For Quick Alerts
ALLOW NOTIFICATIONS  
For Daily Alerts

ಅಲ್ಜೀಮಾರ್ ಕಾಯಿಲೆಗೆ ಅರಿಶಿನದ ಕರ್ಕ್ಯುಮಿನ್ ಅಂಶದಲ್ಲಿದೆ ಪರಿಹಾರ!

|

ನಮ್ಮ ಭಾರತೀಯ ಹಿಂದೂ ಸಂಸ್ಕೃತಿಯಲ್ಲಿ ಅರಿಶಿಣಕ್ಕೊಂದು ವಿಶೇಷ ಸ್ಥಾನವಿದೆ . ಅಡುಗೆಯಿಂದ ಮಂಗಳ ಕಾರ್ಯದವರೆಗೂ ಅರಿಶಿನ ಎಲ್ಲರ ಮನೆ ಮಾತಾಗಿದೆ . ಹಾಗಾಗಿಯೇ ಎಲ್ಲರೂ ಅರಿಶಿನವನ್ನು ಪೂಜ್ಯ ಮತ್ತು ಗೌರವ ಭಾವನೆಗಳಿಂದ ಕಾಣುತ್ತಾರೆ. ಶುಭ ಕಾರ್ಯದಲ್ಲಿ ಅರಿಶಿನ ಮೈ ಮೇಲೆ ಬಿದ್ದರೆ ಒಳ್ಳೆಯ ಸಂಕೇತ ಎಂದು ಹೇಳುತ್ತಾರೆ. ಅರಿಶಿನ ಚೆಲ್ಲಿದರೆ ಅದನ್ನು ತುಳಿಯಬಾರದು ಎಂದು ಹಲವರು ನಂಬಿದ್ದಾರೆ ಮತ್ತು ಅದೇ ರೀತಿ ಈಗಲೂ ಪಾಲಿಸುತ್ತಿದ್ದಾರೆ ಕೂಡ.

ಇನ್ನು ಆರೋಗ್ಯದ ವಿಷಯಕ್ಕೆ ಬರುವುದಾದರೆ ಬಹಳ ಹಿಂದಿನ ಕಾಲದ ಆಯುರ್ವೇದ ಔಷಧಿಯಿಂದ ಹಿಡಿದು ಈಗಿನ ಕಾಲದಲ್ಲಿ ಕೂಡ ಅನೇಕ ನಾಟಿ ವೈದ್ಯರು ಅರಿಶಿನ ದ ಉಪಯೋಗದ ಬಗ್ಗೆ ಚೆನ್ನಾಗಿ ಅರಿತು ಅದರಿಂದ ಔಷಧಿಗಳನ್ನು ತಯಾರಿಸಿ ಸಮಾಜದ ಜನರ ಖಾಯಿಲೆ ವಾಸಿ ಮಾಡುವ ಸೇವೆಯನ್ನು ಮಾಡುತ್ತಾ ಬಂದಿದ್ದಾರೆ .

Turmeric

ಅರಿಶಿನದಿಂದ ಆರೋಗ್ಯಕ್ಕೆ ಆಗುವಂತ ಪ್ರಯೋಜನಗಳು ಹಲವಾರು . ಇದರಲ್ಲಿ ಆಂಟಿ ಒಕ್ಸಿಡಾಂಟ್ ಮತ್ತು ಆಂಟಿ ಇಂಪ್ಲಾಮೇಟರಿ ಗುಣ ಲಕ್ಷಣಗಳು ಕೂಡಿದ್ದು ಮನುಷ್ಯನ ದೇಹದ ಕಾಂತಿಯಿಂದ ಹಿಡಿದು ಮೂಳೆಗಳ ಸಮಸ್ಯೆ , ಹೃದಯದ ಸಮಸ್ಯೆ , ಹೊಟ್ಟೆಯ ಸಮಸ್ಯೆ ಮತ್ತು ಕ್ಯಾನ್ಸರ್ ನಂತಹ ಮಹಾಮಾರಿ ರೋಗಗಳಿಗೂ ಅರಿಶಿಣದಲ್ಲಿನ ಚಮತ್ಕಾರಿ ಅಂಶಗಳು ಮುಕ್ತಿ ಕೊಡುತ್ತವೆ...

