ತುಂಬಾ ದಪ್ಪಗಿದ್ದೀರಾ ? ಹಾಗಾದರೆ ಈ ರುಚಿಕರ ಆಹಾರಗಳನ್ನು ತಿನ್ನಿ, ತೂಕ ಇಳಿಸಿಕೊಳ್ಳಿ!

ರೋಸ್ಟ್ ಮಾಡಿರುವ ಆಲೂಗಡ್ಡೆ

ಆಲೂಗಡ್ಡೆ ಯಾರಿಗೇ ತಾನೇ ಇಷ್ಟವಿಲ್ಲ ಹೇಳಿ. ಬೇಯಿಸಿದ ಆಲೂಗಡ್ಡೆಯಂತೂ ತಿನ್ನಲು ಬಹಳ ರುಚಿ . ಆದರೆ ಬಹಳ ಜನರು ಇದರಲ್ಲಿ ಅಧಿಕ ಕಾರ್ಬೋಹೈಡ್ರೇಟ್ ಅಂಶವಿರುತ್ತದೆ ಎಂದು ಇದನ್ನು ದೂರವೇ ಇಟ್ಟಿರುತ್ತಾರೆ . ಆದರೆ ಅದರಲ್ಲಿ ದೇಹದ ಯಾವುದಾದರೂ ಭಾಗ ಊದಿಕೊಂಡಿದ್ದರೆ ಅದನ್ನು ಕಡಿಮೆ ಮಾಡುವ ಗುಣಗಳಿವೆ ಎಂದು ಯಾರಿಗೂ ಗೊತ್ತಿಲ್ಲ . ಇಂತಹ ಒಂದು ಬಟ್ಟಲು ರೋಸ್ಟ್ ಮಾಡಿರುವ ಆಲೂಗಡ್ಡೆಯನ್ನು ತಿನ್ನುವುದಕ್ಕೆ ಬಹಳ ರುಚಿಯಾಗಿರುತ್ತದೆ ಮತ್ತು ಇದರಿಂದ ನಿಮ್ಮ ದೇಹದ ತೂಕವೇನೂ ಹೆಚ್ಚಾಗುವುದಿಲ್ಲ.

ಸಿಹಿ ಗೆಣಸು

ಹೆಚ್ಚಾಗಿ ಸಂಕ್ರಾಂತಿ ಹಬ್ಬದ ಸಮಯದಲ್ಲಿ ಕಂಡುಬರುವ ಈ ಸಿಹಿ ಗೆಣಸು ಮತ್ತು ಅದರಿಂದ ತಯಾರಾದ ಖಾದ್ಯ ನಮ್ಮ ದೇಹ ಸೇರಿದರೆ ಸಾಮಾನ್ಯವಾಗಿ ಸೊಂಟದ ಸುತ್ತಳತೆಯಲ್ಲಿ ಅಕಸ್ಮಾತಾಗಿ ಶೇಕರಿಸಲ್ಪಡುವ ಸಕ್ಕರೆ ಅಂಶವನ್ನು ಗಣನೀಯವಾಗಿ ಕಡಿಮೆ ಮಾಡುತ್ತದೆ . ಇದರಿಂದ ಮಧುಮೇಹ ನಿಯಂತ್ರಣಕ್ಕೆ ಬರುತ್ತದೆ . ಹಾಗಾದರೆ ಸಿಹಿ ಗೆಣಸಿನಲ್ಲಿ ಅಂತಹದ್ದೇನಿದೆ ಎಂದು ಯೋಚಿಸುತ್ತಿದ್ದೀರಾ ? ಗಿಡಗಳಲ್ಲಿ ಕಾಣಸಿಗುವ ಕಿತ್ತಳೆ ಮತ್ತು ಹಳದಿ ಪಿಗ್ಮೆಂಟ್ ಗೆ ಕಾರಣವಾಗಿರುವ ಕೆರೋಟಿನ್ ಅಂಶವೇ ಈ ಸಿಹಿ ಗೆಣಸಿನಲ್ಲಿ ಅಡಗಿದೆ . ಕೆರೋಟಿನ್ ಅಂಶ ಸಾಮಾನ್ಯವಾಗಿ ದೇಹ ಬಿಡುಗಡೆ ಗೊಳಿಸುವ ಗ್ಲುಕೋಸ್ ಮತ್ತು ಇನ್ಸುಲಿನ್ ಅನ್ನು ತಗ್ಗಿಸುತ್ತದೆ.

