ಮೂತ್ರದ ಬಣ್ಣ ಬದಲಾಗಿದೆಯೇ? ಹಾಗಿದ್ದರೆ ವೈದ್ಯರ ಸಲಹೆ ಪಡೆಯಿರಿ

ಕಾರಣ-1

ದೇಹದಲ್ಲಿ ನಿರ್ಜಲೀಕರಣದಿಂದ ಮೂತ್ರದ ಬಣ್ಣ ಹೆಚ್ಚು ಗಾಢ ಬಣ್ಣವನ್ನು ಹೊಂದಿರುತ್ತದೆ. ಹೀಗಾಗುವುದರಿಂದ ಬಾಯಾರಿಕೆ, ಆಯಾಸ ಉಂಟಾಗುವುದು. ಇಂತಹ ಸಮಯದಲ್ಲಿ ಹಣ್ಣಿನ ರಸ, ಜ್ಯೂಸ್, ನೀರನ್ನು ಹೆಚ್ಚು ಹೆಚ್ಚು ಸೇವಿಸಬೇಕು.

ಕಾರಣ -2

ಕೆಲವೊಮ್ಮೆ ನಾವು ಸೇವಿಸುವ ತರಕಾರಿಗಳ (ಬೀಟ್ರೂಟ್, ಫೇವ ಬೀನ್ಸ್, ಕ್ಯಾರೆಟ್) ಪದಾರ್ಥ ಸೇವಿಸುವುದರಿಂದಲೂ ಮೂತ್ರದ ಬಣ್ಣ ಬದಲಾಗುತ್ತದೆ. ಆಹಾರದ ಸೇವನೆಯಿಂದ ಬಣ್ಣ ಬದಲಾಗಿದ್ದರೆ ಯಾವುದೇ ತೊಂದರೆ ಇರುವುದಿಲ್ಲ. ಆ ಆಹಾರ ಪದಾರ್ಥವನ್ನು ತಿನ್ನುವುದು ನಿಲ್ಲಿಸಿದ ಮೇಲೆ ಮೂತ್ರ ಸಹಜ ಬಣ್ಣಕ್ಕೆ ಹಿಂದಿರುಗುತ್ತದೆ.

ಕಾರಣ -3

ನಾವು ಸೇವಿಸುವ ಮಾತ್ರೆಗಳಿಂದಲೂ ಮೂತ್ರದ ಬಣ್ಣ ಬದಲಾವಣೆ ಹೊಂದುತ್ತದೆ. ವಿಟಮಿನ್ ಬಿ ಮಾತ್ರೆಯು ಮೂತ್ರದ ಬಣ್ಣ ಹೆಚ್ಚು ತಿಳಿಹಳದಿ ಬಣ್ಣಕ್ಕೆ ತಿರುಗಿಸುತ್ತದೆ.

ಕಾರಣ-4

ಯಕೃತ್ತಿನ ಸಮಸ್ಯೆಯಿದ್ದರೂ ಮೂತ್ರದ ಬಣ್ಣ ಹೆಚ್ಚು ಗಾಢವಾಗಿರುತ್ತದೆ. ಕೆಲವೊಮ್ಮೆ ಲಿವರ್ ಸಮಸ್ಯೆಇದ್ದರೂ ಹೀಗಾಗುವ ಸಂಭವ ಇರುತ್ತದೆ. ಇಂತಹ ಸಂದರ್ಭದಲ್ಲಿ ವೈದ್ಯರ ಸಲಹೆ ಪಡೆದುಕೊಳ್ಳಬೇಕು.

ಕಾರಣ-5

ಪಿತ್ತಕೋಶದ ಸಮಸ್ಯೆ ಅಥವಾ ಪಿತ್ತಕೋಶದಲ್ಲಿ ಕಲ್ಲುಗಳಿದ್ದರೂ ಬಣ್ಣ ಬದಲಾಗುವುದು. ಈ ಸಮಸ್ಯೆ ಇದ್ದವರು ವೈದ್ಯರಿಗೆ ತೋರಿಸಬೇಕು.

ಕಾರಣ-6

ಮೆದೋಜ್ಜೀರಕಾಂಗದ ಗೃಂಥಿಯಲ್ಲಿ ಕ್ಯಾನ್ಸರ್ ಉಂಟಾದರೆ ಅಥವಾ ಗುಳ್ಳೆಗಳಾದರೆ ಮೂತ್ರದ ಬಣ್ಣ ಗಾಢ ಬಣ್ಣಕ್ಕೆ ತಿರುಗುತ್ತದೆ. ವೈದ್ಯರ ಸೂಕ್ತ ಕ್ರಮದಿಂದ ಪರಿಹಾರ ಕಂಡುಕೊಳ್ಳಬಹುದು.

ಕಾರಣ-7

ಕೆಲವೊಮ್ಮೆ ರಕ್ತದಲ್ಲಿ ಉಂಟಾದ ಸಮಸ್ಯೆಯಿಂದ, ಸೋಂಕಿನಿಂದ, ಪ್ರಾಸ್ಟೇಟ್ ಸೋಂಕಿನಿಂದ ಮತ್ತು ಮೂತ್ರಪಿಂಡದಲ್ಲಿ ಕಲ್ಲುಗಳಿರುವುದಿಂದಲೂ ಮೂತ್ರದ ಬಣ್ಣ ಬದಲಾಗುತ್ತದೆ. ಮೂತ್ರದಲ್ಲಿ ಉಂಟಾಗುವ ಬಣ್ಣದ ಬದಲಾವಣೆಯನ್ನು ಗಮನಿಸುತ್ತಿದ್ದರೆ ವೈದ್ಯರ ಸಲಹೆ ಪಡೆಯಬಹುದು. ಇಲ್ಲವಾದರೆ ಮೂರು ತಿಂಗಳಿಗೊಮ್ಮೆ ಮೂತ್ರ ಪರೀಕ್ಷೆ ಮಾಡಿಸಿಕೊಳ್ಳುವುದು ಸೂಕ್ತ.