ಚಿಕ್ಕ ಮಕ್ಕಳಲ್ಲಿ ಬಾಯಿಹುಣ್ಣು ಸಮಸ್ಯೆಗೆ ಮನೆಮದ್ದು

ಮೊಸರು

ನಿಮ್ಮ ಮಗು ಆಹಾರ ಸೇವಿಸಲು ಪ್ರಾರಂಭಿಸಿದ್ದರೆ ಅದಕ್ಕೆ ಸಕ್ಕರೆ ಹಾಕದ ಮೊಸರು ನೀಡಿದರೆ ಬಾಯಿ ಸ್ವಾಸ್ಥ್ಯ ಹೆಚ್ಚುವುದು ಹಾಗೂ ಈ ಸಮಸ್ಯೆ ಇಲ್ಲವಾಗುವುದು. ಮಕ್ಕಳಿಗೆ ಹೊರಗಡೆಯ ಆಹಾರ ಹಾಕಲು 6 ತಿಂಗಳು ತುಂಬಿರಬೇಕು. ಅದಕ್ಕಿಂತ ಮೊದಲು ಬರೀ ತಾಯಿ ಹಾಲು ಮಾತ್ರ ನೀಡಬೇಕು.

ತಾಯಿ ಸಕ್ಕರೆ ಕಡಿಮೆ ತಿನ್ನಬೇಕು

ನೀವು ಎದೆ ಹಾಲುಣಿಸುತ್ತಿದ್ದರೆ ಸಕ್ಕರೆಯಂಶ ಹಾಗೂ ಸಿಹಿ ಪದಾರ್ಥಗಳನ್ನು ತಿನ್ನುವುದನ್ನು ಕಡಿಮೆ ಮಾಡಿ. ಗ್ಲೂಕೋಸ್‌ ಹಾಗೂ ಬಾಯಿ ಹುಣ್ಣಿಗೆ ಸಂಬಂಧವಿದೆ ಎಂದು ಅಧ್ಯಯನಗಳು ಹೇಳಿವೆ.

ಸಿಹಿಯನ್ನು ಕಡಿಮೆ ಪ್ರಮಾಣದಲ್ಲಿ ತಿನ್ನುವುದರಿಂದ ಮಕ್ಕಳಲ್ಲಿ ಓರಲ್‌ ಥ್ರಷ್ ಉಂಟಾಗುವುದನ್ನು ತಡೆಯಬಹುದು.

ತಾಯಿ ಔಷಧಿ ಸೇವಿಸುತ್ತಿದ್ದರೆ

ಎದೆ ಹಾಲು ಕುಡಿಯುವ ಮಕ್ಕಳಲ್ಲಿ ಓರಲ್ ಥ್ರಷ್ ಹೆಚ್ಚಾಗಿ ಕಂಡು ಬರುತ್ತದೆ. ಶೇ. 34.55ರಷ್ಟು ಓರಲ್ ಥ್ರಷ್ ಎದೆಹಾಲಿನಿಂದ ಶೇ.66.67ರಷ್ಟು ಬಾಟಲಿ ಹಾಲು ಕುಡಿಯುವುದರಿಂದ ಉಂಟಾಗುತ್ತದೆ ಎಂದು ಅಧ್ಯಯನಗಳು ಹೇಳಿವೆ.

ಮೊಲೆತೊಟ್ಟಿನಲ್ಲಿರುವ ಶಿಲೀಂಧ್ರಗಳಿಂದಲೂ ಮಕ್ಕಳಿಗೆ ಬಾಯಿಹುಣ್ಣು ಉಂಟಾಗುತ್ತದೆ. ಎದೆ ಹಾಲುಣಿಸುವಾಗ ನಿಮ್ಮ ಸ್ತನದಲ್ಲಿ ತುರಿಕೆ ಮತ್ತಿತರ ವ್ಯತ್ಯಾಸ ಕಂಡು ಬಂದರೆ ವೈದ್ಯರನ್ನು ಭೇಟಿ ಮಾಡಿ. ಇದರಿಂದ ಮಗುವಿನಲ್ಲಿ ನಬಾಯಿ ಹುಣ್ಣು ಉಂಟಾಗುವುದನ್ನು ತಡೆಯಬಹುದು.

ಶುಚಿತ್ವ ಕಾಪಾಡಿ

ಮಗುವನ್ನು ಮುಟ್ಟುವಾಗ, ಅದನ್ನು ಮಲಗಿಸುವ, ಓಡಾಡುವ ಸ್ಥಳ ಶುಚಿಯಾಗಿರಲಿ. ಮಗುವಿಗೆ ಹಾಲುಣಿಸುವ ಮುನ್ನ ಮೊಲೆತೊಟ್ಟು ತೊಳೆದು ಕೊಡಿ. ಮಕ್ಕಳು ಸಿಕ್ಕಿದ್ದೆಲ್ಲಾ ಬಾಯಿಗೆ ಹಾಕುತ್ತವೆ, ಕೈ ಬಾಯಿಗೆ ಹಾಕುವ ಅಭ್ಯಾಸವಿರುತ್ತದೆ. ಆದ್ದರಿಂದ ಕೈ ಶುಚಿತ್ವ ಕಡೆ ಗಮನ ನೀಡಿ.

ಸೂಚನೆ: ಮಕ್ಕಳಿಗೆ ಯಾವುದೇ ಮನೆಮದ್ದು ಮಾಡುವುದಾದರೆ ವೈದ್ಯರ ಸಲಹೆ ಪಡೆದ ಬಳಿಕವಷ್ಟೇ ಮಾಡಿ.