ಥೈರಾಯ್ಡ್ ಸಮಸ್ಯೆಯ ಮೌನ ಲಕ್ಷಣಗಳು-ನಿಮಗೂ ಶಾಕ್ ಆಗಬಹುದು!!

1. ಬೇಸರ ಮತ್ತು ಖಿನ್ನತೆ

ಥೈರಾಯ್ಡ್ ಸಮಸ್ಯೆಯ ಪ್ರಮುಖ ಮೌನ ಲಕ್ಷಣವಿದು. ಈ ಸಮಯದಲ್ಲಿ ಮೆದುಳಿನಲ್ಲಿ ಹೆಚ್ಚಿನ ಉತ್ತೇಜನ ಕಾರ್ಯಗಳು ನಡೆಯುವುದು. ಇದರಿಂದ ನಿಮಗೆ ಒಳ್ಳೆಯ ಭಾವನೆಯಾಗಳು ಬರಲ್ಲ. ಬೇಸರ ಉಂಟಾಗುವುದು.

2. ಮಲಬದ್ಧತೆ

ನಿಯಮಿತ ಮಲಬದ್ಧತೆಯು ಮತ್ತೊಂದು ಮೌನ ಲಕ್ಷಣವಾಗಿದೆ. ಥೈರಾಯ್ಡ್ ಹಾರ್ಮೋನುಗಳು ನಿಮ್ಮ ಜೀರ್ಣಕ್ರಿಯೆ ವ್ಯವಸ್ಥೆಯು ಕಾರ್ಯನಿರ್ವಹಿಸುವಂತೆ ಮಾಡುವುದು. ಅತಿಯಾದ ಥೈರಾಯ್ಡ್ ಗ್ರಂಥಿಯ ಚಟುವಟಿಕೆಯು ನಿಮ್ಮ ಜೀರ್ಣಕ್ರಿಯೆ ವ್ಯವಸ್ಥೆ ನಿಧಾನಗೊಳಿಸಿ ಮಲಬದ್ಧತೆಗೆ ಕಾರಣವಾಗಬಹುದು.

3. ಅತಿಯಾದ ನಿದ್ರೆ

ಹಗಲಿನಲ್ಲಿ ನಿಮಗೆ ತುಂಬಾ ಸುಸ್ತಾಗುವುದು ನಿಷ್ಕ್ರೀಯ ಥೈರಾಯ್ಡ್ ನ ಲಕ್ಷಣವಾಗಿದೆ. ಥೈರಾಯ್ಡ್ ಗ್ರಂಥಿಗಳು ಸರಿಯಾಗಿ ಥೈರಾಯ್ಡ್ ಹಾರ್ಮೋನು ಬಿಡುಗಡೆ ಮಾಡದೇ ಇರುವಾಗ ಹೀಗೆ ಆಗುವುದು.

4. ಕೂದಲು ಉದುರುವಿಕೆ ಮತ್ತು ಚರ್ಮ ಒಣಗುವುದು

ಕಣ್ಣಿನ ರೆಪ್ಪೆ ಸಹಿತ ಕೂದಲು ಉದುರುವಿಕೆಯು ಥೈರಾಯ್ಡ್ ನ ಲಕ್ಷಣಗಳಲ್ಲಿ ಒಂದಾಗಿದೆ. ಅತಿಯಾದ ಚಟುವಟಿಕೆ ಮತ್ತು ನಿಷ್ಕ್ರೀಯ ಥೈರಾಯ್ಡ್ ಕೂದಲಿನ ಬೆಳವಣಿಗೆ ಮೇಲೆ ಪರಿಣಾಮ ಬೀರುವುದು. ಥೈರಾಯ್ಡ್ ಹಾರ್ಮೋನುಗಳು ಸಮತೋಲನ ಕಳಕೊಂಡಾಗ ಕೂದಲು ಉದುರುವುದು.

5. ಹಠಾತ್ ತೂಕ ಹೆಚ್ಚಳ

ನಿಷ್ಕ್ರೀಯ ಥೈರಾಯ್ಡ್ ನಿಂದಾಗಿ ಹಠಾತ್ ಆಗಿ ತೂಕ ಹೆಚ್ಚಳವಾಗುವುದು. ಯಾಕೆಂದರೆ ಥೈರಾಯ್ಡ್ ಹಾರ್ಮೋನುಗಳು ಚಯಾಪಚಯ ಕ್ರಿಯೆ ಕುಗ್ಗಿಸುವುದು ಮತ್ತು ಕ್ಯಾಲರಿ ಕಡಿಮೆ ದಹಿಸುವುದು.

