ನರಗಳಿಗೆ ಹಾನಿಯಾಗಿದೆ ಎನ್ನುವುದರ ಅಸಾಮಾನ್ಯ ಲಕ್ಷಣಗಳು

ಪಿನ್ ಮತ್ತು ಸೂಜಿ ನೋವು

ಏನಾದರೂ ಗಾಯವಾದರೆ ಅಥವಾ ದೇಹದ ಯಾವುದೇ ಭಾಗಕ್ಕೆ ಹೆಚ್ಚಿನ ಶ್ರಮ ಬಿದ್ದರೆ ಆಗ ಕೈಗಳು ಮತ್ತು ಪಾದದಲ್ಲಿ ನೋವು ಕಾಣಿಸಿಕೊಳ್ಳುವುದು. ಯಾವುದೇ ಸರಿಯಾದ ಕಾರಣವಿಲ್ಲದೆ ಮತ್ತು ನಿಯಮಿತವಾಗಿ ನಿಮ್ಮ ಕೈಗಗಳು ಮತ್ತು ಪಾದದಲ್ಲಿ ತೀವ್ರ, ಸೆಳೆಯುವ, ಉರಿಯುವಂತಹ ನೋವು ಕಾಣಿಸಿಕೊಂಡರೆ ಇದು ನರಗಳಿಗೆ ಹಾನಿ ಉಂಟಾಗಿರುವ ಸಂಕೇತವಾಗಿದೆ. ಮೆದುಳು ಮತ್ತು ಚರ್ಮಕ್ಕೆ ಯಾವುದೇ ರೀತಿಯ ಸಂಕೇತಗಳು ಹೋಗದೆ ಇರುವಾಗ ಇಂತಹ ಸಮಸ್ಯೆ ಕಾಣಿಸುವುದು. ಇದನ್ನು ಒಂದು ಬಾಹ್ಯ ನರರೋಗವೆಂದು ಕರೆಯಲಾಗುತ್ತದೆ.

ಮರಗಟ್ಟುವಿಕೆ

ಪಾದಗಳೂ ಮತ್ತು ಕಾಲಿನಲ್ಲಿ ಮರಗಟ್ಟುವಿಕೆಯ ಅನುಭವವಾದರೆ ಆಗ ಇದು ನರಗಳಿಗೆ ಹಾನಿಯಾಗಿರುವ ಲಕ್ಷಣಗಳಾಗಿವೆ. ನರಗಳಿಗೆ ಹಾನಿಯಾದರೆ ಅದರಿಂದ ಮರಗಟ್ಟುವಿಕೆ ಉಂಟಾಗುವುದು. ಇದರಿಂದ ದೇಹದ ಒಂದು ಭಾಗದಲ್ಲಿ ಸ್ಪರ್ಶಜ್ಞಾನ ಇಲ್ಲವಾಗುವುದು. ಇದು ಮೊದಲಿಗೆ ಪಾದ ಮತ್ತು ಕೈಗಳಲ್ಲಿ ಕಂಡುಬರುತ್ತದೆ. ಇದಕ್ಕೆ ಸರಿಯಾದ ಚಿಕಿತ್ಸೆ ನೀಡದೆ ಇದ್ದರೆ ಆಗ ಇದು ದೇಹದ ಇತರ ಭಾಗಗಳಿಗೆ ಕೂಡ ಹರಡುವುದು.

ಸಮತೋಲ ಕಳೆದುಕೊಳ್ಳುವುದು

ಜ್ವರ, ತುಂಬಾ ಬಳಲಿರುವಾಗ, ನಿಶ್ಯಕ್ತಿ ಕಾಡಿದಾಗ ನಮ್ಮ ದೇಹದ ಸಮತೋಲನ ಕಳೆದುಕೊಳ್ಳುವುದು. ಆದರೆ ಈ ಕಾರಣಗಳು ಯಾವುದೂ ಇಲ್ಲದೆ ಕೂಡ ನೀವು ಸಮತೋಲನ ಕಳೆದುಕೊಂಡರೆ, ಬಿದ್ದು ಗಾಯಗಳು ಆಗುತ್ತಲಿದ್ದರೆ ಆಗ ಇದು ನರಗಳಿಗೆ ಹಾನಿಯಾಗಿರುವ ಲಕ್ಷಣಗಳಾಗಿವೆ. ಇಂತಹ ಘಟನೆಗಳನ್ನು ತಪ್ಪಿಸಲು ತಕ್ಷಣ ವೈದ್ಯರನ್ನು ಭೇಟಿಯಾಗಿ.

