ಮಧುಮೇಹವನ್ನು ನಿಯಂತ್ರಿಸಲು ಅದ್ಭುತ ನೈಸರ್ಗಿಕ ಜ್ಯೂಸ್

ಅಗತ್ಯವಿರುವ ಸಾಮಾಗ್ರಿಗಳು

*2 ಸೆಲೆರಿ ಸೊಪ್ಪಿನ ದಂಟುಗಳು

*2 ಕ್ಯಾರೆಟ್

*1 ಹಸಿರು ಸೇಬು

*3 ದಂಟು ಪಾಲಕ್ ಸೊಪ್ಪು

ತಯಾರಿಕಾ ವಿಧಾನ

ಮೊದಲು ಎಲ್ಲಾ ಸೊಪ್ಪು ತರಕಾರಿಗಳನ್ನು ಚೆನ್ನಾಗಿ ತೊಳೆಯಿರಿ. ಕ್ಯಾರೆಟ್ ಮತ್ತು ಸೇಬಿನ ಸಿಪ್ಪೆಯನ್ನು ಸುಲಿದು ಬೀಜ ನಿವಾರಿಸಿ ಚಿಕ್ಕದಾಗಿ ತುಂಡುಗಳನ್ನಾಗಿಸಿ. ಈ ತುಂಡುಗಳನ್ನು ಮಿಕ್ಸಿಯಲ್ಲಿ ಚಿಕ್ಕದಾಗಿ ಕಡೆಯಿರಿ. ಬಳಿಕ ಉಳಿದ ಸಾಮಾಗ್ರಿಗಳನ್ನು ಹಾಕಿ ಕೊಂಚವೇ ನೀರಿನೊಂದಿಗೆ ನುಣ್ಣಗೆ ಕಡೆಯಿರಿ. ಈ ಪೇಯ ಮಧುಮೇಹವನ್ನು ನಿಯಂತ್ರಿಸಲು ಅತ್ಯುತ್ತಮವಾಗಿದ್ದು ಎರಡೂ ವಿಧದ ಮಧುಮೇಹಿಗಳಿಗೆ ಸೂಕ್ತವಾಗಿದೆ.

ಬಳಕೆಯ ವಿಧಾನ

ಪ್ರತಿ ದಿನ ಬೆಳಿಗ್ಗೆ ಎದ್ದ ತಕ್ಷಣ ಖಾಲಿ ಹೊಟ್ಟೆಯಲ್ಲಿ ಒಂದು ಕಪ್ ನಷ್ಟು ಈ ಪೇಯವನ್ನು ಕುಡಿಯಬೇಕು. ಬಳಿಕ ಕನಿಷ್ಠ ಮುಕ್ಕಾಲು ಗಂಟೆ ಏನನ್ನೂ ಸೇವಿಸಬಾರದು. ಬಳಿಕ ಸಾಕಷ್ಟು ನೀರು ಮತ್ತು ಅಲ್ಪ ಉಪಾಹಾರ ಸೇವಿಸಬೇಕು.

ಇದರ ಕಾರ್ಯವಿಧಾನ

ಸಾಮಾನ್ಯವಾಗಿ ನಮ್ಮ ಆಹಾರ ಸೇವನೆಯ ಬಳಿಕ ರಕ್ತದಲ್ಲಿ ಥಟ್ಟನೇ ಸಕ್ಕರೆಯ ಪ್ರಮಾಣ ಏರಿಬಿಡುತ್ತದೆ. ಆದರೆ ಈ ಪೇಯದ ಸೇವನೆಯಿಂದ ರಕ್ತದಲ್ಲಿ ಸಕ್ಕರೆಯ ಅಂಶ ನಿಧಾನವಾಗಿ ಏರಿ ಸಂತುಲಿತ ಪ್ರಮಾಣದಲ್ಲಿರಲು ನೆರವಾಗುತ್ತದೆ. ಅಲ್ಲದೇ ನಿಯಮಿತವಾಗಿ ಸೇವಿಸುವ ಮೂಲಕ ಕ್ರಮೇಣ ಮಧುಮೇಹವನ್ನು ಹಂತಹಂತವಾಗಿ ಪೂರ್ಣವಾಗಿ ಹತೋಟಿಗೆ ತರಲು ಸಾಧ್ಯವಾಗುತ್ತದೆ.

ಸೇವಿಸಬೇಕಾದ ಪ್ರಮಾಣ

ಈ ವಿಧಾನದ ಪ್ರತಿಕ್ರಿಯೆ ಪ್ರತಿ ಮಧುಮೇಹಿಗಳಿಗೂ ಭಿನ್ನವಾಗಿರುವ ಕಾರಣ ಇಷ್ಟೇ ದಿನ ಅನುಸರಿಸಬೇಕು ಎಂದು ಹೇಳಲಾಗುವುದಿಲ್ಲ. ಆದ್ದರಿಂದ ಆಗಾಗ ತಪಾಸಣೆ ನಡೆಸುತ್ತಾ ಮಧುಮೇಹ ಪೂರ್ಣವಾಗಿ ಹತೋಟಿಗೆ ಬಂದಿದೆ ಎಂದು ವೈದ್ಯರು ತಿಳಿಸುವವರೆಗೂ ಇದನ್ನು ಸೇವಿಸುತ್ತಾ ಬರುವುದು ಉತ್ತಮ.

ಸೇವಿಸಬೇಕಾದ ಪ್ರಮಾಣ

ಈ ಎಲ್ಲಾ ಸಾಮಾಗ್ರಿಗಳು ಅಪ್ಪಟ ನೈಸರ್ಗಿಕವಾಗಿದ್ದು ಇವುಗಳ ಸೇವನೆಯಿಂದ ಯಾವುದೇ ಅಡ್ಡಪರಿಣಾಮಗಳಿಲ್ಲವಾದ ಕಾರಣ ಇದು ಸುರಕ್ಷಿತವಾಗಿದ್ದು ದೀರ್ಘಕಾಲದವರೆಗೂ ಸೇವಿಸಬಹುದಾದ ಪೇಯವಾಗಿದೆ.