ಚೀಸ್ ಮಕಾರೋನಿ

ಬೆಣ್ಣೆ , ತುಪ್ಪ , ಹಾಲಿನ ಜಿಡ್ಡು ಪದಾರ್ಥಗಳು ಎಂದರೆ ಸಾಕು ತೂಕ ಹೆಚ್ಚು ಮಾಡುತ್ತವೆ ಎಂಬ ನಂಬಿಕೆ ಎಲ್ಲರಲ್ಲೂ ಇದೆ . ಆದರೆ ಸರಿಯಾದ ರೀತಿಯಲ್ಲಿ ಮತ್ತು ಸರಿಯಾದ ಪ್ರಮಾಣದಲ್ಲಿ ಬಳಸಿದರೆ ಯಾವ ತೊಂದರೆಯೂ ಇರುವುದಿಲ್ಲ . ಕಡಿಮೆ ಕೊಬ್ಬಿನ ಅಂಶವಿರುವ ಹಾಲು , ಕಡಿಮೆ ಕೊಬ್ಬಿನ ಅಂಶವಿರುವ ಚೇದ್ದಾರ್ ಚೀಸ್ ಮತ್ತು ಕಡಿಮೆ ಕೊಬ್ಬಿನ ಅಂಶವಿರುವ ಬೆಣ್ಣೆ ಉಪಯೋಗಿಸಿಕೊಂಡು ಚೀಸ್ ಮಕಾರೋನಿ ಮಾಡಿ ತಿಂದರಂತೂ ಬಾಯಿ ಚಪ್ಪರಿಸುವಂತಹ ರುಚಿ . ಇನ್ನು ಬೇಕೆಂದರೆ ಚೀಸ್ ನ ಬದಲು ಹೂ ಕೋಸಿನ ಪ್ಯೂರೀ ಉಪಯೋಗಿಸಬಹುದು .

ಡಾರ್ಕ್ ಚಾಕಲೇಟ್

ಚಾಕೋಲೇಟ್ ಎಲ್ಲರಿಗೂ ಪ್ರಿಯ .ಏಕೆಂದರೆ ಅದರ ರುಚಿ . ಆರೋಗ್ಯದ ರೀತಿಯಲ್ಲಿ ಯೋಚಿಸಬೇಕೆಂದರೆ ಇದರಲ್ಲಿರುವ ಆಂಟಿ ಆಕ್ಸಿಡಂಟ್ ಗುಣ ಹೃದಯದ ಸಮಸ್ಯೆಯನ್ನು ತಡೆಗಟ್ಟುತ್ತದೆ ಮತ್ತು ಇದರಲ್ಲಿರುವ " ಪೊಲಿಫೆನೋಲ್ " ಎಂಬ ಅಂಶ ದೇಹದ ಕೊಲೆಸ್ಟರಾಲ್ ಅನ್ನು ಕಡಿಮೆ ಮಾಡುತ್ತದೆ .

