ಸೋಡಾ ಬಳಸದೆ ಮೃದುವಾದ ಇಡ್ಲಿ ತಯಾರಿಸಲು ಟಿಪ್ಸ್

1. ಅವಲಕ್ಕಿ ಸೇರಿಸಿ

ಇಡ್ಲಿಗೆ ಉದ್ದು, ಅಕ್ಕಿ ಹಾಕಿ ರುಬ್ಬುತ್ತೇವೆ, ಹೀಗೆ ರುಬ್ಬುವಾಗ ಅವಲಕ್ಕಿ ಕೂಡ ಸೇರಿಸಿದರೆ ಇಡ್ಲಿ ತುಂಬಾ ಮೃದುವಾಗುವುದು. 3 ಕಪ್ ಅಕ್ಕಿಗೆ, 1 ಕಪ್ ಉದ್ದು ಹಾಕಿದರೆ ಅದಕ್ಕೆ ಒಂದು ಕಪ್ ಅವಲಕ್ಕಿ ಸೇರಿ ರುಬ್ಬಿ ಮಿಕ್ಸ್ ಮಾಡಿಡಿ. ಹೀಗೆ ಮಾಡಿದರೆ ಇಟ್ಟು ತುಂಬಾ ಮೃದುವಾಗುತ್ತದೆ.

2. ಹಿಟ್ಟು ಬಿಸಿ ಮಾಡಿ

ತುಂಬಾ ಚಳಿಯಿದ್ದಾಗ ಇಟ್ಟು ಉಬ್ಬು ಬರುವುದು ಕಡಿಮೆ. ಆಗ ಹಿಟ್ಟನ್ನು ರುಬ್ಬಿದ ಬಳಿಕ ಚೆನ್ನಾಗಿ ಒಂದು ನಿಮಿಷ ತಿರುಗಿಸುತ್ತಾ ಬಿಸಿ. ಇಟ್ಟು ಬಿಸಿ ಮಾಡುವಾಗ ತುಂಬಾನೇ ಜಾಗ್ರತೆವಹಿಸಬೇಕು. ಹಿಟ್ಟು ಗಟ್ಟಿಯಾಗಬಾರದು, ನೀವು ಮೀಡಿಯಂ ಉರಿಯಲ್ಲಿ ಗ್ಯಾಸ್‌ ಇಟ್ಟು ಹಿಟ್ಟನ್ನು ತಿರುಗಿಸಿದರೆ ಹಿಟ್ಟು ಗಟ್ಟಿಯಾಗಲ್ಲ. ಹಿಟ್ಟು ಸ್ವಲ್ಪ ಬಿಸಿಯಾದಾಗ ಇಡ್ಲಿಗೆ ಚೆನ್ನಾಗಿ ಉಬ್ಬಿ ಬರುತ್ತೆ.

3. ಕುದಿಯುವ ನೀರು 1 ಕಪ್ ಸೇರಿಸಿ

ಹಿಟ್ಟನ್ನು ಬಿಸಿ ಮಾಡಿದರೆ ಎಲ್ಲಿ ಗಟ್ಟಿಯಾಗುತ್ತೆ ಎಂಬ ಭಯವಿದ್ದರೆ ಹಿಟ್ಟನ್ನು ರುಬ್ಬುವಾಗ ತುಂಬಾ ನೀರು ಹಾಕಬೇಡಿ, ರುಬ್ಬಿದ ಬಳಿಕ ಬಿಸಿ ನೀರು ಸೇರಿಸಿ ಮಿಕ್ಸ್ ಮಾಡಿಟ್ಟರೆ ಕೂಡ ಹಿಟ್ಟು ಮೃದುವಾಗಿರುತ್ತೆ.

4. ಸೇಂದಿ ಬಳಸಿದರೂ ಮೃದುವಾಗುತ್ತೆ

ಊರು ಕಡೆ ತೆಂಗಿನ ಮರದ ಅಥವಾ ಈಚಲು ಮರದ ಸೇಂದಿ ತೆಗೆಯುತ್ತಾರೆ, ಅದು 2 ಚಮಚ ಹಾಕಿದರೆ ಸಾಕು ಇಡ್ಲಿ ತುಂಬಾನೇ ಮೃದುವಾಗಿರುತ್ತೆ.