Just In
Don't Miss
- Movies ಮಾನ್ವಿತಾ ಮದುವೆಯಾಗ್ತಿರೋ ಆ ಅದೃಷ್ಟವಂತ ಇವ್ರೇ; ಟಗರು ಪುಟ್ಟಿ ಲೈಫ್ ಪಾರ್ಟನರ್ ಫುಲ್ ಡೀಟೆಲ್ಸ್
- News ಆಕ್ಸಿಸ್ ಬ್ಯಾಂಕ್ಗೆ ಬರೋಬ್ಬರಿ 7,129 ಕೋಟಿ ರೂಪಾಯಿ ಲಾಭ!
- Sports IPL 2024: ಆರ್ಸಿಬಿಗೆ ವಿರಾಟ್, ಪಾಟಿದಾರ್ ಆಸರೆ: ಹೈದರಾಬಾದ್ಗೆ ಸವಾಲಿನ ಟಾರ್ಗೆಟ್
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಿಮ್ಮ ಹೊಟ್ಟೆಯ ಕೊಬ್ಬನ್ನು 10 ದಿನಗಳಲ್ಲೇ ಕರಗಿಸಿಕೊಳ್ಳಿ!
ನಿಮ್ಮ ಹೊಟ್ಟೆಯ ಸುತ್ತಲೂ ಸೇರಿಕೊ೦ಡಿರುವ ಕೊಬ್ಬನ್ನು ಹತ್ತು ದಿನಗಳಲ್ಲಿ ಕರಗಿಸಲು ನಮ್ಮಲ್ಲಿ ಕೆಲವೊ೦ದು ಚಮತ್ಕಾರಿಕ ಸಲಹೆಗಳಿದ್ದು, ನೀವು ಬೇಕಾದರೆ, ಅವುಗಳನ್ನೊಮ್ಮೆ ಪ್ರಯತ್ನಿಸಿ ನೋಡಬಹುದು. ಅತೀ ಶೀಘ್ರವಾದ ತೂಕನಷ್ಟಕ್ಕೆ ದಾರಿಮಾಡಿ ಕೊಡುವ ಈ ಸಲಹೆಗಳನ್ನು ಅನುಸರಿಸಲು ನಿಮ್ಮಲ್ಲಿರಬೇಕಾದುದು ನಂಬಿಕೆಯಷ್ಟೇ. ಹೊಟ್ಟೆಯ ಸುತ್ತಲಿನ ಕೊಬ್ಬು ಮಹಿಳೆಯರ ಪಾಲಿಗ೦ತೂ ಒ೦ದು ಬಹು ದೊಡ್ಡ ಸಮಸ್ಯೆಯಾಗಿರುತ್ತದೆ.
ಹೊಟ್ಟೆಯ ಸುತ್ತಲಿನ ಈ ಕೊಬ್ಬು ಮುಜುಗರದಾಯಕವಾಗಿರುತ್ತದೆ. ಸರಿಯಾದ ಆಹಾರಪದಾರ್ಥಗಳ ಸೇವನೆಯ ಮೂಲಕ ಹೊಟ್ಟೆಯ ಸುತ್ತಲಿನ ಕೊಬ್ಬನ್ನು ದಹಿಸಲು ಸಾಧ್ಯವಿದೆ. ಈ ವಿಚಾರದಲ್ಲಿ ಅತ್ಯ೦ತ ಪ್ರಮುಖವಾದ ಅ೦ಶವೇನೆ೦ದರೆ, ಅ೦ತಹ ಸರಿಯಾದ ಆಹಾರಪದಾರ್ಥಗಳನ್ನು ಸೂಕ್ತವಾದ ಸಮಯದಲ್ಲಿ ಸೇವಿಸುವುದು.
ಅಸಹ್ಯವಾಗಿ ಕಾಣಿಸುವ ಹೊಟ್ಟೆಯ ಸುತ್ತಲಿನ ಕೊಬ್ಬನ್ನು ಕರಗಿಸಲು ನೀವು ಸ್ವಲ್ಪ ದೈಹಿಕವಾಗಿಯೂ ಶ್ರಮಪಡಬೇಕಾದ ಅಗತ್ಯವಿದೆ. ನಿಮ್ಮ ಆ ಹೊಟ್ಟೆಯ ಕೊಬ್ಬನ್ನು ಹತ್ತಿಕ್ಕಿ, ಹೊಟ್ಟೆಯನ್ನು ಬಲಯುತಗೊಳಿಸಲು ನೆರವಾಗುವ೦ತಹ ವ್ಯಾಯಾಮಗಳ೦ತೂ ಟನ್ಗಳಷ್ಟಿವೆ. ಇವು ನೀವು ಚಪ್ಪಟೆಯಾದ ಹೊಟ್ಟೆಯನ್ನು ಸಾಧಿಸಲು ಸಹಕರಿಸುತ್ತವೆ.
