ಲೈಂಗಿಕ ಜೀವನದಲ್ಲಿ ಕಾಮಾಸಕ್ತಿ ಕಡಿಮೆ ಮಾಡುವ ಆಹಾರಗಳು

ಮದ್ಯಪಾನ

ಲೈಂಗಿಕ ಕ್ರಿಯೆಗಿಂತ ಮೊದಲು ಮಧ್ಯಪಾನ ಮಾಡುವುದರಿಂದ ಸಂಗಾತಿಗಳ ನಡುವಿನ ಮುಜುಗರ ಮತ್ತು ಸಂಕೋಚ ದೂರವಾಗಿ ಉತ್ತಮ ಲೈಂಗಿಕ ಕ್ರಿಯೆ ನಡೆಸಬಹುದೆಂಬುದು ಬಹುತೇಕ ಮಂದಿಯ

ನಂಬಿಕೆಯಾಗಿದೆ. ಇನ್ನೂ ಕೆಲವರ ಪ್ರಕಾರ ಲೈಂಗಿಕ ಕ್ರಿಯೆಗಿಂತ ಮೊದಲು ಸ್ವಲ್ಪ ಪ್ರಮಾಣದ ಮದ್ಯಪಾನ ಮಾಡುವುದರಿಂದ ಅವರ ಲೈಂಗಿಕಾಸಕ್ತಿ ಹೆಚ್ಚುವುದರ ಜೊತೆಗೆ, ಹಾಸಿಗೆಯಲ್ಲಿ ಒಳ್ಳೆಯ ಸಾಮರ್ಥ್ಯವನ್ನು ಸಹ ತೋರಿಸಬಹುದಂತೆ.ಆದರೆ ಬಹುತೇಕ ಸಂದರ್ಭಗಳಲ್ಲಿ ಜನರು ಕೇವಲ ಒಂದು ಪೆಗ್‍ಗೆ ಮಾತ್ರ ತಮ್ಮ ಕುಡಿತವನ್ನು ನಿಲ್ಲಿಸುವುದಿಲ್ಲ. ಮೂರು, ನಾಲ್ಕು ಪೆಗ್ ಏರಿಸಿದ ನಂತರ ಅವರು ತಮ್ಮ ಸಂಗಾತಿಯ ಜೊತೆಗೆ ಲೈಂಗಿಕ ಕ್ರಿಯೆಯಲ್ಲಿ ಪಾಲ್ಗೊಳ್ಳಬೇಕೆಂಬ ಇಚ್ಛೆ ಹೊರಟು ಹೋಗಿರುತ್ತದೆ. ಅಧಿಕ ಮದ್ಯಪಾನ ಸೇವನೆಯು ಖಿನ್ನತೆಗೆ ಕಾರಣವಾಗುತ್ತದೆ. ಜೊತೆಗೆ ಇದರಿಂದ ನಿಮಗೆ ಮಾನಸಿಕ ವ್ಯಾಧಿಗಳು ಭಾದಿಸಬಹುದು.ಇದು ಗಂಡಸರಲ್ಲಿ ಟೆಸ್ಟೊಸ್ಟೆರೊನ್‍ನ ಉತ್ಪಾದನೆಯನ್ನು ಕಡಿಮೆ ಮಾಡುತ್ತದೆ. ಆದ್ದರಿಂದ ನಿಮ್ಮ ಸಂಗಾತಿಗೆ ಹಾಸಿಗೆಯಲ್ಲಿ ತೃಪ್ತಿ ನೀಡಲು ಸಾಧ್ಯವಾಗುವಷ್ಟರ ಮಟ್ಟಿಗೆ ಹಿತ-ಮಿತವಾಗಿ ಮಧ್ಯಪಾನ ಮಾಡಿ. ಮಾಡದೆ ಇದ್ದಲ್ಲಿ ಇನ್ನೂ ಉತ್ತಮ.

