ಮೂತ್ರನಾಳದ ಸೋಂಕು: ಗುಣವಾಗುವವರೆಗೂ ಸೆಕ್ಸ್‌ನ್ನು ಮುಂದೂಡಬೇಕೇ?

ವೈದ್ಯರ ಸಲಹೆ ಪಡೆದುಕೊಳ್ಳಿ

ಮೂತ್ರನಾಳದ ಸೋಂಕು ಎದುರಾದ ಬಳಿಕ ನಿಮ್ಮ ವೈದ್ಯರಲ್ಲಿ ಚಿಕಿತ್ಸೆಯನ್ನು ಪಡೆದ ಬಳಿಕ ಮುಂದಿನ ಮಿಲನ ಯಾವಾಗ ಸುರಕ್ಷಿತ ಎಂಬುದನ್ನು ತಪ್ಪದೇ ಕೇಳಿಕೊಳ್ಳಿ. ಸಾಮಾನ್ಯವಾಗಿ ಈ ಸೋಂಕು ಮೂಲದವರೆಗೂ ಇಲ್ಲವಾಗುವವರೆಗೂ ಮಿಲನಕ್ರಿಯೆ ಸುರಕ್ಷಿತವಲ್ಲ. ಅಂದರೆ ನಿಮಗೆ ನೀಡಿದ ಪ್ರತಿಜೀವಕ ಔಷಧಿಗಳು ಪೂರ್ಣವಾಗಿ ತಮ್ಮ ಕಾರ್ಯವನ್ನು ಮುಗಿಸಿ ಈ ಸೋಂಕನ್ನು ಬುಡಸಹಿತ ಇಲ್ಲವಾಗಿಸಲು ಎರಡು ವಾರಗಳಾದರೂ ಬೇಕು. ಈ ಅವಧಿಯಲ್ಲಿ ನಡುವೆ ಒಂದೆರಡು ದಿನ ನಿಮಗೆ ನೀವೇ ಮೋಸ ಮಾಡಿಕೊಳ್ಳದೇ ಪ್ರಾಮಾಣಿಕರಾಗಿರಬೇಕು.

ಇಂತಹ ಸಮಯದಲ್ಲಿ ಮಿಲನವೇಕೆ ಬೇಡ ಎನ್ನಲು ಇನ್ನಷ್ಟು ಕಾರಣಗಳು

ಅಲ್ಲದೇ ಇನ್ನೂ ಸೋಂಕಿನಿಂದ ಗುಣಹೊಂದುತ್ತಿರುವಾಗ ಮಿಲನವೇಕೆ ಬೇಡ ಎನ್ನಲು ಇನ್ನೂ ಕೆಲವು ಕಾರಣಗಳಿವೆ. ಮೊದಲ ಕಾರಣ ಮೇಲ್ನೋಟಕ್ಕೆ ಸೋಂಕು ಇಲ್ಲವಾದಂತೆ ಕಂಡುಬಂದರೂ ತಳಭಾಗದಲ್ಲಿ ಇನ್ನೂ ಹಸಿಯಾಗಿದ್ದು ಮಿಲನ ಕ್ರಿಯೆಯಿಂದ ಈ ಭಾಗದಲ್ಲಿ ತೀವ್ರವಾದ ಉರಿ ಪ್ರಾರಂಭವಾಗುತ್ತದೆ. ಅಲ್ಲದೇ ಸುಖಕರವಾಗಿರಬೇಕಾದ ಮಿಲನಕ್ರಿಯೆ ಬೆಂಕಿಕಡ್ಡಿ ಹಚ್ಚಿದಂತಾಗುತ್ತದೆ. ಅಲ್ಲದೇ ಗುಣವಾಗುವ ಹಂತದಲ್ಲಿದ್ದ ಸೋಂಕು ಮತ್ತೊಮ್ಮೆ ಗರಿಗೆದರಿ ಉಲ್ಬಣಾವಸ್ಥೆಗೆ ಹಿಂದಿರುಗಲೂಬಹುದು ಹಾಗೂ ಈಗಾಗಲೇ ಈ ಸೋಂಕಿನಿಂದ ಚೇತರಿಸಿಕೊಳ್ಳುತ್ತಿದ್ದ ಅಂಗಾಂಶಗಳಿಗೂ ಘಾಸಿಯುಂಟುಮಾಡಬಹುದು.

