Just In
- 1 hr ago ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- 2 hrs ago ವಿಶ್ವದಲ್ಲೇ ಅತೀ ಹೆಚ್ಚು ಬಾರಿ ಚುನಾವಣೆ ಸೋತ ವ್ಯಕ್ತಿ..! ಯಾರು ಈ ಸೋಲುವ ಸರದಾರ ಗೊತ್ತಾ?
- 4 hrs ago ಮದ್ಯದ ಅಮಲಲ್ಲಿ ತೇಲಾಡುತ್ತಿದ್ದ ಶಿಕ್ಷಕನಿಗೆ ಮಕ್ಕಳಿಂದಲೇ ಚಪ್ಪಲಿ ಏಟು..!
- 5 hrs ago ವಿಶ್ವದ ದುಬಾರಿ ಹಣ್ಣುಗಳಿವು..! ನೀವು ಊಹಿಸದ ಬೆಲೆ ಈ ಹಣ್ಣುಗಳಿಗಿದೆ..!
Don't Miss
- News ಸಿನಿಮಾದಲ್ಲಿ ರೀಲ್ ಬಿಟ್ಟಂತೆ ರಾಜಕೀಯದಲ್ಲೂ ರೀಲ್ ಬಿಟ್ಟರೆ ಜನ ಒಪ್ಪಲ್ಲ: ಡಿ ಕೆ ಸುರೇಶ್ ಹೀಗೆ ಹೇಳಿದ್ದು ಯಾರಿಗೆ?
- Automobiles ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Movies STD ಬೂತ್ನಲ್ಲಿ ಕೆಲಸ ಮಾಡುವಾಗ 500 ರೂ. ಸಂಬಳ; ಶೋ ಆರಂಭಿಸಿದ ಮೇಲೆ ಗಳಿಸಿದ್ದೆಷ್ಟು ಕೋಟಿ?
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಣ್ಣುಗಳ ಆರೋಗ್ಯಕ್ಕೆ ಇರಲಿ, ಎಂದಿಗೂ 'ಸ್ಪೆಷಲ್' ಆರೈಕೆ!
ಕಣ್ಣುಗಳ ಆರೋಗ್ಯವನ್ನು ಸತತವಾಗಿ ತಪಾಸಣೆಗೊಳಿಸುತ್ತಾ ಬದಲಾವಣೆಗಳನ್ನು ಗಮನಿಸುತ್ತಾ ಇರಬೇಕು. ಕಣ್ಣಿನ ದೃಷ್ಟಿಯಲ್ಲಿ ಕೊಂಚ ಏರುಪೇರಾದರೂ ಕೂಡಲೇ ಕಣ್ಣಿನ ವೈದ್ಯರನ್ನು ಸಂಪರ್ಕಿಸಿ....
