ಸಂಧಿವಾತಕ್ಕೆ ಮೀನಿನೆಣ್ಣೆ ಹೇಗೆ ಸಹಕಾರಿ?

Wellness

oi-Sumalatha

By Sumalatha

Published: Friday, October 28, 2011, 11:53 [IST]

ಅಸ್ಥಿ ಸಂಧಿವಾತದಿಂದ ಬಳಲುತ್ತಿದ್ದವರಿಗೆ ಮೀನಿನೆಣ್ಣೆ ತುಂಬಾ ಸಹಕಾರಿ ಎಂದಿದೆ ಇತ್ತೀಚಿನ ಅಧ್ಯಯನ. ಇದರಲ್ಲಿರುವ ಒಮೆಗಾ 3 ಅಂಶ ಅತಿ ಪರಿಣಾಮಕಾರಿಯಾಗಿ ಸಂಧಿವಾತವನ್ನು ತಡೆಯುತ್ತದೆ ಮತ್ತು ಸಂಧಿವಾತ ಸಮಸ್ಯೆ ಹೆಚ್ಚಾಗುವುದನ್ನು ನಿಯಂತ್ರಿಸುತ್ತದೆ ಎಂದೂ ತಿಳಿಸಿದೆ.

ಮೀನೆಣ್ಣೆ ಮತ್ತು ಎಳ್ಳೆಣ್ಣೆ ಅಥವಾ ಹುಚ್ಚೆಳ್ಳೆಣ್ಣೆಯಲ್ಲಿ ಅಧಿಕ ಅಂಶದಲ್ಲಿ ಒಮೆಗಾ-3 ಅಂಶವಿರುವುದರಿಂದ ಇದು ನಿಮ್ಮ ಡಯಟ್ ನೊಂದಿಗಿದ್ದರೆ ನಿಮ್ಮ ಆರೋಗ್ಯ ಸಮಸ್ಯೆಯನ್ನು ಸುಧಾರಿಸಲು ಸಹಕರಿಸುತ್ತದೆ ಎಂದು ತಿಳಿಸಿದೆ.

ಸಾಮಾನ್ಯ ಆಹಾರದ ಡಯಟ್ ಗಿಂತ ಶೇಕಡಾ 50 ರಷ್ಟು ಹೆಚ್ಚು ಪರಿಣಾಮಕಾರಿಯಾಗಿ ಸಂಧಿವಾತ ಸಮಸ್ಯೆಯನ್ನು ನಿವಾರಿಸುತ್ತದೆ ಎಂದಿದೆ ಅಧ್ಯಯನ ಕೈಗೊಂಡಿದ್ದ ಬ್ರಿಸ್ಟಲ್ ವಿಶ್ವವಿದ್ಯಾಲಯ.

ಒಮೆಗಾ 3 ಕೇವಲ ಸಮಸ್ಯೆಯನ್ನು ನಿವಾರಿಸುವುದಷ್ಟೇ ಅಲ್ಲ, ಇದನ್ನು ಸಂಧಿವಾತ ಸಮಸ್ಯೆ ಇಲ್ಲದವರು ಸೇವಿಸಿದರೆ, ವಯಸ್ಸಾದಂತೆ ಈ ಸಮಸ್ಯೆ ಅವರಿಗೆ ತಗುಲುವುದನ್ನೂ ತಡೆಯುತ್ತದೆ. ಮತ್ತು ಸ್ನಾಯುಗಳಿಗೆ ಬಲ ನೀಡುತ್ತದೆ ಎನ್ನಲಾಗಿದೆ.

ಒಮೆಗಾ 3 ಇಂದ ಪರೋಕ್ಷವಾಗಿ ಹೃದಯ ತೊಂದರೆ, ಇನ್ನಿತರ ಆರೋಗ್ಯ ಸಮಸ್ಯೆಯನ್ನೂ ತಡೆಗಟ್ಟಬಹುದು ಎಂದು ಅಧ್ಯಯನ ತಿಳಿಸಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.