ಸಡನ್ ಆಗಿ ಎದೆ ನೋವು ಕಾಣಿಸಿಕೊಂಡರೆ ಯಾವತ್ತೂ ನಿರ್ಲಕ್ಷಿಸಬೇಡಿ!

ವಿವಿಧ ರೀತಿಯ ಎದೆನೋವನ್ನು ಗುರುತಿಸುವಿಕೆ

ಆಂಜಿನಾ ನೋವು

ಆಂಜಿನಾ ಎದೆನೋವು ಎದೆಮೂಳೆಯ ಕೆಳಭಾಗದಲ್ಲಿ ಕಾಣಿಸಿಕೊಳ್ಳುವಂತಹ ನೋವಾಗಿದೆ ಮತ್ತು ಇದು ಮುಖ್ಯ ಅಪಧಮನಿಗಳಲ್ಲಿ ಆಗಿರುವ ತಡೆಯಿಂದಾಗಿ ರಕ್ತವು ಹೃದಯಕ್ಕೆ ಸರಿಯಾಗಿ ಪೂರೈಕೆಯಾಗದೆ ಇರುವ ಕಾರಣ ಈ ನೋವು ಬರುವುದು.

ಆಂಜಿನಾದ ಲಕ್ಷಣಗಳು

ಎದೆನೋವು, ಎದೆಭಾರವಾಗುವುದು, ಬಿಗಿಯಾಗುವುದು ಮತ್ತು ಎದೆಮೂಳೆಯ ಕೆಳಗೆ ಪುಡಿಮಾಡಿದಂತಹ ಅನುಭವ, ಇದು ಎರಡರಿಂದ 15 ನಿಮಿಷ ಕಾಲ ಇರುವುದು ಮಾನಸಿಕ ಒತ್ತಡ, ಶ್ರಮದಾಯಕ ವ್ಯಾಯಮ ಮತ್ತು ಅತಿಯಾದ ಭಾರ ಎತ್ತುವಿಕೆ ಇದಕ್ಕೆ ಮುಖ್ಯ ಕಾರಣಗಳು. ಆಂಜಿನಾವು ಅದರ ವಿಧಕ್ಕೆ ಅನುಗುಣವಾಗಿ ತೀವ್ರತೆಯನ್ನು ಪಡೆದುಕೊಳ್ಳುವುದು. ಸಾಮಾನ್ಯವಾದ ಆಂಜಿನಾ ನೋವೆಂದರೆ ಅದು ಸ್ಥಿರ ಆಂಜಿನಾ. ಇದು ಕೆಲವೇ ನಿಮಿಷಗಳ ಕಾಲ ಮಾತ್ರ ಇರುವುದು ಮತ್ತು ಹೆಚ್ಚಾಗಿ ದೈಹಿಕ ಶ್ರಮದ ವೇಳೆ ಕಂಡುಬರುವುದು. ಮೆಟ್ಟಿಲುಗಳನ್ನು ಹತ್ತುವುದು ಅಥವಾ ಮಾನಸಿಕ ಅಥವಾ ಭಾವನಾತ್ಮಕ ಒತ್ತಡದ ವೇಳೆ ಬರುವುದು. ವಿಶ್ರಾಂತಿ ಅಥವಾ ಔಷಧಿ ತೆಗೆದುಕೊಂಡರೆ ಇದು ತಕ್ಷಣ ಮಾಯವಾಗುವುದು. ಇದು ಯಾವುದೇ ಹೃದಯಾಘಾತದ ಲಕ್ಷಣವಾಗಿಲ್ಲ.

