ನಕಲಿ ಕೊರೊನಾ ಲಸಿಕೆಯನ್ನು ಪತ್ತೆ ಮಾಡುವುದು ಹೇಗೆ? ಆರೋಗ್ಯ ಇಲಾಖೆ ಬಿಡುಗಡೆಗೊಳಿಸಿದ ಮಾರ್ಗಸೂಚಿಗಳು ಹೀಗಿವೆ?

ಕೋವಿಶೀಲ್ಡ್ ಲಸಿಕೆ ಅಸಲಿಯೇ ಎಂಬುದನ್ನು ಗುರುತಿಸುವುದು ಹೇಗೆ?:

• ಕೋವಿಶೀಲ್ಡ್ ನ ಲೇಬಲ್‌ ಕಡು ಹಸಿರು ಬಣ್ಣದಲ್ಲಿರುತ್ತದೆ. ಹಾಗೆಯೇ ಅಲ್ಯೂಮಿನಿಯಂ ಫ್ಲಿಪ್-ಆಫ್ ಸೀಲ್‌ನ ಬಣ್ಣ ಕಡು ಹಸಿರು ಆಗಿದೆ.
• ಟ್ರೇಡ್​ ಮಾರ್ಕ್ ಹೊಂದಿರುವ ಬ್ರ್ಯಾಂಡ್​​ ಹೆಸರನ್ನು ಉಲ್ಲೇಖಿಸಲಾಗುತ್ತದೆ. ಉದಾಹರಣೆಗೆ COVISHIELD.
• ಅಕ್ಷರಗಳನ್ನು ವಿಶೇಷವಾದ ಬಿಳಿ ಶಾಯಿಯಲ್ಲಿ ಮುದ್ರಿಸಲಾಗಿರುತ್ತದೆ, ಹೆಚ್ಚು ಸ್ಪಷ್ಟವಾಗಿರುತ್ತದೆ ಹಾಗೂ ಓದಲು ಸಾಧ್ಯವಾಗುತ್ತದೆ.
• ಜನರಿಕ್​ ಹೆಸರು ಅನ್​ಬೋಲ್ಡ್​ ಆಗಿರುತ್ತದೆ.
• Recombinant ಎಂಬುದು ಜನರಿಕ್ ಹೆಸರಿನ ಕೊನೆಯಲ್ಲಿ ಪ್ರಿಂಟ್​ ಆಗಿರುತ್ತದೆ.
• ಎಸ್​ಐಐ (SII) ಲೋಗೋವನ್ನು ಒಂದು ನಿರ್ಧಿಷ್ಟ ಸ್ಥಾನದಲ್ಲಿ, ನಿರ್ಧಿಷ್ಟ ಭಂಗಿಯಲ್ಲಿ ಇಡಲಾಗಿದ್ದು ಅದನ್ನು ಬೇರೆಯವರು ಅನುಕರಿಸಲು ಸಾಧ್ಯವಿಲ್ಲ. ಲಸಿಕೆ ಬಗ್ಗೆ ಎಲ್ಲ ವಿವರ ಗೊತ್ತಿರುವ ಕೆಲವೇ ಕೆಲವು ಮಂದಿ ಮಾತ್ರ ಇದನ್ನು ಗುರುತಿಸಬಹುದಾಗಿದೆ.
• ಸಿಜಿಎಸ್​ ನಾಟ್​ ಫಾರ್ ಸೇಲ್​ (CGS NOT FOR SALE) ಎಂದು ಬರೆಯಲಾಗಿದೆ. ಆದರೆ ಇದು ಅಕ್ಷರಗಳ ಕೆಳಗೆ ಪ್ರಿಂಟ್​ ಆಗಿದೆ (Over Print).
• ಬಾಕ್ಸ್​ ಮೇಲಿನ ಸಂಪೂರ್ಣ ಲೇಬಲ್​ ಒಂದು ಜೇನುಗೂಡಿನ ಆಕೃತಿಯಲ್ಲಿದೆ. ಅದಕ್ಕೊಂದು ನಿರ್ದಿಷ್ಟ ಅಳತೆಯಿದೆ.



