ಈ ಆರು ತರಕಾರಿಗಳನ್ನು ಬೇಯಿಸಿಯೇ ತಿನ್ನಬೇಕೇ ಹೊರತು ಹಸಿಯಾಗಿಯಲ್ಲ

ಟೊಮಾಟೋ

ಟೋಮಾಟೋದಲ್ಲಿರುವ ಲೈಕೋಪೀನ್ ಮತ್ತು ಇತರ ಆಂಟಿ ಆಕ್ಸಿಡೆಂಟುಗಳು ಬೇಯಿಸಿದ ಬಳಿಕವೇ ಜೀರ್ಣಗೊಳ್ಳಲು ಲಭ್ಯವಾಗುತ್ತವೆ. ಬಿಸಿಗೆ ಟೊಮಾಟೋದ ಜೀವಕೋಶಗಳ ಹೊರಪದ ಒಡೆದು ಸುಲಭವಾಗಿ ಜೀರ್ಣಗೊಳ್ಳಲು ನೆರವಾಗುತ್ತದೆ ಹಾಗೂ ದೇಹ ಲೈಕೋಪೀನ್ ಅನ್ನು ಹೀರಿಕೊಳ್ಳಲು ಸಾಧ್ಯವಾಗುತ್ತದೆ.

Most Read:ತರಕಾರಿಗಳನ್ನು ಬೇಯಿಸಿ ಸೇವಿಸಿದರೆ, ದುಪ್ಪಟ್ಟು ಲಾಭ!

ಆಲೂಗಡ್ಡೆ

ಆಲುಗಡ್ಡೆ ಬೇಯಿಸಿದ ಬಳಿಕವೇ ತಿನ್ನಲು ರುಚಿಯಾಗಿರುತ್ತದೆ. ಏಕೆಂದರೆ ಹಸಿ ಆಲೂಗಡ್ಡೆಯ ರುಚಿ ನಮ್ಮ ನಾಲಿಗೆಗಳಿಗೆ ರುಚಿಸುವುದಿಲ್ಲ ಹಾಗೂ ಇದರಲ್ಲಿರುವ ಬೀಟಾ ಕ್ಯಾರೋಟೀನ್ ಗಳ ಪ್ರಮಾಣ ಬೇಯಿಸಿದ ಬಳಿಕವೇ ಅಧಿಕಗೊಳ್ಳುತ್ತದೆ ಎಂದು ಸಂಶೋಧನೆಗಳು ತಿಳಿಸುತ್ತವೆ.

ಕ್ಯಾರೆಟ್

ಗಜ್ಜರಿ ಅಥವಾ ಕ್ಯಾರೆಟ್ ನಲ್ಲಿರುವ ಬೀಟಾ ಕ್ಯಾರೋಟೀನ್ ಗಳು ಬೇಯಿಸಿದ ಬಳಿಕವೇ ಅಧಿಕವಾಗಿ ಬಿಡುಗಡೆಗೊಳ್ಳುತ್ತವೆ. ಜೀರ್ಣ ಕ್ರಿಯೆಯಲ್ಲಿ ಈ ಬೀಟಾ ಕ್ಯಾರೋಟೋನ್ ವಿಟಮಿನ್ ಎ ಆಗಿ ಪರಿವರ್ತಿತವಾಗುತ್ತದೆ. ನಮಗೆ ಸಾಲಾಡ್ ರೂಪದಲ್ಲಿ ಕ್ಯಾರೆಟ್ ಅನ್ನು ಹಸಿಯಾಗಿ ಸೇವಿಸುವ ಅಭ್ಯಾಸವಿದ್ದರೂ ಬೇಯಿಸಿದ ಬಳಿಕವೇ ಇದು ಹೆಚ್ಚು ಆರೋಗ್ಯಕರವಾಗಿದೆ. ಹಾಗಾಗಿ ಇನ್ನು ಮುಂದೆ ಬೇಯಿಸಿದೇ ಕ್ಯಾರೆಟ್ ಅನ್ನು ಸೇವಿಸುವುದನ್ನು ಅಭ್ಯಾಸ ಮಾಡಿಕೊಳ್ಳುವುದೇ ಒಳಿತು.