Most Read: ಬಾಯಿಯ ಭಾಗದಲ್ಲಿ ಆವರಿಸಬಹುದಾದ ಪ್ರಮುಖ ಕಾಯಿಲೆಗಳು

ಕಾಫಿ

ಬೆಳಗಿನ ಚಳಿಯಲ್ಲಿ ಅಥವಾ ಸಂಜೆಯ ಸೂರ್ಯಾಸ್ತದ ಸಮಯದಲ್ಲಿ ಬಿಸಿ ಬಿಸಿ ಕಾಫಿ ಕುಡಿಯಲು ಬಲು ಚೆನ್ನ . ಇದು ತುಂಬಾ ಜನರ ಬಯಕೆಯೂ ಕೂಡ . ಒತ್ತಡದ ಜೀವನದಿಂದ ಬೇಸತ್ತ ಎಲ್ಲರೂ ಇಷ್ಟಪಡುವ ಒಂದು ಕೆಲಸ ಇದು . ಇದರಿಂದ ಮನಸ್ಸಿಗೆ ಮುದ ಸಿಗುವುದರ ಜೊತೆಗೆ ಆರೋಗ್ಯಕ್ಕೂ ಒಳ್ಳೆಯದು ಎಂಬ ಬಗ್ಗೆ ವೈಜ್ಞಾನಿಕವಾಗಿ ಸಾಬೀತುಗೊಂಡಿದೆ . ಬೆಳಗಿನ ವ್ಯಾಯಾಮಕ್ಕಿಂತ ಮುಂಚೆ ಕುಡಿಯುವ ಕಾಫಿ ಬಹಳ ಉಪಕಾರಿ . ಇದರಲ್ಲಿರುವ ಕೆಫೀನ್ ಅಂಶ ದೇಹದ ರಕ್ತನಾಳಕ್ಕೆ ಬಿಡುಗಡೆಯಾಗುವ ಗ್ಲುಕೋಸ್ ಅಂಶವನ್ನು ತಡೆಯುತ್ತದೆ ಮತ್ತು ದೇಹದ ಕೊಬ್ಬನ್ನು ಕರಗಿಸಿ ದೇಹದ ದಿನ ನಿತ್ಯದ ಚಟುವಟಿಕೆಗೆ ಅಗತ್ಯವಾಗಿ ಬೇಕಾಗಿರುವ ಶಕ್ತಿಯನ್ನಾಗಿ ಪರಿವರ್ತಿಸುತ್ತದೆ .

ಸೂಪ್

ತರಕಾರಿ ಸೂಪ್ ಮತ್ತು ಚಿಕನ್ ಸೂಪ್ ಎರಡೂ ದೇಹಕ್ಕೆ ಅಗತ್ಯವಾಗಿ ಬೇಕಾಗಿರುವ ಪೋಷಕಾಂಶಗಳನ್ನು ಒದಗಿಸುವಲ್ಲಿ ಬಹಳ ಚೆನ್ನಾಗಿ ಕೆಲಸ ಮಾಡುತ್ತವೆ . ಆರೋಗ್ಯಕ್ಕೂ ಹಿತ , ಹೊಟ್ಟೆಗೂ ತುಂಬಿದಂತಹ ಅನುಭವ.ಈ ಎಲ್ಲ ರೀತಿಯ ಆಹಾರಗಳು ನಿಮ್ಮ ಬಾಯಿ ರುಚಿಯ ಜೊತೆಗೆ ನಿಮ್ಮ ದೇಹವನ್ನು ಯಾವುದೇ ಕಾರಣಕ್ಕೂ ದಪ್ಪವಾಗಿಸುವುದಿಲ್ಲ ಎಂಬುದರಲ್ಲಿ ಎರಡು ಮಾತಿಲ್ಲ . ಇದರಿಂದ ನೀವೂ ಸಹ ಯಾವುದೇ ಮಾನಸಿಕ ಖಿನ್ನತೆಗೆ ಒಳಗಾಗದೆ ಇತರರ ಜೊತೆ ಬೆರೆತು ವ್ಯಾಯಾಮ ಮಾಡಿ ಈ ರುಚಿಕರ ತಿನಿಸುಗಳನ್ನು ತಿನ್ನಬೇಕೆಂದು ನಾವು ಬಯಸುತ್ತೇವೆ .