ಬಾಯಿಯ ದುರ್ಗಂಧವನ್ನು ಹೋಗಲಾಡಿಸುವ ನೈಸರ್ಗಿಕವಾದ ಮೌತ್ ವಾಶ್

ಬೇಕಿಂಗ್ ಸೋಡಾ

ತಯಾರಿಸಲು ಬೇಕಾದ ಪದಾರ್ಥಗಳು :

* 1 / 2 ಟೀ ಚಮಚ ಬೇಕಿಂಗ್ ಸೋಡಾ

* 1 / 2 ಗ್ಲಾಸ್ ಬಿಸಿ ನೀರು

ತಯಾರು ಮಾಡುವ ವಿಧಾನ

ಬಿಸಿ ನೀರು ತೆಗೆದುಕೊಂಡು ಅದಕ್ಕೆ ಸೋಡಾ ಹಾಕಿ ಚೆನ್ನಾಗಿ ಕಲಸಿ ಅದನ್ನು ನೀವು ಬ್ರಷ್ ಮಾಡಿದ ನಂತರ ಈ ಮಿಶ್ರಣದಿಂದ ಬಾಯಿ ಮುಕ್ಕಳಿಸಿ .

ಇದರಿಂದಾಗುವ ಉಪಯೋಗ :

ಬೇಕಿಂಗ್ ಸೋಡಾ ಬಾಯಿಯ ದುರ್ವಾಸನೆಯನ್ನು ದೂರ ಮಾಡುತ್ತದೆ ಮತ್ತು ಓರಲ್ ಬ್ಯಾಕ್ಟೇರಿಯಾ ಗಳನ್ನೂ ನಾಶ ಪಡಿಸುತ್ತದೆ . ಇದು ವೈಜ್ಞಾನಿಕವಾಗಿ ಅಲ್ಕಲೈನ್ ಸ್ವಭಾವ ಹೊಂದಿದ್ದು ಬಾಯಿಯ ಲಾಲಾರಸದ ಪಿ ಹೆಚ್ ಜಾಸ್ತಿ ಮಾಡುತ್ತದೆ.

ವರ್ಜಿನ್ ತೆಂಗಿನ ಎಣ್ಣೆ

ಒಂದು ಟೀ ಸ್ಪೂನ್ ವರ್ಜಿನ್ ತೆಂಗಿನ ಎಣ್ಣೆ ತೆಗೆದುಕೊಂಡು ಬಾಯಿಯಲ್ಲಿ ಹಾಕಿ 10 ರಿಂದ 15 ನಿಮಿಷ ಸ್ವಿಶ್ ಮಾಡಿ . ನಂತರ ಅದನ್ನು ಆಚೆಗೆ ಉಗಿದು ಶುದ್ಧವಾದ ನೀರಿನಲ್ಲಿ ಬಾಯಿ ತೊಳೆದುಕೊಳ್ಳಿ .

ಇದರಿಂದಾಗುವ ಉಪಯೋಗ

ಈ ಪ್ರಕ್ರಿಯೆಯನ್ನು ಆಯಿಲ್ ಪುಲ್ಲಿಂಗ್ ಎಂದು ಕರೆಯುತ್ತಾರೆ .ತೆಂಗಿನ ಎಣ್ಣೆ ಕೇವಲ ನಿಮ್ಮ ಬಾಯಿಯ ಆರೋಗ್ಯವನ್ನು ಮಾತ್ರ ಕಾಪಾಡುವುದಲ್ಲದೆ ನಿಮ್ಮ ದೇಹದ ವಿಷಕಾರಿ ಅಂಶಗಳನ್ನು ಹೊರ ಹಾಕುತ್ತದೆ . ನಿಮ್ಮ ಬಾಯಿಯಲ್ಲಿ ಪ್ಲೇಕ್ ಉಂಟಾಗುವುದನ್ನು ತಡೆಗಟ್ಟುತ್ತದೆ .

ಉಪ್ಪು

ತಯಾರು ಮಾಡಲು ಬೇಕಾಗಿರುವ ವಸ್ತುಗಳು :

* 1 / 2 ಟೀ ಸ್ಪೂನ್ ಪುಡಿ ಉಪ್ಪು

* 1 / 2 ಗ್ಲಾಸ್ ಬಿಸಿ ನೀರು

ತಯಾರು ಮಾಡುವ ವಿಧಾನ :

ನಿಮ್ಮ ಬಳಿಯಿರುವ ಪುಡಿ ಉಪ್ಪನ್ನು ಬಿಸಿ ನೀರಿಗೆ ಹಾಕಿ ಚೆನ್ನಾಗಿ ಟಿಪಾಯಿಸಿ . ನಿಮ್ಮ ಪ್ರತಿದಿನದ ಊಟ ಆದ ಮೇಲೆ ಈ ನೀರಿನಿಂದ ಬಾಯಿ ಮುಕ್ಕಳಿಸುವ ಅಭ್ಯಾಸ ಮಾಡಿಕೊಳ್ಳಿ.

