ಪ್ಲಮ್ಸ್ ಪುರುಷರಿಗೆ ಒಳ್ಳೆಯದು

1. ಹೃದಯದ ರಕ್ಷಣೆಗೆ ನೆರವಾಗುತ್ತದೆ

ಪ್ಲಮ್ಸ್ ನಲ್ಲಿರುವ ವಿಟಮಿನ್ ಕೆ ದೇಹದಲ್ಲಿ ಅನಗತ್ಯವಾಗಿ ರಕ್ತ ಹೆಪ್ಪುಗಟ್ಟುವಿಕೆ ತಡೆಯುತ್ತದೆ. ಇದು ರಕ್ತದ ಒತ್ತಡವನ್ನು ಸರಿಯಾಗಿ ನಿರ್ವಹಿಸುವ ಕಾರಣ ಹೃದಯ ಪ್ರಮಾಣ ಸ್ಥಿರವಾಗಿರುತ್ತದೆ. ಇದರಲ್ಲಿ ಪೊಟಾಶಿಯಂ, ಖನಿಜಾಂಶಗಳಿರುತ್ತದೆ. ಇದರಿಂದ ಅಧಿಕ ರಕ್ತದೊತ್ತಡ ನಿಯಂತ್ರಿಸುತ್ತದೆ ಮತ್ತು ಪಾರ್ಶ್ವವಾಯುವಿನ ಅಪಾಯ ಕಡಿಮೆ ಮಾಡುತ್ತದೆ.

2. ಕ್ಯಾನ್ಸರ್ ಬಾರದಂತೆ ತಡೆಯುತ್ತದೆ

ಕೆಲವು ಪ್ಲಮ್ಸ್ ಗಳಲ್ಲಿ ಇರುವ ಕೆಂಪುನೀಲಿ ಬಣ್ಣವನ್ನು ಆಂತೋಸಿಯಾನ್ಸಿಸ್ ಎಂದು ಕರೆಯಲಾಗುತ್ತದೆ. ಇದು ಮುಕ್ತ ರಾಡಿಕಲ್ ನ್ನು ಸಂಪೂರ್ಣವಾಗಿ ಆವರಿಸಿಕೊಂಡು ಕ್ಯಾನ್ಸರ್ ವಿರುದ್ಧ ರಕ್ಷಣೆ ನೀಡುತ್ತದೆ. ಪ್ಲಮ್ಸ್ ನಲ್ಲಿರುವ ಬೀಟಾ ಕೆರೊಟೀನ್ ಅಂಶಗಳು ಶ್ವಾಸಕೋಶ ಮತ್ತು ಬಾಯಿ ಕುಳಿಯ ಕ್ಯಾನ್ಸರ್ ಇತ್ಯಾದಿಗಳಿಂದ ನಿಮ್ಮನ್ನು ರಕ್ಷಿಸುತ್ತದೆ.

3. ಕಣ್ಣು ಮತ್ತು ದೃಷ್ಟಿ

ಆರೋಗ್ಯಕರ ಕಣ್ಣು ಮತ್ತು ಒಳ್ಳೆಯ ದೃಷ್ಟಿಗೆ ವಿಟಮಿನ್ ಎ ಅತೀ ಅಗತ್ಯವಾಗಿ ಬೇಕು. ಇದು ಲೋಳೆಯ ಪೊರೆಯನ್ನು ಆರೋಗ್ಯವಾಗಿಡುತ್ತದೆ. ಇದರಲ್ಲಿ ಪ್ರಮುಖವಾಗಿ ಇರುವ ಆಹಾರದ ನಾರಿನಾಂಶವನ್ನು ಜಿಯಾಕ್ಸಾಂಥಿನ್ ಎಂದು ಕರೆಯಲಾಗುತ್ತದೆ. ಇದು ರೆಟಿನಾಗೆ ಒಳ್ಳೆಯದು. ಇದು ಹಾನಿಕಾರಕ ಯುವಿ ಕಿರಣಗಳಿಂದ ಕಣ್ಣನ್ನು ರಕ್ಷಿಸುತ್ತದೆ.

4. ಕರುಳು ಕ್ರಮಬದ್ಧವಾಗಿರಲು ನೆರವು

ಒಣಗಿದ ಪ್ಲಮ್(ಪ್ರುನ್ಸ್)ಗಳು ನಾರಿನಾಂಶದಿಂದ ಸಮೃದ್ಧವಾಗಿದೆ. ಇದರಲ್ಲಿರುವ ಪೋಷಕಾಂಶಗಳ ಲಾಭವೆಂದರೆ ಇದರಲ್ಲಿನ ನಾರಿನಾಂಶವು ಆಹಾರದ ಜೀರ್ಣಕ್ರಿಯೆಯಲ್ಲಿ ನೆರವಾಗುತ್ತದೆ. ಸೋರ್ಬಿಟೋಲ್ ಮತ್ತು ಐಸಟಿನ್ ಜತೆಯಾಗಿ ಚಯಾಪಚಯಾ ಕ್ರಿಯೆ ನಿಯಂತ್ರಿಸುತ್ತದೆ ಮತ್ತು ನಿಮ್ಮ ದೇಹವು ಭಿನ್ನ ಆಹಾರ ತಿನ್ನುವ ಸಾಮರ್ಥ್ಯ ಪಡೆಯುತ್ತದೆ ಮತ್ತು ಮಲಬದ್ಧತೆ ತಡೆಯುತ್ತದೆ.

