ವಯಸ್ಸಾದ ತಂದೆಗೆ ಜನಿಸಿದ ಮಗುವಿನ ಅಳುವಿನಲ್ಲಿ ಇರುತ್ತಂತೆ ವ್ಯತ್ಯಾಸ! ಏಕೆ?

ಮಗುವಿನ ಅಳು

ಮಗುವಿಗೆ ಮಾತು ಬರುವವರೆಗೆ ಮಗು ಅಳುವಿನ ಮೂಲಕ ಸಂವಹನ ಮಾಡುತ್ತೆ. ಅದಕ್ಕೆ ನಿದ್ದೆ ಬಂದರೆ ಅಳುತ್ತೆ, ಹಸಿವಾದರೆ ಅಳುತ್ತೆ, ಏನಾದರೂ ಮೈ ಹುಷಾರಿಲ್ಲವೆಂದರೆ ಅಳುತ್ತೆ. ಹೀಗೆ ಅಳುವಿನ ಮೂಲಕ ಸಮವಹನ ಮಾಡುತ್ತೆ. ಮಗು ಅಳುವಾಗ ತಾಯಿಗೆ ಆ ಮಗು ಹಾಲಿಗಾಗಿ ಅಳುತ್ತಿದೆಯೇ ಅಥವಾ ನಿದ್ದೆಗಾಗಿ ಅಳುತ್ತಿದೆಯೇ ಅಥವಾ ಇನ್ನಿತರ ಆರೋಗ್ಯ ಸಮಸ್ಯೆಯಿಂದಾಗಿ ಅಳುತ್ತಿದೆಯೇ ಎಂಬುವುದು ತಿಳಿಯುತ್ತದೆ.

ಆರೋಗ್ಯವಂತ ಮಗುವಿನ ಅಳುವಿನಲ್ಲೂ, ಆಟಿಸಂ ಇರುವ ಮಕ್ಕಳ ಅಳುವಿನಲ್ಲೂ ವ್ಯತ್ಯಾಸವಿರುತ್ತೆ

ತಜ್ಞರ ಪ್ರಕಾರ ಮಗುವಿಗೆ ಮೆದುಳಿನ ನರದ ಬೆಳವಣಿಗೆ ಸಮಸ್ಯೆಯಿದ್ದರೆ ಅದರ ಅಳು ಆರೋಗ್ಯವಂತ ಮಗುವಿನ ಅಳುವಿಗಿಂತ ಭಿನ್ನವಾಗಿರುತ್ತದೆಯಂತೆ. ಆಟಿಸಂ ಸಮಸ್ಯೆ ಇರುವ ಮಗು ಹೆಚ್ಚಾಗಿ ಅಳುವುದಿಲ್ಲ ಎಂದು ತಜ್ಞರು ಹೇಳುತ್ತಾರೆ.

ತಂದೆಯ ವಯಸ್ಸು ಹೆಚ್ಚಾದರೆ ಮಗುವಿನ ಆರೋಗ್ಯದ ಅಡ್ಡಪರಿಣಾಮ

ತಂದೆಗೆ ವಯಸ್ಸು ಹೆಚ್ಚಾದರೆ ಮಗುವಿನ ಮೆದುಳಿನ ನರದ ಬೆಳವಣಿಗೆ ಮೇಲೆ ಅಡ್ಡಪರಿಣಾಮ ಬೀರಬಹುದು. ವಯಸ್ಸಾದ ಪೋಷಕರಿಗೆ ಜನಿಸಿದ ಮಗುವಿನಲ್ಲಿ ನರದ ಬೆಳವಣಿಗೆಯ ತೊಂದರೆಗಳು (neurodevelopmental disorders) ಕಂಡು ಬರುವ ಸಾಧ್ಯತೆ ಹೆಚ್ಚು.

ಆಟಿಸಂ ಮಗುವಿನಲ್ಲಿ ಕಂಡು ಬರುವ ಲಕ್ಷಣಗಳು

ಹೆಚ್ಚಾಗಿ ಪ್ರತಿಕ್ರಿಯಿಸಿದೆ ಇರುವುದು

ತುಂಬಾ ಅಳುವುದಿಲ್ಲ, ಹೆಚ್ಚು ದೈಹಿಕ ಚಟುವಟಿಕೆ ಇರುವುದಿಲ್ಲ. ಯಾವ ಮಗು ಮೊದಲ ವರ್ಷದಲ್ಲಿ ತುಂಬಾ ಅಳುತ್ತದೋ ಆ ಮಗು ತುಂಬಾನೇ ಹೈಪರ್ ಆಕ್ಟಿವ್ ಆಗಿರುತ್ತದೆ ಎಂದು ಸಂಶೋಧನೆ ಹೇಳಿದೆ.