ಜೇನು ಕಣ್ಣಿನ ಆರೋಗ್ಯಕ್ಕೂ ಉತ್ತಮ ಎಂದರೆ ಅಚ್ಚರಿ ಅಲ್ಲವೇ?

ಕಣ್ಣುಗಳು ಒಣಗುವುದನ್ನು ತಡೆಯುತ್ತದೆ

ಕೊಂಚ ಜೇನನ್ನು ಸ್ವಚ್ಛವಾದ, ಉಗುರುಬೆಚ್ಚನೆಯ ಕುಡಿಯುವ ನೀರಿನಲ್ಲಿ ಬೆರೆಸಿ. ರಾತ್ರಿ ಮಲಗುವ ಮುನ್ನ ಈ ನೀರಿನಿಂದ ಕಣ್ಣುಗಳನ್ನು ತೊಳೆದುಕೊಂಡು ಮಲಗಿದರೆ ಕಣ್ಣುಗಳು ಒಣಗಿರುವ ಮತ್ತು ತುರಿಕೆಯಿಂದ ಪರಿಹಾರ ಒದಗುತ್ತದೆ.

ಕಣ್ಣುಗಳು ಊದಿಕೊಂಡಿರುವುದನ್ನು ತಡೆಯುತ್ತದೆ

ಕೆಲವೊಮ್ಮೆ ಕಣ್ಣುಗಳು ವಿಪರೀತವಾಗಿ ದಣಿದು ತೆರೆಯಲೇ ಕಷ್ಟಕರವಾಗಿರುವಾಗ ಕಣ್ಣುಗಳನ್ನು ಮುಚ್ಚಿಕೊಂಡು ಕಣ್ಣುರೆಪ್ಪೆಗಳ ಮೇಲೆ ಕೊಂಚ ಜೇನನ್ನು ನಯವಾದ ಮಸಾಜ್ ಮೂಲಕ ಹಚ್ಚಿ.

ಕಣ್ಣುಗಳು ಊದಿಕೊಂಡಿರುವುದನ್ನು ತಡೆಯುತ್ತದೆ

ಹದಿನೈದರಿಂದ ಇಪ್ಪತ್ತು ನಿಮಿಷಗಳ ಕಾಲ ಕಣ್ಣುಗಳನ್ನು ಮುಚ್ಚಿಕೊಂಡೇ ಇದ್ದು ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ಇದರಿಂದ ಊದಿಕೊಂಡಿದ್ದ ಕಣ್ಣುಗಳು ಸಾಮಾನ್ಯ ಸ್ಥಿತಿಗೆ ಮರಳುತ್ತದೆ.

ಮದ್ರಾಸ್ ಕಣ್ಣಿಗೆ ಸೂಕ್ತ ಚಿಕಿತ್ಸೆಯಾಗಿದೆ

ಒಂದು ವೇಳೆ ಕೆಂಗಣ್ಣು ಬೇನೆ ಅಥವಾ ಮದ್ರಾಸ್ ಐ (conjunctivitis) ಎಂಬ ಕಾಯಿಲೆ ಆವರಿಸಿದ್ದರೆ ಇದು ನಿಮ್ಮಿಂದ ಇತರರಿಗೆ ಹರಡುವುದನ್ನು ತಡೆಯಲು ಮತ್ತು ನಿಮ್ಮ ಬೇನೆ ತಕ್ಷಣ ಕಡಿಮೆಯಾಗಲು ಅಪ್ಪಟ ಜೇನಿನ ಒಂದೆರಡು ಹನಿಯನ್ನು ನೇರವಾಗಿ ಕಣ್ಣುಗಳಿಗೆ ಬಿಟ್ಟು ಕೆಲವು ಬಾರಿ ಮಿಟುಕಿಸಿ ಸಾಧ್ಯವಾದಷ್ಟು ಹೊತ್ತು ಮುಚ್ಚಿಕೊಳ್ಳಬೇಕು. ಕೆಲವಾರು ಸಂಶೋಧನೆಗಳ ಮೂಲಕ ಈ ವಿಧಾನದಿಂದ ನಿಜವಾಗಿಯೂ ಈ ಬೇನೆ ಗುಣವಾಗಿರುವುದು ಕಂಡುಬಂದಿದೆ. ಕಣ್ಣಿನ ಸೋಂಕಿಗೆ ಕಾರಣವಾಗಿರುವ ಮದ್ರಾಸ್ ಕಣ್ಣಿನ ಲಕ್ಷಣಗಳೇನು?

ಕಣ್ಣುಗಳ ಸೋಂಕನ್ನು ಕಡಿಮೆಗೊಳಿಸುತ್ತದೆ

ಅಪ್ಪಟ ಜೇನನ್ನು ಕೊಂಚ ಉಗುರುಬೆಚ್ಚನೆಯ ನೀರಿನೊಂದಿಗೆ ಬೆರೆಸಿ ಈ ನೀರಿನಲ್ಲಿ ಹತ್ತಿಯುಂಡೆಯೊಂದನ್ನು ಮುಳುಗಿಸಿ ಸೋಂಕಿಗೆ ಒಳಗಾದ ಕಣ್ಣುಗಳಿಗೆ ಒತ್ತಿಕೊಳ್ಳಿ. ಈ ವಿಧಾನದಿಂದ ಕಣ್ಣಿನ ವಿವಿಧ ಸೋಂಕುಗಳು ಕಡಿಮೆಯಾಗುತ್ತವೆ.

