ನೀವೂ ನಂಬಲೇಬೇಕು, 'ಮದ್ಯ' ದಿಂದಲೂ ಸಾಕಷ್ಟು ಲಾಭಗಳಿವೆ!

ಸ್ನಾಯುಗಳ ನೋವನ್ನು ಕಡಿಮೆಗೊಳಿಸುತ್ತದೆ

ಚರ್ಮಕ್ಕೆ ಹಚ್ಚಲೆಂದೇ rubbing alcohol ಎಂಬ ಹೆಸರಿನಲ್ಲಿ ಈ ದ್ರಮ ದೊರಕುತ್ತದೆ. ಈ ದ್ರವವನ್ನು ನೋವು ಇರುವ ಸ್ನಾಯುಗಳ ಮೇಲೆ ಹಚ್ಚಿ ತೆಳುವಾದ ಬಟ್ಟೆಯ ಪಟ್ಟೆ ಕಟ್ಟಿ ಒಂದು ಘಂಟೆ ಬಿಟ್ಟರೆ ಸಾಕು, ಸ್ನಾಯುಗಳ ನೋವು ಕಡಿಮೆಯಾಗುತ್ತದೆ. ಉತ್ತಮ ಪರಿಣಾಮ ಪಡೆಯಲು ನೋವಿರುವ ಭಾಗಕ್ಕೆ ದಿನಕ್ಕೊಂದು ಬಾರಿ ಈ ವಿಧಾನವನ್ನು ಅನುಸರಿಸಿದರೆ ಸಾಕು.

ಕಿವಿಯಲ್ಲಿ ಸಿಲುಕಿದ್ದ ನೀರನ್ನು ಹೊರಹಾಕಲು ನೆರವಾಗುತ್ತದೆ

ಸಾಮಾನ್ಯವಾಗಿ ಈಜುಕೊಳದಿಂದ ಹೊರಬಂದವರ ಕಿವಿಗಳ ಒಳಗೆ ನೀರು ಹೋಗಿ ಸಿಲುಕಿಕೊಂಡಿದ್ದು ಸುಲಭಕ್ಕೆ ಹೊರಬರುವುದಿಲ್ಲ. ಒಂಟಿಗಾಲಿನಲ್ಲಿ ಕುಣಿದರೆ ಬಲವಂತವಾಗಿ ಹೊರಬರುತ್ತದಾದರೂ ಸುಲಭವಾಗಿಯಂತೂ ಅಲ್ಲ.

ಕಿವಿಯಲ್ಲಿ ಸಿಲುಕಿದ್ದ ನೀರನ್ನು ಹೊರಹಾಕಲು ನೆರವಾಗುತ್ತದೆ

ಇದರ ಬದಲಿಗೆ ರಬ್ಬಿಂಗ್ ಆಲ್ಕೊಹಾಲ್‌ನ ಕೆಲವು ಹನಿಗಳನ್ನು ಬಿಳಿಯ ಶಿರ್ಕಾದ ಹೆಲವು ಹನಿಗಳೊಂದಿಗೆ ಬೆರೆಸಿ ಈ ಮಿಶ್ರಣವನ್ನು ಕಿವಿಗೆ ಬಿಡಿ. ಬಳಿಕ ನಿಧಾನವಾಗಿ ತಲೆಯನ್ನು ವಿರುದ್ದ ದಿಕ್ಕಿನಲ್ಲಿ ಬಗ್ಗಿಸಿ. ಈ ದ್ರವ ಕಿವಿಯೊಳಗೆ ಸಿಲುಕಿಕೊಂಡಿದ್ದ ನೀರನ್ನು ತನ್ನೊಂದಿಗೆ ಕರೆತಂದು ಮುಚ್ಚಿದ್ದ ಕಿವಿಯನ್ನು ತೆರೆಯುತ್ತದೆ.

ಕಾಲುಬೆರಳುಗಳ ಉಗುರಿನ ಸಂದುಗಳ ಸೋಂಕನ್ನು ನಿವಾರಿಸುತ್ತದೆ

ಕೆಲವು ಹನಿ ಆಲ್ಕೊಹಾಲ್ ಮತ್ತು ಕೆಲವು ಹನಿ ಬಿಳಿ ಶಿರ್ಕಾ (white vinegar) ಬೆರೆಸಿ ಹತ್ತಿಯ ಉಂಡೆಯೊಂದನ್ನು ಇದರಲ್ಲಿ ಮುಳುಗಿಸಿ ಈ ಉಂಡೆಯಿಂದ ಸೋಂಕಿಗೆ ಒಳಗಾಗಿದ್ದ ಕಾಲು ಬೆರಳುಗಳ ಉಗುರುಗಳ ಸಂಧುಗಳಲ್ಲಿ ಉಜ್ಜಿ ಈ ದ್ರವ ಸಂದುಗಳ ಒಳಗೆ ಹಾಯುವಂತೆ ಹಿಂಡಿ.