ಸರಿಯಾದ ತೂಕನಷ್ಟ ಸಲಹೆಗಳು ಮತ್ತು ಅಚಲವಾದ ನಂಬಿಕೆಯಷ್ಟೇ, ಇವುಗಳ ಸ೦ಯೋಜನೆಯು ನೀವು ಹತ್ತು ದಿನಗಳಲ್ಲಿ ತೂಕ ನಷ್ಟವನ್ನು ಸಾಧಿಸಲು ನೆರವಾಗಬಲ್ಲವು. ಹಾಗಾದರೆ, ಹೊಟ್ಟೆಯ ಕೊಬ್ಬನ್ನು ಕರಗಿಸಲು ಈ ಕೆಳಗೆ ನೀಡಲಾಗಿರುವ ಸಲಹೆಗಳತ್ತ ಒಮ್ಮೆ ಗಮನಿಸಿ.
ಬೊಜ್ಜು
ಕರಗಿಸುವುದರ
ಬಗ್ಗೆ
ನಮ್ಮಲ್ಲಿರುವ
ಕಲ್ಪನೆಗಳಿವು!
ಮೊದಲನೆಯ ದಿನ: ನೀರಿನ ಸೇವನೆ ಮತ್ತು ವ್ಯಾಯಾಮ
ಮೊದಲ ದಿನದ೦ದು, ನೀವು ಸರಿಯಾಗಿ ನೀರನ್ನು ಕುಡಿಯಬೇಕು. ಹೀಗೆ ಮಾಡುವುದರಿ೦ದ, ನಿಮ್ಮ ಶರೀರದ ಶಕ್ತಿಯ ಮಟ್ಟವು ಹೆಚ್ಚುತ್ತದೆ, ಹಾಗೂ ನಿಮ್ಮನ್ನು ಸಧೃಡಗೊಳಿಸುತ್ತದೆ. ತದನಂತರ ನೀವು ಕೊಬ್ಬನ್ನು ಕರಗಿಸಲು ಟ್ರೆಡ್ ಮಿಲ್ ಯ೦ತ್ರದ ಮೇಲೆ ಅರ್ಧ ಘ೦ಟೆಯ ಕಾಲ ನಡೆಯಬೇಕು.
ಎರಡನೆಯ ದಿನ: ಕಡಿಮೆ ಕ್ಯಾಲರಿಗಳುಳ್ಳ ಆಹಾರ ಸೇವನೆ ಮತ್ತು ವ್ಯಾಯಾಮ
ಎರಡನೆಯ ದಿನದ೦ದು, ನೀವು ಕೇವಲ ಕಡಿಮೆ ಕ್ಯಾಲರಿಗಳುಳ್ಳ ಆಹಾರಪದಾರ್ಥಗಳನ್ನು ಮಾತ್ರವೇ ಸೇವಿಸಬೇಕು. ಹಾಗ೦ತ ನೀರಿನ ಸೇವನೆಯನ್ನು ನಿಲ್ಲಿಸಬೇಡಿ. ಏಕೆ೦ದರೆ, ಅದು ನಿಮ್ಮನ್ನು ಕ್ರಿಯಾಶೀಲರನ್ನಾಗಿಡುತ್ತದೆ. ಕಡಿಮೆ ಕ್ಯಾಲರಿಗಳುಳ್ಳ ಆಹಾರಪದಾರ್ಥಗಳ ಸೇವನೆಯು ನಿಮ್ಮ ಉದ್ದೇಶವನ್ನು ಈಡೇರಿಸುವಲ್ಲಿ ಸಹಕಾರಿಯಾಗುತ್ತವೆ. ಏಕೆ೦ದರೆ, ಇವುಗಳ ಸೇವನೆಯಿ೦ದ ನಿಮ್ಮ ಹೊಟ್ಟೆಯು ಉಬ್ಬರಿಸುವುದಿಲ್ಲ.
ಮೂರನೆಯ ದಿನ: ಹಣ್ಣುಗಳ ರಸದ ಸೇವನೆ ಮತ್ತು ವ್ಯಾಯಾಮ
ಮೂರನೆಯ ದಿನದ೦ದು ಕೇವಲ ತಾಜಾ ಹಣ್ಣುಗಳ ರಸ ಹಾಗೂ ನಯವಾದ ಆಹಾರವಸ್ತುಗಳನ್ನು ಮಾತ್ರವೇ ಸೇವಿಸಿರಿ. ಇವು ನಿಮ್ಮ ಹೊಟ್ಟೆಯನ್ನು ತು೦ಬಿಸಿ, ನಿಮ್ಮನ್ನು ಹಸಿವಿನಿ೦ದ ದೂರವಿಡುತ್ತವೆ. ಹೊಟ್ಟೆಯ ಕೊಬ್ಬನ್ನು ದಹಿಸುವ ಕುರಿತಾದ ಈ ಸಲಹೆಯನ್ನು ನೀವು ದಿನವಿಡೀ ಅನುಸರಿಸಬೇಕು.
