ಶ್ವಾಸಕೋಶದ ರೋಗ ಗುಣಪಡಿಸುವ ಪವರ್ ಫುಲ್ ಮನೆ ಔಷಧಿಗಳು

ಉಪ್ಪಿನ ನೀರಿನಲ್ಲಿ ಬಾಯಿ ಮುಕ್ಕಳಿಸುವುದು

ಒಂದು ಗ್ಲಾಸ್ ನೀರಿಗೆ 1 ರಿಂದ 2 ಚಮಚ ಉಪ್ಪು, ಚಿಟಿಕೆ ಅರಿಶಿನ ಸೇರಿಸಿ ಮಿಶ್ರಣ ತಯಾರಿಸಿ. ಈ ಮಿಶ್ರಣದಲ್ಲಿ ಬಾಯನ್ನು ಮುಕ್ಕಳಿಸಿದರೆ ಶ್ವಾಸಕೋಶದಡಿಯಲ್ಲಿ ಸಂಗ್ರಹವಾದ ಲೋಳೆ ಅಂಶವು ಕರಗುತ್ತದೆ. ಶ್ವಾಸಕೋಶದ ದಟ್ಟಣೆ ಸಂಪೂರ್ಣವಾಗಿ ತೆರವುಗೊಳ್ಳುತ್ತದೆ.

ಸ್ಟೀಮ್

ಬಿಸಿ ನೀರಿನ ಸ್ಟೀಮ್ ತೆಗೆದುಕೊಳ್ಳುವುದರಿಂದ ಶ್ವಾಸಕೋಶದ ದಟ್ಟಣೆಯು ಸಡಿಲ ಗೊಳ್ಳುತ್ತದೆ. ಶ್ವಾಸಕೋಶದಲ್ಲಿ ಇರುವ ಲೋಳೆಯಂಶವು ಕರಗುತ್ತದೆ. ಈ ಆರೈಕೆಯಿಂದ ತ್ವರಿತ ಆರಾಮ ದೊರೆಯುವುದು.

ನೀರು ಕುಡಿಯಬೇಕು

ಹೆಚ್ಚು ನೀರು ಸೇವಿಸುವುದರಿಂದ ಶ್ವಾಸಕೋಶದಲ್ಲಿ ಉಂಟಾದ ದಟ್ಟಣೆಯು ಸಡಿಲಗೊಳ್ಳುತ್ತದೆ. ಬೆಚ್ಚಗಿನ ನೀರನ್ನೇ ಸೇವಿಸಿದರೆ ಇನ್ನಷ್ಟು ಆರಾಮದಾಯಕವಾಗಿರುತ್ತದೆ.

ಆರೋಗ್ಯಕರ ಆಹಾರ

ಮಸಾಲೆ ಭರಿತ ಆಹಾರ, ಬೆಳ್ಳುಳ್ಳಿ, ಶುಂಠಿ, ವಿಟಮಿನ್ ಭರಿತ ಹಣ್ಣು, ತರಕಾರಿಗಳನ್ನು ತಿನ್ನಬೇಕು. ಡೈರಿ ಉತ್ಪನ್ನಗಳು, ಸಕ್ಕರೆ, ಉಪ್ಪು, ಹುರಿದ ಆಹಾರಗಳನ್ನು ಸೇವಿಸಬಾರದು.

ಅರಿಶಿನ ಬಳಸಿ

ಅರಿಶಿನವು ಕಫದಂತಹ ಲೋಳೆಯನ್ನು ಹೊರ ಹಾಕಲು ಸಹಾಯ ಮಾಡುತ್ತದೆ. ಇದು ನೋವು, ಕೆಮ್ಮು, ಮತ್ತು ಶ್ವಾಸಕೋಶದ ದಟ್ಟಣೆಯನ್ನು ತಡೆಯುತ್ತದೆ.

ಈರುಳ್ಳಿ ಬಳಸಿ

ಈರುಳ್ಳಿಯಲ್ಲಿ ಕ್ವೆರ್ಸೆಟಿನ್ ಅಂಶವನ್ನು ಒಳಗೊಂಡಿದೆ. ಇದನ್ನು ಸೇವಿಸುವುದರಿಂದ ಶ್ವಾಸಕೋಶದೊಳಗಿರುವ ಲೋಳೆ ಅಂಶವನ್ನು ಕರಗಿಸುತ್ತದೆ. ನಿಂಬೆ ರಸ, ನೀರು, ಜೇನುತುಪ್ಪವನ್ನು ಸಮ ಪ್ರಮಾಣದಲ್ಲಿ ಸೇರಿಸಿ ಕುದಿಸಬೇಕು. ಇದನ್ನು ಪ್ರತಿದಿನ 3-4 ಬಾರಿ ಕುಡಿದರೆ ಶ್ವಾಸಕೋಶ ಸಂಬಂಧಿ ಸಮಸ್ಯೆಗಳು ಪರಿಹಾರವಾಗುವವು.

ಶುಂಠಿ ಬಳಸಿ

ಶುಂಠಿ ರೋಗನಿರೋಧಕ ಅಂಶವನ್ನು ಒಳಗೊಂಡಿದ್ದು, ಉರಿಯೂತವನ್ನು ಶಮನಗೊಳಿಸುತ್ತದೆ. ಶ್ವಾಸಕೋಶದಲ್ಲಿ ಲೋಳೆ ಶ್ರವಿಸುವಿಕೆಯನ್ನು ತಡೆಗಟ್ಟುತ್ತದೆ. ಪ್ರತಿದಿನ ಜೇನು ತುಪ್ಪ ಬೆರೆಸಿದ ಶುಂಠಿ ಚಹಾವನ್ನು ಮೂರು ಬಾರಿ ಸೇವಿಸಿ.

