ಬೆಕ್ಕಸ ಬೆರಗಾಗಿಸುವ ಹಸಿ ಶುಂಠಿಯ ಕಾರುಬಾರು...!

ಮಧುಮೇಹಿಗಳು

ಮಧುಮೇಹಿಗಳು, ಅದರಲ್ಲೂ ಟೈಪ್ 1 ಮಧುಮೇಹಿಗಳು ಬೆಳಿಗ್ಗೆ ಎದ್ದ ಬಳಿಕ ಖಾಲಿಹೊಟ್ಟೆಯಲ್ಲಿ ಹಸಿಶುಂಠಿಯ ರಸವನು ಬೆರೆಸಿದ ನೀರನ್ನು ಪ್ರಥಮ ಆಹಾರವಾಗಿ ಕುಡಿಯುವ ಮೂಲಕ ರಕ್ತದಲ್ಲಿ ಸಕ್ಕರೆಯ ಪ್ರಮಾಣವು ಇಡಿಯ ದಿನ ಏಕಪ್ರಕಾರವಾಗಿರುವಂತೆ ನೋಡಿಕೊಳ್ಳಬಹುದು.

ರಕ್ತಪರಿಚಲನೆ ಉತ್ತಮಗೊಳ್ಳುತ್ತದೆ

ಹಸಿಶುಂಠಿಯ ರಸ ರಕ್ತಪರಿಚಲನೆಯನ್ನು ಚುರುಕುಗೊಳಿಸಲು ಉತ್ತಮವಾಗಿದೆ. ಇದಕ್ಕಾಗಿ ಶುಂಠಿಯ ರಸವನ್ನು ದಿನದ ಪೇಯದಲ್ಲಿ ಬೆರೆಸಿ ಕುಡಿಯುವುದು ಉತ್ತಮ. ಆದರೆ ಕೆಲವರು ಅತಿರೇಕಕ್ಕೆ ಹೋಗಿ ಹಸಿಶುಂಠಿಯ ರಸವನ್ನು ಚರ್ಮಕ್ಕೆ ನೇರವಾಗಿ ಹೆಚ್ಚಿಕೊಳ್ಳುತ್ತಾರೆ. ಆದರೆ ಇದು ಅಪಾಯಕರವಾಗಿದ್ದು ಹಚ್ಚಿದ ಸ್ಥಳದಲ್ಲಿ ಅಪಾರವಾದ ಉರಿ ಕಾಣಿಸಿಕೊಂಡು ಬಹಳ ಹೊತ್ತಿನವರೆಗೆ ಉರಿಯುತ್ತದೆ. (ಇದನ್ನು ಖಂಡಿತಾ ಪ್ರಯತ್ನಿಸಬೇಡಿ)

ಹಸಿವನ್ನು ಹೆಚ್ಚಿಸುತ್ತದೆ

ಕೆಲವರಿಗೆ ಹಸಿವಾಗದೇ ಊಟಕ್ಕೆ ಮನಸ್ಸಿರುವುದೇ ಇಲ್ಲ. ಬಲವಂತವಾಗಿ ಊಟಕ್ಕೆ ಬಡಿಸಿದರೂ ನೆಪಮಾತ್ರಕ್ಕೆ ಕೊಂಚ ಊಟ ಮಾಡಿ ಎದ್ದು ಹೋಗುತ್ತಾರೆ. ಇವರಿಗೆ ಊಟಕ್ಕೂ ಮುನ್ನ ಚಿಕ್ಕ ತುಂಡು ಹಸಿಶುಂಠಿಯನ್ನು ಜಗಿಯಲು ನೀಡಿದರೆ ಸುಮಾರು ಅರ್ಥಘಂಟೆಯಲ್ಲಿ ಹಸಿವಾಗುತ್ತಿದೆ ಎಂದು ಓಡಿ ಬರುತ್ತಾರೆ.

ತಲೆನೋವು ನಿವಾರಿಸುತ್ತದೆ

ಒಂದು ವೇಳೆ ನೀವು ಮೈಗ್ರೇನ್ ತಲೆನೋವಿನಿಂದ ಬಳಲುತ್ತಿದ್ದರೆ ಮಾತ್ರ ಈ ವಿಧಾನ ಅನುಸರಿಸಿ. ಹಸಿಶುಂಠಿಯ ಚಿಕ್ಕ ತುಂಡನ್ನು ನಯವಾಗಿ ಅರೆದು ಇದನ್ನು ಕೊಂಚವೇ ನೀರಿನೊಂದಿಗೆ ಬೆರೆಸಿ ಲೇಪನ ತಯಾರಿಸಿ. ಈ ಲೇಪನವನ್ನು ಹಣೆ, ಹಣೆಯ ಪಕ್ಕದ ಭಾಗ ಮತ್ತು ಕಿವಿಯ ಹಿಂಭಾಗದ ಮೂಳೆಯಿರುವಲ್ಲಿ ಹಚ್ಚಿ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ತಲೆನೋವು ನಿವಾರಿಸುತ್ತದೆ

