ರಕ್ಷಾ ಬಂಧನ ವಿಶೇಷ- ಮುದ ನೀಡುವ ಬಗೆಬಗೆಯ ರಾಖಿಗಳು

ಹೂವಿನ ರಾಖಿ

ಬಹು ದೀರ್ಘ ಕಾಲದಿಂದಲೂ ಇಂತಹ ರಾಖಿ ಹೆಚ್ಚು ಜನಪ್ರಿಯತೆಯಲ್ಲಿದೆ. ಗುಲಾಬಿ ಮತ್ತು ಮಲ್ಲಿಗೆಯನ್ನು ಬಳಸಿಕೊಂಡು ಈ ರಾಖಿಯನ್ನು ರಚಿಸಲಾಗುತ್ತದೆ. ಇದು ಸುಗಂಧವನ್ನು ಒಳಗೊಂಡಿರುತ್ತದೆ. ಹೂವು ಬಾಡಿದಂತೆ ರಾಖಿಯ ಸೊಬಗೂ ಮಾಸುತ್ತದೆ.

ಬಣ್ಣದ ರಾಖಿ

ಬಣ್ಣದ ದಾರವನ್ನು ಬಳಸಿಕೊಂಡು ಈ ರಾಖಿಯನ್ನು ತಯಾರಿಸಲಾಗುತ್ತದೆ. ನಿಮ್ಮ ಪುಟ್ಟ ತಮ್ಮನಿಗೆ ಟಾಮ್ ಮತ್ತು ಜೆರ್ರಿ ಉಳ್ಳ ರಾಖಿಯನ್ನು ಕಟ್ಟಿ ಅವರನ್ನು ಸಂತಸಪಡಿಸಬಹುದಾಗಿದೆ. ಜೂಟ್‌ನಿಂದ ಕೂಡ ಬಣ್ಣದ ರಾಖಿಯನ್ನು ತಯಾರಿಸುತ್ತಾರೆ.

ಶ್ರೀಗಂಧದ ರಾಖಿ

ನಿಮ್ಮ ಸಹೋದರ ಕ್ರಿಯಾತ್ಮಕತೆ ಮತ್ತು ಹೆಚ್ಚು ಚುರುಕಿನವರಾಗಿದ್ದಲ್ಲಿ, ಅವರನ್ನು ಈ ರಾಖಿ ಸಂತಸಗೊಳಿಸುವುದು ಖಂಡಿತ. ಶ್ರೀಗಂಧದ ರಾಖಿ ಬೇರೆ ಬೇರೆ ವಿನ್ಯಾಸಗಳಲ್ಲಿ ಬರುತ್ತದೆ ಮತ್ತು ನೋಡಲೂ ಅಂದವಾಗಿರುತ್ತದೆ.

ರುದ್ರಾಕ್ಷ ರಾಖಿ

ಹಿಂದೂ ಧರ್ಮದಲ್ಲಿ ರುದ್ರಾಕ್ಷಿಗೆ ಪವಿತ್ರ ಮತ್ತು ಪೂಜನೀಯ ಸ್ಥಾನವಿದೆ. ನಿಮ್ಮ ಸಹೋದರನಿಗೆ ಈ ಬಗೆಯ ರಾಖಿಯನ್ನು ನೀಡುವುದು ಅವರನ್ನು ಸಂತಸ ಮತ್ತು ಶಾಂತಿಯುತರನ್ನಾಗಿಸುತ್ತದೆ. ಭಗವಂತನ ಆಶೀರ್ವಾದ ಅವರ ಮೇಲೆ ಸದಾ ಇರುತ್ತದೆ ಕೂಡ. ನಿಮಗೆ ಈ ಬಗೆಯ ಬಣ್ಣದ ರುದ್ರಾಕ್ಷಿ ರಾಖಿಗಳು ಮಾರುಕಟ್ಟೆಯಲ್ಲಿ ದೊರಕುತ್ತವೆ.