ಸೇಬು ಸೈಡರ್ ವಿನೆಗರ್ ಬಳಸಿ

ಒಂದು ಕಪ್ ನೀರು, ACV 2 ಚಮಚ, 1 ಚಮಚ ಜೇನು ತುಪ್ಪವನ್ನು ಬೆರೆಸಿ ಪ್ರತಿದಿನ ಎರಡು ಬಾರಿ ಸೇವಿಸಬೇಕು. ಇದರಿಂದ ಶ್ವಾಸಕೋಶದ ದಟ್ಟಣೆಯು ಕಡಿಮೆಯಾಗುತ್ತದೆ. ಇದೊಂದು ಉತ್ತಮ ನೈಸರ್ಗಿಕ ಔಷಧಿ ಎನ್ನಬಹುದು.

ನಿಂಬೆ ಬಳಸಿ

ನಿಂಬೆಯಲ್ಲಿರುವ ಸಿಟ್ರಿಕ್ ಆಸಿಡ್ ಲೋಳೆಯ ದಪ್ಪವನ್ನು ಕಡಿಮೆ ಮಾಡುತ್ತದೆ. ವಿಟಮಿನ್ ಸಿ ಹೊಂದಿರುವುದರಿಂದ ಇದೊಂದು ಉತ್ತಮ ರೋಗನಿರೋಧಕ ಔಷಧ ಎನ್ನಬಹುದು. ಸ್ವಲ್ಪ ಜೇನುತುಪ್ಪಕ್ಕೆ ಒಂದು ಚಮಚ ನಿಂಬೆ ರಸವನ್ನು ಬೆರೆಸಿ ಒಂದು ಮಿಶ್ರಣ ತಯಾರಿಸಬೇಕು. ಇದನ್ನು ದಿನದಲ್ಲಿ 2 ರಿಂದ 3 ಬಾರಿ ಸೇವಿಸಬೇಕು.

ಬೆಳ್ಳುಳ್ಳಿ ಬಳಸಿ

ಇದರಲ್ಲಿ ಉತ್ತಮ ಮಟ್ಟದಲ್ಲಿ ವಿಟಮಿನ್ ಎ,ಬಿ,ಸಿ ಹಾಗೂ ಕ್ಯಾಲ್ಸಿಯಂ, ಕಬ್ಬಿಣ, ತಾಮ್ರಗಳಂತಹ ಪೋಷಕಾಂಶಗಳಿವೆ. ಪ್ರತಿದಿನ 2-3 ಎಸಳು ಬೆಳ್ಳುಳ್ಳಿಯನ್ನು ಒಂದು ಕಪ್ ಹಾಲಿನಲ್ಲಿ ಬೆರೆಸಿ ಕುದಿಸಬೇಕು. ನಂತರ ಇದನ್ನು ಪ್ರತಿದಿನ ಎರಡು ಬಾರಿ ಕುಡಿದರೆ ಶ್ವಾಸಕೋಶದ ದಟ್ಟಣೆ ಕಡಿಮೆಯಾಗುತ್ತದೆ.

ಜೇನು ತುಪ್ಪ

ಸೋಂಕು, ಬ್ಯಾಕ್ಟೀರಿಯಾ ಮತ್ತು ಆಂಟಿವೈರಲ್ ವಿರುದ್ಧ ಹೋರಾಡುವ ಉತ್ತಮ ಔಷಧ ಇದು. ನಿತ್ಯವೂ ಇದರ ಸೇವನೆ ಮಾಡಿದರೆ ಲೋಳೆಯ ಪ್ರಮಾಣ ಕಡಿಮೆಯಾಗುತ್ತದೆ.

ಲೈಕೋರೈಸ್ ಬೇರು

ಕುದಿಯುವ ನೀರಿನಲ್ಲಿ ಒಂದು ಕಪ್ ಲೈಕೋರೈಸ್ ಬೇರನ್ನು ಹಾಕಿ ಹತ್ತು ನಿಮಿಷಗಳ ಕಾಲ ಕುದಿಸಬೇಕು. ಆರಿದ ನಂತರ ಈ ದ್ರಾವಣಕ್ಕೆ ಜೇನುತುಪ್ಪವನ್ನು ಬೆರೆಸಿ 2-3 ಬಾರಿ ಸೇವಿಸಬೇಕು. ಹೀಗೆ ಮಾಡುವುದರಿಂದ ಶ್ವಾಸಕೋಶದ ಸಮಸ್ಯೆಗಳು ನಿವಾರಣೆ ಹೊಂದುವವು.

ಥೈಮ್ ಬಳಸಿ

ಥೈಮ್ ನೈಸರ್ಗಿಕ ಗಿಡಮೂಲಿಕೆಯಾಗಿದ್ದು, ಶ್ವಾಸಕೋಶವು ಬಲವಾಗಿರಲು ಸಹಾಯ ಮಾಡುತ್ತದೆ. ಒಂದು ಕಪ್ ಬಿಸಿ ನೀರಿಗೆ 1/8 ಚಮಚದ ಥೈಮ್ ಸೇರಿಸಿ ಚಹಾವನ್ನು ತಯಾರಿಸಬೇಕು. ಈ ಚಹಾಕ್ಕೆ ಜೇನು ತುಪ್ಪವನ್ನು ಸೇರಿಸಿ ಕುಡಿಯುವುದರಿಂದ ಆರಾಮದಾಯಕ ಅನುಭವ ಉಂಟಾಗುವುದು.