ಸೈಲೆಂಟ್ ಕಿಲ್ಲರ್, 'ಹೊಟ್ಟೆಯ ಕ್ಯಾನ್ಸರ್‌' ಬಗ್ಗೆ ಇರಲಿ ಎಚ್ಚರ!!

ಮಲದಲ್ಲಿ ರಕ್ತ ಅಥವಾ ವಾಂತಿ

ಮಲದಲ್ಲಿ ರಕ್ತ ಅಥವಾ ವಾಂತಿಯಲ್ಲಿ ರಕ್ತ ಕಾಣಿಸಿಕೊಂಡರೆ ಆಗ ತಕ್ಷಣ ವೈದ್ಯರನ್ನು ಭೇಟಿಯಾಗಬೇಕು. ಯಾಕೆಂದರೆ ಇದು ಹೊಟ್ಟೆಯ ಕ್ಯಾನ್ಸರ್‌ನ ಲಕ್ಷಣಗಳಲ್ಲಿ ಒಂದಾಗಿರುವ ಸಾಧ್ಯತೆಯಿದೆ.

ಹಸಿವು ಬೇಗನೆ ಮಾಯವಾಗುವುದು

ಹಸಿವು ಬೇಗನೆ ಮಾಯವಾಗುವುದು ಹೊಟ್ಟೆಯ ಕ್ಯಾನ್ಸರ್‌ನ ಮತ್ತೊಂದು ಲಕ್ಷಣಗಳಲ್ಲಿ ಒಂದಾಗಿದೆ. ನಿಮಗೆ ಬೇಗನೆ ಹೊಟ್ಟೆ ತುಂಬಿದಂತೆ ಆಗುತ್ತಾ ಇದ್ದರೆ ಇದನ್ನು ಕಡೆಗಣಿಸದೆ ವೈದ್ಯರಲ್ಲಿ ಹೇಳಿ.

ಹೊಟ್ಟೆ ನೋವು

ಕೆಲವೊಂದು ಸಂದರ್ಭಗಳಲ್ಲಿ ಹೊಟ್ಟೆಯ ನೋವು ಹೊಟ್ಟೆಯ ಕ್ಯಾನ್ಸರ್‌ನ ಲಕ್ಷಣಗಳಲ್ಲಿ ಒಂದಾಗಿರಬಹುದು. ಹೊಟ್ಟೆ ನೋವು ನಿರಂತರವಾಗಿದ್ದರೆ ಇದರ ಬಗ್ಗೆ ಗಮನಹರಿಸಿ.

ಕಾರಣವಿಲ್ಲದೆ ತೂಕ ಕಳೆದುಕೊಳ್ಳುವುದು

ತೂಕ ಕಳೆದುಕೊಳ್ಳಲು ಯಾವುದೇ ಕ್ರಮ ತೆಗೆದುಕೊಳ್ಳದಿದ್ದರೂ ನಿಮ್ಮ ತೂಕ ಕಡಿಮೆಯಾಗುತ್ತಾ ಇದೆ ಎಂದಾದರೆ ಖಂಡಿತವಾಗಿಯೂ ನೀವು ಇದನ್ನು ಪರೀಕ್ಷಿಸಿಕೊಳ್ಳಿ. ಹಠಾತ್ ಆಗಿ ತೂಕ ಕಡಿಮೆಯಾದರೆ ಇದರ ಬಗ್ಗೆ ಎಚ್ಚರ ವಹಿಸಿ.

ಕಡಿಮೆಯಾಗದ ಎದೆಯುರಿ

ಎದೆಯುರಿ, ಅಜೀರ್ಣ ಮತ್ತು ಇತರ ಕೆಲವೊಂದು ಸಾಮಾನ್ಯ ಎನ್ನುವಂತಹ ಸಮಸ್ಯೆಗಳು ಹೊಟ್ಟೆಯ ಕ್ಯಾನ್ಸರ್ ನ ಲಕ್ಷಣವಾಗಿರಬಹುದು. ಈ ಸಮಸ್ಯೆಗಳು ಯಾವುದರಿಂದಾಗಿ ಬರುತ್ತಾ ಇದೆ ಎಂದು ವೈದ್ಯರು ಹೇಳಲಿ.

ಹೊಟ್ಟೆ ಉಬ್ಬರ, ಭೇದಿ ಮತ್ತು ಮಲಬದ್ಧತೆ

ಹೊಟ್ಟೆಯಲ್ಲಿ ಬೆಳೆಯುತ್ತಿರುವ ಕ್ಯಾನ್ಸರ್ ಹೊಟ್ಟೆಯಲ್ಲಿ ಉಬ್ಬರ ಉಂಟಾಗುವಂತೆ ಮಾಡಬಹುದು ಅಥವಾ ಕರುಳಿನ ಕ್ರಿಯೆಗಳನ್ನು ಅಸಾಮಾನ್ಯಗೊಳಿಸಬಹುದು. ಇಂತಹ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತಾ ಇದ್ದರೆ ವೈದ್ಯರನ್ನು ಭೇಟಿಯಾಗಿ ಅವರಿಂದ ಸಲಹೆ ಪಡೆಯಿರಿ.