6. ಲೈಂಗಿಕಾಸಕ್ತಿ ಕುಗ್ಗುವುದು

ನಿಷ್ಕ್ರೀಯ ಥೈರಾಯ್ಡ್ ನಿಂದಾಗಿ ಲೈಂಗಿಕಾಸಕ್ತಿಯು ಕುಂದುವುದು. ಕಾಮಾಸಕ್ತಿ ಕಡಿಮೆ ಅಥವಾ ಮಹಿಳೆಯರಲ್ಲಿ ಕಾಮೋದ್ರೇಕ ಕಡಿಮೆಯಾಗುವುದು.

7. ಸ್ನಾಯು ನೋವು ಅಥವಾ ಬಿಗಿತ

ನಿಷ್ಕ್ರೀಯ ಥೈರಾಯ್ಡ್ ಅಥವಾ ಅತಿಯಾಗಿ ಕಾರ್ಯನಿರ್ವಹಿಸುವ ಥೈರಾಯ್ಡ್ ನಿಂದಾಗಿ ಸ್ನಾಯುಗಳ ನೋವು ಅಥವಾ ದುರ್ಬಲತೆಯು ಕಂಡುಬರುವುದು. ಥೈರಾಯ್ಡ್ ಸಮಸ್ಯೆ ಹೊಂದಿರುವ ಜನರಲ್ಲಿ ಸ್ನಾಯುಗಳ ಸೆಳೆತ, ನೋವು ಮತ್ತು ಬಿಗಿತ ಕಂಡುಬರುವುದು.

8. ಹೃದಯ ಸಮಸ್ಯೆಗಳು

ಥೈರಾಯ್ಡ್ ಹಾರ್ಮೋನುಗಳು ಅತಿಯಾಗಿ ಬಿಡುಗಡೆಯಾದರೆ ಆಗ ಹೃದಯ ಬಡಿತ, ಎದೆನೋವು ಮತ್ತು ಹೃದಯಾಘಾತ ಉಂಟಾಗಬಹುದು.

9. ಮಂಕು ಕವಿಯುವುದು

ಮಂಕು ಕವಿದಂತೆ ಆಗುವುದು ನಿಮ್ಮ ಥೈರಾಯ್ಡ್ ಮತ್ತು ಮೆದುಳು ಸರಿಯಾಗಿ ಕೆಲಸ ಮಾಡುತ್ತಿಲ್ಲವೆಂದು ಅರ್ಥ. ನಿಷ್ಕ್ರೀಯ ಥೈರಾಯ್ಡ್ ಮೆದುಳಿಗೆ ಮಂಕು ಕವಿದಂತೆ ಮಾಡಬಹುದು ಮತ್ತು ಮಾನಸಿಕ ನಿಶ್ಯಕ್ತಿ ಕಾಣಿಸಬಹುದು.

10. ಅಧಿಕ ರಕ್ತದೊತ್ತಡ

ಥೈರಾಯ್ಡ್ ಸಮಸ್ಯೆಯ ಮತ್ತೊಂದು ಲಕ್ಷಣವೆಂದರೆ ಅದು ಅಧಿಕ ರಕ್ತದೊತ್ತಡ. ಅತಿ ಚಟುವಟಿಕೆಯಲ್ಲಿರುವ ಥೈರಾಯ್ಡ್ ಅಥವಾ ನಿಷ್ಕ್ರೀಯ ಥೈರಾಯ್ಡ್ ನಿಂದ ಅಧಿಕ ರಕ್ತದೊತ್ತಡ ಕಾಣಿಸುವುದು. ಇದರಿಂದ ಆಯಾಸ, ಬೆವರುವುದು ಇತ್ಯಾದಿ ಕಂಡುಬರಬಹುದು.

11. ಕುತ್ತಿಗೆ ಅಥವಾ ಗಂಟಲಿನ ಸಮಸ್ಯೆ

ಕುತ್ತಿಗೆ ಅಥವಾ ಗಂಟಲಿನ ಭಾಗದಲ್ಲಿ ಊತ, ಮೆತ್ತಗೆ ಆಗುವುದು, ಬಿಗಿಯಾಗುವುದು ಅಥವಾ ತುಂಬಿದ ಭಾವನೆಯಾಗುವುದು. ಥೈರಾಯ್ಡ್ ಗಂಟುಗಳು ದೊಡ್ಡದಾಗಿ ಬೆಳೆದರೆ ಆಗ ಕುತ್ತಿಗೆಯಲ್ಲಿ ಊತ ಕಾಣಿಸುವುದು. ಇದರಿಂದ ಆಹಾರ ಸೇವಿಸುವುದು ಕಷ್ಟವಾಗುವುದು.

