ಮೊಳಕೆಯೊಡೆದ ಬೆಳ್ಳುಳ್ಳಿ ಸೇವನೆ-ಆರೋಗ್ಯಕ್ಕೆ ಬಹಳ ಒಳ್ಳೆಯದು....

ವಾಸ್ತವಾಂಶ #1

ಮೊಳಕೆಯೊಡೆದ ಬೆಳ್ಳುಳ್ಳಿ ಅಂದರೆ ಈಗ ಇದು ಚೆನ್ನಾಗಿ ಬಲಿತಿದೆ ಎಂದರ್ಥ. ಮೊಳಕೆಯೊಡೆದರೆ ಹಾಳಾಗಿದೆ ಎಂದು ಸರ್ವಥಾ ಅರ್ಥವಲ್ಲ. ಬದಲಿಗೆ ಇದು ಗಿಡವಾಗಲು ತನ್ನಲ್ಲಿ ಕೇಂದ್ರೀಕರಿಸಿದ್ದ ಶಕ್ತಿಯನ್ನೆಲ್ಲಾ ಹೊರಬಿಟ್ಟಿದೆ ಎಂದು ತಿಳಿದುಕೊಳ್ಳಬಹುದು. ಈ ಬೆಳ್ಳುಳ್ಳಿಯನ್ನೂ ಅಡುಗೆಗೆ ಸಾಮಾನ್ಯ ಬೆಳ್ಳುಳ್ಳಿಯಂತೆಯೇ ಬಳಸಬಹುದು. ಆದರೆ ಇದು ಮೊಳಕೆ ಚಿಕ್ಕದಿದ್ದಾಗ ಮಾತ್ರ. ಮೊಳಕೆ ಉದ್ದವಾದರೆ ಬೆಳ್ಳುಳ್ಳಿಯ ಎಸಳಿನ ಮೇಲೆ ಕಪ್ಪು ಕಲೆಗಳು ಮೂಡುತ್ತವೆ. ಇದು ಆರೋಗ್ಯಕರವಲ್ಲ. ಇದು ಬೆಳ್ಳುಳ್ಳಿ ಗಾಳಿಯಲ್ಲಿದ್ದ ಕಾರಣ ಕೊಳೆತ ಸಂಕೇತವಾಗಿದ್ದು ಇವನ್ನು ವರ್ಜಿಸಬೇಕು.

ವಾಸ್ತವಾಂಶ #2

ಮೊಳಕೆಯೊಡೆದ ಬೆಳ್ಳುಳ್ಳಿಯ ಮೊಳಕೆ ಕೊಂಚವೇ ಕಹಿಯಾಗಿರುವ ಕಾರಣ ಅಡುಗೆಗೆ ಬಳಸುವುದಾದರೆ ಮೊಳಕೆಯೊಡೆದ ಹಸಿರು ಭಾಗವನ್ನು ನಿವಾರಿಸಿ ಉಳಿದ ಭಾಗವನ್ನು ಬಳಸಿದರೆ ರುಚಿಯಲ್ಲಿ ಯಾವುದೇ ಬದಲಾವಣೆ ಕಂಡುಬರುವುದಿಲ್ಲ.

ವಾಸ್ತವಾಂಶ #3

ಆರೋಗ್ಯತಜ್ಞರ ಪ್ರಕಾರ ಮೊಳಕೆಯೊಡೆದ ಬೆಳ್ಳುಳ್ಳಿಯಲ್ಲಿ ಹೃದಯಕ್ಕೆ ಉತ್ತಮವಾಗಿರುವ ಅಂಶಗಳು ಮೊಳಕೆಯೊಡೆಯದ ಬೆಳ್ಳುಳ್ಳಿಗಿಂತಲೂ ಹೆಚ್ಚಿರುತ್ತವೆ. ಅಕ್ಕಿ, ಧಾನ್ಯ ಮತ್ತು ಕಾಳುಗಳಂತೆಯೇ ಸಮಯ ಹೆಚ್ಚಾದಷ್ಟೂ ಮೊಳಕೆಯೊಡೆದ ಬೆಳ್ಳುಳ್ಳಿಯಲ್ಲಿಯೂ ಪೋಷಕಾಂಶಗಳು ಹೆಚ್ಚುತ್ತವೆ.