ಮುತ್ತಿನ ರಾಖಿ

ಇದು ಕೊಂಚ ದುಬಾರಿಯಾಗಿರುತ್ತವೆ ಏಕೆಂದರೆ ಇದನ್ನು ಮುತ್ತಿನಿಂದ ತಯಾರಿಸಲಾಗಿರುತ್ತದೆ. ಮುತ್ತಿಗಿಂತಲೂ ಹೆಚ್ಚು ಅತ್ಯಮೂಲ್ಯ ಎಂದೆನಿಸಿರುವ ನಿಮ್ಮ ಸಹೋದರನಿಗೆ ಈ ರಾಖಿಯನ್ನು ಕಟ್ಟಿ. ಇದು ನಿಜಕ್ಕೂ ಅತ್ಯದ್ಭುತ ಮತ್ತು ಸುಂದರವಾಗಿರುತ್ತದೆ.

ಮೌಲಿ ರಾಖಿ

ಹಿಂದೂ ಧರ್ಮದಲ್ಲಿ ಮೌಲಿಯನ್ನು ಪವಿತ್ರ ಎಂಬುದಾಗಿ ಪರಿಗಣಿಸುತ್ತಾರೆ. ನಿಮ್ಮ ಸಹೋದರನ ಮುಂಗೈಗೆ ಕಟ್ಟಲು ಈ ಬಗೆಯ ರಾಖಿಯ ಖರೀದಿಯನ್ನು ನಿಮಗೆ ಮಾಡಬಹುದಾಗಿದೆ. ಇದು ಹೆಚ್ಚು ದುಬಾರಿಯಾಗಿರದೇ ನಿಮ್ಮ ಬೆಲೆ ಕಟ್ಟಲಾಗದ ಸಹೋದರ ಪ್ರೀತಿಯ ದ್ಯೋತಕವಾಗಿರುತ್ತದೆ.

ಸ್ವಸ್ತಿಕಾ ರಾಖಿ

ನಿಮ್ಮ ಸಹೋದರನಿಗಾಗಿ ಬೇರೆ ಬೇರೆ ವಿಧದ ರಾಖಿಯ ಬಗ್ಗೆ ಮಾತನಾಡುವಾಗ, ಇದನ್ನು ನಿರ್ಲಕ್ಷಿಸುವ ಮಾತೇ ಇಲ್ಲ ಬಿಡಿ. ಹಿಂದೂ ಧರ್ಮದ ಎಲ್ಲಾ ಧಾರ್ಮಿಕ ಕ್ರಿಯೆಗಳಲ್ಲಿ ಸ್ವಸ್ತಿಕಾದ ಬಳಕೆಯಾಗುತ್ತಿದ್ದು ಹೆಚ್ಚು ಪವಿತ್ರವಾದುದಾಗಿದೆ. ಸಹೋದರನಿಗೆ ಈ ರಾಖಿಯನ್ನು ಕಟ್ಟಿ ಅವರ ಆರೋಗ್ಯ ಮತ್ತು ಆಯಸ್ಸುಗಾಗಿ ಪ್ರಾರ್ಥಿಸಿ.

ಮ್ಯೂಸಿಕಲ್ ರಾಖಿ

ನಿಜಕ್ಕೂ ಇದು ಮೋಜಿನದ್ದಾಗಿದೆ. ಈ ರಾಖಿಯನ್ನು ನೀವು ಸ್ಪರ್ಶಿಸಿದಾಗ ಇದು ಸುಮಧುರ ಗೀತೆಯನ್ನು ನುಡಿಸುತ್ತದೆ. ವಿಶೇಷ ಸಂದರ್ಭದಲ್ಲಿ ಮ್ಯೂಸಿಕಲ್ ರಾಖಿಯನ್ನು ನಿಮ್ಮ ಸಹೋದರನಿಗೆ ಕಟ್ಟಿ ಅವರನ್ನು ಖುಷಿಪಡಿಸಬಹುದಾಗಿದೆ.