ಒಂದು ಕಾಲದಲ್ಲಿ ಕನ್ನಡಕ ಹಾಕಿಕೊಂಡವರೆಂದರೆ ಪುಸ್ತಕದ ಹುಳಗಳು ಎಂದು ಕರೆದು ಹೀಯಾಳಿಸಲಾಗುತ್ತಿತ್ತು. ಆದರೆ ಇಂದಿನ ದಿನದಲ್ಲಿ ಕಣ್ಣುಗಳಿಗೆ ವಿಪರೀತ ಶ್ರಮ ನೀಡುವ ಕಂಪ್ಯೂಟರ್, ಮೊಬೈಲು ಮತ್ತು ಇತರ ದೃಶ್ಯಮಾಧ್ಯಮ ಸಲಕರಣೆಗಳನ್ನು ಸತತವಾಗಿ ವೀಕ್ಷಿಸುವುದರಿಂದ ಕಣ್ಣುಗಳಿಗೆ ವಿಪರೀತ ದಣಿವು ಮತ್ತು ಘಾಸಿಯುಂಟಾಗುತ್ತದೆ. ಕಣ್ಣಿನ ಆರೋಗ್ಯಕ್ಕೆ ಸ್ಪೆಷಲ್ ಆರೈಕೆ ಹೀಗಿರಲಿ
ವಿಶೇಷವಾಗಿ ಕಂಪ್ಯೂಟರ್ ಪರದರೆಯ ತೀಕ್ಷ್ಣ ಕಿರಣಗಳನ್ನು ಸತತವಾಗಿ ವೀಕ್ಷಿಸುವುದರಿಂದ ಕಣ್ಣಿನ ನರ ಮತ್ತು ಇತರ ಅಂಗಾಂಶಗಳು ತಮ್ಮ ಸಾಮರ್ಥ್ಯಕ್ಕೂ ಮೀರಿ ಘಾಸಿಗೊಳ್ಳುತ್ತವೆ. ಆದರೆ ಇವುಗಳಿಂದಲೇ ನಮ್ಮ ಉದ್ಯೋಗವೂ, ಜೀವನವೂ ನಡೆಯುವುದರಿಂದ ಇದರಿಂದ ಬಿಡುಗಡೆ ಪಡೆಯುವಂತೆಯೂ ಇಲ್ಲ. ಜೇನು ಕಣ್ಣಿನ ಆರೋಗ್ಯಕ್ಕೂ ಉತ್ತಮ ಎಂದರೆ ಅಚ್ಚರಿ ಅಲ್ಲವೇ?
ಹಾಗಾಗಿ ಕಣ್ಣುಗಳ ಆರೋಗ್ಯವನ್ನು ಸತತವಾಗಿ ತಪಾಸಣೆಗೊಳಿಸುತ್ತಾ ಬದಲಾವಣೆಗಳನ್ನು ಗಮನಿಸುತ್ತಾ ಇರಬೇಕು. ಆದರೆ ಕೆಲವು ಬದಲಾವಣೆಗಳು ನಮಗೆ ಅರಿವಿಲ್ಲದಂತೆಯೇ ಆಗಿದ್ದು ಅಚ್ಚರಿ ಮೂಡಿಸುತ್ತವೆ. ಬನ್ನಿ, ಈ ಬಗ್ಗೆ ಹೆಚ್ಚಿನ ವಿವರಗಳನ್ನು ನೋಡೋಣ....
ದೃಷ್ಟಿ ಮಂಜಾಗುವುದು
ಒಂದು ವೇಳೆ ಸಮೀಪದ ಅಥವಾ ದೂರದ ವಸ್ತುಗಳು ಕೊಂಚ ಮಂಜಾಗಿ ಕಾಣುತ್ತಿದ್ದರೆ, ವಸ್ತುಗಳ ಅಂಚುಗಳು ಎರಡೆರಡಾಗಿ ಕಾಣಿಸುತ್ತಿದ್ದರೆ, ಅಥವಾ ವಸ್ತುವಿನ ನೆರಳಿನಂತಹದ್ದು ಕೊಂಚವೇ ಪಕ್ಕದಲ್ಲಿ ಕಾಣುವಂತಿದ್ದರೆ ಇದು ದೃಷ್ಟಿನರದ ಸಾಮರ್ಥ್ಯ ಕಡಿಮೆಯಾಗಿರುವುದನ್ನು ಅಥವಾ ನಿಮಗೆ ಅಧಿಕ ರಕ್ತದೊತ್ತಡ ಬಾಧಿಸಿರುವುದನ್ನು ಸೂಚಿಸುತ್ತದೆ.