ವಾಸ್ತವಾಂಶ #4

ಮೊಳಕೆಯೊಡೆದಯುತ್ತಿರುವಾಗ ಬೆಳ್ಳುಳ್ಳಿಯಲ್ಲಿ ಕೆಲವು ಫೈಟೋ ಕೆಮಿಕಲ್ಸ್ ಎಂಬ ಪೋಷಕಾಂಶಗಳು ಉತ್ಪತ್ತಿಯಾಗುತ್ತವೆ. ಈ ಕಣಗಳಿಗೆ ಕೆಲವಾರು ಬಗೆಯ ಕ್ಯಾನ್ಸರ್ ರೋಗಗಳನ್ನು ತಡೆಗಟ್ಟುವ ಮತ್ತು ಹರಡುವುದನ್ನು ನಿಲ್ಲಿಸುವ ಗುಣವಿದೆ. ಅಲ್ಲದೇ ಇದರಲ್ಲಿ ಹೆಚ್ಚಿನ ಪ್ರಮಾಣದ ಆಂಟಿ ಆಕ್ಸಿಡೆಂಟುಗಳಿದ್ದು ಕ್ಯಾನ್ಸರ್ ಗೆ ಕಾರಣವಗುವ ಫ್ರೀ ರ್‍ಯಾಡಿಕಲ್ ಎಂಬ ಕಣಗಳ ವಿರುದ್ಧ ಹೋರಾಡುವ ಗುಣ ಹೊಂದಿದೆ.

ವಾಸ್ತವಾಂಶ #5

ಮೊಳಕೆಯೊಡೆದ ಬೆಳ್ಳುಳ್ಳಿಯಲ್ಲಿ ಕ್ಯಾನ್ಸರ್ ಕಣಗಳಿಗೆ ಬೆಂಬಲ ನೀಡುವ ಕಣಗಳ (carcinogen) ಚಟುವಟಿಕೆಗಳನ್ನು ನಿಯಂತ್ರಿಸುವ ಗುಣವಿದೆ. ಅಲ್ಲದೇ ಹೃದಯಸ್ತಂಭನಕ್ಕೆ ಕಾರಣವಾಗುವ ರಕ್ತನಾಳಗಳ ಒಳಗೆ ಕಟ್ಟಿಕೊಳ್ಳುವ ಜಿಡ್ಡನ್ನು ನಿವಾರಿಸುವ ಶಕ್ತಿಯನ್ನೂ ಹೊಂದಿದೆ.

ವಾಸ್ತವಾಂಶ #6

ಒಂದು ವೇಳೆ ನಿಮ್ಮ ರೋಗ ನಿರೋಧಕ ಶಕ್ತಿ ಕುಂದಿದ್ದರೆ ಅಥವಾ ಪದೇ ಪದೇ ಶೀತ ಆವರಿಸುತ್ತಾ ಇದ್ದರೆ ನಿಮ್ಮ ನಿತ್ಯದ ಆಹಾರದಲ್ಲಿ ಕೆಲವು ಮೊಳಕೆಯೊಡೆದ ಬೆಳ್ಳುಳ್ಳಿಯ ಎಸಳುಗಳನ್ನು ಸೇರಿಸುವ ಮೂಲಕ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಬಹುದು. ಕೇವಲ ಐದು ದಿನದ ಸತತ ಸೇವನೆಯಿಂದ ಈ ಗುಣ ಹೆಚ್ಚಿರುವುದನ್ನು ಗಮನಿಸಬಹುದು

ವಾಸ್ತವಾಂಶ #7

ಮೊಳಕೆಯೊಡೆದ ಬೆಳ್ಳುಳ್ಳಿ ವೃದ್ದಾಪ್ಯ ಆವರಿಸುವ ಗತಿಯನ್ನು ನಿಧಾನಗೊಳಿಸುವ ಗುಣವನ್ನೂ ಹೊಂದಿದೆ. ಚರ್ಮ ಹಾಗೂ ದೇಹದ ಇತರ ಅಂಗಗಳು ವೃದ್ಧಾಪ್ಯದ ಕಾರಣ ತಮ್ಮ ಗುಣಗಳನ್ನು ಕುಂಠಿತಗೊಳಿಸುವುದನ್ನು ತಡೆಯುವ ಗುಣವನ್ನು ಇವು ಹೊಂದಿವೆ.

ವಾಸ್ತವಾಂಶ #8

ಮೊಳಕೆಯೊಡೆದ ಬೆಳ್ಳುಳ್ಳಿಯಲ್ಲಿ ಆಲಿಸಿನ್ ಎಂಬ ಪೋಷಕಾಂಶವಿದ್ದು ಇದು ಮೆದುಳಿನ ಜೇವಕೋಶಗಳಿಗೆ ಹೆಚ್ಚಿನ ಪೋಷಣೆಯನ್ನು ನೀಡುತ್ತದೆ. ಇದರಿಂದ ಮೆದುಳಿನ ಜೀವಕೋಶಗಳು ಸಾಯುವ ಸಂಖ್ಯೆ ಕಡಿಮೆಯಾಗಿ ಸ್ಮರಣಶಕ್ತಿ ಕುಂದುವ (dimentia) ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ. ಅಲ್ಲದೇ ತಾರ್ಕಿಕ ಶಕ್ತಿ ಕುಂದುವ ಆಲ್ಜೀಮರ್ಸ್ ಕಾಯಿಲೆ ಬರುವ ಸಾಧ್ಯತೆಯನ್ನೂ ಕಡಿಮೆಗೊಳಿಸುತ್ತದೆ.