ಲಿಂಬೆ ಹಣ್ಣು: ಮೂರ್ತಿ ಚಿಕ್ಕದಾದರೂ, ಕೀರ್ತಿ ದೊಡ್ಡದು

ಕಿಟಕಿಯನ್ನು ಸ್ವಚ್ಛಗೊಳಿಸಲು ಲಿಂಬೆ ಬಳಸಿ

ಒಂದು ದೊಡ್ಡದಾದ ಲಿಂಬೆಹಣ್ಣನ್ನು ಕತ್ತರಿಸಿ ರಸ ಹಿಂಡಿ ಒಂದು ಮಧ್ಯಮ ಗಾತ್ರದ ಮಗ್ ಅಥವಾ ಕೈಪಾತ್ರೆಯಲ್ಲಿರುವ ನೀರಿಗೆ ಬೆರೆಸಿ. ಇದಕ್ಕೆ ಒಂದು ಚಮಚ ಅಡುಗೆ ಸೋಡಾ ಬೆರೆಸೆ ಚಮಚದಿಂದ ಮಿಶ್ರಗೊಳಿಸಿ. ಈ ದ್ರವದಲ್ಲಿ ಹತ್ತಿಯ ಬಟ್ಟೆಯನ್ನು ಮುಳುಗಿಸಿ ಕೊಳೆಯಾಗಿದ್ದ ಗಾಜಿನ ಕಿಟಕಿ ಮತ್ತು ಕನ್ನಡಿಗಳನ್ನು ಸ್ವಚ್ಛಗೊಳಿಸಿ.

ಕಿಟಕಿಯನ್ನು ಸ್ವಚ್ಛಗೊಳಿಸಲು ಲಿಂಬೆ ಬಳಸಿ

ಮೇಲಿನಿಂದ ಪ್ರಾರಂಭಿಸಿ ಕೆಳಗೆ ಒಮ್ಮುಖವಾಗಿ ಮಾತ್ರ ಒರೆಸಿ, ಸರ್ವಥಾ ಇದರ ವಿರುದ್ಧ ದಿಕ್ಕಿಗೆ ಒರೆಸಬೇಡಿ. ಅಂತೆಯೇ ಎಡದಿಂದ ಬಲಕ್ಕೆ ಅಥವಾ ಬಲದಿಂದ ಎಡಕ್ಕೂ ಒರೆಸಬಹುದು ಆದರೆ ಒಮ್ಮುಖವಾಗಿರುವುದು ಅಗತ್ಯ. ಸುಮಾರು ಐದು ನಿಮಿಷದ ಬಳಿಕ ನವಿರಾದ ಪದರವೊಂದು ಕಂಡೂಕಾಣದಂತಿರುತ್ತದೆ ಇದನ್ನು ಸ್ವಚ್ಛವಾದ ಹತ್ತಿಯ ಬಟ್ಟೆ ಅಥವಾ ಹಳೆಯ ಪತ್ರಿಕೆಯಿಂದ ಒಮ್ಮುಖವಾಗಿ ಒರೆಸಿ, ಕನ್ನಡಿಗಳು ಸ್ಪಟಿಕದಂತೆ ಹೊಳೆಯುತ್ತವೆ.

ಅಡುಗೆಮನೆಯ ಸಿಂಕ್ ಸ್ವಚ್ಛಗೊಳಿಸಲು ಲಿಂಬೆ ಬಳಸಿ

ಪಾತ್ರೆ ತೊಳೆದ ನೀರು ಹೊರಹೋಗಲು ಇರುವ ಸಿರಾಮಿಕ್ ಅಥವಾ ಸ್ಟೀಲ್ ನ ಸಿಂಕ್ ನಲ್ಲಿಯೂ ಕೊಂಚಕಾಲದ ಬಳಿಕ ಕೊಳೆ ತುಂಬಿಕೊಳ್ಳುತ್ತದೆ. ಇದಕ್ಕಾಗಿ ಎರಡು ಲಿಂಬೆಗಳನ್ನು ಕತ್ತರಿಸಿ ರಸವನ್ನು ನೇರವಾಗಿ ಸಿಂಕ್ ನ ಮೇಲೆ ಬೀಳುವಂತೆ ಹಿಂಡಿ. ಮುಂದೆ ಓದಿ

