನು ತಿನ್ನಲು ತಕರಾರು ಮಾಡುವ ಮೂಲಕ ಇದನ್ನು ಮಕ್ಕಳ ಆಹಾರದಲ್ಲಿ ಇದನ್ನು ಚಿಕ್ಕಚಿಕ್ಕತುಂಡುಗಳನ್ನಾಗಿಸಿ ಬೆರೆಸಿ ನೀಡುವುದು ಜಾಣತನದ ಕ್ರಮವಾಗಿದೆ. ಬೇಯಿಸಿದ ಬ್ರೋಕೋಲಿಯಿಂದ ನಾರು ನಷ್ಟವಾಗುವ ಕಾರಣ ಹಸಿಯಾಗಿಯೇ ಸೇವಿಸುವುದು ಉತ್ತಮ.