ಕೀಲುಗಳ ನೋವು: ಶೀಘ್ರ ಪರಿಹಾರಕ್ಕೆ ಸುಲಭ ಉಪಾಯಗಳು

ಸಲಹೆ #1

ಒಂದು ಲಿಂಬೆಹಣ್ಣನ್ನು ಚಿಕ್ಕ ಚಿಕ್ಕ ತುಂಡುಗಳನ್ನಾಗಿ ಕತ್ತರಿಸಿ. ಎಲ್ಲಾ ತುಂಡುಗಳನ್ನು ಒಂದು ಬಟ್ಟೆಯಲ್ಲಿ ಹಾಕಿ ಬಟ್ಟೆಯನ್ನು ಸುರುಳಿ ಸುತ್ತಿ. ಒಂದು ಚಿಕ್ಕ ಬೋಗುಣಿಯಲ್ಲಿ ಕೊಂಚ ಸಾಸಿವೆ ಎಣ್ಣೆಯನ್ನು ಬಿಸಿ ಮಾಡಿ ಸುರುಳಿ ಸುತ್ತಿದ ಬಟ್ಟೆಯಲ್ಲಿದ್ದ ಲಿಂಬೆ ತುಂಡುಗಳಿರುವ ಭಾಗ ಎಣ್ಣೆಯಲ್ಲಿ ನೆನೆಯುವಂತೆ ಮುಳುಗಿಸಿ. ಈಗ ಈ ಬಟ್ಟೆಯನ್ನು ನೋವಿರುವ ಗಂಟಿನ ಭಾಗಕ್ಕೆ ಕೊಂಚವೇ ಬಿಗಿಯಾಗಿ ಕಟ್ಟಿ ಸುಮಾರು ಐದು ನಿಮಿಷ ಹಾಗೇ ಬಿಡಿ.

ಸಲಹೆ #2

ಒಂದು ಕಪ್ ನೀರನ್ನು ಕುದಿಸಿ ಇದರಲ್ಲಿ ಹಸಿ ಶುಂಠಿಯ ಚಿಕ್ಕ ತುಂಡನ್ನು ಕತ್ತರಿಸಿ ಜಜ್ಜಿ ಸೇರಿಸಿ ಚಿಟಿಕೆಯಷ್ಟು ಅರಿಶಿನವನ್ನೂ ಸೇರಿಸಿ. ಬಳಿಕ ಚಿಕ್ಕ ಉರಿಯಲ್ಲಿ ಹತ್ತು ನಿಮಿಷ ಬೇಯಿಸಿ. ಬಳಿಕ ಉರಿ ಆರಿಸಿ ಒಂದು ಹನಿ ಜೇನನ್ನು ಬೆರೆಸಿ ಕುಡಿಯಿರಿ. ಈ ವಿಧಾನವನ್ನು ದಿನಕ್ಕೆರಡು ಬಾರಿ ಅನುಸರಿಸಿ.

ಸಲಹೆ #3

ಸತತವಾಗಿ ಏಳು ದಿನಗಳ ಕಾಲ ಬೆಳಿಗ್ಗೆ ಎದ್ದ ತಕ್ಷಣ ಪ್ರಥ ಆಹಾರವಾಗಿ ಒಂದು ಲೋಟ ಕ್ಯಾರೆಟ್ ಜ್ಯೂಸ್ ಕುಡಿಯಿರಿ.

ಸಲಹೆ #4

ಒಂದು ವಾರದ ಕಾಲ ನೋವಿರುವ ಭಾಗವನ್ನು ಆಲಿವ್ ಎಣ್ಣೆಯಿಂದ ನಯವಾಗಿ ಮಸಾಜ್ ಮಾಡಿ. ಬೆಳಿಗ್ಗೆ ಮತ್ತು ಸಂಜೆ ಈ ವಿಧಾನವನ್ನು ಅನುಸರಿಸಿ.

ಸಲಹೆ #5

ಒಂದು ದೊಡ್ಡ ಚಮಚ ಕಲ್ಲುಪ್ಪನ್ನು ಅರ್ಧ ಬಕೆಟ್ ಅಥವಾ ಅಗಲವಾದ ಪಾತ್ರೆಯಲ್ಲಿನ ಬಿಸಿನೀರಿಗೆ ಸೇರಿಸಿ ಕಲಕಿ. ಈ ನೀರಿನಲ್ಲಿ ನೋವಿರುವ ಗಂಟು ಮುಳುಗುವಂತೆ ಸುಮಾರು ಹದಿನೈದು ನಿಮಿಷ ಇರಿಸಿ ಬಳಿಕ ಬಟ್ಟೆಯಿಂದ ಒರೆಸಿಕೊಳ್ಳಿ.

ಸಲಹೆ #6

ನೋವಿರುವ ಭಾಗವನ್ನು ಹರಳೆಣ್ಣೆಯಿಂದ ಮಸಾಜ್ ಮಾಡಿ. ದಿನಕ್ಕೆರಡು ಬಾರಿಯಂತೆ ಸತತವಾಗಿ ಏಳು ದಿನಗಳ ಕಾಲ ಅನುಸರಿಸಿ.