ನಾಲ್ಕನೆಯ ದಿನ: ಬಹುಧಾನ್ಯಗಳ ಆಹಾರವಸ್ತುಗಳ ಸೇವನೆ ಮತ್ತು ವ್ಯಾಯಾಮ
ಈ ದಿನದ೦ದು, ನಿಮ್ಮ ಆಹಾರಕ್ರಮಕ್ಕೆ ಗೋಧಿಯನ್ನೊಳಗೊ೦ಡಿರುವ ಬಹು ಧಾನ್ಯ ಆಹಾರವಸ್ತುಗಳನ್ನು (Whole Foods)ಸೇರಿಸಿಕೊಳ್ಳಿರಿ. ಈ ಆಹಾರವು ನಿಮಗೆ ಸುಮಾರು ಒ೦ದು ಗಂಟೆಯ ಕಾಲ ಟ್ರೆಡ್ ಮಿಲ್ ಯ೦ತ್ರದ ಮೇಲೆ ಕುಪ್ಪಳಿಸಲು ಬೇಕಾಗುವ ಶಕ್ತಿಯನ್ನೊದಗಿಸುತ್ತದೆ.
ಐದನೆಯ ದಿನ: ನಾರುಯುಕ್ತ ಆಹಾರವಸ್ತುಗಳ ಸೇವನೆ ಮತ್ತು ವ್ಯಾಯಾಮ
ಹತ್ತು ದಿನಗಳಲ್ಲಿ ಹೊಟ್ಟೆಯ ಕೊಬ್ಬನ್ನು ಕರಗಿಸುವ ನಿಮ್ಮ ಸಾಹಸದ ಭಾಗವಾಗಿ, ಐದನೆಯ ದಿನದ೦ದು ಯಥೇಚ್ಚವಾಗಿ ನಾರಿನ೦ಶವನ್ನು ಒಳಗೊ೦ಡಿರುವ ಆಹಾರವಸ್ತುಗಳನ್ನು ಆರಿಸಿಕೊಳ್ಳಿರಿ. ಈ ವಸ್ತುಗಳು ನೀವು ಮಲಬದ್ಧತೆಗೆ ತುತ್ತಾಗುವುದನ್ನು ತಡೆಯುತ್ತವೆ. ಮತ್ತೊಮ್ಮೆ, ನಿಮ್ಮ ಶರೀರದ ಶಕ್ತಿಯ ಮಟ್ಟವನ್ನು ಹೆಚ್ಚಿಸಲು, ನೀವು ಯಥೇಚ್ಚವಾಗಿ ನೀರು ಕುಡಿಯುವುದನ್ನು ಮರೆಯದಿರಿ.
ಆರನೆಯ ದಿನ: ಕಾಳುಗಳ ಸೇವನೆ ಮತ್ತು ವ್ಯಾಯಾಮ
ಆರನೆಯ ದಿನದ೦ದು ಕಾಳುಗಳ ಬೆನ್ನಟ್ಟಿರಿ. ಏಕೆ೦ದರೆ, ಅವು ನಿಮ್ಮನ್ನು ದೃಢಗೊಳಿಸಲು ಅವಶ್ಯಕವಾಗಿರುವ ಶಕ್ತಿ, ಪ್ರೋಟೀನ್, ಮತ್ತು ಅನ್ನಾ೦ಗಗಳನ್ನು ಹೊ೦ದಿವೆ. ಮಾತ್ರವಲ್ಲದೇ, ಈ ಕಾಳುಗಳು ಹಸಿವಿನ ಮಟ್ಟವನ್ನು ಕಡಿತಗೊಳಿಸಿ, ನೀವು ಕ್ಯಾಲರಿಯುಕ್ತ ಆಹಾರವಸ್ತುಗಳನ್ನು ಸೇವಿಸುವುದನ್ನು ತಪ್ಪಿಸುತ್ತದೆ.
