ಆಹಾರಗಳನ್ನು ಫ್ರಿಜ್ಜಿನಲ್ಲಿ ಇಟ್ಟ ಮಾತ್ರಕ್ಕೆ ಅದು ಸುರಕ್ಷಿತವೇ?

ಬ್ರೆಡ್

ಫ್ರಿಜ್ಜಿನಲ್ಲಿಟ್ಟರೂ ಬ್ರೆಡ್ಡಿನ ಅಂಚುಗಳಲ್ಲಿ ಬೂಸು ಬರುವುದನ್ನು ಗಮನಿಸಬಹುದು. ಸಾಮಾನ್ಯವಾಗಿ ಎರಡು ದಿನಗಳ ಬಳಿಕ ಈ ಬೂಸು ಬರುವುದು ಪ್ರಾರಂಭವಾದರೂ ಇದು ನಮ್ಮ ಕಣ್ಣಿಗೆ ಕಾಣಲು ತೊಡಗುವುದು ನಾಲ್ಕನೆಯ ಅಥವಾ ಆರನೆಯ ದಿನದ ಬಳಿಕವೇ. ಅಂದರೆ ಒಳಗಿನ ಭಾಗವನ್ನು ಆವರಿಸಿದ ಬಳಿಕ ಹೊರಗೆ ಬರಲು ತೊಡಗುತ್ತದೆ. ಪ್ಲಾಸ್ಟಿಕ್ ಕವರ್ ನೊಳಗೆ ಇರುವ ಬ್ರೆಡ್ಡಿನ ಪದರ ಮತ್ತು ಪ್ಲಾಸ್ಟಿಕ್ ಹೊರಪದರ ಅಂಟಿಕೊಳ್ಳದೇ ಕೊಂಚವೇ ಜಾಗ ಇರುವ ಸ್ಥಳ ಬೂಸು ಬರಲು ಅತ್ಯುತ್ತಮವಾಗಿದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಬ್ರೆಡ್

ಈ ಭಾಗವನ್ನು ಸೂಕ್ಷ್ಮವಾಗಿ ಗಮನಿಸಿದರೆ ಬೂಸು ಬರತೊಡಗಿದೆಯೇ ಎಂದು ಕಂಡುಹಿಡಿಯಬಹುದು. ಒಂದು ವೇಳೆ ಕೊಂಚವೂ ಬೂಸು ಇದ್ದರೆ ಈ ಬ್ರೆಡ್ ಅನ್ನು ನೇರವಾಗಿ ತ್ಯಜಿಸಿ ಬಿಡಿ. ಆದಾಗ್ಯೂ ಯಾವುದೇ ಬ್ರೆಡ್ ಬನ್ ಮೊದಲಾದ ಬೇಕರಿ ಉತ್ಪನ್ನಗಳನ್ನು ಫ್ರಿಜ್ಜಿನಲ್ಲಿಟ್ಟರೂ ನಾಲ್ಕು ದಿನಗಳ ಒಳಗೇ ಖಾಲಿ ಮಾಡಿ. ಎಚ್ಚರ: ನೀವು ಅಂದುಕೊಂಡಷ್ಟು, ಬ್ರೆಡ್ ಆರೋಗ್ಯಕರವಲ್ಲ!

ತೇವಾಂಶವಿರುವ ಆಹಾರ

ನೀರಿನಲ್ಲಿ ಬೇಯಿಸಿದ ಯಾವುದೇ ಆಹಾರವನ್ನು ಡಬ್ಬಿಯಲ್ಲಿ ಮುಚ್ಚಿಡುವುದಾದರೆ ತಣಿದ ಬಳಿಕ ಇಡುವುದು ಉತ್ತಮ. ಏಕೆಂದರೆ ಬಿಸಿಯಾಗಿಟ್ಟ ಆಹಾರದಲ್ಲಿರುವ ನೀರಾವಿ ಫ್ರಿಜ್ಜಿನಲ್ಲಿಟ್ಟ ಬಳಿಕ ತಣಿದು ನೀರ ಹನಿಗಳ ರೂಪ ಪಡೆಯುತ್ತವೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ತೇವಾಂಶವಿರುವ ಆಹಾರ

ಈ ಹನಿಗಳು ಸೂಕ್ಷ್ಮಾಣುಗಳಿಗೆ ತಕ್ಕ ತಾಣವಾಗಿದ್ದು ಆಹಾರವನ್ನು ಶೀಘ್ರವಾಗಿ ಹಳಸುತ್ತವೆ. ಆದ್ದರಿಂದ ತೇವಾಂಶವಿರುವ ಯಾವುದೇ ಆಹಾರ, ಉದಾಹರಣೆಗೆ ಅನ್ನ, ಮೊಸರನ್ನ ಇತ್ಯಾದಿಗಳನ್ನು ಒಂದು ದಿನಕ್ಕಿಂತ ಹೆಚ್ಚು ಇಡುವುದು ಉತ್ತಮವಲ್ಲ.

