ಬುಧ ರಾಶಿಗೆ ಧನು ಸಂಚಾರ: ಈ 5 ರಾಶಿಗಳಿಗೆ ತುಂಬಾನೇ ಅದೃಷ್ಟದ ಸಮಯವಿದು

ಸಿಂಹ ರಾಶಿ

ಸಿಂಹ ರಾಶಿಯವರಿಗೆ ಬುಧ ಗ್ರಹದ ಅನುಗ್ರದಿಂದ ಈ ಅವಧಿ ವಿಶೇಷವಾಗಿರುತ್ತದೆ. ಈ ಸಂಕ್ರಮಣ ನಿಮಗೆ ಲಾಭ ತರಲಿದೆ. ಷೇರು ಮಾರುಕಟ್ಟೆಗೆ ಸಂಬಂಧಿಸಿದವರಿಗೆ ಹೂಡಿಕೆ ಮಾಡಲು ಇದು ಉತ್ತಮ ಸಮಯ. ಈ ಸಮಯದಲ್ಲಿ ಮಾಡಿದ ಹೂಡಿಕೆಯಿಂದ ಲಾಭವನ್ನು ನೀವು ಭವಿಷ್ಯದಲ್ಲಿ ಪಡೆಯುತ್ತೀರಿ. ಗಣಿತ, ಸಮೂಹ ಸಂವಹನ, ಬರವಣಿಗೆ ಇತರ ಕೋರ್ಸ್‌ಗಾಗಿ ಉನ್ನತ ಶಿಕ್ಷಣವನ್ನು ಪಡೆಯುತ್ತಿರುವ ವಿದ್ಯಾರ್ಥಿಗಳಿಗೆ ಈ ಸಮಯದಲ್ಲಿ ತುಂಬಾನೇ ಅನುಕೂಲಕರವಾಗಿದೆ, ನಿಮ್ಮ ಜ್ಞಾಪಕಶಕ್ತಿ ಹೆಚ್ಚಾಗುವುದು. ಇದರ ಪರಿಣಾಮವಾಗಿ ಅವರ ಕಾರ್ಯಕ್ಷಮತೆ ಉತ್ತಮವಾಗಿರುತ್ತದೆ. ಪ್ರೇಮಿಗಳಿಗೆ ಪರಸ್ಪರ ಮತ್ತಷ್ಟು ಅರಿಯಲು ಸಹಾಯವಾಗುವುದು. ಇನ್ನು ದಂಪತಿ ಮಗುವಿನ ಕಡೆಯಿಂದ ಸಿಹಿ ಸುದ್ದಿ ಪಡೆಯಬಹುದು.

ಕನ್ಯಾರಾಶಿ

ಕನ್ಯಾ ರಾಶಿಯವರಿಗೂ ಈ ಸಂಚಾರ ತುಂಬಾನೇ ಪ್ರಯೋಜನಕಾರಿಯಾಗಿದೆ. ಕುಟುಂಬದ ವಾತಾವರಣ ತುಂಬಾನೇ ಚೆನ್ನಾಗಿರುತ್ತದೆ. ನೀವು ತುಂಬಾ ಸಮಯದಿಂದ ಆಸ್ತಿ ಅಥವಾ ವಾಹನ ಖರೀದಿಸಬೇಕೆಂದು ಇದ್ದರೆ ಈ ಸಮಯ ನಿಮ್ಮ ಆಸೆಗೆ ತುಂಬಾನೇ ಪ್ರಬಲವಾಗಿದೆ. ನಿಮ್ಮ ಕೆಲಸ ಕಾರ್ಯಗಳು ಕೂಡ ಯಾವುದೇ ಅಡೆತಡೆಯಿಲ್ಲದೆ ನಡೆಯುತ್ತದೆ. ನೀವು ರಿಯಲ್‌ ಎಸ್ಟೇಟ್ಸ್‌ ಬ್ಯುಸ್‌ನೆಸ್‌ ಮಾಡುತ್ತಿದ್ದರೆ ಈ ಸಮಯ ತುಂಬಾನೇ ಅನುಕೂಲಕರವಾಗಿದೆ. ಇನ್ನು ನೀವು ಏನಾದರೂ ಹೂಡಿಕೆ ಮಾಡಲು ಯೋಚಿಸಿದ್ದರೆ ಸಮಯ ಅನುಕೂಲಕರವಾಗಿದೆ.