ಇದರಿಂದ ನಿಮಗೇನು ಉಪಯೋಗ ?

ಮಾರುಕಟ್ಟೆಯಲ್ಲಿ ಹಣ ಸುರಿದು ನೀವು ತೆಗೆದುಕೊಳ್ಳುವ ಇತರೆ ಮೌತ್ ವಾಶ್ ಗಳಿಗಿಂತ 10 ಪಟ್ಟು ಪರಿಣಾಮಕಾರಿ . ಹಲ್ಲಿನ ಮತ್ತು ವಸಡಿನ ಸಮಸ್ಯೆಗಳನ್ನು ದೂರ ಮಾಡುವುದರ ಜೊತೆಗೆ ಪ್ಲೇಕ್ ಉಂಟಾಗುವುದನ್ನು ತಡೆಗಟ್ಟುತ್ತದೆ .

ಅಲೋವೆರಾ ಜ್ಯೂಸ್

ತಯಾರು ಮಾಡಲು ಬೇಕಾಗಿರುವ ವಸ್ತುಗಳು

* 1 / 2 ಕಪ್ ಅಲೋವೆರಾ ಜ್ಯೂಸು

* 1 / 2 ಕಪ್ ಡಿಸ್ಟಿಲ್ ಮಾಡಿರುವ ನೀರು

ಇದರಿಂದ ಏನು ಮಾಡಬೇಕು ?

ಅಲೋವೆರಾ ಜ್ಯೂಸು ಅನ್ನು ತಯಾರಿಸಿಕೊಂಡು ಅದಕ್ಕೆ ಡಿಸ್ಟಿಲ್ ಮಾಡಿರುವ ನೀರನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಇದನ್ನು ನೀವು ಪ್ರತಿ ಬಾರಿ ಬ್ರಷ್ ಮಾಡಿದ ಮೇಲೆ ಬಾಯಿ ಮುಕ್ಕಳಿಸಿ ನಂತರ ಬಾಯಿ ತೊಳೆದುಕೊಳ್ಳಿ .

ಇದರಿಂದಾಗುವ ಉಪಯೋಗ:

ಬಾಯಿಯ ವಸಡಿನ ಸೋರುವಿಕೆಯನ್ನು ಆರಂಭದಲ್ಲೇ ತಡೆಗಟ್ಟುತ್ತದೆ . ಪ್ಲೇಕ್ ಉಂಟಾಗುವುದನ್ನು ಸಹ ತಡೆಗಟ್ಟುತ್ತದೆ.

ದಾಲ್ಚಿನ್ನಿ ( ಚೆಕ್ಕೆ ) ಮತ್ತು ಲವಂಗದ ಎಣ್ಣೆ

ಮಿಶ್ರಣ ತಯಾರಿಸಲು ಏನೇನು ಬೇಕು ?

* 1 ಕಪ್ ಡಿಸ್ಟಿಲ್ ಮಾಡಿರುವ ನೀರು

* 10 ತೊಟ್ಟು ಲವಂಗದ ಎಣ್ಣೆ

* 10 ತೊಟ್ಟು ದಾಲ್ಚಿನ್ನಿ ಎಣ್ಣೆ

ಹೇಗೆ ತಯಾರು ಮಾಡುವುದು ?

ಕಪ್ ಡಿಸ್ಟಿಲ್ ಮಾಡಿರುವ ನೀರಿಗೆ ಈ ಲವಂಗದ ಎಣ್ಣೆ ಮತ್ತು ದಾಲ್ಚಿನ್ನಿ ಎಣ್ಣೆಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ . ಇದು ಬಹಳ ದಿನಗಳ ಕಾಲ ಕೆಡದೆ ಇರುವುದರಿಂದ ವರ್ಷಗಳ ಕಾಲ ನೀವು ಇದನ್ನು ಸ್ಟೋರ್ ಮಾಡಿಟ್ಟುಕೊಳ್ಳಬಹುದು ಮತ್ತು ನಿಮಗೆ ಯಾವಾಗ ಬೇಕೋ ಆವಾಗ ಉಪಯೋಗಿಸಬಹುದು .

ಇದರಿಂದಾಗುವ ಉಪಯೋಗ

ಇದು ಬಾಯಿಯ ದುರ್ವಾಸನೆಯನ್ನು ದೂರ ಮಾಡುತ್ತದೆ ಮತ್ತು ಹುಳುಕು ಹಲ್ಲಿನ ಸಮಸ್ಯೆಯನ್ನು ದೂರ ಮಾಡುತ್ತದೆ .