ಇದು ಕೊಂಚ ಉರಿ ತರಿಸುತ್ತದಾದರೂ ತಲೆನೋವನ್ನು ಮಾತ್ರ ಕಡಿಮೆಗೊಳಿಸುವ ಮೂಲಕ ಉರಿಯನ್ನು ಸ್ವಲ್ಪ ಸಹಿಸಿಕೊಳ್ಳಬೇಕು.ಆದರೆ ತಲೆನೋವು ಪ್ರಾರಂಭವಾದ ಕೂಡಲೇ ಹಚ್ಚಿಕೊಳ್ಳುವುದು ಅಗತ್ಯ. ಒಮ್ಮೆ ತಲೆನೋವು ಉಗ್ರ ರೂಪ ಪಡೆಯಿತೋ, ಈ ವಿಧಾನವಲ್ಲ, ಯಾವುದೇ ಔಷಧಿ ಮೈಗ್ರೇನ್ ತಲೆನೋವನ್ನು ಶಮನಗೊಳಿಸಲು ಸಾಧವಿಲ್ಲ.

ಕೆಮ್ಮು ಕಡಿಮೆಗೊಳಿಸುತ್ತದೆ

ಒಂದು ಚಿಕ್ಕ ತುಂಡು ಹಸಿಶುಂಠಿಯನ್ನು ಕೊಂಚ ನೀರಿನಲ್ಲಿ ಕುದಿಸಿ. ನೀರು ಸುಮಾರು ಅರ್ಧದಷ್ಟಾದ ಬಳಿಕ ಈ ನೀರನ್ನು ಸೋಸಿ ಕೆಲವು ಹನಿ ಲಿಂಬೆರಸ ಮತ್ತು ಕೊಂಚ ಜೇನು ಸೇರಿಸಿ ಕಲಕಿ ಬಿಸಿಬಿಸಿಯಾಗಿಯೇ ಕುಡಿಯಿರಿ. ಸಾಧ್ಯವಾದರೆ ಕೊಂಚ ಬಿಸಿ ಇರುವಂತೆಯೇ ಮುಖ ಮೇಲೆತ್ತೆ ಗಂಟಲಲ್ಲಿ ಗಳಗಳ ಮಾಡಿ. ಇದರಿಂದ ಕೆಮ್ಮು, ಕಫ ಮತ್ತು ಕಟ್ಟಿಕೊಂಡಿರುವ ಮೂಗು ಸಹಾ ತೆರೆದು ಶೀತದಿಂದ ಆರಾಮ ದೊರಕುತ್ತದೆ.

ಹಲ್ಲುನೋವು ಕಡಿಮೆಗೊಳಿಸುತ್ತದೆ

ಒಂದು ವೇಳೆ ಒಸಡುಗಳ ಒಳಭಾಗದಲ್ಲಿ ಬಾವು ಬಂದು ಹಲ್ಲು ನೋಯುತ್ತಿದ್ದರೆ ಹಸಿಶುಂಠಿಯ ಚಿಕ್ಕ ತುಂಡು ಈ ನೋವನ್ನು ಶಮನಗೊಳಿಸಬಲ್ಲದು. ಇದಕ್ಕಾಗಿ ಒಂದು ಚಿಕ್ಕ ತುಂಡು ಹಸಿಶುಂಠಿಯನ್ನು ನೀರಿನಲ್ಲಿ ಕುದಿಸಿ, ಈ ನೀರು ಅರ್ಧವಾದಾಗ ಸೋಸಿ ತಣಿಸಿ ಈ ನೀರಿನಿಂದ ಸಾಕಷ್ಟು ಬಾರಿ ಮುಕ್ಕಳಿಸಿ ಉಗಿಯಬೇಕು.

ವಾಕರಿಕೆ ಕಡಿಮೆಗೊಳಿಸುತ್ತದೆ

ವಾಕರಿಕೆ ಮತ್ತು ಇದರ ಪರಿಣಾಮವಾಗಿ ಎದುರಾಗುವ ವಾಂತಿಯ ತೊಂದರೆಯಿಂದ ಪಾರಾಗಲು ಹಸಿಶುಂಠಿ ಉತ್ತಮವಾಗಿದೆ. ಸಾಮಾನ್ಯವಾಗಿ ಬೆಳಿಗ್ಗೆದ್ದ ಕೂಡಲೇ ಈ ತೊಂದರೆಗೆ ಒಳಗಾಗುವವರು ಹಸಿಶುಂಠಿಯನ್ನು ಬೇಯಿಸಿದ ನೀರನ್ನು ತಣಿಸಿ ಕುಡಿಯುವುದು ಉತ್ತಮ.

ಜೀರ್ಣಶಕ್ತಿಯನ್ನು ಹೆಚ್ಚಿಸುತ್ತದೆ

ಹಸಿಶುಂಠಿಯನ್ನು ಕೊಂಚ ನೀರಿನಲ್ಲಿ ಕುದಿಸಿ ನೀರು ಅರ್ಧವಾದ ಬಳಿಕ ಕೊಂಚ ಜೇನು ಸೇರಿಸಿ ಈ ನೀರನ್ನು ಬಿಸಿಬಿಸಿಯಾಗಿ ಊಟದ ಬಳಿಕ ಕುಡಿಯಿರಿ. ಇದರಿಂದ ಅಜೀರ್ಣದ ತೊಂದರೆ ನಿವಾರಣೆಯಾಗುತ್ತದೆ.