ಕಾಲುಬೆರಳುಗಳ ಉಗುರಿನ ಸಂದುಗಳ ಸೋಂಕನ್ನು ನಿವಾರಿಸುತ್ತದೆ

ಬಳಿಕ ಈ ಉಂಡೆಯನ್ನು ಸೋಂಕಿನ ಭಾಗಕ್ಕೆ ತಾಕುವಂತೆ ಇರಿಸಿ ಸುಮಾರು ಅರ್ಧ ಗಂಟೆ ಹಾಗೇ ಬಿಡಿ. ಬಳಿಕ ಸೋಂಕನ್ನು ಕೆರೆದು ತೆಗೆಯುವ ಸೂಕ್ತ ಉಪಕರಣ ಉಪಯೋಗಿಸಿ ಸ್ವಚ್ಛಗೊಳಿಸಿ ತೇವವನ್ನು ಹತ್ತಿಯಿಂದ ಒಣಗಿಸಿ.ಗುಣವಾಗುವವರೆಗೂ ಈ ಭಾಗದಲ್ಲಿ ನೀರು ಬೀಳದಂತೆ ಎಚ್ಚರವಹಿಸಿ.

ಚಿಕ್ಕ ಪುಟ್ಟ ಗಾಯಗಳನ್ನು ಮಾಗಿಸುತ್ತದೆ

ಆಲ್ಕೊಹಾಲ್ ದ್ರವದಿಂದ ಚಿಕ್ಕ ಪುಟ್ಟ ತರಚು ಗಾಯಗಳನ್ನು ಒರೆಸುವುದರಿಂದ ಕೊಂಚ

ಉರಿಯಾಗುತ್ತದಾದರೂ ಇದರಿಂದ ಸೋಂಕಾಗದಂತೆ ಎಚ್ಚರ ವಹಿಸಬಹುದು. ಇದಕ್ಕಾಗಿ ಆಲ್ಕೊಹಾಲ್ ಸ್ವಾಬ್ ಪಟ್ಟಿಯನ್ನು ನೇರವಾಗಿ ಉಪಯೋಗಿಸಬಹುದು. ಅಥವಾ ಕೆಲವು ಹನಿ ಆಲ್ಕೊಹಾಲ್ ಅನ್ನು ನೀರಿನೊಂದಿಗೆ ಬೆರಸಿ ಗಾಯದ ಮೇಲೆ ಆವರಿಸುವಂತೆ ಹಚ್ಚಬೇಕು.

ತುಟಿಯ ವ್ರಣವನ್ನು ಮಾಗಿಸುತ್ತದೆ

ಕೊಂಚ ರಬ್ಬಿಂಗ್ ಆಲ್ಕೊಹಾಲ್ ಅನ್ನು ಹತ್ತಿಯುಂಡೆಯೊಂದರಲ್ಲಿ ಮುಳುಗಿಸಿ ಈ ಉಂಡೆಯಿಂದ ನಯವಾಗಿ ವ್ರಣವನ್ನು ಒರೆಸಿಕೊಳ್ಳಿ. ರಾತ್ರಿ ಮಲಗುವ ಮುನ್ನ ಹಚ್ಚಿಕೊಂಡು ಮಲಗಿ ಬೆಳಿಗ್ಗೆದ್ದ ಬಳಿಕ ಈ ವ್ರಣ ಒಣಗಿರುತ್ತದೆ. ಪೂರ್ಣವಾಗಿ ಒಣಗಿ ಪಕಳೆಯಂತೆ ವ್ರಣದ ಸಿಪ್ಪೆಯೆದ್ದು ಹೋಗುವವರೆಗೂ ನೀರು ತಾಕದಂತೆ ಎಚ್ಚರವಹಿಸಿ.

ಸೊಳ್ಳೆ ಕಚ್ಚಿದ ಉರಿಯನ್ನು ಶಮನಗೊಳಿಸುತ್ತದೆ

ಸೊಳ್ಳೆ ಕಚ್ಚಿದ ಭಾಗಕ್ಕೆ ತಕ್ಷಣವೇ ಆಲ್ಕೊಹಾಲ್ ಸ್ವಾಬ್ ನಿಂದ ಅಥವಾ ರಬ್ಬಿಂಗ್ ಆಲ್ಕೊಹಾಲ್ ದ್ರವದಲ್ಲಿ ಸೋಕಿರುವ ಹತ್ತಿಯನ್ನು ಒರೆಸಿಕೊಂಡು ಹತ್ತು ನಿಮಿಷದ ಬಳಿಕ ನೀರಿನಿಂದ ತೊಳೆದುಕೊಂಡರೆ ಉರಿ ಮತ್ತು ಊತವುಂಟಾಗದಂತೆ ತಡೆಗಟ್ಟಬಹುದು.