ಅಡುಗೆಮನೆಯ ಸಿಂಕ್ ಸ್ವಚ್ಛಗೊಳಿಸಲು ಲಿಂಬೆ ಬಳಸಿ

ಈಗ ಕೊಂಚ ಕಲ್ಲುಪ್ಪನ್ನು ಇದರ ಮೇಲೆ ಚಿಮುಕಿಸಿ. ಸುಮಾರು ಐದು ನಿಮಿಷದ ಬಳಿಕ ಹಳೆಯ ಹಲ್ಲುಜ್ಜುವ ಬ್ರಶ್ ಬಳಸಿ ಕೊಳೆ ತುಂಬಿರುವ ಮೂಲೆಗಳನ್ನು ಉಜ್ಜಿ. ನಂತರ ಕೊಂಚವೇ ಬಿಸಿ ಇರುವ ನೀರನ್ನು ಹಾಕಿ ತೊಳೆಯಿರಿ. ಸಿಂಕ್ ಹೊಚ್ಚ ಹೊಸತರಂತೆ ಹೊಳೆಯುತ್ತದೆ.

ಶೌಚಾಲಯದ ಸೀಟ್ ಸ್ವಚ್ಛಗೊಳಿಸಲು

ಅತಿಹೆಚ್ಚು ನೈರ್ಮಲ್ಯದ ಅವಶ್ಯಕತೆ ಇರುವ ಶೌಚಾಲಯದ ಕಮೋಡ್ ನ ಕುಳಿತುಕೊಳ್ಳುವ ಕುರ್ಚಿ ಹೊಸತಿದ್ದಾಗ ಬೆಳ್ಳಂಬೆಳ್ಳಗಿದ್ದು ಕಾಲಕಳೆದಂತೆ ಹಳದಿಯಾಗುತ್ತಾ ಹೋಗುತ್ತದೆ. ಇದನ್ನು ಪುನಃ ಮೂಲರೂಪಕ್ಕೆ ತರಲು ಒಂದು ಅಥವಾ ಎರಡು ಲಿಂಬೆಹಣ್ಣುಗಳನ್ನು ನೇರವಾಗಿ ಇದರ ಮೇಲೆ ಹಿಂಡಿ ರಸ ಬೀಳುವಂತೆ ಮಾಡಿ. ಚಿಕ್ಕ ಹತ್ತಿಯುಂಡೆಯಿಂದ ರಸವನ್ನು ಎಲ್ಲೆಡೆಗೆ ಸಮಾನವಾಗಿ ಬರುವಂತೆ ಹರಡಿ.

ಶೌಚಾಲಯದ ಸೀಟ್ ಸ್ವಚ್ಛಗೊಳಿಸಲು

ಒಣಗುವ ಮುನ್ನವೇ ಕೊಂಚ ಅಡುಗೆ ಸೋಡಾ ಪುಡಿಯನ್ನು ಈ ರಸ ಹೀರಿಕೊಳ್ಳುವಂತೆ ಚಿಮುಕಿಸಿ. ಒಂದೆರಡು ನಿಮಿಷ ಕಳೆದು ಹಳೆಯ ಬಟ್ಟೆಯೊಂದರಿಂದ ಕೊಂಚವೇ ಒತ್ತಡ ಹಾಕಿ ಒರೆಸಿ. ವಾರಕ್ಕೆರಡು ಬಾರಿ ಈ ವಿಧಾನವನ್ನು ಅನುಸರಿಸುತ್ತಾ ಬಂದರೆ ಶೀಘ್ರವೇ ಮೊದಲಿನ ಬಣ್ಣವನ್ನು ಪಡೆದುಕೊಳ್ಳುತ್ತದೆ.