ಒಣಗಿದ ಕಣ್ಣುಗಳು
ನಮ್ಮ ಕಣ್ಣುಗಳ ಮೇಲೆ ಸದಾ ಕಣ್ಣೀರಿನ ಪಸೆ ಇರಲೇ ಬೇಕು. ಇದೇ ಕಾರಣಕ್ಕೆ ನಾವು ಕಣ್ಣು ಮಿಟುಕಿಸುತ್ತಾ ಇರುತ್ತೇವೆ. ಒಂದು ವೇಳೆ ಈ ಪಸೆ ಇಲ್ಲವಾದರೆ ಉರಿ ಕಾಣಿಸಿಕೊಳ್ಳುತ್ತದೆ. ಸೋಪು ಕಣ್ಣಿಗೆ ಹೋದಾಗ ಇದು ಕಣ್ಣೀರನ್ನು ಪಕ್ಕಕ್ಕೆ ಸರಿಸಿ ಕಣ್ಣಿನ ಭಾಗವನ್ನು ಗಾಳಿಗೆ ತೆರೆಯುವುದರಿಂದಲೇ ನಮಗೆ ಭಾರೀ ಉರಿಯಾಗುತ್ತದೆ.
computer vision syndrome
ಕಣ್ಣಿನಲ್ಲಿ ಕಣ್ಣೀರಿನ ಪಸೆ ಕಡಿಮೆಯಾದರೂ ಉರಿ ಕಾಣಿಸಿಕೊಳ್ಳುತ್ತದೆ.
ಕೊಂಚವೂ ಉರಿ ಇದ್ದರೂ ಕಣ್ಣೀರಿನ ಪ್ರಮಾಣ ಕಡಿಮೆಯಾಗಿರುವುದನ್ನು ಸೂಚಿಸುತ್ತದೆ. ಈ ತೊಂದರೆಗೆ ಬಹುತೇಕ ಕಂಪ್ಯೂಟರ್ ಪರದೆಯ ಸತತ ವೀಕ್ಷಣೆ ಕಾರಣವಾಗಿದ್ದು ಈ ತೊಂದರೆಗೆ CVS - computer vision syndrome ಎಂದು ಕರೆಯಲಾಗುತ್ತದೆ.
ಕಣ್ಣುಗಳಲ್ಲಿ ಅಗತ್ಯಕ್ಕೂ ಹೆಚ್ಚು ನೀರು ಕಾಣಿಸಿಕೊಳ್ಳುವುದು
ಒಂದು ವೇಳೆ ನಿಮ್ಮ ಕಣ್ಣುಗಳಲ್ಲಿ ಮೊಸಳೆ ಕಣ್ಣೀರು ಸದಾ ಸುರಿಯುತ್ತಿದ್ದರೆ ಇದಕ್ಕೆ ಕಣ್ಣೀರಿನ ಗ್ರಂಥಿಗಳು ಮುಚ್ಚಿರುವ ಸಾಧ್ಯತೆ ಹೆಚ್ಚು. ಏಕೆಂದರೆ ಈ ಗ್ರಂಥಿಗಳು ಭಾವನಾತ್ಮಕ ಸ್ಥಿತಿಯಲ್ಲಿ ಕಣ್ಣೀರು ಸುರಿಸಿದರೂ ಇತರ ಸಮಯದಲ್ಲಿ ಕಣ್ಣೀರನ್ನು ಹೀರಿಕೊಳ್ಳುತ್ತವೆ. ಒಂದು ವೇಳೆ ಇವು ಮುಚ್ಚಿದ್ದರೆ ಸ್ರವಿಸಿದ ಕಣ್ಣೀರು ಇಂಗದೇ ಹೊರಹರಿದು ಮೊಸಳೆ ಕಣ್ಣೀರಾಗುತ್ತದೆ. ಒಂದು ವೇಳೆ ಈ ಸ್ಥಿತಿ ಇದ್ದರೆ ತಕ್ಷಣ ನೇತ್ರತಜ್ಞರನ್ನು ಭೇಟಿಯಾಗುವ ಅವಶ್ಯಕತೆ ಇದೆ.
