ಟಿವಿ ವೀಕ್ಷಿಸುವಾಗ ಹೀಗೆ ಮಾಡಿದರೆ ಕಣ್ಣಿಗೆ ಹಾನಿಯಾಗುವುದಿಲ್ಲ

ಟಿವಿ ನೋಡುವ ವೇಳೆ ಲೈಟ್ ಗಳು ಉರಿಯುತ್ತಿರಲಿ

ನಾವು ಯಾವಾಗಲೂ ಹಾಸಿಗೆ ಮೇಲೆ ಬಿದ್ದುಕೊಂಡು ಲೈಟ್ ಆಫ್ ಮಾಡಿಕೊಂಡು ಟಿವಿ ನೋಡುವುದನ್ನು ಅಭ್ಯಾಸ ಮಾಡಿಕೊಂಡಿದ್ದಾರೆ. ಆದರೆ ಇದು ನಿಜವಾಗಿಯೂ ಕಣ್ಣಿಗೆ ತುಂಬಾ ಹಾನಿ ಉಂಟು ಮಾಡುವುದು. ಇದರಿಂದ ನೀವು ಟಿವಿ ನೋಡುವ ವೇಳೆ ಲೈಟ್ ಉರಿಸಿ. ಇದರಿಂದ ಕಣ್ಣುಗಳಿಗೆ ಹಾನಿ ಆಗದು.

ವಿರಾಮ ತೆಗೆದುಕೊಳ್ಳಿ

ನೀವು ನಿರಂತರವಾಗಿ ಟಿವಿ ನೋಡಿದರೆ ಅದರಿಂದ ಖಂಡಿತವಾಗಿಯೂ ಕಣ್ಣುಗಳಿಗೆ ಹಾನಿ ಆಗುವುದು. ಇದರ ಬದಲಿಗೆ ನೀವು ಗಂಟೆಗೊಮ್ಮೆ ವಿರಾಮ ತೆಗೆದುಕೊಂಡರೆ ಆಗ ತುಂಬಾ ಒಳ್ಳೆಯದು. ಜಾಹೀರಾತು ಬಂದ ವೇಳೆ ನೀವು ಎದ್ದು ಬೇರೆ ಕಡೆ ಸ್ವಲ್ಪ ಸುತ್ತಾಡಿ ಬನ್ನಿ. ಇದರಿಂದ ಕಣ್ಣುಗಳಿಗೆ ಆರಾಮ ಸಿಗುವುದು. ಅದೇ ರೀತಿಯಾಗಿ ಬೆನ್ನು ನೋವಿನ ಸಮಸ್ಯೆಯನ್ನು ಇದರಿಂದ ತಡೆಯಬಹುದು. ನಡೆಯುವಾಗ ತುಂಬಾ ದೂರದಲ್ಲಿ ಇರುವಂತಹ ವಸ್ತುಗಳ ಕಡೆ ಹೆಚ್ಚು ದೃಷ್ಟಿ ಹರಿಸಿ.

ಪ್ರಜ್ವಲಿಸುವ ಬೆಳಕನ್ನು ಕಡಿಮೆ ಮಾಡಿ

ಟಿವಿ ಪರದೆ ಮೇಲೆ ಯಾವುದೇ ಪ್ರಜ್ವಲಿಸುವ ಬೆಳಕು ಬೀಳದಂತೆ ನೋಡಿಕೊಳ್ಳಿ. ಇದಕ್ಕಾಗಿ ನೀವು ಬೆಳಕಿನಿಂದ ಟಿವಿಯನ್ನು 90 ಡಿಗ್ರಿಯಲ್ಲಿ ಇಡಬೇಕು. ಆಂಟಿ ಗ್ಲೇರ್ ಗ್ಲಾಸ್ ಗಳನ್ನು ಸಹ ನೀವು ಹಾಕಿಕೊಳ್ಳಬಹುದು.

ಸರಿಯಾದ ಅಂತರ ಕಾಯ್ದುಕೊಳ್ಳಿ

ಟಿವಿಯಿಂದ ಸುಮಾರು 8-10 ಅಡಿ ದೂರದಲ್ಲಿ ಕುಳಿತುಕೊಳ್ಳಿ. ಇದು ನಿಮ್ಮ ಕಣ್ಣಿನ ನೇರಕ್ಕೆ ಅಥವಾ ಅದಕ್ಕಿಂತ ಕೆಳಗೆ ಇರಬೇಕು. ಟಿವಿ ಪರದೆಯನ್ನು ನೀವು ಮೇಲಕ್ಕೆ ಕಣ್ಣು ಹಾಯಿಸಿ ನೋಡಬಾರದು.

ಆಯಾಸ ನಿವಾರಿಸಿ

ಬಳಿಕ ನಿಮ್ಮ ಕಣ್ಣುಗಳಿಗೆ ತುಂಬಾ ಆಯಾಸವಾಗಿದ್ದರೆ ಆಗ ನೀವು ಕೆಲವೊಂದು ಕ್ರಮಗಳಿಂದ ಅದನ್ನು ಸರಿಪಡಿಸಬಹುದಾಗಿದೆ. ಕಣ್ಣುಗಳಿಗೆ ನಯವಾಗಿ ಮಸಾಜ್ ಮಾಡಿ. ಅದಕ್ಕೆ ಬಿಸಿ ಶಾಖ ನೀಡಿ ಅಥವಾ ಏನಾದರೂ ಸರಳ ಕಣ್ಣಿನ ವ್ಯಾಯಾಮ ಮಾಡಿ. ಪ್ರತಿನಿತ್ಯ 8 ಗಂಟೆಗಳ ಕಾಲ ನಿದ್ರೆ ಮಾಡಿದರೆ ಆಗ ಖಂಡಿತವಾಗಿಯೂ ಕಣ್ಣುಗಳಿಗೆ ವಿಶ್ರಾಂತಿ ಸಿಗುವುದು.

ಟಿವಿ ಅಪ್ ಗ್ರೇಡ್ ಮಾಡಿ

ಹೊಸ ಟಿವಿ ಬೇಕೆಂದು ನಿಮ್ಮ ಸಂಗಾತಿಗೆ ಮನವಿ ಮಾಡುತ್ತಿರಾದರೆ, ಆಗ ಇದಕ್ಕಿಂತ ಒಳ್ಳೆಯ ಅವಕಾಶವು ಮತ್ತೊಂದು ಇಲ್ಲ. ನೀವು ತುಂಬಾ ಹಳೆ ಟಿವಿ ಈಗಲೂ ಬಳಸುತ್ತಿದ್ದರೆ ಅದನ್ನು ಮಾರಿ ಬೇರೆ ಫ್ಲ್ಯಾಟ್ ಟಿವಿ ಖರೀದಿ ಮಾಡಿ. ಇದರಿಂದ ಬೆಳಕಿನ ಪ್ರಜ್ಞಲನ ಕಡಿಮೆ ಆಗುವುದು. ಟಿವಿ ಪರದೆ ದೊಡ್ಡದಾಗಿದ್ದರೆ ಆಗ ಅದರಿಂದ ಕಣ್ಣಿಗೆ ಒತ್ತಡವು ಕಡಿಮೆ ಬೀಳುವುದು.