12. ಹಸಿವು ಹೆಚ್ಚಾಗುವುದು ಮತ್ತು ರುಚಿಯು ಬದಲಾಗುವುದು

ಅತಿಯಾಗಿ ಚಟುವಟಿಕೆಯಲ್ಲಿರುವ ಥೈರಾಯ್ಡ್ ನಿಂದ ಚಯಾಪಚಯ ಕ್ರಿಯೆ ಹೆಚ್ಚಾಗುವುದು ಮತ್ತು ಇದರಿಂದ ಹಸಿವು ಜಾಸ್ತಿಯಾಗಿ ಹೆಚ್ಚು ತಿನ್ನಬೇಕೆಂದು ಆಗಬಹುದು.

13. ನಿಶ್ಯಕ್ತಿ ಮತ್ತು ಕಿರಿಕಿರಿ

ಥೈರಾಯ್ಡ್‌ ನಿಂದ ನಮ್ಮ ಭಾವನೆಗಳು ಮತ್ತು ದೇಹದ ಶಕ್ತಿಯ ಮೇಲೆ ಪರಿಣಾಮ ಉಂಟಾಗುವುದು. ಹೈಪೋಥೈರಾಯ್ಡಿಸಮ್ ನಿಂದ ಆಯಾಸ ಮತ್ತು ದೇಹದ ಶಕ್ತಿಯಲ್ಲಿ ಕೊರತೆ ಕಾಣಿಸಿಕೊಳ್ಳುವುದು. ಇದರಿಂದ ಯಾವಾಗಲೂ ಮನಸ್ಸಿಗೆ ಕಿರಿಕಿರಿ ಮತ್ತು ನಿದ್ರೆಯ ಸಮಸ್ಯೆ ಉಂಟಾಗಬಹುದು.

14. ಅನಿಯಮಿತ ತೂಕ ಹೆಚ್ಚಳ ಅಥವಾ ಕಡಿಮೆಯಾಗುವುದು

ದೇಹದ ತೂಕದಲ್ಲಿ ಬದಲಾವಣೆಯಾಗುವುದು ಥೈರಾಯ್ಡ್ ನಲ್ಲಿ ಕಂಡುಬರುವ ಪ್ರಮುಖ ಸಮಸ್ಯೆಯಾಗಿದೆ. ದೇಹದ ತೂಕದಲ್ಲಿ ಅತೀ ಕಡಿಮೆ ಸಮಯದಲ್ಲಿ ತೂಕ ಅತಿಯಾಗಿ ಕಡಿಮೆಯಾಗುವುದು ಅಥವಾ ಹೆಚ್ಚಳವಾಗುವುದು ಥೈರಾಯ್ಡ್‌ನ ಲಕ್ಷಣವಾಗಿದೆ. ಇದು ಥೈರಾಯ್ಡ್ ಹಾರ್ಮೋನ್ ತುಂಬಾ ಕಡಿಮೆ ಅಥವಾ ಹೆಚ್ಚಾಗಿರುವ ಸೂಚನೆಯಾಗಿದೆ. ಇದು ಥೈರಾಯ್ಡ್ ನ ಲಕ್ಷಣಗಳಲ್ಲಿ ಒಂದಾಗಿದೆ.

15. ತುರಿಕೆ ಸಮಸ್ಯೆ ಉಂಟಾದರೆ

ಒಣ ಹಾಗೂ ತುರಿಕೆ ಉಂಟು ಮಾಡುವ ಚರ್ಮವು ಥೈರಾಯ್ಡ್ ಗ್ರಂಥಿಯ ಸಮಸ್ಯೆಯ ಪ್ರಮುಖ ಲಕ್ಷಣವಾಗಿದೆ. ಉಗುರು ಉದ್ದಗಿನ ಗೆರೆಯಂತೆ ಒಡೆದುಹೋಗಿದ್ದರೆ ಇದರ ಬಗ್ಗೆ ನೀವು ಚಿಂತಿಸಬೇಕು. ಇದು ಥೈರಾಯ್ಡ್ ಗ್ರಂಥಿಗೆ ಸಂಬಂಧಿಸಿದ ಸಮಸ್ಯೆಯಾಗಿದೆ.