ಇಲ್ಲಿ ಹುಡುಗಿಯರಲ್ಲಿ ಸ್ತನಗಳು ಬೆಳೆಯದಂತೆ ತಡೆಯಲು ದೈಹಿಕ ಹಾಗೂ ಮಾನಸಿಕವಾಗಿ ಹಿಂಸೆ ನೀಡಲಾಗುತ್ತದೆಯಂತೆ!

ಪುರುಷರ ಗಮನ ಆಕರ್ಷಣೆಯಾಗದಂತೆ ತಡೆಯಲು ಈ ಆಚರಣೆ

ಈ ಅಮಾನವೀಯವಾಗಿರುವಂತಹ ಆಚರಣೆಯನ್ನು ಹುಡುಗಿಯ ತಾಯಿ ಅಥವಾ ಚಿಕ್ಕಮ್ಮ ಅಥವಾ ದೊಡ್ಡಮ್ಮ ಮಾಡುವರು. ಸ್ತನಗಳು ಬೆಳೆಯದಂತೆ ಮಾಡಲು ಈ ಮಹಿಳೆಯರು ಹುಡುಗಿಯರ ಎದೆಯ ಮೇಲೆ ಬಿಸಿ ಮಾಡಿದಂತಹ ಕಲ್ಲನ್ನು ಇಡುವರು. ಇಂತಹ ಆಚರಣೆಗೆ ಗುರಿಯಾಗುವಂತಹ ಹುಡುಗಿಯರ ವಯಸ್ಸು 9ರಿಂದ 15 ವರ್ಷ ಆಗಿರುವುದು. ಪುರುಷರ ಕಣ್ಣು ಬೀಳದಂತೆ ತಡೆಯಲು ಈ ಆಚರಣೆ ಮಾಡಲಾಗುತ್ತದೆ ಎಂದು ನಂಬಲಾಗಿದೆ.

ಆಫ್ರಿಕಾದಲ್ಲಿ ಈ ಆಚರಣೆಯು ಆರಂಭವಾಯಿತು

ಆಫ್ರಿಕಾದ ರಾಷ್ಟ್ರಗಳಾಗಿರುವ ಕ್ಯಾಮರೂನ್, ಟಾಂಗೋ, ಗಿನಿಯಾ-ಬಿಸ್ಸೌ, ಚಾಡ್ ನಲ್ಲಿ ಇಂತಹ ಆಚರಣೆಗಳು ಮೊದಲಿಗೆ ಆರಂಭವಾದವು. ಆಫ್ರಿಕಾವನ್ನು ಬಿಟ್ಟು ಇಂಗ್ಲೆಂಡ್ ಗೆ ಬಂದು ನೆಲೆಸಿರುವಂತಹ ಹಲವಾರು ಮಂದಿ ಇದ್ದಾರೆ. ಇಂತಹ ಜನರು ತಮ್ಮ ಆಚರಣೆಯನ್ನು ಮುಂದುವರಿಸಿಕೊಂಡು ಹೋದರು. ಭೀಕರ ಆಚರಣೆಯು ಈಗಲೂ ಚಾಲ್ತಿಯಲ್ಲಿದೆ ಎಂದು ಹೇಳಲಾಗಿದೆ.