ಕಾಫಿ

ಒಂದು ವೇಳೆ ನೀವು ಕಾಫಿ ಪ್ರಿಯರಾಗಿದ್ದಲ್ಲಿ, ನಿಮ್ಮ ಸಂಗಾತಿಗೊಸ್ಕರ ನಿಮ್ಮ ಅಧಿಕ ಕಾಫಿ ಸೇವನೆಯನ್ನು ಕಡಿಮೆ ಮಾಡಿಕೊಳ್ಳಿ. ಪ್ರತಿ ದಿನ 5-6 ಕಪ್ ಕಾಫಿ ಸೇವನೆಯು ನಿಮ್ಮ ಅಡ್ರಿನಲ್ ಗ್ಲ್ಯಾಂಡ್‍ಗಳಿಗೆ ಹಾನಿಯನ್ನು ಮಾಡುತ್ತದೆ. ಅಧಿಕ ಕಾಫಿ ಸೇವನೆಯಿಂದ ಒತ್ತಡಕಾರಿ ಹಾರ್ಮೋನುಗಳು ಅಧಿಕಗೊಳ್ಳುತ್ತದೆ. ಒಂದು ವೇಳೆ ನೀವು ಒತ್ತಡದಲ್ಲಿ ಕಾಲ ತಳ್ಳುತ್ತಿದ್ದರೆ, ನಿಮ್ಮ ಸಂಗಾತಿಯ ಮುಂದೆ ಹಾಸಿಗೆಯಲ್ಲಿ ಸೋಲನ್ನೊಪ್ಪುತ್ತೀರಿ. ಇದರಿಂದ ಲೈಂಗಿಕ ಕ್ರಿಯೆಯು ಸಮತೋಲನ ತಪ್ಪುತ್ತದೆ. ಆದ್ದರಿಂದ ಪ್ರತಿದಿನ ಒಂದು ಅಥವಾ ಎರಡು ಕಪ್‍ ಕಾಫಿಗೆ ನಿಮ್ಮನ್ನು ನೀವು ಸೀಮಿತ ಮಾಡಿಕೊಳ್ಳಿ. ನಿಮ್ಮ ಸಂಗಾತಿಗೆ ಸುಖ ನೀಡಿ.

ಪುದಿನಾ

ಬಹುತೇಕ ಮಂದಿ ಲೈಂಗಿಕ ಕ್ರಿಯೆಗಿಂತ ಮೊದಲು ಪುದಿನಾಯುಕ್ತವಾದ ಚ್ಯೂಯಿಂಗ್ ಗಮ್ ಸೇವನೆಯನ್ನು ಮಾಡುತ್ತಾರೆ ಅಥವಾ ತಮ್ಮ ಉಸಿರಿನ ದುರ್ವಾಸನೆಯನ್ನು ಹೋಗಲಾಡಿಸಿಕೊಳ್ಳಲು ಪುದಿನಾವನ್ನು ಸೇವಿಸುತ್ತಾರೆ. ಆದರೆ ನಿಮಗೆ ಗೊತ್ತೆ, ಪುದಿನಾವು ನಿಮ್ಮ ಲೈಂಗಿಕ ಜೀವನದ ಮೇಲೆ ದುಷ್ಪರಿಣಾಮ ಬೀರುತ್ತದೆಯೆಂದು? ಹೌದು, ಪುದಿನಾದಲ್ಲಿರುವ ಮೆಂಥಲ್ ನಿಮ್ಮ ಟೆಸ್ಟ್ರೊಸ್ಟೆರೋನ್ ಅನ್ನು ಕಡಿಮೆ ಮಾಡುತ್ತದೆ. ಇದರಿಂದ ನೀವು ಹಾಸಿಗೆಯಲ್ಲಿ ಸರಿಯಾಗಿ ಸಾಮರ್ಥ್ಯ ತೋರಲು ಸಾಧ್ಯವಾಗುವುದಿಲ್ಲ. ಒಂದು ವೇಳೆ ಉಸಿರಿನ ದುರ್ವಾಸನೆಯಿಂದ ನಿಮಗೆ ಕಿರಿ ಕಿರಿಯಾಗುತ್ತಿದ್ದಲ್ಲಿ, ಒಂದು ಶುಂಠಿಯ ತುಂಡನ್ನು ಸೇವಿಸಿ.

