ಕಂಗಾಲಾಗದಿರಿ ಕೀಲು ನೋವಿಗೆ: ಇಲ್ಲಿದೆ ಶೀಘ್ರ ಪರಿಹಾರ

Wellness

oi-Sumalatha N

By Sumalatha N

Published: Wednesday, August 3, 2011, 17:01 [IST]

ಕೀಲು ನೋವು ಅಥವಾ ಮಂಡಿ ನೋವು ಅನ್ನೋದು ಈಗ ಸಾಮಾನ್ಯ ಅನ್ನಿಸಿಬಿಟ್ಟಿದೆ. ಮೊದಲು ವಯಸ್ಸಾದವರಿಗೆ ಮಾತ್ರ ಕಾಣಿಸಿಕೊಳ್ಳುತ್ತಿದ್ದ ಕೀಲು ನೋವು ಇದೀಗ ಎಲ್ಲ ವಯೋಮಾನದವರಿಗೂ ಹಂಚಿಹೋಗಿದೆ. ನಮ್ಮ ದೇಹ ತೂಕದ ನಾಲ್ಕರಷ್ಟು ಹೆಚ್ಚು ಭಾರ ನಮ್ಮ ಮಂಡಿಯ ಮೇಲೇ ಇರುವ ಕಾರಣ ನೋವು ಆಗಾಗೆ ಹೆಚ್ಚುತ್ತಲೇ ಇರುತ್ತದೆ.

ಆದ್ದರಿಂದ ಮಂಡಿ ನೋವನ್ನು ಕಡಿಮೆ ಮಾಡುವ ಕೆಲವು ವ್ಯಾಯಾಮಗಳನ್ನು ಇಲ್ಲಿ ನೀಡಲಾಗಿದೆ. ನೀವೂ ಮಾಡಿನೋಡಿ..

* ಕುರ್ಚಿಯ ಮೇಲೆ ಕುಳಿತುಕೊಂಡು ಪಾದಕ್ಕೆ ಟವಲನ್ನು ಸುತ್ತಿ ಹಿಡಿಯಬೇಕು. ಎರಡೂ ಕೈಗಳಲ್ಲಿ ಟವಲನ್ನು ಹಿಂದಕ್ಕೆ ಎಳೆದಾಗ ಮಂಡಿ ಮಡಚಿದಂತೆ ಆಗುತ್ತದೆ. ಇದನ್ನು 5-10 ಸೆಕೆಂಡ್ ಹಾಗೆಯೇ ಇರಿಸಬೇಕು. ಪ್ರತಿ ಕಾಲಿಗೆ 5 ಬಾರಿ ಮಾಡದರೆ ನೋವು ನಿಯಂತ್ರಣಕ್ಕೆ ಬರುತ್ತದೆ.

* ನೇರವಾಗಿ ನಿಂತುಕೊಂಡು ಮುಂದೆ ಕುರ್ಚಿಯ ಮೇಲೆ ಕಾಲಿರಿಸಿ ಕೈಯಿಂದ ಕಾಲಿನ ಹೆಬ್ಬರಳನ್ನು ಮುಟ್ಟಿಸಬೇಕು. ಮಂಡಿ ಸ್ವಲ್ಪವೇ ಬಾಗುವಂತೆ ಮಾಡಬೇಕು. ಇದನ್ನು 5 ಬಾರಿ ಮಾಡಬೇಕು. ದಿನನಿತ್ಯ ಈ ವ್ಯಾಯಾಮ ಮಾಡಿದರೆ ಒಳ್ಳೆಯದು.

* ಮೆಟ್ಟಿಲ ಬಳಿ ನಿಂತುಕೊಂಡು ಎಡಗಾಲನ್ನು ಮಾತ್ರ ಕೆಳಗಿನ ಮೆಟ್ಟಲಿಗಿಳಿಸಿ ಎತ್ತಿ ಇಳಿಸಿ ಮಾಡುತ್ತಲೇ ಇರಬೇಕು. ಇದು ಮಂಡಿಗೆ ಸ್ವಲ್ಪ ನಿಧಾನವಾಗಿ ರಿಲೀಫ್ ನೀಡುತ್ತದೆ. 30-40 ಸೆಕೆಂಡ್ ಗಳ ಕಾಲ ಎರಡೂ ಕಾಲನ್ನೂ ಹಾಗೆ ಮಾಡಬೇಕು.

* ಒಂದು ಬಟ್ಟೆ ತುಂಡನ್ನು ತೆಗೆದುಕೊಂಡು ಎರಡೂ ಪಾದಗಳಿಗೂ ಅದನ್ನು ಕಟ್ಟಿ ಒಂದು ಕಾಲನ್ನು ಆದಷ್ಟು ಎಳೆಯಬೇಕು. ಬಟ್ಟೆ ಎಷ್ಟು ಎಳೆಯುತ್ತದೋ ಅಷ್ಟೂ ಸಾಧ್ಯ ಮಾಡಬೇಕು. ಇದರಿಂದ ಮಂಡಿ ನೋವು ಗಣನೀಯವಾಗಿ ಕಡಿಮೆ ಯಾಗುತ್ತದೆ.

ಈ ವ್ಯಾಯಾಮವನ್ನು ಮಾಡುವುದರಿಂದ ಮಂಡಿ ನೋವು ಕಡಿಮೆಗೊಳ್ಳುವುದಲ್ಲದೆ ಪ್ರತಿನಿತ್ಯ ಇದನ್ನು ರೂಢಿಸಿಕೊಂಡರೆ ನೋವು ನಿಮ್ಮ ನಿಯಂತ್ರಣಕ್ಕೆ ಬರುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.