5. ಉತ್ಕರ್ಷಣ ನಿರೋಧಕ

ಪ್ಲಮ್ಸ್ ನಲ್ಲಿರುವ ಉತ್ಕರ್ಷಣ ನಿರೋಧಕವು ದೇಹಕ್ಕೆ ತುಂಬಾ ಲಾಭಕಾರಿ. ಪಾಲಿ ಫೆನಾಲಿಕ್ ಉತ್ಕರ್ಷಣ ನಿರೋಧಕ ಸಂಯುಕ್ತಗಳಾದ ಲ್ಯೂಟೀನ್, ಕ್ರಿಪ್ಟೊಕ್ಸಾಂತಿನ್ ಮತ್ತು ಜಿಯಾಕ್ಸಾಂಥಿನ್ ಮುಕ್ತ ರಾಡಿಕಾಲ್ ನಿಂದ ಬಿಡುಗಡೆಯಾಗುವ ಹಾನಿಕಾರ ಆಮ್ಲಜನಕದ ಪ್ರಮಾಣ ಕಡಿಮೆ ಮಾಡುತ್ತದೆ. ರೋಗಗಳನ್ನು ಉಂಟು ಮಾಡುವ ಮತ್ತು ವಯಸ್ಸಾದ ಪರಿಣಾಮ ಉಂಟುಮಾಡುವ ಆರ್ ಒಎಸ್ ಅಂಶಗಳಿಂದ ದೇಹಕ್ಕೆ ರಕ್ಷಣೆ ನೀಡುತ್ತದೆ.

6. ಪ್ರತಿರೋಧಕ ಶಕ್ತಿ ಸುಧಾರಿಸುತ್ತದೆ

ದೇಹದಲ್ಲಿ ಆರೋಗ್ಯಕರ ಅಂಗಾಂಶಗಳು ಮತ್ತು ಬಲವಾದ ಪ್ರತಿರೋಧಕ ವ್ಯವಸ್ಥೆಗೆ ಅಗತ್ಯವಾಗಿರುವ ವಿಟಮಿನ್ ಸಿ ಅಂಶ ಪ್ಲಮ್ಸ್ ನಲ್ಲಿ ಅಧಿಕವಾಗಿದೆ. ಶೀತ ಮತ್ತು ಜ್ವರದ ಸಮಯದಲ್ಲಿ ದೇಹದಲ್ಲಿ ಹೆಚ್ಚಿನ ವಿಟಮಿನ್ ಸಿ ಅಂಶ ಇದ್ದರೆ ತುಂಬಾ ಒಳ್ಳೆಯದು. ಕಿವಿಯ ಸೋಂಕಿಗೆ ಒಳಗಾಗುವವರಿಗೆ ಇದು ತುಂಬಾ ಉಪಕಾರಿ.

7. ಕೊಲೆಸ್ಟ್ರಾಲ್ ನಿಯಂತ್ರಣ

ಪ್ಲಮ್ಸ್ ನಲ್ಲಿರುವ ನಾರಿನಾಂಶವು ಕರುಳಿನಲ್ಲಿ ಅಧಿಕ ಪಿತ್ತರಸವನ್ನು ನೆನೆಸಿ ನಂತರ ಅದನ್ನು ವಿಸರ್ಜಿಸುವ ಮೂಲಕ ಕೊಲೆಸ್ಟ್ರಾಲ್ ಮಟ್ಟ ನಿಯಂತ್ರಿಸುತ್ತದೆ. ಪಿತ್ತರಸ ಯಕೃತ್ತಿನಲ್ಲಿ ಕೊಬ್ಬನ್ನು ಜೀರ್ಣಿಸುತ್ತದೆ. ದೇಹವು ನಾರಿನಾಂಶದೊಂದಿಗೆ ಪಿತ್ತರಸವನ್ನು ವಿಸರ್ಜಿಸಿದಾಗ ಯಕೃತ್ ದೇಹದಲ್ಲಿನ ಕೊಲೆಸ್ಟ್ರಾಲ್ ನ್ನು ಉಪಯೋಗಿಸಿ ಹೆಚ್ಚಿನ ಪಿತ್ತರಸ ಬಿಡುಗಡೆ ಮಾಡಿ ರಕ್ತಪರಿಚಲನೆಯ ಮಟ್ಟ ಕಡಿಮೆ ತಗ್ಗಿಸುತ್ತದೆ.