ವರಮಹಾಲಕ್ಷ್ಮಿ ಹಬ್ಬಕ್ಕೆ, ಪೂಜಾ ಕೋಣೆಯ ಸಿದ್ಧತೆ ಹೀಗಿರಲಿ

ಪೂಜಾ ಮಂಟಪ

ನಾಲ್ಕು ಬದಿಗೂ ರಂಗೋಲಿಯನ್ನು ಹಾಕಿ ಪೂಜಾ ಮಂಟಪವನ್ನು ಸಿಂಗರಿಸುತ್ತಾರೆ. ಕಾವಿ ಅಂಚಿನಲ್ಲಿ ಹೃದಯ ಕಮಲ ಅಥವಾ ಐಶ್ವರ್ಯಾ ರಂಗೋಲಿಯನ್ನು ಹಾಕಬಹುದಾಗಿದೆ. ಮಾವಿನ ಎಲೆಗಳನ್ನು ಸಿಂಗರಿಸಲು ಬಳಸಿ

ತೆಂಗಿನ ಮುಖದ ಅಲಂಕಾರ

ತೆಂಗಿನ ನಾರನ್ನು ಜಾಗರೂಕತೆಯಿಂದ ಸುಲಿಯಿರಿ. ಅರಿಶಿನ ಪುಡಿಯನ್ನು ನೀರಿನಲ್ಲಿ ಕಲಸಿಕೊಂಡು ಪೇಸ್ಟ್ ಮಾಡಿಕೊಳ್ಳಿ. ತೆಂಗಿನ ಕಾಯಿ ಸುತ್ತಲೂ ಈ ಮಿಶ್ರಣವನ್ನು ಹಚ್ಚಿಕೊಳ್ಳಿ ಮತ್ತು ತೆಂಗಿನ ಕಾಯಿಗೆ ಕುಂಕುಮದಿಂದ ಎರಡು ಕಣ್ಣುಗಳನ್ನು ಬಿಡಿಸಿ. ವರಮಹಾಲಕ್ಷ್ಮಿ ಹಬ್ಬದಲ್ಲಿ ಈ ಅಲಂಕಾರವನ್ನು ಪ್ರಮುಖವಾಗಿ ಮಾಡುತ್ತಾರೆ

ಹೂಮಾಲೆ

ಹೂವಿನ ಅಲಂಕಾರವನ್ನು ನಿಮ್ಮ ಪೂಜಾ ಕೊಠಡಿಗೆ ಮಾಡಿಲ್ಲ ಎಂದಾದಲ್ಲಿ ವರಮಹಾಲಕ್ಷ್ಮಿ ಹಬ್ಬದ ಆಚರಣೆ ಕಳೆಗುಂದುವುದು ಖಂಡಿತ. ನಿಮ್ಮ ಪೂಜಾ ಮನೆಯನ್ನು ಇನ್ನಷ್ಟು ಆಕರ್ಷಕವಾಗಿಸಲು ಹೂವಿನ ಅಲಂಕಾರವನ್ನು ಮಾಡಿ

ಎಲ್ಇಡಿ ಲೈಟ್ಸ್

ಅಲಂಕಾರಕ್ಕಾಗಿ ಎಲ್ಇಡಿ ಲೈಟ್‎ಗಳನ್ನು ಈಗ ಸಾಮಾನ್ಯವಾಗಿ ಬಳಸುತ್ತಾರೆ. ಇದು ಸಂಪೂರ್ಣ ವಾತಾವರಣವನ್ನು ಹೆಚ್ಚು ಆಕರ್ಷಕವನ್ನಾಗಿಸುತ್ತದೆ. ಒಂದೇ ಅಥವಾ ಹಲವು ಬಣ್ಣದ ಲೈಟ್‎ಗಳನ್ನು ಇದಕ್ಕಾಗಿ ಬಳಸಿಕೊಳ್ಳಬಹುದಾಗಿದೆ. ನಿಮ್ಮ ಪೂಜಾ ಮಂಟಪಕ್ಕೆ ಮಾತ್ರವಲ್ಲದೆ ಮನೆಗೂ ಈ ಲೈಟಿಂಗ್ ಅನ್ನು ಬಳಸಿಕೊಳ್ಳಬಹುದಾಗಿದೆ.

