ವಿದಾಯದ ವೇಳೆಯಲ್ಲಿ ನೀ ಸಾಗುವ ದಾರಿಯಲ್ಲಿ: ಗಾಯಕ ಕೆಕೆ ಕುರಿತ ಆಸಕ್ತಿಕರ ಸಂಗತಿಗಳು

ಈ ಗಾಯಕ ಸಂಗೀತವನ್ನು ಕಲಿತಿಲ್ಲ

ಕೆಕೆ ಶಾಸ್ತ್ರೀಯವಾಗಿ ಯಾವುದೇ ಸಂಗೀತ ಕಲಿತಿಲ್ಲ, ಆದರೆ ಅವರಿಗೆ ಸಂಗೀತ ವರವಾಗಿ ಸಿಕ್ಕಿದೆ. ಖ್ಯಾತ ಗಾಯಕ ಕಿಶೋರ್‌ ಕುಮಾರ್‌ ಸಂಗೀತವನ್ನು ಕೇಳಿ ತಾನೂ ಹಾಡಬೇಕು ಎಂಬ ಸ್ಪೂರ್ತಿ ಪಡೆದಿದ್ದರು. ಸಂಗೀತವನ್ನು ಕೇಳುತ್ತಾ ಕಲಿತರೇ ವಿನಃ ಯಾವುದೇ ಸಂಗೀತ ಶಾಲೆಗೆ ಅವರು ಹೋಗಿಲ್ಲ ಎಂಬುವುದಾಗಿ ಅವರು ಹೇಳಿದ್ದಾರೆ.

ಗಾಯಕವಾಗುವ ಮೊದಲು ಹೋಟೆಲ್‌ನಲ್ಲಿ ಕೆಲಸ ಮಾಡಿದ್ದರು

ಇವರು 1994ರಲ್ಲಿ ಮುಂಬಯಿಗೆ ಹೋಗಿ ಸಂಗೀತ ಲೋಕಕ್ಕೆ ಪಾದಾರ್ಪಣೆ ಮಾಡಿದರು, ಅದಕ್ಕೂ ಮುಂಚೆ ಹೋಟೆಲ್‌ನಲ್ಲಿ ಕೆಲಸ ಮಾಡಿದ್ದರು. ಕಷ್ಟದ ದಿನಗಳಲ್ಲಿ ನನ್ನ ಪತ್ನಿಯ ಬೆಂಬಲದಿಂದಲೇ ನನಗೆ ಗಾಯಕನಾಗಲು ಸಾಧ್ಯವಾಯಿತು ಎಂಬುವುದಾಗಿ ಹೇಳಿಕೊಂಡಿದ್ದರು.

ತಡಪ್‌ ತಡಪ್ ಹಾಡು ಇವರ ಮೊದಲ ಹಾಡಲ್ಲ

ಸಲ್ಮಾನ್‌ ಖಾನ್‌ ಸಿನಿಮಾ ಹಮ್‌ ದಿಲ್‌ ಡೆ ಚುಕೆ ಸನಾಂನಲ್ಲಿರುವ ತಡಪ್‌ ತಡಪ್‌ ಹಾಡು ತುಂಬಾನೇ ಜನಪ್ರಿಯವಾಯಿತು, ಆ ಹಾಡು ಹಾಡಿದ ಗಾಯಕ ಬೇರೆ ಯಾರೂ ಅಲ್ಲ ಕೆಕೆ ಆಗಿದ್ದರು, ಅಲ್ಲಿಂದ ಅವರ ಅದೃಷ್ಟವೇ ಬದಲಾಯಿತು. ಅದಕ್ಕಿಂತ ಮೊದಲು ಚೋದ್‌ ಆಯೇ ಹಮ್ ಹೋ ಗಲಿಯಾನ್ ಎಂಬ ಹಾಡಿನಲ್ಲಿ ಹರಿಹರನ್‌ ಜೊತೆ ಸಹಗಾಯಕರಾಗಿದ್ದರು.

3500ಕ್ಕೂ ಜಿಂಗಲ್ಸ್‌ ಹಾಡಿದ್ದಾರೆ, ಕನ್ನಡದಲ್ಲೂ ಹಾಡುಗಳನ್ನು ಹಾಡಿದ್ದಾರೆ

ಬಹುಪರಾಕ್‌ನಲ್ಲಿ ಸ್ನೇಹ ಎಂಬುವುದು, ಏಳು ಬಣ್ಣದ ಪ್ರೀತಿ ಇದು ಏಳು ಮಲ್ಲಿಗೆ ತೂಕವಿದು (ಲವ್ ಚಿತ್ರ) ಒಂದು ಹಾಡು ಮೆಲ್ಲೆ ಕೇಳಿ ಬಂತು(ಆರ್ಯನ್), ಕಣ್ಣ ಹನಿಯೊಂದಿಗೆ (ಮನಸಾರೆ), ನಡೆದಾಡುವ ಕಾಮನ ಬಿಲ್ಲೆ (ಪರಿಚಯ), ವಿದಾಯದ ವೇಳೆಯಲ್ಲಿ (ಮಳೆ ಬರಲಿ ಮಜು ಇರಲಿ) ಹೀಗೆ ಕನ್ನಡದಲ್ಲಿಯೂ ಇವರು ತಮ್ಮ ಹಾಡುಗಳ ಮೂಲಕ ಕನ್ನಡಿಗರ ಮನಕ್ಕೆ ಹತ್ತಿರವಾಗಿದ್ದರೆ.