ಮೈಕೈ ನೋವೇ? ಹಾಗಾದರೆ ಈ ಆಹಾರ ತಿನ್ನಿ

ಬೆರಿ ಹಣ್ಣುಗಳು:

ಸ್ಟ್ರಾಬರಿ, ನೇರಳೆ ಹಣ್ಣು ಇವುಗಳು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಸ್ಟ್ರಾಬರಿ ಹಣ್ಣನ್ನು ತಿನ್ನುವುದರಿಂದ ಅದರಲ್ಲಿರುವ ವಿಟಮಿನ್ ಸಿ ಹಾಗೂ antioxidants ಅಂಶ ಮೈಕೈ ನೋವಿಗೆ ಔಷಧಿಯಾಗಿ ವರ್ತಿಸಿ ನೋವನ್ನು ಕಡಿಮೆ ಮಾಡುತ್ತದೆ.

ತರಕಾರಿಗಳು:

ಪಾಲಾಕ್, ಬ್ರೊಕೋಲಿ, ಈರುಳ್ಳಿ, ಬೀಟ್ ರೂಟ್, ಟೊಮೆಟೊ, ಶುಂಠಿ ಇವುಗಳು ಮೈಕೈ ನೋವನ್ನು ಕಡಿಮೆ ಮಾಡುತ್ತದೆ. ಸಂದಿ ನೋವು ಇರುವವರು ಪಾಸ್ತಾ, ಬ್ರೆಡ್, ಕರಿದ ಪದಾರ್ಥಗಳು ಹಾಗೂ ಕುರುಕಲು ತಿಮಡಿಗಳನ್ನು ತಿನ್ನದಿರುವುದು ಒಳ್ಳೆಯದು.

ನಟ್ಸ್:

ಬಾದಾಮಿ, ವಾಲ್ ನಟ್, ಕುಂಬಳಕಾಯಿ ಬೀಜ ಇವುಗಳನ್ನು ತಿಂದರೆ ಆರೋಗ್ಯಕ್ಕೂ ಒಳ್ಳೆಯದು ಹಾಗೂ ದೇಹದ ತೂಕವನ್ನು ಕೂಡ ಹತೋಟಿಯಲ್ಲಿಡುತ್ತದೆ. ಈ ನಟ್ಸ್ ಗಳಿಗೆ ಮೈಕೈ ನೋವು ನಿವಾರಿಸುವ ಸಾಮರ್ಥ್ಯ ಇದೆ.

ಆಲೀವ್ ಎಣ್ಣೆ:

ಆಲೀವ್ ಎಣ್ಣೆ ಅಡುಗೆ ಮಾಡಲು ಬಳಸಿದರೆ ಇದರಿಂದ ದೇಹ ಕೊಲೆಸ್ಟ್ರಾಲ್ ಕಡಿಮೆಯಾಗುವುದು , ಬೊಜ್ಜು ಕರಗುವುದು ಹಾಗೂ ಮೈಕೈ ನೋವನ್ನು ನಿವಾರಿಸುತ್ತದೆ. ದೇಹದ ತೂಕ ಹೆಚ್ಚಾದರೆ ಕಾಲು ನೋವು ಕಂಡು ಬರುತ್ತದೆ. ಆದ್ದರಿಂದ ಸಮತೂಕವಿರುವಂತೆ ನೋಡಿಕೊಳ್ಳುವುದು ಒಳ್ಳೆಯದು.

ನಿಂಬೆ ಅಥವಾ ಕಿತ್ತಳೆಯ ಜ್ಯೂಸ್:

ಮೂಳೆಯ ಆರೋಗ್ಯವನ್ನು ಕಾಪಾಡುವಲ್ಲಿ ವಿಟಮಿನ್ ಸಿ ಅವಶ್ಯಕ. ಆದ್ದರಿಂದ ಪ್ರತಿದಿನ ನಿಂಬೆ ಜ್ಯೂಸ್ ಅಥವ ಕಿತ್ತಳೆ ಜ್ಯೂಸ್ ಅನ್ನು ಡಯಟ್ ನಲ್ಲಿ ಸೇರಿಸಿ.

ಕ್ಯಾಲ್ಸಿಯಂ ಆಹಾರ:

ಮೀನು, ಹಾಲು, ಮೊಟ್ಟೆ, ಇವುಗಳಲ್ಲಿ ಕ್ಯಾಲ್ಸಿಯಂ ಅಂಶವಿರುತ್ತದೆ. ಆದ್ದರಿಂದ ಪ್ರತಿನಿತ್ಯದ ಆಹಾರಕ್ರಮದಲ್ಲಿ ಇದನ್ನು ಬಳಸುವುದು ಒಳ್ಳೆಯದು. ಸೊಪ್ಪು ಹೆಚ್ಚಾಗಿ ತಿನ್ನಿ.