ಈಗ ಮೆದುಳಿನ ಸಮಸ್ಯೆಗಳಿಗೆ ಅರಿಶಿನದಿಂದ ಯಾವ ರೀತಿ ಪರಿಹಾರವಿದೆ ಎಂಬುದನ್ನು ನೋಡೋಣ.

ಹಲವಾರು ಮಂದಿ ವಯಸ್ಸಿಗೆ ಅನುಗುಣವಾಗಿ ಮರೆವಿನ ಖಾಯಿಲೆಯಿಂದ ಬಳಲುತ್ತಿರುತ್ತಾರೆ . ಕೆಲವರು ವಯಸ್ಸಿನಲ್ಲಿ ಚಿಕ್ಕವರಿದ್ದರೂ ಎಲ್ಲಾ ಮರೆಯುವ ಸಮಸ್ಯೆಯಿಂದ ಬಳಲುತ್ತಿರುತ್ತಾರೆ . ಅರಿಶಿನದಲ್ಲಿ ಈ ಸಮಸ್ಯೆಯಿಂದ ಮುಕ್ತಿ ಕೊಡಿಸುವ ಶಕ್ತಿ ಇದೆ. ಅರಿಶಿನದಲ್ಲಿ ಕರ್ಕ್ಯುಮಿನ್ ಎಂಬ ಅಂಶವಿದ್ದು ಮನುಷ್ಯರು ಬಳಲುವ " ಆಲ್ಜಿಮರ್ " ಖಾಯಿಲೆಗೆ ಇದು ಒಳ್ಳೆಯ ಔಷಧಿಯಾಗಿದೆ. ಇದು " ಅಮೇರಿಕನ್ ಜರ್ನಲ್ ಓಫ್ ಜೆರಿಯಾಟ್ರಿಕ್ ಸೈಕಿಯಾಟ್ರಿ " ಪ್ರಕಟಗೊಳಿಸಿದ ವರದಿಯಲ್ಲಿ ಸಾಬೀತಾಗಿದೆ.

Turmeric

ಅಲ್ಲಿನ ಸಂಶೋಧಕರು ಡೆಮೆನ್ಷಿಯಾ ಇಲ್ಲದ ಮನುಷ್ಯರ ಮೇಲೆ ಅರಿಶಿನದ ಕರ್ಕ್ಯುಮಿನ್ ಅಂಶ ದೇಹದ ಒಳಗೆ ಸೇರಿದರೆ ಯಾವ ರೀತಿ ಅವರ ಜ್ಞಾಪಕ ಶಕ್ತಿಯ ಮೇಲೆ ಪ್ರಭಾವ ಬೀರುತ್ತದೆ ಎಂದು ಪರೀಕ್ಷಿಸಿದರು. ಜೊತೆಗೆ ಮೊದಲೇ ಮೆದುಳಿನಲ್ಲಿ ದದ್ದುಗಳು ಮತ್ತು ಗೋಜಲುಗಳನ್ನು ಹೊಂದಿ ಆಲ್ಜಿಮರ್ ಖಾಯಿಲೆಯಿಂದ ಬಳಲುತ್ತಿರುವ ಜನರ ಮೇಲೆ ಅರಿಶಿನದ ಕರ್ಕ್ಯುಮಿನ್ ಅಂಶದ ಪರಿಣಾಮ ಹೇಗಿರುತ್ತದೆ ಎಂದು ಅದೇ ಸಮಯದಲ್ಲಿ ಪರೀಕ್ಷಿಸಿದರು.