ಹೂಕೋಸು

ಹೂಕೋಸು ನೋಡಲು ಸುಂದರವಾಗಿದ್ದರೂ ಹಸಿಯಾಗಿ ತಿನ್ನಲು ಯೋಗ್ಯವಲ್ಲ ಹಾಗೂ ತಿಂದರೆ ಇದು ನಮಗೆ ಸುಲಭವಾಗಿ ಜೀರ್ಣವಾಗುವುದೂ ಇಲ್ಲ. ಹಾಗಾಗಿ ಹಬೆಯಲ್ಲಿ ಬೇಯಿಸಿ ಅಥವಾ ಪಲ್ಯದ ರೂದದಲ್ಲಿ ಸೇವಿಸುವುದು ಉತ್ತಮ ಆಯ್ಕೆಯಾಗಿದ್ದು ಈ ಮೂಲಕ ಇದರಲ್ಲಿರುವ ಪೋಷಕಾಂಶಗಳನ್ನು ಗರಿಷ್ಟ ಪ್ರಮಾಣದಲ್ಲಿ ಸೇವಿಸಬಹುದು.

ಪಾಲಕ್ ಸೊಪ್ಪು

ಪಾಲಕ್ ಬಸಲೆ ಮೊದಲಾದ ದಪ್ಪನೆಯ ಎಲೆಗಳಲ್ಲಿ ಹೆಚ್ಚಿನ ಪ್ರಮಾಣದ ಕಬ್ಬಿಣ, ಕ್ಯಾಲ್ಸಿಯಂ ಹಾಗೂ ಮೆಗ್ನೇಶಿಯಂ ಇವೆ. ಬೇಯಿಸಿದ ಬಳಿಕ ಇದರಲ್ಲಿರುವ ಆಂಟಿ ಆಕ್ಸಿಡೆಂಟುಗಳ ಪ್ರಮಾಣವೂ ಹೆಚ್ಚುತ್ತದೆ. ಹಾಗಾಗಿ, ನಿಮ್ಮ ತಾಯಿ ಪಾಲಕ್ ಪನೀರ್ ಮಾಡಿ ಬಡಿಸಿದರೆ ಯಾವುದೇ ತಕರಾರು ಒಡ್ಡದೇ ಸೇವಿಸಿ.

ಬ್ರೋಕೋಲಿ

ಬ್ರೋಕೋಲಿಯನ್ನು ಹಸಿಯಾಗಿ ತಿಂದರೆ ಕೆಲವಾರು ಪ್ರಯೋಜನಗಳಿವೆ ಎಂಬ ಮಾಹಿತಿಗೆ ಹಲವಾರು ತಕರಾರುಗಳಿವೆ. ಆದರೆ ಬ್ರೋಕೋಲಿಯನ್ನು ಹಸಿಯಾಗಿ ಜೀರ್ಣಿಸಿಕೊಳ್ಳುವುದು ನಮ್ಮ ಜೀರ್ಣಾಂಗಗಳಿಗೆ ಬಹಳ ಕಷ್ಟಕರವಾದ ವಿಷಯವಾಗಿದೆ. ಹಾಗಾಗಿ ಬ್ರೋಕೋಲಿಯನ್ನೂ ಹಬೆಯಲ್ಲಿ ಬೇಯಿಸಿ ಸೇವಿಸಿದಾಗ ಮಾತ್ರವೇ ಇದರಲ್ಲಿರುವ ಪೋಷಕಾಂಶಗಳನ್ನು ಪೂರ್ಣ ಪ್ರಮಾಣದಲ್ಲಿ ಪಡೆಯಬಹುದು.