ಕಣ್ಣುಗಳ ಸ್ನಾಯುಗಳನ್ನು ಬಲಶಾಲಿಯಾಗಿಸುತ್ತದೆ

ಕಣ್ಣುಗಳಿಗೆ ಜೇನಿನ ಕೆಲವು ಹನಿಗಳನ್ನು ಆಗಾಗ ಹಾಕುತ್ತಿರುವ ಮೂಲಕ ಕಣ್ಣುಗಳ ಸ್ನಾಯುಗಳು ಬಲಯುತವಾಗಿರಲು ನೆರವಾಗುತ್ತದೆ.

ಕಣ್ಣುಗಳ ಸ್ನಾಯುಗಳನ್ನು ಬಲಶಾಲಿಯಾಗಿಸುತ್ತದೆ

ವಿಶೇಷವಾಗಿ ನಡುವಯಸ್ಸು ದಾಟಿದ ಬಳಿಕ ಕಣ್ಣುಗಳ ದೃಷ್ಟಿ ಕೊಂಚ ಕಡಿಮೆಯಾಗತೊಡಗಿದಾಗ ನಿಯಮಿತವಾಗಿ ಬಳಸಿದರೆ ಕಣ್ಣುಗಳ ಸ್ನಾಯುಗಳು ಬಲಯುತವಾಗಿರಲು ನೆರವಾಗುತ್ತದೆ.

ಗ್ಲೌಕೋಮಾ ಆವರಿಸುವ ಸಾಧ್ಯತೆ ಕಡಿಮೆಯಾಗುತ್ತದೆ

ಹಲವಾರು ಸಂಶೋಧನೆಗಳ ಮೂಲಕ ಕಣ್ಣುಗಳಲ್ಲಿ ಕೊಂಚ ಜೇನನ್ನು ಬಿಟ್ಟುಕೊಳ್ಳುವ ವಿಧಾನದಿಂದ ಕಣ್ಣುಗಳಿಗೆ ಆವರಿಸುವ ಗ್ಲೌಕೋಮಾ ಎಂಬ ಕಾಯಿಲೆ ಆವರಿಸುವ ಸಾಧ್ಯತೆ ಅಪಾರವಾಗಿ ಕಡಿಮೆಯಾಗಿರುವುದನ್ನು ಕಂಡುಕೊಳ್ಳಲಾಗಿದೆ.

ಕಣ್ಣಿನ ದೃಷ್ಟಿ ಕಡಿಮೆಯಾಗುವುದನ್ನು ತಡೆಯುತ್ತದೆ

ಜೇನಿನಲ್ಲಿರುವ ಆಂಟಿ ಆಕ್ಸಿಡೆಂಟ್ ಗುಣ ಮತ್ತು ಇದರಲ್ಲಿರುವ ಸತು ಕಣ್ಣಿನ ದೃಷ್ಟಿನರದ ಕ್ಷಮತೆ ಹೆಚ್ಚಿಸಲು ನೆರವಾಗುತ್ತದೆ. ಆದ್ದರಿಂದ ಜೇನನ್ನು ನಿಯಮಿತವಾಗಿ ಸೇವಿಸುತ್ತಿರುವ ಮೂಲಕ ಕಣ್ಣಿನ ದೃಷ್ಟಿ ಉತ್ತಮವಾಗಿರಲು, ತನ್ಮೂಲಕ ಕಣ್ಣಿನ ದೃಷ್ಟಿ ಕಡಿಮೆಯಾಗುವುದನ್ನು ತಡೆಯುತ್ತದೆ

ಕಣ್ಣುನೋವನ್ನು ಗುಣಪಡಿಸುತ್ತದೆ

ಜೇನನ್ನು ನಿತ್ಯವೂ ಕೊಂಚವಾಗಿ ಸೇವಿಸುವ ಮೂಲಕ ಕಣ್ಣುಗಳ ನೋವು ಕಡಿಮೆಯಾಗುತ್ತದೆ ಹಾಗೂ ಕಣ್ಣುಗಳ ಸುತ್ತ ನೆರಿಗೆಗಳು ಮೂಡುವ ಸಾಧ್ಯತೆ ದೂರವಾಗುತ್ತದೆ.

ಎಚ್ಚರಿಕೆ

ಕಣ್ಣುಗಳಿಗೆ ಬಳಸುವ ಜೇನು ಅಪ್ಪಟವಾಗಿರುವುದು ಅವಶ್ಯಕ. ಇಂದು ಹಣದಾಸೆಗಾಗಿ ಜೇನಿನೊಂದಿಗೆ ಬೆಲ್ಲದ ನೀರನ್ನು ಬೆರೆಸಿ ಮಾರುತ್ತಿದ್ದಾರೆ. ಕಣ್ಣುಗಳಿಗೆ ಈ ಬೆರಕೆ ಜೇನು ಸರ್ವಥಾ ಉತ್ತಮವಲ್ಲ. ಆದ್ದರಿಂದ ಕೊಂಚ ದುಬಾರಿಯಾದರೂ ತೊಂದರೆಯಿಲ್ಲ, ಅಪ್ಪಟ ಜೇನನ್ನು ಮಾತ್ರವೇ ಬಳಸಿ.