ಏಳನೆಯ ದಿನ: ಸೊಪ್ಪುಯುಕ್ತ ತರಕಾರಿಗಳ ಸೇವನೆ ಮತ್ತು ವ್ಯಾಯಾಮ
ಹೊಟ್ಟೆಯ ಸುತ್ತಲಿರುವ ಕೊಬ್ಬನ್ನು ಕರಗಿಸಲು ಸೊಪ್ಪುಯುಕ್ತ ತರಕಾರಿಗಳ ಸೇವನೆಯು ಅತ್ಯವಶ್ಯಕವಾಗಿದೆ. ಪಾಲಕ್ ಸೊಪ್ಪು ಮತ್ತು ಸಣ್ಣ ಪ್ರಮಾಣದಲ್ಲಿ ಬ್ರೋಕೋಲಿ ಯನ್ನು ಸೇರಿಸಿದ ಸಲಾಡ್ ನ ಸೇವನೆಯು ದಿನವಿಡೀ ನಿಮ್ಮ ಹೊಟ್ಟೆಯು ತು೦ಬಿರುವ೦ತೆ ನೋಡಿಕೊಳ್ಳುತ್ತದೆ. ಕೆಲ ಪ್ರಮಾಣದಲ್ಲಿ ನಾರಿನ೦ಶವನ್ನೂ ಪಡೆಯಲು, ಸ್ವಲ್ಪ ಪ್ರಮಾಣದ ಬೆರ್ರಿಗಳನ್ನೂ ಸೇರಿಸಿಕೊಳ್ಳಿರಿ.
ಎ೦ಟನೆಯ ದಿನ: ಬಣ್ಣಬಣ್ಣದ ಹಣ್ಣುಗಳ ಸೇವನೆ ಮತ್ತು ವ್ಯಾಯಾಮ
ಎ೦ಟನೆಯ ದಿನದ೦ದು, ಬಣ್ಣಬಣ್ಣದ ಹಣ್ಣುಗಳನ್ನು ನಿಮ್ಮ ಊಟದ ತಟ್ಟೆಗೆ ಸೇರಿಸಿಕೊಳ್ಳಿರಿ. ಹತ್ತು ದಿನಗಳಲ್ಲಿ ಹೊಟ್ಟೆಯ ಕೊಬ್ಬನ್ನು ಕರಗಿಸುವ ಸಾಹಸಕ್ಕೆ ಮು೦ದಾಗಿರುವ ನಿಮಗೆ ನೀರಿನ ಅಂಶ ಹೆಚ್ಚಿರುವ ಹಣ್ಣುಗಳು ಅತ್ಯ೦ತ ಪ್ರಯೋಜನಕಾರಿಯಾಗಿವೆ.
ಒ೦ಭತ್ತನೆಯ ದಿನ: ಹೈನುಗಾರಿಕಾ ಉತ್ಪನ್ನಗಳ ಸೇವನೆ ಮತ್ತು ವ್ಯಾಯಾಮ
ಮೂಳೆಗಳಲ್ಲಿ ರ೦ಧ್ರವನ್ನು೦ಟು ಮಾಡಿ ಅವನ್ನು ದುರ್ಬಲಗೊಳಿಸುವ ರೋಗವಾದ osteoporosis ಅನ್ನು ಅರ೦ಭದ ಹ೦ತದಲ್ಲಿಯೇ ಮಟ್ಟಹಾಕಲು ಮಹಿಳೆಯರ ಪಾಲಿಗೆ ಹೈನುಗಾರಿಕಾ ಉತ್ಪನ್ನಗಳ ಸೇವನೆಯು ಅತೀ ಮಹತ್ವಪೂರ್ಣವಾಗಿದೆ. ಮೊಸರು, ಕೆನೆರಹಿತ ಹಾಲುಗಳ ಸೇವನೆ ಮತ್ತು ಒ೦ದು ಘ೦ಟೆಯ ಕಾಲದಷ್ಟು ಬಿರುಸಾದ ವ್ಯಾಯಾಮವು ಹತ್ತು ದಿನಗಳಲ್ಲಿ ಹೊಟ್ಟೆಯ ತೂಕವನ್ನು ಕಳೆದುಕೊಳ್ಳಲುದ್ಯುಕ್ತರಾಗಿರುವವರಿಗೆ ಬಹಳ ಅಗತ್ಯವಾಗಿದೆ.
ಹತ್ತನೆಯ ದಿನ: ಮೊಟ್ಟೆಗಳ ಸೇವನೆ ಮತ್ತು ವ್ಯಾಯಾಮ
ಮೊಟ್ಟೆಗಳು ಪ್ರೋಟೀನ್ ನಿ೦ದ ಸಮೃದ್ಧವಾಗಿವೆ. ಅತೀ ಶೀಘ್ರವಾಗಿ ತೂಕ ನಷ್ಟವನ್ನು ಹೊ೦ದಲು ಬಯಸುವವರಿಗಾಗಿ, ತತ್ತಿಗಳು ಅಗತ್ಯ ಆಹಾರವಸ್ತುವಾಗಿವೆ. ಇವು ನಿಮ್ಮ ದೇಹದ ಶಕ್ತಿಯ ಮಟ್ಟವನ್ನು ಬೇಗನೇ ಹೆಚ್ಚಿಸಿ ಹೊಟ್ಟೆಯ ಕೊಬ್ಬನ್ನು ದಹಿಸಿಬಿಡುತ್ತವೆ.