ಸ್ನಾಯುಗಳು ದುರ್ಬಲ

ಸ್ವಲ್ಪ ಚಟುವಟಿಕೆ ಮಾಡಿದರೂ ಸ್ನಾಯುಗಳಲ್ಲಿ ಊತ ಮತ್ತು ನೋವು ಕಾಣಿಸಿಕೊಂಡರೆ ಇದು ಸ್ನಾಯುಗಳು ದುರ್ಬಲವಾಗುವುದರ ಲಕ್ಷಣವಾಗಿದೆ. ಮೆದುಳು ಮತ್ತು ಸ್ನಾಯುಗಳ ಗುಂಪಿನ ನಡುವಿನ ಸಂಕೇತದ ಮೇಲೆ ಪರಿಣಾಮ ಬಿದ್ದಾಗ ಸ್ನಾಯುಗಳ ಗುಂಪು ದುರ್ಬಲವಾಗುವುದು. ಇದರಿಂದಾಗಿ ದೈನಂದಿನ ಚಟುವಟಿಕೆಗಳಾದ ನಡೆಯುವುದು ಮತ್ತು ಚಲಿಸುವುದು ಕೂಡ ಕಷ್ಟವಾಗುವುದು. ಸ್ನಾಯುಗಳ ದುರ್ಬಲತೆಯಿಂದ ಕೆಲವೊಂದು ಸಂದರ್ಭಗಳಲ್ಲಿ ಸ್ನಾಯುಗಳ ನಿಯಂತ್ರಣ ತಪ್ಪುವುದು.

ಸೆಳೆತ

ತುಂಬಾ ಕಠಿಣ ಕೆಲಸ ಮತ್ತು ವ್ಯಾಯಾಮದಿಂದ ಸ್ನಾಯುಗಳಲ್ಲಿ ಊತ ಕಂಡುಬಂದರೆ ಅಥವಾ ನಿರ್ಜಲೀಕರಣವಾದರೆ ಆಗ ಒಂದೆರಡು ದಿನ ಸ್ನಾಯು ಸೆಳೆತವಾಗುವ ಸಾಮಾನ್ಯ ಅನುಭವವಾಗುವುದು. ಆದರೆ ನಿಯಮಿತವಾಗಿ ಸ್ನಾಯುಗಳಲ್ಲಿ ಜುಮ್ಮೆನ್ನುವ ಸಂವೇದನೆಯೊಂದಿಗೆ ಸೆಳೆತ ಕಾಣಿಸಿಕೊಂಡರೆ ಆಗ ಇದು ನರಗಳಿಗೆ ಹಾನಿಯಾಗಿರುವ ಲಕ್ಷಣವಾಗಿರುವುದು.

ಅಸಾಮಾನ್ಯ ಎದೆಬಡಿತ

ಓಡಿದಾಗ, ವ್ಯಾಯಾಮ ಮಾಡಿದಾಗ, ಭಯಭೀತರಾದಾಗ ಅಥವಾ ತುಂಬಾ ಅಚ್ಚರಿಗೊಳಗಾದಾಗ ನಮ್ಮ ಎದೆಬಡಿತ ಹೆಚ್ಚಾಗುವುದು ಸಾಮಾನ್ಯ. ಅದಾಗ್ಯೂ ನೀವು ತುಂಬಾ ತೀವ್ರ ಎದೆಬಡಿತ ಅಥವಾ ಅತೀ ನಿಧಾನ ಎದೆಬಡಿತದ ಅನುಭವವಾಗಿ ಅಯಾಸವಾದರೆ ಆಗ ಇದು ನರಗಳಿಗೆ ಹಾನಿಯಾಗಿರುವ ಲಕ್ಷಣವಾಗಿದೆ. ಮೆದುಳು ಹೃದಯಕ್ಕೆ ರಕ್ತವನ್ನು ಪಂಪ್ ಮಾಡಲು ಸರಿಯಾದ ಸಂಕೇತ ಕಳುಹಿಸದೇ ಇರುವುದು ಇದರ ಲಕ್ಷಣವಾಗಿದೆ.

ತಲೆತಿರುಗುವಿಕೆ

ನಿಯಮಿತವಾಗಿ ನಿಮಗೆ ತಲೆಭಾರವಾಗುವುದು ಅಥವಾ ತಲೆತಿರುಗುವಿಕೆ ಕಂಡುಬಂದರೆ ಇದು ನಿರ್ಜಲೀಕರಣ, ದೀರ್ಘಕಾಲದ ಆಯಾಸ, ಮೆದುಳಿನ ಗಡ್ಡೆ, ರಕ್ತಹೀನತೆ ಇತ್ಯಾದಿಗಳಲ್ಲಿ ಯಾವುದಾದರೂ ಒಂದರ ಸಮಸ್ಯೆಯಾಗಿರಬಹುದು. ಎಲ್ಲಾ ರೀತಿಯ ಪರೀಕ್ಷೆ ಮಾಡಿಸಿಕೊಂಡಿದ್ದರೂ ಇನ್ನು ಕೂಡ ಆಯಾಸ ಪರಿಹಾರವಾಗುತ್ತಿಲ್ಲವೆಂದಾದರೆ ಆಗ ಇದು ನರಗಳಿಗೆ ಹಾನಿಯಾಗಿರುವ ಲಕ್ಷಣವೆಂದು ಹೇಳಬಹುದು.