ಪಾತ್ರೆ ತೊಳೆಯಲು ಲಿಂಬೆಯ ಬಳಕೆ

ಒಂದು ವೇಳೆ ನೀವು ಮಾಂಸಾಹಾರಿಯಾಗಿದ್ದರೆ ಲಿಂಬೆ ನಿಮಗೆ ಅತ್ಯಗತ್ಯವಾಗಿದೆ. ಏಕೆಂದರೆ ನಿಮ್ಮ ಅಡುಗೆಯ ಪಾತ್ರೆಗಳ ತಳಭಾಗದಲ್ಲಿ ಅತಿ ಹೆಚ್ಚು ಕಠಿಣವಾದ ಮತ್ತು ಹಠಮಾರಿಯಾದ ಎಣ್ಣೆಯ ಕಲೆಗಳಿರುತ್ತವೆ. ಇದನ್ನು ಗಸಗಸ ಉಜ್ಜದೇ ಬೇರೆ ಮಾರ್ಗವೇ ಇಲ್ಲ ಎಂದು ತಿಳಿದುಕೊಂಡಿದ್ದರೆ ಇದನ್ನು ಸುಲಭವಾಗಿ ನಿವಾರಿಸಲು ಲಿಂಬೆ ಮತ್ತು ಶಿರ್ಕಾ ನಿಮ್ಮ ಸೇವೆಗೆ ಕಾದಿವೆ. ಸಾಮಾನ್ಯವಾಗಿ ತೊಳೆಯುವಂತೆ ಈ ಪಾತ್ರೆಗಳನ್ನೂ ತೊಳೆದು ನೀರು ಬಸಿದ ಬಳಿಕ ಪ್ರತಿ ಪಾತ್ರೆಯೊಳಗೆ ಐದು ಮಿ.ಲೀ ಶಿರ್ಕಾ ಮತ್ತು ಒಂದು ಲಿಂಬೆಯ ರಸವನ್ನು ಹಾಕಿ ಪಾತ್ರೆಯೊಳಗಿನ ಎಲ್ಲೆಡೆ ತಗಲುವಂತೆ ಹರಡಿ.

ಪಾತ್ರೆ ತೊಳೆಯಲು ಲಿಂಬೆಯ ಬಳಕೆ

ಇದಕ್ಕಾಗಿ ಹತ್ತಿಯುಂಡೆಯ ಅಥವಾ ಬಟ್ಟೆಯ ಚೂರಿನ ನೆರವನ್ನು ಪಡೆಯಬಹುದು. ಐದು ನಿಮಿಷ ಹಾಗೇ ಬಿಡಿ. ಬಳಿಕ ಕೊಂಚ ಬಿಸಿನೀರನ್ನು ಪಾತ್ರೆಯೊಳಕ್ಕೆ ಹಾಕಿ ಉಜ್ಜದೇ ಒಳಗಿನ ದ್ರವ ಕರಗುವಂತೆ ಮಾಡಿ. ನಂತರ ಸೌಮ್ಯವಾದ ಪಾತ್ರೆಯುಜ್ಜುವ ಬ್ರಶ್ ಬಳಸಿ ಒಳಭಾವನ್ನು ಮತ್ತೊಮ್ಮೆ ಒರೆಸಿ ಈ ನೀರೆಲ್ಲಾ ಹೊರಹೋಗುವಂತೆ ಮಾಡಿ. ಇದರಿಂದ ಪಾತ್ರೆಯಲ್ಲಿದ್ದ ಕಲೆ ಮತ್ತು ಹಠಮಾರಿ ಜ್ಜಿಡ್ಡುಗಳ ಜೊತೆಗೇ ಉಳಿದಿದ್ದ ಅಡುಗೆಯ ವಾಸನೆಯೂ ಹೋಗುತ್ತದೆ.