Most Read: ಅಯ್ಯಯೋ...!ಸೆಕ್ಸ್ ವೇಳೆ ಸಿಲುಕಿಕೊಂಡ ಜೋಡಿ! ವಿಡಿಯೋ ವೈರಲ್

ಇದು ಮಕ್ಕಳ ಮೇಲಿನ ದೌರ್ಜನ್ಯವೆಂದು ಪರಿಗಣಿಸಲಾಗಿದೆ

ತಜ್ಞರ ಪ್ರಕಾರ ಈ ರೀತಿಯ ಆಚರಣೆಯಿಂದಾಗಿ ಅದು ಹದಿಹರೆಯದ ಹುಡುಗಿಯರ ಮೇಲೆ ಮಾನಸಿಕವಾಗಿ ಪರಿಣಾಮ ಬೀರುವುದು ಮಾತ್ರವಲ್ಲದೆ, ಅವರಿಗೆ ಜೀವಮಾನವಿಡಿ ಭೀತಿ ಉಂಟು ಮಾಡಬಹುದು. ಇದರಿಂದ ಅವರು ತಮ್ಮ ಜೀವನದ ಮುಂದಿನ ಹಂತದಲ್ಲಿ ಮಕ್ಕಳಿಗೆ ಸ್ತನ್ಯಪಾನ ಮಾಡಲು ಹಿಂಜರಿಯಬಹುದು. ಇದರ ಹೊರತಾಗಿ ಹುಡುಗಿಯರಿಗೆ ಸ್ತನಕ್ಕೆ ಸಂಬಂಧಿಸಿದಂತಹ ಹಲವಾರು ಸೋಂಕುಗಳು ಕಾಣಿಸಿಕೊಳ್ಳಬಹುದು.

ಈ ಆಚರಣೆ ನಡೆಯುತ್ತಿರುವ ಬಗ್ಗೆ ಯಾವುದೇ ಅಧಿಕೃತ ದಾಖಲೆಗಳು ಸಿಕ್ಕಿಲ್ಲ!

ಈ ಆಚರಣೆಯನ್ನು ಬಹಿರಂಗಪಡಿಸುವಂತಹ ಯಾವುದೇ ರೀತಿಯ ಅಧಿಕೃತ ದಾಖಲೆಗಳು ಇದುವರೆಗೆ ಸಿಕ್ಕಿಲ್ಲ. ಬ್ರಿಟನ್ ನ ಉತ್ತರ ಭಾಗದಲ್ಲಿ ಸಾವಿರಕ್ಕೂ ಹೆಚ್ಚಿನ ಹುಡುಗಿಯರು ಇಂತಹ ಆಚರಣೆಗೆ ಒಳಪಟ್ಟಿದ್ದಾರೆ ಎಂದು ವರದಿಗಳು ಹೇಳಿವೆ. ಇಂತಹ ಆಚರಣೆಗೆ ಗುರಿಯಾಗಿರುವಂತಹ 10 ರ ಹರೆಯದ ಹುಡುಗಿಗೆ ತಾನು ಚಿಕಿತ್ಸೆ ನೀಡಿರುವುದಾಗಿ ನರ್ಸ್ ಒಬ್ಬರು ಹೇಳಿಕೊಂಡಿದ್ದಾರೆ.

Most Read: ಮನೆಕೆಲಸದಾಕೆ ತನ್ನ ಯಜಮಾನನ ಅಡುಗೆ ಮನೆಯಲ್ಲಿಯೇ ಮಲವಿಸರ್ಜನೆ ಮಾಡಿದಳು! ವಿಡಿಯೋ ವೈರಲ್

ಹೋರಾಟ ಮುಂದುವರಿದಿದೆ

ಈ ವಿಚಾರದ ಬಗ್ಗೆ ನಾಯಕರು ಹಾಗೂ ಸಂಘಸಂಸ್ಥೆಗಳು ಚರ್ಚೆ ಮಾಡುತ್ತಲೇ ಇದೆ. ಆದರೆ ಇಂತಹ ಆಚರಣೆ ತಡೆಯುವ ಯಾವುದೇ ಕ್ರಮ ತೆಗೆದುಕೊಳ್ಳಲಾಗಿಲ್ಲ. ಇಂತಹ ಅಂಧಾಚರಣೆ ಬಗ್ಗೆ ನಿಮ್ಮ ಅನಿಸಿಕೆ ಏನು? ನಿಮ್ಮ ಅಭಿಪ್ರಾಯಗಳನ್ನು ಕಮೆಂಟ್ ಬಾಕ್ಸ್ ಗೆ ಹಾಕಲು ಮರೆಯಬೇಡಿ.