ಮೂರ್ತಿ ಅಲಂಕಾರ

ವರಮಹಾಲಕ್ಷ್ಮಿ ಪೂಜೆಯಲ್ಲಿ ಮೂರ್ತಿಗೆ ಅಲಂಕಾರವನ್ನು ನೀವು ಚೆನ್ನಾಗಿ ಮಾಡಬೇಕು. ನಿಮ್ಮ ಮಂಟಪಕ್ಕೆ ಹೊಂದಿಕೊಳ್ಳುವ ಮೂರ್ತಿಯನ್ನು ಆಯ್ಕೆಮಾಡಿ. ಮೂರ್ತಿಯ ಅಲಂಕಾರಕ್ಕೆ ಸಮನಾಗಿ ಮಂಟಪದ ಅಲಂಕಾರ ಕೂಡ ಇರಲಿ.

ದೀಪಗಳ ಅಲಂಕಾರ

ಅಲಂಕಾರಿಕ ದೀಪಗಳನ್ನು ಬಳಸಿ ಹಬ್ಬವನ್ನು ಇನ್ನಷ್ಟು ಶ್ರದ್ಧಾಪೂರ್ವಕವನ್ನಾಗಿ ಮಾಡಬಹುದು. ಮಣ್ಣಿನ ದೀಪಗಳ ಬಳಕೆಯನ್ನು ನಿಮಗೆ ಮಾಡಬಹುದಾಗಿದೆ, ಅಂತೆಯೇ ಬೆಳ್ಳಿ ಹಾಗೂ ಎಣ್ಣೆಯ ದೀಪಗಳನ್ನು ಪೂಜೆಗಾಗಿ ಬಳಸಿಕೊಳ್ಳಬಹುದಾಗಿದೆ. ಮರುಬಳಕೆಯನ್ನು ಮಾಡಲು ನೀವು ಬಯಸುತ್ತೀರಿ ಎಂದಾದಲ್ಲಿ ಮುಂದಿನ ವರ್ಷಕ್ಕೂ ಇದನ್ನು ಬಳಕೆ ಮಾಡಬಹುದಾಗಿದೆ. ವರಮಹಾಲಕ್ಷ್ಮಿ ಹಬ್ಬದ ಆಚರಣೆಯಲ್ಲಿ ಇದು ಹೆಚ್ಚು ಮುಖ್ಯವಾದುದು.

ರಂಗೋಲಿ

ಪೂಜೆಯಲ್ಲಿ ರಂಗೋಲಿ ಹೆಚ್ಚು ಪ್ರಾಮುಖ್ಯವಾದುದು. ಸಾಂಪ್ರದಾಯಿಕ ರಂಗೋಲಿ ವಿನ್ಯಾಸವನ್ನು ಪ್ರಯತ್ನಿಸುವುದರ ಜೊತೆಗೆ, ಹೊಸ ಮತ್ತು ವಿನ್ಯಾಸದ ರಂಗೋಲಿಯನ್ನು ನೀವು ಹಾಕಬಹುದಾಗಿದೆ. ಎಣ್ಣೆಯ ದೀಪಗಳನ್ನು ಇರಿಸುವುದರ ಮೂಲಕ ರಂಗೋಲಿ ವಿನ್ಯಾಸಗಳನ್ನು ಅಲಂಕರಿಸಿ.ನಿಮ್ಮ ಹಬ್ಬವನ್ನು ಇನ್ನಷ್ಟು ನೆನಪಿನಲ್ಲುಳಿಯುವಂತೆ ಮಾಡಲು ಈ ಅಲಂಕಾರದ ವಿಧಾನಗಳನ್ನು ಅನುಸರಿಸಿ. ಇದು ಆಧ್ಯಾತ್ಮಿಕ ವಾತಾವರಣವನ್ನು ಸೃಷ್ಟಿಸುವುದು ಖಂಡಿತ.