For Quick Alerts
ALLOW NOTIFICATIONS  
For Daily Alerts

ಅಧ್ಯಯನ ವರದಿ: ವೇಗವಾಗಿ ನಡೆಯುವವರು ಹೆಚ್ಚು ಕಾಲ ಬದುಕುವರು!

|

ಭೂಮಿ ಮೇಲೆ ಜನಿಸಿದವರು ಒಂದಲ್ಲಾ ಒಂದು ದಿನ ಸಾಯಲೇಬೇಕು. ಹುಟ್ಟು ಆಕಸ್ಮಿಕ, ಸಾವು ನಿಶ್ಚಿತ ಎನ್ನುವ ಮಾತಿದೆ. ಆದರೆ ಭೂಮಿಗೆ ಬಂದ ಮೇಲೆ ಪ್ರತಿಯೊಬ್ಬರಿಗೂ ತಾವು ಎಷ್ಟು ವರ್ಷಗಳ ಕಾಲ ಬದುಕುತ್ತೇವೆ ಎನ್ನುವ ಕುತೂಹಲ ಇದ್ದೇ ಇರುತ್ತದೆ. ಇಂದಿನ ಆಧುನಿಕ ಯುಗದಲ್ಲಿ ಹಲವಾರು ರೀತಿಯಿಂದ ನಿಮ್ಮ ಸಾವು ಯಾವಾಗ ಬರುತ್ತದೆ ಎಂದು ದಿನಕ್ಕೊಂದು ರೀತಿಯಲ್ಲಿ ಕಂಡುಹಿಡಿಯುವ ವಿಧಾನಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಾ ಇರುತ್ತದೆ. ಆದರೆ ಇದು ಎಷ್ಟು ನಿಖರ ಎನ್ನುವುದು ಮಾತ್ರ ತಿಳಿದಿಲ್ಲ. ಈ ಲೇಖನದಲ್ಲಿ ನೀವು ನಡೆಯುವ ವೇಗದಿಂದ ಎಷ್ಟು ವರ್ಷಗಳ ಕಾಲ ಬದುಕಲಿದ್ದೀರಿ ಎಂದು ತಿಳಿಯಬಹುದು. ಇತ್ತೀಚೆಗೆ ನಡೆಸಿರುವ ಅಧ್ಯಯನ ಒಂದರ ಪ್ರಕಾರ ನಡೆಯುವ ವೇಗದಿಂದ ನೀವು ಎಷ್ಟು ಸಮಯ ಬದುಕಲಿದ್ದೀರಿ ಎಂದು ಹೇಳಬಹುದಾಗಿದೆ.

ಅಧ್ಯಯನಗಳು ಕಂಡುಕೊಂಡಿರುವಂತಹ ವಿಚಾರವೆಂದರೆ ತುಂಬಾ ನಿಧಾನವಾಗಿ ನಡೆಯುವವರಿಗಿಂತ ವೇಗವಾಗಿ ನಡೆಯುವವರು ಹೆಚ್ಚು ಕಾಲ ಬಾಳುತ್ತಾರೆ. ಈ ಅಧ್ಯಯನ ವರದಿಯು ಜರ್ನಲ್ ಆಫ್ ಮಯೋ ಕ್ಲಿನಿಕ್ ಪ್ರೊಸೀಡಿಂಗ್ ನಲ್ಲಿ ಪ್ರಕಟವಾಗಿದೆ. ನೈಸರ್ಗಿಕವಾಗಿ ವೇಗವಾಗಿ ನಡೆಯುವವರ ಜೀವಿತಾವಧಿಯು ಹೆಚ್ಚಾಗಿರುವುದು ಎಂದು ಹೇಳಲಾಗಿದೆ.

Most Read: ಮುಂಜಾನೆಯ ನಡಿಗೆ, ಆರೋಗ್ಯದ ಕಡೆಗೆ...!