ಅಸ್ಥಿರ ಆಂಜಿನಾ

ಇದು ಸ್ಥಿರ ಅಂಜಿನಾಕ್ಕಿಂತ ತುಂಬಾ ಗಂಭೀರ ಸ್ವರೂಪದ್ದಾಗಿದೆ ಮತ್ತು ವಿಶ್ರಾಂತಿ ವೇಳೆಯು ಇದು ಕಾಣಿಸುವುದು. ಎದೆನೋವು ಸುಮಾರು 30 ನಿಮಿಷ ಕಾಲ ಹಾಗೆ ಇರುವುದು. ವಿಶ್ರಾಂತಿ ಅಥವಾ ಔಷಧಿಯಿಂದ ಇದು ಕಡಿಮೆಯಾಗುವುದಿಲ್ಲ. ಅಪಧಮನಿಯಲ್ಲಿ ಸಂಪೂರ್ಣವಾಗಿ ತಡೆ ಉಂಟಾಗಿರುವ ವೇಳೆ ಇದು ಹೃದಯಾಘಾತಕ್ಕೂ ಕಾರಣವಾಗಬಹುದು.

ಅಸ್ಥಿರ ಆಂಜಿನಾ

ದೈಹಿಕ ಶ್ರಮವು ಕಡಿಮೆ ಇರುವಾಗ ಹೊಸದಾಗಿ ಬರುವಂತಹ ಸ್ಥಿರ ಆಂಜಿನಾ ಅಥವಾ ಸ್ಥಿರ ಆಂಜಿನಾದ ಆವರ್ತನದಲ್ಲಿ ಪುನರಾವರ್ತನೆಯು ಕಾಣಿಸಿದರೆ ಇದನ್ನು ಅಸ್ಥಿರ ಆಂಜಿನಾವೆಂದು ವಿಭಾಗಿಸಬಹುದು. ಅಸ್ಥಿರ ಆಂಜಿನಾವು ಅಪಧಮನಿಗಳಲ್ಲಿ ತಡೆ ಉಂಟಾಗಿ ರಕ್ತನಾಳಗಳು ಕಿರುದಾಗುವಿಕೆಯ ಲಕ್ಷಣಗಳನ್ನು ಹಠಾತ್ ಆಗಿ ತೋರಿಸುವುದು. ಅಪಧಮನಿಗಳಲ್ಲಿ ಹಠಾತ್ ಆಗಿ ಬರುವಂತಹ ಸೆಳೆತವು ಹೃದಯಕ್ಕೆ ಸರಿಯಾಗಿ ರಕ್ತ ಸಂಚಾರವಾಗದೆ ಇರುವ ಲಕ್ಷಣವಾಗಿದೆ. ತೀವ್ರ ರೀತಿಯ ಎದೆನೋವು ಅಥವಾ ವಿಶ್ರಾಂತಿ ವೇಳೆ ಕಾಣಿಸಿಕೊಳ್ಳುವುದನ್ನು ಭಿನ್ನ ಆಂಜಿನಾವೆಂದು ಕರೆಯಲಾಗುತ್ತದೆ. ಇದನ್ನು ಸಹಜವಾಗಿ ಬಗೆಹರಿಸಬಹುದು. ಆದರೆ ಸೆಳೆತವು ನಿಯಂತ್ರನಕ್ಕೆ ಬರದೆ ಇದ್ದರೆ ಆಗ ಇದು ಹೃದಯಾಘಾತಕ್ಕೆ ಕಾರಣವಾಗಬಹುದು. ಔಷಧಿಯು ಇದಕ್ಕೆ ತಕ್ಷಣ ಪರಿಹಾರ ನೀಡಬಹುದು.

ಹೃದಯಾಘಾತದ ಎದೆನೋವು

ಹೃದಯಾಘಾತದಿಂದಾಗಿ ಬರುವಂತಹ ಎದೆನೋವು ಎನ್ನುವುದು ಆಂಜಿನಾ ಎದೆನೋವಿಗಿಂತಲೂ ತುಂಬಾ ತೀವ್ರವಾಗಿರುವುದು ಮತ್ತು ಇದು ಸುಮಾರು 15 ನಿಮಿಷಕ್ಕಿಂತಲೂ ಹೆಚ್ಚಿರುವುದು. ವಿಶ್ರಾಂತಿ ಪಡೆಯುವುದರಿಂದ ಇದಕ್ಕೆ ಪರಿಹಾರ ಕಂಡುಕೊಳ್ಳಲು ಸಾಧ್ಯವಿಲ್ಲ.