ಆಗ ಅವರಿಗೆ ತಿಳಿದ ಸತ್ಯ ಏನೆಂದರೆ ಕರ್ಕ್ಯುಮಿನ್ ಅದರ ಪರಿಣಾಮಗಳನ್ನು ಮಾನವನ ಮೆದುಳಿನ ಮೇಲೆ ಹೇಗೆ ಉಂಟು ಮಾಡುತ್ತದೆ ಎಂಬುದು ಖಚಿತವಾಗದಿದ್ದರೂ , ಮೆದುಳಿನಲ್ಲಿ ಉಂಟಾಗಿರುವ ಉರಿಯೂತವನ್ನು (inflammation)ಕಡಿಮೆ ಮಾಡುವ ಶಕ್ತಿ ಅರಿಶಿನಕ್ಕಿದೆ ಎಂದು ಸಾಬೀತಾಯಿತು . ಮೆದುಳಿನ ಉರಿಯೂತದಿಂದ ಬಳಲುತ್ತಿರುವವರು ಸಾಮಾನ್ಯವಾಗಿ ಮಾನಸಿಕ ಖಿನ್ನತೆಗೆ ಒಳಗಾಗಿರುತ್ತಾರೆ ಮತ್ತು ಅಂತವರಿಗೆ ಆಲ್ಜಿಮರ್ ನಂತಹ ಕಾಯಿಲೆಗಳು ಬಹಳ ಬೇಗನೆ ಅವರಿಸತೊಡಗುತ್ತವೆ. ಆದ್ದರಿಂದ ಅರಿಶಿನ ಈ ಎರಡೂ ರೀತಿಯ ಸಮಸ್ಯೆಗಳಿಗೆ ರಾಮಬಾಣ ಎಂದು ಗೊತ್ತಾಯಿತು ಎಂದು ಅಮೆರಿಕಾದ ಲಾಸ್ ಏಂಜಲೀಸ್ ನಲ್ಲಿರುವ ಪ್ರತಿಷ್ಠಿತ " ಯೂನಿವರ್ಸಿಟಿ ಓಫ್ ಕ್ಯಾಲಿಫೋರ್ನಿಯಾ " ದ ಸದಸ್ಯರಾದ ಗ್ಯಾರಿ ಸ್ಮಾಲ್ ರವರು ಅಭಿಪ್ರಾಯ ಪಟ್ಟಿದ್ದಾರೆ .

ಅಲ್ಲಿನ ಸಂಶೋಧಕರು ಈ ಪರೀಕ್ಷೆಗೆ ಸುಮಾರು 40 ಜನರನ್ನು ಒಳಪಡಿಸಿದ್ದರು . ಎಲ್ಲರೂ 50 ವರ್ಷದಿಂದ 90 ವರ್ಷ ವಯಸ್ಸಾಗಿದ್ದ ವರಾಗಿದ್ದು ಅದರಲ್ಲಿ ಕೆಲವರಿಗೆ ಸೌಮ್ಯ ರೀತಿಯಲ್ಲಿ ಜ್ಞಾಪಕ ಶಕ್ತಿ ಕುಂಠಿತವಾಗಿತ್ತು . ಸಂಶೋಧನೆಯಲ್ಲಿ ಅವರಿಗೆ 90 ಮಿಲ್ಲಿ ಗ್ರಾಂ ನಷ್ಟು ಕರ್ಕ್ಯುಮಿನ್ ಸೇವಿಸುವಂತೆ ಅಥವಾ 18 ತಿಂಗಳ ಕಾಲ ಪ್ರತಿದಿನ ಪ್ಲೇಸ್ಬೊ ಗೆ ಒಳಗಾಗುವಂತೆ ಹೇಳಿದರು.

Turmeric

ಸಂಶೋಧನೆಗೆ ಒಳಗಾಗಿದ್ದ ಎಲ್ಲಾ 40 ಜನರು ಪ್ರಮಾಣೀಕೃತ ಅರಿವಿನ ಮೌಲ್ಯಮಾಪನಗಳಿಗೆ ಸಂಶೋಧನೆಯ ಶುರುವಿನ ಸಮಯದಲ್ಲಿ ಮತ್ತು 6 ತಿಂಗಳ ನಡುವಿನಲ್ಲಿ ಒಳಗಾಗಿದ್ದರು ಮತ್ತು ಅಧ್ಯಯನದ ಪ್ರಾರಂಭದಲ್ಲಿ ಮತ್ತು 18 ತಿಂಗಳ ನಂತರ ಅವರ ರಕ್ತದಲ್ಲಿನ ಕರ್ಕ್ಯುಮಿನ್ ಮಟ್ಟವನ್ನು ಪರೀಕ್ಷೆಯ ಮೂಲಕ ತಿಳಿದುಕೊಳ್ಳಲಾಯಿತು. 30 ಮಂದಿ ಸ್ವಯಂ ಸೇವಕರು ಅವರ ಮೆದುಳಿನಲ್ಲಿ ಅಮೈಲೋಯ್ಡ್ ಮತ್ತು ಟೌ ಅಂಶ ಪತ್ತೆ ಹಚ್ಚಲು ಸಂಶೋಧನೆಯ ಮೊದಲ ಹಂತದಲ್ಲಿ ಮತ್ತು 18 ತಿಂಗಳ ನಂತರ " ಪಾಸಿಟ್ರಾನ್ ಎಮಿಶನ್ ಟೊಮೊಗ್ರಫಿ " ಅಥವಾ ಪಿ . ಈ . ಟಿ . ಎಂಬ ಸ್ಕ್ಯಾನಿಂಗ್ ಪರೀಕ್ಷೆಗೆ ಒಳಪಟ್ಟಿದ್ದರು .

