ಹರಳೆಣ್ಣೆಯಲ್ಲಿದೆ ಹಲವು ಪ್ರಯೋಜನ

Wellness

oi-Reena

By Hema S

Published: Wednesday, December 7, 2011, 11:12 [IST]

ಹರಳೆಣ್ಣೆ ಕಹಿ ಆಗಿರುವುದರಿಂದ ಆಹಾರದಲ್ಲಿ ಸೇವಸಲು ಇಷ್ಟಪಡುವುದಿಲ್ಲ, ಇದು ಸುವಾಸನೆಯನ್ನು ಹೊಂದಿಲ್ಲ. ಆದರೆ ಇದೊಂದು ಔಷಧೀಯ ಗುಣವಿರುವ ಎಣ್ಣೆಯಾಗಿದೆ. ಇದನ್ನು ಸೌಂದರ್ಯ ವರ್ಧಕಗಳಲ್ಲಿ, ಸೋಪಿನಲ್ಲಿ, ಔಷಧಿಗಳಲ್ಲಿ ಮಸಾಜ್ ಮಾಡುವಾಗ ಹೀಗೆ ನಾನಾ ರೀತಿಯಲ್ಲಿ ಬಳಸಬಹುದು. ಈ ಪ್ರಯೋಜನಕಾರಿ ಎಣ್ಣೆ ಎಷ್ಟೊಂದು ಪ್ರಯೋಜಕಾರಿ ಎಂದು ತಿಳಿಯಲು ಮುಂದೆ ಓದಿ.

1. ಹೊಟ್ಟೆನೋವು: ಮಲಬದ್ಧತೆ ಅಥವಾ ಡಯೆರಿಯಾ ಕಾಯಿಲೆಗೆ ತುಂಬಾ ಪ್ರಯೋಜಕಾರಿಯಾದ ಔಷಧಿಯಾಗಿದೆ. ಹರಳೆಣ್ಣೆ ಕಹಿಯಾಗಿರುವುದರಿಂದ ಈ ಎಣ್ಣೆಯನ್ನು ಹಾಗೆ ಸೇವಿಸುವ ಬದಲು ಜ್ಯೂಸ್ ಜೊತೆ ಮಿಶ್ರ ಮಾಡಿ ಸೇವಿಸಿದರೆ ಕಹಿ ಕಡಿಮೆಯಾಗುತ್ತದೆ.

2 ಮುಟ್ಟಿನ ತೊಂದರೆ: ಈ ಎಣ್ಣೆಯಲ್ಲಿರುವ ರಿಸಿನೋಲಿಕ್ ಆಸಿಡ್ ಮುಟ್ಟು ತಡವಾಗಿ ಆಗುವುದು ಅಥವಾ ಅಧಿಕ ದಿನಗಳ ರಕ್ತಸ್ರಾವ ಮುಂತಾದ ಸಮಸ್ಯೆಗಳನ್ನು ಹೋಗಲಾಡಿಸುತ್ತದೆ. ಇದನ್ನು ಹೆರಿಗೆ ನೋವನ್ನು ಕಡಿಮೆ ಮಾಡಲು ಸಹ ಬಳಸಬಹುದು. ಹೆರಿಗೆಯ ನಂತರ ಎದೆ ಹಾಲನ್ನು ಹೆಚ್ಚಿಸಲು ಈ ಎಣ್ಣೆಯನ್ನು 1/4 ಚಮಚದಷ್ಟು ಹರಳೆಣ್ಣೆಯನ್ನು ಕುಡಿಯುವುದು ಒಳ್ಳೆಯದು.

3. ತ್ವಚೆ ಸಮಸ್ಯೆ: ಹರಳೆಣ್ಣೆಯನ್ನು ಚಿಕ್ಕ ಗಾಯಗಳಾದಾಗ, ಸೂರ್ಯನ ಕಿರಣಗಳಿಂದ ಮುಖ ಕಪ್ಪಡರಿದಾಗ , ಮೊಡವೆ ಮುಂತಾದ ಸಮಸ್ಯೆಗಳನ್ನು ಹೋಗಲಾಡಿಸುವಲ್ಲಿ ಈ ಹರಳೆಣ್ಣೆ ತುಂಬಾ ಪ್ರಯೋಜನಕಾರಿ. ಹರಳೆಣ್ಣೆಯನ್ನು ಮಲಗುವ ಮುಂಚೆ ಮುಖಕ್ಕೆ ಹಚ್ಚುವುದರಿಂದ ಕಣ್ಣಿನ ಸುತ್ತ ಇರುವ ಕಪ್ಪು ಕೆಲೆಯನ್ನು ಹೋಗಲಾಡಿಸಬಹುದು ಅಲ್ಲದೆ ನೆರಿಗೆ ಬರುವುದನ್ನು ತಡೆಯಬಹುದು.

4. ಕೂದಲು: ಹರಳೆಣ್ಣೆಯನ್ನು ಕೂದಲಿಗೆ ಹಚ್ಚುವುದರಿಂದ ಕೂದಲು ಉದುರುವ ಸಮಸ್ಯೆ ಬರುವುದಿಲ್ಲ, ಕೂದಲು ಸಹ ದಪ್ಪವಾಗಿ ಬೆಳೆಯುತ್ತದೆ. ಕಣ್ಣಿನ ರೆಪ್ಪೆ ತುಂಬಾ ತೆಳುವಾಗಿದ್ದರೆ ಇದನ್ನು ಹಚ್ಚುವುದರಿಂದ ರೆಪ್ಪೆ ಆಕರ್ಷಕವಾಗಿ ಕಾಣುವುದು. ಇದರಲ್ಲಿರುವ ಕೊಬ್ಬಿನಂಶ ಕೂದಲಿನ ಬುಡವನ್ನು ತೇವವಾಗಿ ಇಟ್ಟುಕೊಳ್ಳಲು ಸಹಾಯಮಾಡುತ್ತದೆ.

ಈ ಎಣ್ಣೆಯಲ್ಲಿ ನ್ಯೂಟ್ರಿಷಿಯಸ್ ಅಂಶ ಇಲ್ಲದಿರುವುದರಿಂದ ಇದನ್ನು ಆಹಾರದಲ್ಲಿ ಹೆಚ್ಚಾಗಿ ಬಳಸುವುದಿಲ್ಲ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.