walking speed

ಕಡಿಮೆ ತೂಕ ಹೊಂದಿರುವ ಮತ್ತು ತುಂಬಾ ನಿಧನವಾಗಿ ನಡೆಯುವಂತಹ ಪುರುಷರು 64.8 ವರ್ಷಗಳ ಕಾಲ, ಅದೇ ಮಹಿಳೆಯುರು 72.4 ವರ್ಷಗಳ ಕಾಲ ಬದುಕುವರು ಎಂದು ಕಂಡುಕೊಳ್ಳಲಾಗಿದೆ. ದೇಹದ ತೂಕಕ್ಕೆ ಹೋಲಿಸಿದರೆ ದೈಹಿಕ ಸಾಮರ್ಥ್ಯದ ಪ್ರಾಮುಖ್ಯತೆಯು ವ್ಯಕ್ತಿಗಳ ಜೀವಿತಾವಧಿಯಲ್ಲಿ ಮುಖ್ಯವೆಂದು ಸ್ಪಷ್ಟಪಡಿಸಲು ನಮ್ಮ ಅಧ್ಯಯನವು ನೆರವಾಗಿದೆ. ಮತ್ತೊಂದು ರೀತಿಯಲ್ಲಿ ಹೇಳಬೇಕಾದರೆ ದೈಹಿಕ ಫಿಟ್ನೆಸ್ ಎನ್ನುವುದು ಬಾಡಿ ಮಾಸ್ ಇಂಡೆಕ್ಸ್(ಬಿಎಂಐ)ಗಿಂತ ತುಂಬಾ ಒಳ್ಳೆಯದು ಮತ್ತು ಇದರಿಂದ ಜನರು ತುಂಬಾ ವೇಗವಾಗಿ ನಡೆಯಲು ಮತ್ತು ತಮ್ಮ ಜೀವಿತಾವಧಿಗೆ ಮತ್ತಷ್ಟು ವರ್ಷಗಳನ್ನು ಸೇರಿಸಿಕೊಳ್ಳಲು ನೆರವಾಗುವುದು ಎಂದು ಅಧ್ಯಯನದ ಲೇಖಕ ಪ್ರೊಫೆಸರ್ ಟಾಮ್ ಯಾಟ್ಸ್ ತಿಳಿಸಿದ್ದಾರೆ.

ಇದುವರೆಗೆ ಪ್ರಕಟಗೊಂಡಿರುವಂತಹ ಅಧ್ಯಯನಗಳು ಹೇಳುವ ಪ್ರಕಾರ ದೇಹದ ತೂಕ ಮತ್ತು ದೈಹಿಕ ಫಿಟ್ನೆಸ್ ನಿಂದಾಗಿ ಜೀವಿತಾವಧಿ ಮೇಲೆ ಪರಿಣಾಮ ಬೀರುವುದು.

Most Read: ಹಕ್ಕಿಗಳ ಇಂಪಾದ ಕಲರವದ ನಡುವೆ ಮುಂಜಾನೆಯ ನಡಿಗೆ

walking speed

ದೇಹದ ತೂಕಕ್ಕೆ ಐದು ಕಿ.ಲೋ ಹೆಚ್ಚಾದರೆ ಆಗ ಸಾಯುವ ಪ್ರಮಾಣವು ಶೇ.20ರಷ್ಟು ಹೆಚ್ಚಾಗುವುದು. ಬಿಎಂಐ ಮೌಲ್ಯದ ಪ್ರಕಾರ ಮೀಟರ್ ಗೆ 25 ಕಿ.ಲೋ.(ಬಿಎಂಐ ಪ್ರಕಾರ ಸಾಮಾನ್ಯ ತೂಕ ಅಥವಾ ಅಧಿಕ ತೂಕ ಇರುವುದು) ಎಂದು ಅಧ್ಯಯನದ ಸಹ ಲೇಖಕ ಡಾ. ಫ್ರಾನ್ಸೆಸ್ಕೊ ಜಕ್ಕಾರ್ಡಿ ತಿಳಿಸಿರುವರು. ಪ್ರೊಪೆಸರ್ ಯೇಟ್ಸ್ ಮತ್ತು ಅವರ ಸಹೋದ್ಯೋಗಿಗಳು ನಡೆಸಿರುವಂತಹ ಮತ್ತೊಂದು ಅಧ್ಯಯನದ ಪ್ರಕಾರ, ತುಂಬಾ ನಿಧಾನವಾಗಿ ನಡೆಯುವಂತಹ ಮಧ್ಯ ವಯಸ್ಸಿನ ಜನರಲ್ಲಿ ಹೃದಯ ಸಂಬಂಧಿ ಕಾಯಿಲೆಗಳು ತುಂಬಾ ಅಧಿಕವಾಗಿರುವುದು ಎಂದು ಕಂಡುಕೊಳ್ಳಲಾಗಿದೆ. ಸಂಪೂರ್ಣ ಜನಸಂಖ್ಯೆಗೆ ಹೋಲಿಕೆ ಮಾಡಿದರೆ ಈ ಅಪಾಯವು ಅಧಿಕ ಆಗಿದೆ. ಇನ್ನೇಕೆ ನೀವು ತಡ ಮಾಡುವುದು ನಿಮ್ಮ ಜೀವಿತಾವಧಿ ಹೆಚ್ಚಿಸಲು ವೇಗವಾಗಿ ನಡೆಯಲು ಆರಂಭಿಸಿ.

English summary

Your walking speed can determine how long you will live

You will be very surprised to know that your walking speed can determine your life expectancy.A recent study has shown some results which claims that the speed at which you walk can determine how long you will live. According to the study people who walk slowly have a lower life expectancy than those who walk fast. The study was published in the Journal of Mayo Clinic Proceedings. The study explains that people who walk faster naturally have a long life expectancy irrespective of their weight.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more