ಸೋಡಾಗಳು ಮತ್ತು ಕೋಲಾಗಳು

ಲೈಂಗಿಕ ದೌರ್ಬಲ್ಯಗಳಿಗೆ ಕಾರಣವಾಗುವ ಆಹಾರ ಪದಾರ್ಥಗಳಲ್ಲಿ ಸೋಡಾಗಳು ಸಹ ಸೇರಿವೆ. ಲೈಂಗಿಕ ಕ್ರಿಯೆಗೆ ಮೊದಲು ಇಂತಹ ಪಾನೀಯಗಳನ್ನು ಖಂಡಿತವಾಗಿ ಸೇವಿಸಬಾರದು. ನಿಮ್ಮ ಸಂಗಾತಿಯನ್ನು ಖುಷಿಪಡಿಸಲೆಂದು ಮಿತವಾಗಿ ಸಹ ಇದನ್ನು ಸೇವಿಸಲು ಹೋಗಬೇಡಿ. ಇವುಗಳ ಸೇವನೆಯಿಂದ ನಿರ್ಜಲೀಕರಣ, ಸ್ಥೂಲಕಾಯ ಮತ್ತು ದಂತ ಸಮಸ್ಯೆಗಳು ಕಂಡು ಬರುತ್ತವೆ. ಹಾಗಾಗಿ ಇಂತಹ ಪಾನೀಯಗಳಿಂದ ಕಡ್ಡಾಯವಾಗಿ ದೂರವಿರಿ.

ಕಾರ್ನ್‍ಫ್ಲ್ಯಾಕ್‍ಗಳು

ನಿಮಗೆ ಜಾನ್ ಹಾರ್ವೇ ಕೆಲ್ಲಾಕ್ಸ್ ಗೊತ್ತೇ, ಇವರೇ ಕೆಲ್ಲಾಗ್ಸ್ ಸೀರಿಯಲ್ಸ್ ಸೃಷ್ಟಿಸಿದವರು. ಇದರ ಸೇವನೆಯಿಂದ ಸ್ತ್ರೀ ಮತ್ತು ಪುರುಷರಲ್ಲಿ ಲೈಂಗಿಕಾಸಕ್ತಿ ಕಡಿಮೆಯಾಗಲೆಂದೆ ಇದನ್ನು ಕಂಡುಹಿಡಿದರೇನು? ಈ ಧಾನ್ಯಗಳಲ್ಲಿರುವ ಸಕ್ಕರೆ ಪ್ರಮಾಣವು ರಕ್ತದಲ್ಲಿ ಅಲ್ಲೋಲ ಕಲ್ಲೋಲ ಉಂಟು ಮಾಡುತ್ತದೆ. ಇದರಿಂದ ಟೆಸ್ಟೊಸ್ಟೆರೊನ್ ಮೇಲೆ ದುಷ್ಪರಿಣಾಮ ಉಂಟಾಗುತ್ತದೆ. ಇದರಿಂದ ಹಾಸಿಗೆಯಲ್ಲಿ ನಿಮ್ಮ ಸಾಮರ್ಥ್ಯ ಕುಂಠಿತವಾಗುತ್ತದೆ. ಆದ್ದರಿಂದ ನಿಮ್ಮ ಸಂಗಾತಿಗೆ ಸಂಪೂರ್ಣ ತೃಪ್ತಿ ನೀಡಲು ಇಂತಹ ಆಹಾರ ಪದಾರ್ಥಗಳನ್ನು ಸೇವಿಸಬೇಡಿ.