ಹಾಗಾದರೆ ನಿಮ್ಮ ಸಂಗಾತಿಯನ್ನು ಮೆಚ್ಚಿಸಲು ಏನು ಮಾಡುವಿರಿ? ಇಲ್ಲಿವೆ ನಾಲ್ಕು ಸಲಹೆಗಳು

ಸೋಂಕು ಪೂರ್ಣವಾಗಿ ಇಲ್ಲವಾಗುವ ಅವಧಿಯಲ್ಲಿ ಮಿಲನಕ್ರಿಯೆ ಇಲ್ಲದೇ ಇರುವುದು ವಿರಹವನ್ನು ಹೆಚ್ಚಿಸಬಹುದು. ಹೆಚ್ಚಿನ ಸಂದರ್ಭಗಳಲ್ಲಿ ವಾರದ ಅವಧಿಯಲ್ಲಿಯೇ ಸೋಂಕು ಇಲ್ಲದಂತಾಗಿ ಮಿಲನಕ್ಕೆ ಹಾತೊರೆಯುವಂತಾಗಬಹುದು. ಆದರೆ ಇದಕ್ಕಾಗಿ ದಂಪತಿಗಳು ಪ್ರತ್ಯೇಕವಾಗಿ ಪವಡಿಸಬೇಕಾಗಿಲ್ಲ. ಇದಕ್ಕೆ ದಂಪತಿಗಳಿಬ್ಬರಿಗೂ ಶಯನಗೃಹದಲ್ಲಿಯೇ ಸಂತಸವನ್ನು ಹಂಚಿಕೊಳ್ಳಲು ಇನ್ನೂ ಕೆಲವಾರು ವಿಧಗಳಿವೆ.

ಈ ಸಮಯದಲ್ಲಿ ಮಾನಸಿಕ ಒತ್ತಡವನ್ನು ಕಾಯ್ದುಕೊಳ್ಳಿ

ಸಂಗಾತಿ ಹತ್ತಿರವಿದ್ದೂ ದೂರವನ್ನು ಕಾಯ್ದುಕೊಳ್ಳಲು ಮನಸ್ಸನ್ನು ಪಕ್ವಗೊಳಿಸುವುದೂ ಒಂದು ಬಗೆಯ ಆಟವಾಗಿದೆ. ಇದಕ್ಕಾಗಿ ಪರಸ್ಪರ ಕಚಗುಳಿ, ಚುಂಬನ, ಪೋಲಿ ಮಾತು, ಒಟ್ಟಾರೆ ಇಬ್ಬರಿಗೂ ಹಿತವೆನಿಸುವ ಏನನ್ನೂ ಆದರೆ ಮಿಲನಕ್ರಿಯೆಯನ್ನು ಬಿಟ್ಟು ಉಳಿದವನ್ನು ಪ್ರಯತ್ನಿಸಿ. ವಾಸ್ತವವಾಗಿ ಹೀಗೆ ಮಾನಸಿಕ ಬಯಕೆಯನ್ನು ಕೆಲವಾರು ದಿನಗಳವರೆಗೆ ಕಾಯ್ದುಕೊಂಡ ಬಳಿಕ ಮುಂದುವರೆಯುವ ಮಿಲನಕ್ರಿಯೆ ನಿಮ್ಮ ಮೊದಲ ರಾತ್ರಿಯನ್ನು ನೆನಪಿಗೆ ತರುವಷ್ಟು ಪ್ರಬಲವಾಗಿರುತ್ತದೆ.

ಚುಂಬಿಸಿ, ನಂತರ ಹೇಳಿ

ಪರಸ್ಪರ ಚುಂಬನಗಳನ್ನು ವರ್ಗಾಯಿಸಿಕೊಳ್ಳಿ. ಹೇಗೂ ಮುಖ್ಯ ಕಾರ್ಯಕ್ರಮ ರದ್ದಾಗಿರುವುದರಿಂದ ಈ ಚಿಲ್ಲರೆ ಕೆಲಸಗಳಿಗೆ ಹೆಚ್ಚಿನ ಮಹತ್ವ ನೀಡಿ. ನಿಮಗೆ ಇಷ್ಟವಿರುವುದೇನು, ಹೊಸತೇನನ್ನು ಪ್ರಯತ್ನಿಸುವಿರಿ ಎಂಬ ಬಗ್ಗೆ ಎಲ್ಲಾ ವಿಚಾರ ವಿಮರ್ಶಿಸಿಕೊಳ್ಳಲು ಈಗ ಕಾಲ ಪ್ರಶಸ್ತವಾಗಿದೆ ಹಾಗೂ ಮುಂದಿನ ದಿನಗಳಲ್ಲಿ ಅವಕಾಶ ಸಿಕ್ಕಾಗ ಈ ಹೊಸಪ್ರಯೋಗಗಳನ್ನು ಪ್ರಯತ್ನಿಸಿ.