ಇದರಲ್ಲಿ ಯಾರು ಕರ್ಕ್ಯುಮಿನ್ ಅಂಶವನ್ನು ತೆಗೆದುಕೊಂಡು ಸಂಶೋಧನೆಗೆ ಹಾಜರಾಗಿದ್ದರೋ ಅವರು ಮಾನಸಿಕವಾಗಿ ಬಹಳ ಸದೃಢವಾಗಿದ್ದರು ಏಕೆಂದರೆ ಅವರ ಬುದ್ಧಿ ಶಕ್ತಿ ಮತ್ತು ನೆನಪಿನ ಶಕ್ತಿ ಬಹಳ ಚೆನ್ನಾಗಿ ಅಭಿವೃದ್ಧಿ ಕಂಡಿತ್ತು . ಅದೇ ಪ್ಲೇಸ್ ಬೊ ತೆಗೆದುಕೊಂಡವರಿಗೆ ಯಾವ ಬದಲಾವಣೆಗಳೂ ಆಗಿರಲಿಲ್ಲ.

Turmeric

ಈ ಸಂಶೋಧನೆಯ ಕೊನೆಯ ಹಂತಕ್ಕೆ ಬಂದ ಮೇಲೆ ಸಂಶೋಧಕರು ಕರ್ಕ್ಯುಮಿನ್ ಅಂಶವನ್ನು ಅದರ ಸುರಕ್ಷಿತ ರೂಪದಲ್ಲಿ ತೆಗೆದುಕೊಂಡರೆ ಕೆಲವು ವರ್ಷಗಳಲ್ಲಿ ಬುದ್ಧಿ ಶಕ್ತಿಯಲ್ಲಿ ಮತ್ತು ಅರಿವಿನ ವಿಷಯದಲ್ಲಿ ಒಳ್ಳೆಯ ಬದಲಾವಣೆ ಕಾಣಬಹುದು . ಕರ್ಕ್ಯುಮಿನ್ ಅಂಶವನ್ನು ಹೊಂದಿರುವ ಅರಿಶಿನ ಆರೋಗ್ಯದ ವಿಚಾರದಲ್ಲಂತೂ ತನ್ನ ಒಳ್ಳೆಯ ಪ್ರಭಾವ ಉಂಟುಮಾಡುವ ಗುಣವನ್ನು ಇತರ ಎಲ್ಲಾ ಮಸಾಲೆ ಪದಾರ್ಥಗಳಿಗೆ ಹೋಲಿಸಿದರೆ ಅರಿಶಿಣವೇ ಶ್ರೇಷ್ಠ ಎಂದು ಅಭಿಪ್ರಾಯ ಪಟ್ಟಿದ್ದಾರೆ . ಆದ್ದರಿಂದ ನಿಮ್ಮ ಮನೆಯ ಅಡುಗೆಯಲ್ಲಿ ನೀವು ಪ್ರತಿ ದಿನ ಯಾವುದೇ ಸಂಕೋಚವಿಲ್ಲದೆ ಅರಿಶಿನವನ್ನು ಉಪಯೋಗಿಸಬಹುದು .

English summary

Curcumin in Turmeric may help lower the risk of Alzheimer's!

For centuries in India, turmeric has known to treat various ailments by Ayurveda practitioners. Curcumin, found in turmeric may help lower the risk of Alzheimer’s disease by improving memory and mood in people with mild, age-related memory loss.A study published in the American Journal of Geriatric Psychiatry examined the effects absorbed curcumin supplement on memory performance in people without dementia and its potential impact on the microscopic plaques and tangles in the brains of people with Alzheimer’s disease.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more