ಇತರ ಕೆಲವೊಂದು ಲಕ್ಷಣಗಳು ಹೀಗೆ ಇವೆ

*ಬೆವರು

*ಉಸಿರಾಡಲು ತೊಂದರೆ

*ವಾಂತಿ

*ವಾಕರಿಕೆ

*ನಿಶ್ಯಕ್ತಿ

*ವೇಗ ಮತ್ತು ಅನಿಯಮಿತ ಹೃದಯಬಡಿತ

*ಎದೆನೋವು ಕುತ್ತಿಗೆ, ಕೈಗಗಳು ಮತ್ತು ಭುಜಗಳಿಗೆ ವಿಸ್ತರಣೆಯಾಗುವುದು.

ಹೃದಯದ ಗೋಡೆಯಲ್ಲಿ ನೋವು

ಹೃದಯ ಗೋಡೆಯಲ್ಲಿನ ನೋವು ಸಾಮಾನ್ಯವಾಗಿ ಯಾವುದೇ ಹಾನಿ ಉಂಟು ಮಾಡುವುದಿಲ್ಲ ಮತ್ತು ಇದರಿಂದ ತೀವ್ರ ಹಾಗೂ ತೀಕ್ಷ್ಣ ನೋವು ಹೃದಯದ ಗೋಡೆ ನಿರ್ಮಾಣ ಮಾಡಿರುವಂತಹ ಮೂಳೆಗಳು, ಸ್ನಾಯುಗಳು ಮತ್ತು ಮೃಧು ಎಲುಬುಗಳಲ್ಲಿ ಕಾಣಿಸುವುದು. ಇದಕ್ಕೆ ಮುಖ್ಯ ಕಾರಣಗಳೆಂದರೆ ಗಾಯಾಳು, ದೀರ್ಘಕಾಲದ ಕೆಮ್ಮುವಿಕೆ, ಎದೆಯ ಸ್ನಾಯುಗಳ ಮೇಲೆ ಒತ್ತಡ, ಪಕ್ಕೆಲುಬುಗಳಲ್ಲಿ ಮೃಧು ಎಲುಬುಗಳ ಉರಿಯೂತದ ಲಕ್ಷಣಗಳು ಮತ್ತು ಜೀರ್ಣಾಂಗವ್ಯೂಹದ ವ್ಯವಸ್ಥೆಯಿಂದಾಗಿ ಕಾಡುವ ನೋವು(ಉದಾಹರಣೆಗೆ ಜಠರ ಅನ್ನನಾಳದ ಹಿಮ್ಮುಖ ಹರಿವು ಅಥವಾ ಜಠರದ ಹುಣ್ಣಿನ ಕಾಯಿಲೆ).