ಮೀನು ಮತ್ತು ಮಾಂಸ

ಮೀನು ಮತ್ತು ಮಾಂಸವನ್ನು ಸಂಗ್ರಹಿಸಲು ಫ್ರೀಜರ್ ಅನ್ನು ಮಾತ್ರ ಬಳಸಬೇಕು. ಫ್ರಿಜ್ಜಿನ ಕೆಳಭಾಗದಲ್ಲಿ ಸರ್ವಥಾ ಸಂಗ್ರಹಿಸಬಾರದು. ತಾಜಾ ತಂದ ಮೀನು ಮತ್ತು ಮಾಂಸವನ್ನು ಚೆನ್ನಾಗಿ ತೊಳೆದ ಬಳಿಕವೇ ಫ್ರೀಜರಿನಲ್ಲಿಡುವುದು ಜಾಣತನ.

ಮೀನು ಮತ್ತು ಮಾಂಸ

ಬಳಕೆಗಾಗಿ ಡೀಫ್ರೀಜ್ ಅಂದರೆ ಸಾಮಾನ್ಯ ತಾಪಮಾನಕ್ಕೆ ತಂದ ಬಳಿಕ ಮತ್ತೆ ತಣಿಸಬಾರದು. ಸರಿಯಾದ ಕ್ರಮದಲ್ಲಿ ಸಂಗ್ರಹಿಸಿದರೆ ಫ್ರೀಜರಿನಲ್ಲಿ ಮಾಂಸವನ್ನು ಸುಮಾರು ಒಂದು ತಿಂಗಳಿನಿಂದ ಮೂರು ತಿಂಗಳವರೆಗೂ ಸುರಕ್ಷಿತವಾಗಿಡಬಹುದು. ಆದರೆ ಯಾವುದೇ ಕಾರಣಕ್ಕೆ ಮಾಂಸದಲ್ಲಿ ವಾಸನೆ ಬಂದರೆ ಮಾತ್ರ ಸೇವಿಸಬಾರದು.

ಚೀಸ್

ಚೀಸ್ ಸಹಾ ಕ್ರಿಮಿಗಳಿಗೆ ಪ್ರಿಯವಾದ ಆಹಾರವಾಗಿದೆ. ಚೀಸ್ ಬಾಟಲಿಯನ್ನು ತೆರೆದ ಬಳಿಕ ಆದಷ್ಟು ಶೀಘ್ರ ಬಳಸಿ ಖಾಲಿ ಮಾಡಬೇಕು. ಆದ್ದರಿಂದ ಮನೆಯ ಸದಸ್ಯರ ಸಂಖ್ಯೆಯನ್ನು ಪರಿಗಣಿಸಿ ಸಾಧ್ಯವಾದಷ್ಟು ಚಿಕ್ಕದನ್ನೇ ಬಳಸುವುದು ಜಾಣತನ.

ಚೀಸ್

ಕೆಲವೇ ಸದಸ್ಯರಿದ್ದರೆ ಚೀಸ್‌ನ ಒಂದು ಬಾರಿ ಬಳಸಬಹುದಾದ ಚಿಕ್ಕ ಪ್ಯಾಕೆಟ್ಟುಗಳನ್ನು ಖರೀದಿಸಿ ಅಂದಿನ ಪ್ರಮಾಣವನ್ನು ಮಾತ್ರ ತೆರೆಯುವುದು ಉತ್ತಮ ಕ್ರಮ. ಬಾಟಲಿಯಾದರೆ ಮೊದಲ ಬಾರಿ ತೆರೆದ ಬಳಿಕ ಒಂದು ವಾರದೊಳಗೇ ಖಾಲಿ ಮಾಡಬೇಕು .

ಮೊಟ್ಟೆಗಳು

ಈಗ ಮೊಟ್ಟೆಗಳ ಮೇಲೂ ಬಳಕೆಯ ಗರಿಷ್ಟ ದಿನಾಂಕವನ್ನು ನಮೂದಿಸಲಾಗುತ್ತಿದೆ. ಆದರೂ ಮೊಟ್ಟೆಯ ಪ್ರಾರಂಭಿಕ ದಿನದಿಂದ ಹಿಡಿದು ಒಂದು ತಿಂಗಳವರೆಗೆ ಬಳಸಬಹುದು. ಇದಕ್ಕೂ ಹೆಚ್ಚಿನ ಅವಧಿಯ ಮೊಟ್ಟೆಗಳನ್ನು ಸೇವಿಸುವ ಮೊದಲು ಒಂದು ಮೊಟ್ಟೆಯನ್ನು ನೀರಿನಲ್ಲಿ ಮುಳುಗಿಸಿ ನೋಡಿ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಮೊಟ್ಟೆಗಳು

ಮುಳುಗಿದರೆ ಉತ್ತಮ, ಪೂರ್ಣ ಮುಳುಗದೇ ತೇಲಿದರೆ ಅಥವಾ ನೀರಿನಡಿಯಲ್ಲಿ ನೆಟ್ಟಗೆ ನಿಂತಿದ್ದರೂ ಈ ಮೊಟ್ಟೆಯನ್ನು ಸೇವಿಸಬೇಡಿ.