ಯಾವ್ಯಾವ ಸ್ಥಳಗಳಲ್ಲಿ ಮನೆ ನಿರ್ಮಿಸಬಾರದು? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್

ಎರಡು ರಸ್ತೆಗಳು ಛೇಧಿಸುವಲ್ಲಿ ಮನೆ ನಿರ್ಮಿಸಬಾರದು

ಹಿಂದೂ ಧರ್ಮದಲ್ಲಿರುವಂತಹ ಭವಿಷ್ಯ ಪುರಾಣದ ಪ್ರಕಾರ, ರಸ್ತೆಗಳೆರಡು ಛೇದಿಸುವಂತಹ ಜಾಗದಲ್ಲಿ ಮನೆ ನಿರ್ಮಾಣ ಮಾಡಬಾರದು. ಎರಡು ರಸ್ತೆಗಳು ಛೇದಿಸುವುದು ಮನೆಯಲ್ಲಿನ ಜನರಿಗೆ ಒಳ್ಳೆಯದಲ್ಲವೆಂದು ಪರಿಗಣಿಸಲಾಗಿದೆ. ಇದು ವೈವಾಹಿಕ ಜೀವನದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುವುದು. ಇದರಿಂದ ಸಂಗಾತಿಗಳ ಮಧ್ಯೆ ಪದೇ ಪದೇ ಜಗಳವಾಗಬಹುದು.

ವಧಾಗೃಹದ ಸಮೀಪ

ವಧಾಗೃಹದಿಂದ ಸಮೀಪ ಮನೆ ನಿರ್ಮಾಣ ಮಾಡಬಾರದು. ಯಾಕೆಂದರೆ ಇಲ್ಲಿಂದ ಬರುವಂತಹ ಶಕ್ತಿಯನ್ನು ನಕಾರಾತ್ಮಕವೆಂದು ಪರಿಗಣಿಸಲಾಗಿದೆ ಮತ್ತು ಇದು ಮನೆಯಲ್ಲಿ ವಾಸಿಸುವ ಜನರಿಗೆ ಅಶುಭವಾಗಿರುವುದು. ಇದರಿಂದ ಬಡತನ ಮತ್ತು ಮನೆಯ ಸಂತೋಷ ದೂರವಾಗುವುದು.

ಆಸ್ಪತ್ರೆಗೆ ಹತ್ತಿರವಾಗಿ..

ಆಸ್ಪತ್ರೆಗೆ ಹತ್ತಿರವಾಗಿರುವಂತಹ ಮನೆಯನ್ನು ಯಾವತ್ತೂ ಖರೀದಿಸಬೇಡಿ. ಈ ವಾತಾವರಣವು ಅಶುಭವೆಂದು ಪರಿಗಣಿಸಲಾಗಿದೆ. ಯಾಕೆಂದರೆ ಇಲ್ಲಿರುವ ಕೀಟಾಣುಗಳು ಹಬ್ಬುವುದು ಎನ್ನುವ ಕಾರಣಕ್ಕೆ ಮಾತ್ರವಲ್ಲದೆ, ಪದೇ ಪದೇ ಸಂಭವಿಸುವ ಸಾವು ಹಾಗೂ ಇಲ್ಲಿನ ರೋಗಿಗಳ ಅನಾರೋಗ್ಯವು ನಿಮ್ಮ ಮನೆ ಮೇಲೆ ನಕಾರಾತ್ಮಕ ಪರಿಣಾಮ ಬೀರುವುದು.

ಅನಾಥ ಮನೆ ಸಮೀಪ

ಹಲವಾರು ವರ್ಷಗಳಿಂದಲೂ ಅನಾಥವಾಗಿರುವಂತಹ ಮನೆ ಅಥವಾ ಕಟ್ಟಡದಲ್ಲಿ ನಕಾರಾತ್ಮಕ ಶಕ್ತಿಗಳು ಇರುವುದು ಎಂದು ಹೇಳಲಾಗುತ್ತದೆ. ಅರ್ಧ ಕುಸಿದಿರುವ, ಅರ್ಧ ಕಟ್ಟಿ ಬಿಡಲಾಗಿರುವ ಅಥವಾ ಅನಾಥವಾಗಿರುವಂತಹ ಕಟ್ಟಡ ಅಥವಾ ಮನೆ ಸಮೀಪ ನೀವು ಮನೆ ನಿರ್ಮಿಸಿದರೆ ಆಗ ವಾಸ್ತು ದೋಷ ಕಾಡುವುದು. ಇಂತಹ ಸ್ಥಳಗಳಲ್ಲಿ ಕೆಲವೊಂದು ಸಲ ಅಸಾಮಾನ್ಯ ಸಂಗತಿಗಳು ಘಟಿಸುವುದು.

ಮದ್ಯದಂಗಡಿ ಬಳಿ

ವಾಸ್ತು ಶಾಸ್ತ್ರದ ಪ್ರಕಾರ ಮದ್ಯದಂಗಡಿ ಸಮೀಪದಲ್ಲಿ ಮನೆ ನಿರ್ಮಾಣ ಮಾಡಬಾರದು. ಹಿಂದೂ ಧರ್ಮದ ಪ್ರಕಾರ ದುಷ್ಟಶಕ್ತಿಗಳು ಹಾಗೂ ನಕಾರಾತ್ಮಕ ಶಕ್ತಿಗಳು ಮದ್ಯ, ಮಾಂಸಾಹಾರಿ ಆಹಾರ ಇತ್ಯಾದಿಗಳತ್ತ ಬೇಗನೆ ಆಕರ್ಷಿತವಾಗುವುದು. ಇದರಿಂದ ನೀವು ಮದ್ಯದಂಗಡಿ ಸಮೀಪ ಮನೆ ನಿರ್ಮಿಸಬೇಡಿ.

ಸ್ಮಶಾನದ ಹತ್ತಿರ

ಸ್ನಶಾನದ ಸಮೀಪ ಮನೆ ನಿರ್ಮಾಣ ಮಾಡಬಾರದು ಎನ್ನುವ ಮಾತು ಹಿಂದಿನಿಂದಲೂ ಕೇಳಿಬರುತ್ತಿದೆ. ಶಾಸ್ತ್ರದ ಪ್ರಕಾರ ಸ್ಮಶಾನದ ಸಮೀಪದ ಮನೆ ನಿರ್ಮಾಣ ಮಾಡುವುದರಿಂದ ಅಲ್ಲಿರುವಂತಹ ನಕಾರಾತ್ಮಕ ಶಕ್ತಿಗಳು ಮನೆಗೆ ಬರುವುದು. ಇದಕ್ಕೆ ಹೊರತಾಗಿ ಆತ್ಮಹತ್ಯೆ ಮಾಡಿಕೊಂಡಿರುವಂತಹ ಕೆಲವೊಂದು ಮನೆಗಳು ಕೂಡ ತುಂಬಾ ಅಶುಭವೆಂದು ಪರಿಗಣಿಸಲಾಗಿದೆ.