ಲೈಂಗಿಕ ಸಮಸ್ಯೆಗೆ, ಮಾತ್ರೆಗಳು ಬೇಕಾಗಿಲ್ಲ! ಈ ಟಿಪ್ಸ್ ಅನುಸರಿಸಿ

ಒತ್ತಡಕ್ಕೆ ಬ್ರೇಕ್ ಹಾಕಿ!

ಲೈಂಗಿಕ ಜೀವನಕ್ಕೆ ದೊಡ್ಡ ತೊಡಕು ಉಂಟು ಮಾಡುವ ವಿಷಯವೆಂದರೆ ಅದು ಒತ್ತಡ. ನೀವು ಒತ್ತಡದಿಂದ ಮುಕ್ತರಾಗಲು ಎಲ್ಲಾ ರೀತಿಯ ಪ್ರಯತ್ನ ಮಾಡಿ.

ಒತ್ತಾಯಪೂರ್ವಕ ಲೈಂಗಿಕ ಕ್ರಿಯೆ ಬೇಡ

ಸಂಗಾತಿಯ ಜತೆ ಲೈಂಗಿಕ ಇತಿಮಿತಿ, ಆಸೆಗಳು ಹಾಗೂ ಏನನ್ನು ಬಯಸುತ್ತೀರಿ ಎನ್ನುವ ಬಗ್ಗೆ ಮಾತನಾಡಿ. ಒತ್ತಾಯಪೂರ್ವಕವಾಗಿ ಮಾಡುವಂತಹ ಲೈಂಗಿಕ ಕ್ರಿಯೆಯು ನಿಮಗೆ ಯಾವುದೇ ಸುಖವನ್ನು ನೀಡದೆ ಲೈಂಗಿಕ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು.

ಆರೋಗ್ಯಕರ ಆಹಾರ ಕ್ರಮವನ್ನು ಪಾಲಿಸಿ

ಆರೋಗ್ಯಕರ ಆಹಾರ ಕ್ರಮವನ್ನು ಪಾಲಿಸಿಕೊಂಡು ಹೋಗಿ. ನಿಮ್ಮ ಆರೋಗ್ಯಕ್ಕೆ ಹೇಗೆ ಎಲ್ಲಾ ರೀತಿಯ ಪೋಷಕಾಂಶಗಳು ಬೇಕೋ ಅದೇ ರೀತಿಯಲ್ಲಿ ಲೈಂಗಿಕ ಆರೋಗ್ಯಕ್ಕೂ ಕೆಲವೊಂದು ಒಳ್ಳೆಯ ಪೋಷಕಾಂಶಗಳು ಬೇಕಾಗಿರುತ್ತದೆ.

ಚೆನ್ನಾಗಿ ನೀರು ಕುಡಿಯಿರಿ

ಎಷ್ಟು ಸಾಧ್ಯವೋ ಅಷ್ಟು ಮಟ್ಟಿಗೆ ನೀರು ಕುಡಿಯಿರಿ. ಯಾಕೆಂದರೆ ನಿರ್ಜಲೀಕರಣದಿಂದ ಯೋನಿ ಶುಷ್ಕತೆ ಮತ್ತು ನಿಮಿರುವಿಕೆ ಅಸಾಮಾನ್ಯವಾಗಬಹುದು.

ಧೂಮಪಾನ ನಿಲ್ಲಿಸಿ

ಧೂಮಪಾನ ಮಾಡುತ್ತಾ ಇದ್ದರೆ ಅದನ್ನು ಬಿಟ್ಟುಬಿಡಿ. ಯಾಕೆಂದರೆ ಇದು ಲೈಂಗಿಕ ಜೀವನ ಹಾಗೂ ಸಂತಾನೋತ್ಪತ್ತಿ ಮೇಲೆ ಪರಿಣಾಮ ಬೀರುತ್ತದೆ.

ಮಾನಸಿಕ ತೊಂದರೆಗೆ ಮದ್ದು ಮಾಡಿ

ಲೈಂಗಿಕ ಕ್ರಿಯೆಯ ವೇಳೆ ಮಾನಸಿಕವಾಗಿ ನಿಮಗೆ ಯಾವುದೇ ಸಮಸ್ಯೆಯಾಗುತ್ತಾ ಇದ್ದರೆ ಆಗ ನೀವು ಮನೋತಜ್ಞರನ್ನು ಭೇಟಿಯಾಗಿ ಸಮಸ್ಯೆಯನ್ನು ಹೇಳಿಕೊಳ್ಳಿ.

ಜನನಾಂಗಗಳ ಸಮಸ್ಯೆ ಇದ್ದರೆ

ಜನನಾಂಗಗಳಲ್ಲಿ ಕಾಣಿಸಿಕೊಳ್ಳುವ ಕೆಲವೊಂದು ಕಾಯಿಲೆಗಳನ್ನು ಪರೀಕ್ಷಿಸಿಕೊಳ್ಳಲು ಮಹಿಳೆಯರು ಸ್ತ್ರೀರೋಗ ತಜ್ಞರನ್ನು ಭೇಟಿಯಾಗಬೇಕು. ಪುರುಷರು ಕೂಡ ಏನಾದರೂ ಸಮಸ್ಯೆಯಿದ್ದರೆ ವೈದ್ಯರನ್ನು ಭೇಟಿಯಾಗಬೇಕು.

ಕಾಂಡೋಮ್ ಬಳಸಲೇಬೇಕು

ಒಂದಕ್ಕಿಂತ ಹೆಚ್ಚಿನ ಸಂಗಾತಿಯೊಂದಿಗೆ ಲೈಂಗಿಕ ಕ್ರಿಯೆ ನಡೆಸುತ್ತಾ ಇದ್ದರೆ ಲೈಂಗಿಕ ರೋಗಗಳನ್ನು ತಪ್ಪಿಸಲು ಕಾಂಡೋಮ್ ಬಳಸಲೇಬೇಕು.

ಸ್ವಚ್ಛತೆಗೆ ಮೊದಲ ಆದ್ಯತೆ ನೀಡಿ

ಲೈಂಗಿಕ ಕ್ರಿಯೆ ನಡೆಸುವ ಜಾಗದಲ್ಲಿ ಹೆಚ್ಚಿನ ಸ್ವಚ್ಛತೆಯನ್ನು ಕಾಪಾಡಿಕೊಳ್ಳಿ. ಯಾಕೆಂದರೆ ಸಣ್ಣ ಕಣವು ಜನನಾಂಗದೊಳಗೆ ಹೋದರೆ ಅದರಿಂದ ಸೋಂಕು ಉಂಟಾಗಬಹುದು.

ಲೈಂಗಿಕ ಕ್ರಿಯೆ ಮೊದಲು...

ಮಹಿಳೆಯರು ಲೈಂಗಿಕ ಕ್ರಿಯೆ ಮೊದಲು ಹಾಗೂ ಬಳಿಕ ಮೂತ್ರ ವಿಸರ್ಜನೆ ಮಾಡಬೇಕು. ಇದರಿಂದ ಯಾವುದೇ ಕಣಗಳು ಇದ್ದರೂ ಅದು ಹೊರಹೋಗುವುದು. ಇದರಿಂದ ಯುಟಿಐನಂತಹ ಸೋಂಕನ್ನು ತಡೆಗಟ್ಟಬಹುದು.