ಪ್ರಖರ ಬೆಳಕನ್ನು ನೋಡಲು ಅಸಾಧ್ಯವಾಗುವುದು
ಒಂದು ವೇಳೆ ನೀವು ವಾಹನವನ್ನು ರಾತ್ರಿ ಚಲಾಯಿಸುತ್ತಿದ್ದು ಮುಂದಿನ ವಾಹನದ ಬೆಳಕನ್ನು ನೋಡಲು ಸಾಧ್ಯವಾಗದೇ ಮುಚ್ಚಿಕೊಳ್ಳುವಂತಹ ಸಂದರ್ಭ ಎದುರಾದರೆ ಅಥವಾ ಮನೆಯ ಸಾಮಾನ್ಯ ಬಲ್ಬ್ ಹಾಗೂ ಟ್ಯೂಬ್ ಲೈಟುಗಳ ಬೆಳಕನ್ನೂ ನೇರವಾಗಿ ನೋಡಲು ಅಸಾಧ್ಯವಾದರೆ ಇದು ನಿಮ್ಮ ದೃಷ್ಟಿನರ ತೀಕ್ಷ್ಣ ಬೆಳಕನ್ನು ಸ್ವೀಕರಿಸುವ ಕ್ಷಮತೆಯನ್ನು ಕಳೆದುಕೊಂಡಿರುವುದನ್ನು ತೋರಿಸುತ್ತದೆ.
ಕಣ್ಣುರೆಪ್ಪೆ ಊದಿಕೊಳ್ಳುವುದು
ಒಂದು ವೇಳೆ ನಿಮ್ಮ ಕಣ್ಣುಗಳ ರೆಪ್ಪೆಗಳು ಊದಿಕೊಂಡಿದ್ದರೆ ಇದು ಕಣ್ಣುಗಳ ಒಳಭಾಗ ಅಥವಾ ಕಣ್ಣುರೆಪ್ಪೆಗಳ ಕೆಳಭಾಗದಲ್ಲಿ ಸೋಂಕು ಉಂಟಾಗಿರುವುದನ್ನು ಸೂಚಿಸುತ್ತದೆ. ತಕ್ಷಣವೇ ನೇತ್ರತಜ್ಞರ ಬಳಿ ಹೋಗದೇ ಇದ್ದರೆ ಇದು ದೃಷ್ಟಿಯನ್ನೇ ಕಸಿದುಕೊಳ್ಳಬಹುದು.
ಕಣ್ಣುಗಳು ಕೆಂಪಗಾಗಿರುವುದು
ಸಾಮಾನ್ಯವಾಗಿ ವೆಲ್ಡಿಂಗ್ ಕೆಲಸ ಮಾಡುವವರ ಕಣ್ಣು ಮರುದಿನ ಕೆಂಪಗಾಗಿರುತ್ತದೆ. ಇದೇ ರೀತಿ ಅತಿ ಒತ್ತಡದಲ್ಲಿ ಹೆಚ್ಚು ಕಾಲ ಕೆಲಸ ಮಾಡುವವರ ಕಣ್ಣುಗಳೂ ಕೆಂಪಾಗಾಗಿರುತ್ತವೆ ಅಥವಾ ಚಿಕ್ಕ ಕೆಂಪು ಗೀರುಗಳಂತೆ ಕಣ್ಣುಗಳ ಒಳಗೆ ಸ್ಪಷ್ಟವಾಗಿ ಕಾಣುತ್ತವೆ. ಇದರೊಂದಿಗೆ ಕಣ್ಣುಗಳಲ್ಲಿ ತುರಿಕೆಯೂ ಇದ್ದರೆ ಇದು ಮದ್ರಾಸ್ ಐ ಅಥವಾ ಕಣ್ಣುಬೇನೆ (conjunctivitis) ಯ ಸಂಕೇತವಿರಬಹುದು.ಕಣ್ಣಿನ ಸೋಂಕಿಗೆ ಕಾರಣವಾಗಿರುವ ಮದ್ರಾಸ್ ಕಣ್ಣಿನ ಲಕ್ಷಣಗಳೇನು?