ಪಲ್ಮನರಿ ಎಂಬಾಲಿಸಮ್

ಶ್ವಾಸಕೋಶದ ಅಪಧಮನಿಯಲ್ಲಿ ಕಾಣಿಸಿಕೊಳ್ಳುವ ರಕ್ತದ ತಡೆಯನ್ನು ಪಲ್ಮನರಿ ಎಂಬಾಲಿಸಮ್ ಎಂದು ಕರೆಯಲಾಗುತ್ತದೆ. ಇದು ಹಠಾತ್ ಮತ್ತು ತೀವ್ರ ರೀತಿಯ ಎದೆ ನೋವಿಗೆ ಕಾರಣವಾಗಬಹುದು. ಇದು ದೀರ್ಘಕಾಲದ ತನಕ ಕಾಲುಗಳು ನಿಶ್ಚಲತೆಯಿಂದಾಗಿ ಕಾಡಬಹುದು. ಉದಾಹರಣೆಗೆ ಯಾವುದೇ ವಿಮಾನ ಅಥವಾ ಬಸ್ಸಿನಲ್ಲಿ ದೀರ್ಘಕಾಲ ಪ್ರಯಾಣ ಮಾಡುವುದರಿಂದ ಇದು ಬರಬಹುದು. ಕಾಲುಗಳ ರಕ್ತನಾಳಗಳಲ್ಲಿ ಉಂಟಾಗುವಂತಹ ತಡೆಯು ಶ್ವಾಸಕೋಶದ ಅಪಧಮನಿಗಳಿಗೆ ವಿಸ್ತರಣೆಯಾಗುವುದು. ಇದರಿಂದಾಗಿ ಶ್ವಾಸಕೋಶಕ್ಕೆ ಸರಿಯಾಗಿ ರಕ್ತಸಂಚಾರವು ಕಡಿಮೆಯಾಗುವುದು ಮತ್ತು ಇದರಿಂದ ರಕ್ತದಲ್ಲಿನ ಆಮ್ಲಜನಕ ಕೂಡ. ಎದೆನೋವಿನಿಂದಾಗಿ ಯಾವಾಗಲು ಉಸಿರಾಟದ ತೊಂದರೆ ಮತ್ತು ಎದೆಬಡಿತವು ಅತಿಯಾಗುವುದು. ನೀವು ಕೆಮ್ಮಿದಾಗ ಅಥವಾ ದೀರ್ಘವಾಗಿ ಉಸಿರಾಡಿದಾಗ ನೋವು ಮತ್ತಷ್ಟು ಹೆಚ್ಚಾಗುವುದು. ಪಲ್ಮನರಿ ಎಂಬಾಲಿಸಮ್ ಎನ್ನುವುದು ತುರ್ತು ವೈದ್ಯಕೀಯ ಸಮಸ್ಯೆಯ ಲಕ್ಷಣವಾಗಿದೆ.

ಮಹಾಪಧಮನಿ ಛೇದನ

ದೇಹದಲ್ಲಿರುವಂತಹ ಮುಖ್ಯ ಅಪಧಮನಿಯ, ಮಹಾಪಧಮನಿಯ ಗೋಡೆಯ ಪದರವು ಬಿರುಕು ಬಿಡುವುದು. ಇದು ಅಧಿಕ ರಕ್ತದೊತ್ತಡಕ್ಕೆ ಸಂಬಂಧಿಸಿರುವಂತಹ ಸಮಸ್ಯೆಯಾಗಿದೆ. ಈ ನೋವನ್ನು ಎದೆಯಲ್ಲಿ ಛೇದನದ ಅನುಭವ ಉಂಟು ಮಾಡುವಂತಹ ನೋವಾಗಿದೆ. ಇದು ಬೆನ್ನಿಗೂ ಹರಡಬಹುದು. ಇದು ಅಪಧಮನಿಗಳ ಇತರ ಕೆಲವು ಭಾಗಗಳಿಗೂ ಹರಡಬಹುದು. ಅಂತಿಮವಾಗಿ ಇದು ಹೃದಯಾಘಾತಕ್ಕೆ ಕಾರಣವಾಗಬಹುದು. ವಿಭಜನೆಯು ಮಹಾಪಧಮನಿಯ ಮೂಲಕ್ಕೂ ಹರಡಬಹುದು ಮತ್ತು ಇದು ಒಂದು ಅಥವಾ ಅದಕ್ಕಿಂತ ಹೆಚ್ಚಿನ ರಕ್ತನಾಳಗಳಲ್ಲಿ ತಡೆ ಉಂಟು ಮಾಡಬಹುದು. ಇದರಿಂದ ಹೃದಯಾಘಾತ ಆಗಬಹುದು. ಮಹಾಪಧಮನಿಯ ಛೇದನಕ್ಕೆ ತುರ್ತು ವೈದ್ಯಕೀಯ ಚಿಕಿತ್ಸೆಯ ಅಗತ್ಯವಿದೆ.