ಕೊವ್ಯಾಕ್ಸಿನ್​ ಲಸಿಕೆ ಅಸಲಿಯೇ ಎಂಬುದನ್ನು ಗುರುತಿಸುವುದು ಹೇಗೇ?

1. ಲೇಬಲ್​ ಮೇಲೆ, ಕಣ್ಣಿಗೆ ಕಾಣದ ಯುವಿ ಹೆಲಿಕ್ಸ್​ (ಡಿಎನ್​ಎ ಮಾದರಿ ರಚನೆ) ಇರುತ್ತದೆ. ಈ ರಚನೆ ಯುವಿ ಬೆಳಕಿನಲ್ಲಿ ಮಾತ್ರ ಕಾಣುತ್ತದೆ.

2. ಲೇಬಲ್​ ಕ್ಲೇಮ್ಸ್​ನಲ್ಲಿರುವ ಡಾಟ್ಸ್​ಗಳಲ್ಲಿ, ಅತಿಸಣ್ಣ ಅಕ್ಷರದಲ್ಲಿ COVAXIN ಎಂದು ಬರೆಯಲಾಗಿದ್ದು, ಇದು ಮರೆಮಾಚಿದ ರೂಪದಲ್ಲಿದೆ.

3. ಕೊವ್ಯಾಕ್ಸಿನ್​ (COVAXIN)ನಲ್ಲಿ ಎಕ್ಸ್​ ಪದದ ಒಂದು ಬದಿಗೆ ಹಸಿರು ಬಣ್ಣ ನೀಡಲಾಗಿದೆ.

4. COVAXIN ಶಬ್ದಕ್ಕೆ ಹೊಲೊಗ್ರಾಫಿಕ್​ ಎಫೆಕ್ಟ್​ ನೀಡಲಾಗಿದೆ. ಇದರಿಂದ ಎದ್ದು ಕಾಣುತ್ತದೆ.



ಸ್ಪುಟ್ನಿಕ್​ ವಿ ಲಸಿಕೆ ಅಸಲಿಯೇ ಎಂಬುದನ್ನು ಗುರುತಿಸುವುದು ಹೇಗೆ?:

1. ಸ್ಪುಟ್ನಿಕ್​ ವಿಯನ್ನು ರಷ್ಯಾದ ಎರಡು ವಿಭಿನ್ನ ಬೃಹತ್​ ಉತ್ಪಾದನಾ ಸೈಟ್​ಗಳಿಂದ ಆಮದು ಮಾಡಿಕೊಳ್ಳಲಾಗಿದೆ. ಆದ್ದರಿಂದ ಎರಡೂ ತಾಣಗಳ ಲಸಿಕೆಗಳ ಮೇಲೆ ಆಯಾ ಸೈಟ್​ಗಳಿಗೆ ಸಂಬಂಧಪಟ್ಟ ಬೇರೆ ಬೇರೆ ವಿಧದ ಲೇಬಲ್​ಗಳಿವೆ. ಆದರೆ ತಯಾರಕರ ಹೆಸರು ಹೊರತು ಪಡಿಸಿ, ಉಳಿದೆಲ್ಲಾ ವಿನ್ಯಾಸ, ಮಾಹಿತಿಗಳು ಎರಡರ ಮೇಲೆಯೂ ಒಂದೇ ಥರ ಇರುವುದು.

2. ಸ್ಪುಟ್ನಿಕ್​ ವಿ ಲಸಿಕೆಯ ಒಂದು ಬಾಕ್ಸ್​ನಲ್ಲಿ 5 ಅಂಪೌಲ್​​​​ಗಳಿರುತ್ತವೆ. ಈ ಬಾಕ್ಸ್​ನ ಹಿಂಭಾಗ ಮತ್ತು ಮುಂಭಾಗದಲ್ಲಿ ಇಂಗ್ಲಿಷ್​ ಅಕ್ಷರಗಳಿದ್ದು ಉಳಿದೆಲ್ಲ ಬದಿಯಲ್ಲೂ ರಷ್ಯನ್ ಭಾಷೆಯಿದೆ.