ಮಾನಸಿಕವಾಗಿ ಒಟ್ಟಾಗಿ

ಕಾಮವಾಂಛಲ್ಯವಿಲ್ಲದೇ ಕೇವಲ ಪ್ರೇಮವನ್ನು ಪಡೆಯುವಷ್ಟೇ ಅನುರಕ್ತಗೊಳ್ಳಿ. ದೈಹಿಕ ಸಂಪರ್ಕವೇ ಇಲ್ಲದೆ ನಿಮ್ಮ ಸಂಗಾತಿಯ ಹತ್ತಿರ ಮಾನಸಿಕರಾಗಿ ಬರಲು ಯತ್ನಿಸಿ. ಅಷ್ಟಕ್ಕೂ ಅನ್ಯೋನ್ಯತೆ ಎಂಬ ಪದಕ್ಕೆ 'ಮಾನಸಿಕ ಆಪ್ತತೆ'ಎಂಬುದೇ ಅರ್ಥವಲ್ಲವೇ? ಈ ಸಮಯದಲ್ಲಿ ಪರಸ್ಪರರ ಮನದಾಳದಲ್ಲಿ ಹುದುಗಿರುವ ಭಯಗಳು, ನಿಮ್ಮ ಅತಿ ಮುಜುಗರದ ಸಂದರ್ಭಗಳು, ನಿಮ್ಮ ಗುಟ್ಟುಗಳು ಮೊದಲಾದವುಗಳನ್ನು ಹಂಚಿಕೊಳ್ಳಿ. ಏನೂ ಮಾಡದೇ ಸುಮ್ಮನೇ ಮಾತನಾಡಿ, ಹರಟೆ ಹೊಡೆಯಿರಿ, ಒಟ್ಟಾರೆ ಇದುವರೆಗೆ ನೀವು ಮಾತನಾಡದೇ ಇದ್ದ ವಿಷಯಗಳನ್ನೂ ಕೆದಕಿ ಬೇರಾರೂ ನಿಮ್ಮನ್ನು ಅರಿಯದಷ್ಟು ಬಗೆಯಲ್ಲಿ ವಿಮರ್ಶಿಸಿ.

ನಿಮ್ಮ ಶಕ್ತಿಯನ್ನು ಬೇರೊಂದು ಕಡೆ ವ್ಯಯಿಸಿ

ಹೇಗೂ ಮುಖ್ಯ ಕಾರ್ಯಕ್ರಮ ರದ್ದಾಗಿರುವ ಕಾರಣ ಇಲ್ಲಿ ವ್ಯಯಿಸಬೇಕಾಗಿದ್ದ ಶಕ್ತಿಯನ್ನು ಬೇರೊಂದು ರೂಪದಲ್ಲಿ ವ್ಯಯಿಸಿ. ಇಬ್ಬರೂ ಜೊತೆಯಾಗಿ ಪಾಲ್ಗೊಂಡು ಸಂತಸಗೊಳ್ಳುವ ಬೇರಾವುದೇ ಚಟುವಟಿಕೆಯಲ್ಲಿ ಪಾಲ್ಗೊಳ್ಳಿ. ಯಾವುದಾದರೊಂದು ಆಟವಾಡಿ, ನಡೆದಾಡಿ, ಈಜಾಡಿ, ಓಡಾಡಿ, ಒಟ್ಟಾರೆ ಪರಸ್ಪರರ ಸಾಂಗತ್ಯವನ್ನು ಇಷ್ಟಗೊಳಿಸುವ ಕ್ರಿಯೆಗೆ ಒಳಗಾಗಿ, ಇತ್ತ ಸೋಂಕಿಗೊಳಗಾಗಿದ್ದ ಮೂತ್ರನಾಳ ಮತ್ತು ಮೂತ್ರಕೋಶ ಗುಣವಾಗಿ ಪರಿಶುದ್ದವಾಗಲು ಅಗತ್ಯವಾಗಿರುವ ಸಮಯಾವಾಕಾಶವನ್ನು ನೀಡಿ.