ಮೇಷ ರಾಶಿ

ಡಿಸೆಂಬರ್‌ನಲ್ಲಿ ಬುಧ ಧನು ರಾಶಿಗೆ ಪ್ರವೇಸಿರುವುದರಿಂದ ಈ ಅವಧಿ ನಿಮಗೆ ಪ್ರಯೋಜನಕಾರಿಯಾಗಿದೆ. ನಿಮ್ಮ ಶತ್ರುಗಳ ವಿರುದ್ಧ ಜಯ ಸಾಧಿಸುವಿರಿ. ವೃತ್ತಿಪರವಾಗಿ ನೋಡುವುದಾದರೆ ಧನು ರಾಶಿಗೆ ಬುಧ ಸಂಚಾರದ ಈ ಅವಧಿ ತತ್ವಜ್ಞಾನಿಗಳು, ಮಾರ್ಗದರ್ಶಕರು, ಸಲಹೆಗಾರರು ಮತ್ತು ಶಿಕ್ಷಕರಿಗೆ ತುಂಬಾನೇ ಫಲಪ್ರದವಾಗಿದೆ. ವಿದ್ಯಾರ್ಥಿಗಳಿಗೂ ಈ ಅವಧಿ ಸಾಕಷ್ಟು ಅನುಕೂಲಕರವಾಗಿದೆ. ನಿಮ್ಮ ಪ್ರಯತ್ನಗಳಲ್ಲಿ ಧನಾತ್ಮಕ ಫಲಿತಾಂಶಗಳನ್ನು ಪಡೆಯುತ್ತೀರಿ.

ಕುಂಭ ರಾಶಿ

ಕುಂಭ ರಾಶಿ

ಬುಧ ಸಂಕ್ರಮಣದಿಂದ ಕುಂಭ ರಾಶಿಯವರಿಗೆ ವ್ಯಾಪಾರದಲ್ಲಿ ವೃದ್ಧಿಯಾಗುವ ಸಾಧ್ಯತೆ ಇದೆ. ನೀವು ಈ ಅವಧಿಯಲ್ಲಿ ಮಾಡುವ ವ್ಯವಹಾರದಲ್ಲಿ ಉತ್ತಮ ಲಾಭವನ್ನು ಗಳಿಸಬಹುದು. ಪ್ರೇಮಿಗಳಿಗೂ ಈ ಅವಧಿ ಅನುಕೂಲಕರವಾಗಿದೆ. ನಿಮಗೆ ಹಣದ ಲಾಭವಾಗಲಿದೆ. ವೃತ್ತಿ ಜೀವನದಲ್ಲಿ ನೀವು ಹಾಕಿರುವ ಕಠಿಣ ಶ್ರಮಕ್ಕೆ ಫಲ ಸಿಗಲಿದೆ. ವಿದ್ಯಾರ್ಥಿಗಳಿಗೂ ಈ ಅವಧಿ ಫಲಪ್ರದವಾಗಿರುತ್ತದೆ.

ವೃಶ್ಚಿಕ ರಾಶಿ

ಈ ಅವಧಿಯಲ್ಲಿ ನಿಮ್ಮ ಮಾತೇ ನಿಮಗೆ ಬಂಡವಾಳವಾಗಲಿದೆ. ನಿಮ್ಮ ವ್ಯವಹಾರಗಳಲ್ಲಿ ಲಾಭ ಸಿಗುವುದರಿಂದ ಆರ್ಥಿಕ ಸ್ಥಿತಿ ಚೆನ್ನಾಗಿರಲಿದೆ. ಸ್ವಂತ ವ್ಯವಹಾರ ನಡೆಸುತ್ತಿರುವವರು ಈ ಅವಧಿಯಲ್ಲಿ ಉತ್ತಮ ಲಾಭವನ್ನು ಗಳಿಸಲು ಸಾಧ್ಯವಾಗುತ್ತದೆ .

ಬುಧ ಗ್ರಹದಿಂದ ಮತ್ತಷ್ಟು ಸಿಗಲು ಈ ಪರಿಹಾರಗಳು ಸಹಕಾರಿ

* ಬುಧ ಗ್ರಹದ ಮತ್ತಷ್ಟು ಪ್ರಯೋಜನಗಳನ್ನು ಪಡೆಯಲು ದುರ್ಗೆಯನ್ನು ಪ್ರತಿನಿತ್ಯ ಪೂಜಿಸಿ, ಇದರಿಂದ ನೀವು ಮಾಡುತ್ತಿರುವ ವ್ಯವಹಾರ ಹಾಗೂ ಕಾರ್ಯಗಳಲ್ಲಿ ಫಲ ಸಿಗಲಿದೆ.

* ಬುಧವಾರ ಹಸುವಿಗೆ ಹಸಿರು ಮೇವನ್ನು ತಿನ್ನಿಸಿ. ಇದರಿಂದಾಗಿ ಬುಧ ಗ್ರಹದ ಮತ್ತಷ್ಟು ಅನುಕೂಲ ಸಿಗಲಿದೆ.

* ಪ್ರತಿ ಬುಧವಾರ ಗಣಪತಿಗೆ ಗರಿಕೆ ಅರ್ಪಿಸಿ ಪೂಜಿಸಿ.

* 'ಓಂ ಬ್ರಾನ್ ಬ್ರೌನ್: ಬುಧಾಯ ನಮಃ' ಮಂತ್ರ ಜಪಿಸಿ.

* ಬುಧವಾರ ಗಣಪತಿ ದೇವನಿಗೆ ಸಿಂಧೂರ ಅರ್ಪಿಸಿ.